TV
Civil engineering
-
డియర్‌ అచ్చూ కంగ్రాట్స్‌! మురిసిపోయిన మంత్రి హరీశ్‌ రావు
సాక్షి, హైదరాబాద్/సిద్దిపేట జోన్‌: అమెరికాలోని కొలరాడో విశ్వవిద్యాలయం నుంచి ఆర్థిక శాఖ మంత్రి హరీశ్‌ రావు కుమారుడు అర్చిష్మాన్‌ పట్టభద్రుడయ్యాడు. భారత కాలమానం ప్రకారం గురువారం యూనివర్సిటీలో జరిగిన పట్టా ప్రదానోత్సవంలో అర్చిష్మాన్‌ సివిల్ ఇంజనీరింగ్ గ్రాడ్యుయేషన్‌ పట్టా అందుకున్నాడు. పట్టా ప్రదానోత్సవానికి హాజరైన మంత్రి హరీశ్‌ రావు తన సంతోషాన్ని ట్విట్టర్‌ ద్వారా పంచుకున్నారు. ‘నా కుమారుడు అర్చిష్మాన్‌ కొలరాడో యూనివర్సిటీ నుంచి సివిల్ ఇంజనీరింగ్‌లో గ్రాడ్యుయేషన్‌ పట్టాతో పాటు గ్లోబల్‌ ఎంగేజ్మెంట్‌ అవార్డును కూడా అందుకున్నాడు’ అని పేర్కొన్నారు. డియర్‌ అచ్చూ.. కంగ్రాట్స్‌ అని తన ఆనందాన్ని వ్యక్తం చేశారు. తన కుమారుడి ప్రతిభకు గర్వపడుతునట్టు ట్విట్టర్‌లో పేర్కొన్నారు. భవిష్యత్‌లో మరింత ఉన్నత స్థాయికి ఎదగాలని హరీశ్‌ ఆకాంక్షించారు. I am ecstatic to announce my son @tarchishman graduation 🎓 in Civil Engineering from University of Colorado at Boulder and also recipient of the Global Engagement Award! I couldn't be more proud of his remarkable achievement, which is a testament to his perseverance and passion… pic.twitter.com/Ecw8yPVgM9 — Harish Rao Thanneeru (@BRSHarish) May 12, 2023 -
రబ్బరు రోడ్లు..
అనంతపురం విద్య: సహజ రబ్బరుతో రహదారుల నిర్మాణానికి సంబంధించి విస్తృత పరిశోధనలకు జేఎన్‌టీయూ(ఏ) వేదిక కానుంది. ఈ క్రమంలో వర్సిటీలోని సివిల్ ఇంజనీరింగ్ విభాగంలో రహదారులు, రోడ్ల నిర్మాణాల్లో నూతన అంశాలపై పరిశోధనల ప్రక్రియ మొదలైంది. రబ్బరును వినియోగించే అంశంపై పరిశోధనలకు జేఎన్‌టీయూ(ఏ) క్యాంపస్ కళాశాలలో ప్రత్యేక ల్యాబ్‌ను ఏర్పాటు చేయనున్నారు. ఇందుకు భారత రహదారుల మంత్రిత్వశాఖ అండగా నిలుస్తూ వచ్చే నాలుగేళ్ల కాలానికి రూ.1,75,23,000 మంజూరు చేస్తూ గురువారం ఉత్తర్వులిచ్చింది. ఈ ప్రాజెక్ట్‌కు మెంటార్‌గా జేఎన్‌టీయూ(ఏ) క్యాంపస్ కళాశాల సివిల్ ఇంజనీరింగ్ విభాగం సీనియర్‌ ప్రొఫెసర్ డాక్టర్‌ పీఆర్‌ భానుమూర్తి వ్యవహరించనున్నారు. ప్రతిష్టాత్మకమైన ప్రాజెక్ట్‌ దక్కడంపై వర్సిటీ వీసీ జింకా రంగజనార్దన, రిజిస్ట్రార్‌ సి.శశిధర్‌ హర్షం వ్యక్తం చేశారు. -
మానస స్వప్నం నిరుపేదలకు ఓపాడ్‌ ఇళ్లు
సొంతింట్లో నివసించాలని కోరుకునే వారు మన సమాజంలో చాలామంది ఉంటారు. పేద, మధ్యతరగతి వారి సొంతింటి కలను సాకారం చేసేందుకు 23 ఏళ్ల పేరాల మానస రెడ్డి సరికొత్త ఐడియాతో ముందుకొచ్చింది. డ్రైనేజి నీటి పారుదల కోసం ఉపయోగించే.. పైపుల్లో సింగిల్ బెడ్‌ రూమ్‌ ఇళ్లను అతి తక్కువ ఖర్చుకే అందించనున్నట్లు మానస ప్రకటించింది. ప్రకటించినట్లుగానే రెండు వేల మిల్లీమీటర్ల వ్యాసం కలిగిన కాంక్రీట్‌ పైపు (తూము)లో 120 చదరపు అడుగుల విస్తీర్ణంలో ఓపాడ్స్‌ లేదా మైక్రో ఇళ్లుగా పిలిచే ఇల్లును నిర్మించి ఔరా అనిపిస్తోంది. కరీంనగర్‌ జిల్లా బొమ్మకల్‌ గ్రామంలో నిరుపేద కుటుంబంలో జన్మించింది మానస. తను మూడో తరగతి చదువుతున్న సమయంలో తండ్రి మరణించడంతో మానసను, ఆమె చెల్లిని తల్లి ఎంతో కష్టపడి పెంచింది. చిన్నప్పటి నుంచి తల్లి పడుతోన్న కష్టాలను దగ్గర నుంచి చూస్తూ పెరిగిన మానస... తల్లి ప్రోత్సాహంతో ‘లవ్లీ ప్రొఫెషనల్ యూనివర్సిటీ’లో సివిల్ ఇంజనీరింగ్‌లో బి.టెక్ పూర్తిచేసింది. ఇంజినీరింగ్ అయిన తరువాత మరో ఆరు నెలలపాటు కొత్త కొత్త ఇళ్ల నిర్మాణ నమూనాలపై ఆమె పరిశోధనలు చేసింది. పరిశోధనలో భాగంగా జపాన్, హాంగ్‌కాంగ్, ఇతర ప్రదేశాల్లో అక్కడి వాతావరణ స్థితిగతులకు అనుగుణంగా నిర్మించిన ఇళ్ల నమూనాలపై లోతుగా అధ్యయనం చేసింది. వీటి ఆధారంగా మన దేశంలోని వాతావరణానికి తగ్గట్టుగా తక్కువ ఖర్చుతో ఎలాంటి ఇంటిని నిర్మించవచ్చో నిర్ణయించుకుని కన్స్ట్రక్షన్ కంపెనీ పెట్టడానికి రిజిస్టర్‌ చేసుకుంది. నిరుపేద కుటుంబాల కోసం 12 రకాల డిజైన్లు రూపొందించగా... ఇప్పుడు ఒక నమూనాతో ‘ఓపాడ్‌’ ఇంటిని నిర్మించింది. ఓపాడ్‌.. సిమెంటు తూములు (పైపు)ల్లో నిర్మించే ఈ ఇళ్లు చిన్నగా... చూడముచ్చటగా కనిపిస్తాయి. ఓపాడ్‌ లో ఒక బెడ్రూమ్, కిచెన్, హాల్, వాష్‌రూమ్‌లు ఉంటాయి. వస్తువులను పెట్టుకునేందుకు అల్మారాలు, ఎలక్ట్రిసిటీæ, వాటర్, డ్రైనేజీ సదుపాయాలు ఉంటాయి. పైపు పైన లాంజ్‌ లాంటి బాల్కనీ కూడా ఉంది. ఈ ఇంటిలో ఒకరు లేదా ఇద్దరు సౌకర్యంగా జీవించవచ్చు. ఇండియాలోనే తొలిసారి నిర్మించే ఈ ఓపాడ్‌ ఇళ్లు 40 నుంచి 120 చదరపు అడుగుల విస్తీర్ణంలో 15 రోజుల్లో నివసించడానికి వీలుగా తయారవుతుంది. ‘‘అన్ని వాతావరణ పరిస్థితుల్లో అటూ ఇటూ కదపగల ఈ ఇళ్లæజీవిత కాలం వందేళ్లు అని, ఒక్కో ఇంటి నిర్మాణానికి రూ.3.5 లక్షల నుంచి రూ.8 లక్షల వరకు ఖర్చవుతుందని మానస చెప్పింది. సరికొత్త ఓపాడ్‌ ఇళ్లలో డబుల్, త్రిబుల్‌ బెడ్రూమ్ ఇళ్లను త్వరలో నిర్మించనున్నట్లు తెలిపింది. ఈ సందర్భంగా మానస మాట్లాడుతూ..‘‘పట్టణాలు, గ్రామాలు, స్లమ్స్‌లో నివసించే వారు ఎక్కువగా పూరి గుడిసె ల్లో నివసిస్తుంటారు. వర్షం పడిందంటే ఇళ్లలోకి నీరు చేరడం, పైకప్పు నుంచి వర్షం కురవడం, కొన్నిసార్లు నీటి ప్రవాహానికి ఇళ్లు కొట్టుకుపోవడం వంటివి సంభవిస్తుంటాయి. నేను బి.టెక్ చదివేటప్పుడు ఇటువంటి సందర్భాలెన్నింటినో దగ్గరగా గమనించాను. సమస్యలు ఏవీ ఎదురుకాని ఇళ్లను నిర్మించాలని అప్పుడే నిర్ణయించుకున్నాను. ఈ క్రమంలోనే తక్కువ ఖర్చుతో తయారయ్యే ఓపాడ్‌ ఇళ్లను నిర్మిస్తున్నాను. ఈ ఇళ్లు ఎంతో చల్లగా ఉండడంతో పాటు ఎక్కువకాలం మన్నికగా ఉంటాయి. నిరుపేదలకోసం రూపొందించిన ఈ డిజైన్లలో కొన్ని రెస్టారెంట్లు, రిసార్టులు, మొబైల్‌ హోమ్స్, మొబైల్‌ క్లినిక్‌లు, గెస్ట్‌ హౌస్, గార్డులు నివసించే రూములుగా కూడా ఉపయోగపడతాయి’’ అని వివరించింది. మానస తల్లి రమాదేవి మాట్లాడుతూ.. మా అమ్మాయి మానసకు వచ్చిన ఐడియాను మొదట్లో ఎవరూ ప్రోత్సహించలేదు. కానీ ఇప్పుడు ఎంతోమంది తన డిజైన్స్‌ గురించి మెచ్చుకోవడం నాకెంతో సంతోషంగా, గర్వంగా ఉంది. మానస నిరుపేదలు ఖర్చుచేయగల సరసమైన ధరలకు ఇళ్లను నిర్మించాలని కోరుకుంటున్నాను’’ అని రమాదేవి చెప్పారు. తెలంగాణ సోషల్‌ వెల్ఫేర్‌ అండ్‌ ట్రైబల్‌ వెల్ఫేర్‌ రెసిడెన్షియల్‌ ఎడ్యుకేషనల్‌ ఇన్‌స్టిట్యూషన్స్‌ సొసైటీ కార్యదర్శి, సీనియర్‌ ఐపీఎస్‌ అధికారి డాక్టర్‌ ఆర్‌ఎస్‌ ప్రవీణ్‌ కుమార్‌ మాట్లాడుతూ... మానసకు వచ్చిన ఆలోచన కొత్త ఆవిష్కరణలకు పునాది వేసేదిగా ఉంది. ఇది తన విజయ ప్రస్థానంలో కేవలం ప్రారంభం మాత్రమే. ముందుముందు తను మంచి విజయాలను అందుకుంటుందని ఆశిస్తున్నాను’’ అని చెప్పారు. మానస చెంగిచెర్లలో డెమో కోసం నిర్మించిన ఓపాడ్‌ ఇల్లు ఇప్పుడు అందరి దృష్టిని ఆకర్షిస్తోంది. తల్లి రమాదేవితో మానస -
సివిల్ ఇంజనీరింగ్ నూతన భవనం ప్రారంభం
ఏయూక్యాంపస్‌(విశాఖ తూర్పు): ఆంధ్రవిశ్వవిద్యాలయం సివిల్ ఇంజనీరింగ్ విభాగానికి నూతనంగా నిర్మించిన అదనపు భవన సదుపాయాన్ని మంత్రి గంటా శ్రీనివాసరావు మంగళవారం ప్రారంభించారు. ఈ సందర్భంగా ఆయన మాట్లాడుతూ రూ. 2.38 కోట్ల వ్యయంతో 11 వేల చదరపు అడుగుల విస్తీర్ణంలో భవన నిర్మాణం చేయడం జరిగిందన్నారు. కార్పొరేట్‌ భవనాలను తలపించే రీతిలో ఆధునికత ఉట్టేపడే విధంగా భవన నిర్మాణం చేపట్టడం అభినందనీయమన్నారు. బోధన విభాగంలో పనిచేస్తున్న తాత్కాలిక ఉద్యోగులను సబ్ కమిటీ సూచనలకు అనుగుణంగా ఉద్యోగ భద్రత కల్పిస్తామన్నారు. విశ్వవిద్యాలయాలలో సుదీర్ఘ కాలం తరువాత నియామకాలు చేపట్టడం జరుగుతోందన్నారు. కార్యక్రమంలో వీసీ ఆచార్య జి.నాగేశ్వరరావు, ఎమ్మెల్సీ జగదీష్, ఇంజనీరింగ్ కళాశాల ప్రిన్సిపాల్ ఆచార్య పి.ఎస్ అవధాని, ఆర్ట్స్‌ కళాశాల ప్రిన్సిపాల్ ఆచార్య కె.రామమోహనరావు, పాలక మండలి సభ్యుడు డాక్టర్‌ పి.సోమనాథరావు, సివిల్ ఇంజినీరింగ్ విభాగాధిపతి ఆచార్య జి.వి.ఆర్‌ శ్రీనివాస రావు, వజీర్‌ మహ్మద్, ఎం.జి మాధవబాబు తదితరులు పాల్గొన్నారు. -
‘సివిల్’ పట్టభద్రులకు ఉద్యోగ శిక్షణ
ఎస్సీ అభ్యర్థులకు ప్రభుత్వం కొత్త వరం ‘న్యాక్‌’ ఆధ్వర్యంలో ప్రత్యేక శిక్షణ సాక్షి, హైదరాబాద్: సివిల్ ఇంజనీరింగ్ పూర్తి చేసిన ఎస్సీ అభ్యర్థుల కోసం ప్రభుత్వం కొత్త పథకాన్ని ప్రవేశ పెట్టింది. శిక్షణ ఇచ్చి, క్యాంపస్ ఇంటర్వూ్యల్లో ఉద్యోగం పొందేలా అభ్యర్థులను తీర్చిదిద్దే బాధ్యతలను నేషనల్‌ అకాడమీ ఆఫ్ కన్స్ట్రక్షన్ (న్యాక్‌)కు అప్పగించింది. ఈ మేరకు భవన నిర్మాణంలో ప్రతిభకు సాన పట్టి ప్రైవేటు నిర్మాణ సంస్థల్లో ఉద్యోగాలు పొందేలా అభ్యర్థులను న్యాక్‌ సిద్ధం చేస్తుంది. ఆయా నిర్మాణ సంస్థలను అభ్య ర్థుల ముంగిటకే రప్పించి ప్లేస్‌మెంట్‌ చూపిస్తుంది. ఈ కొత్త కార్యాచరణను తాజాగా న్యాక్‌ ప్రారంభించింది. సివిల్ ఇంజనీరింగ్‌లో బీఈ, బీటెక్ పూర్తి చేసిన ఎస్సీ అభ్యర్థుల్లో ఎక్కువ మంది నిరుద్యోగులుగా ఉన్నట్లు ప్రభుత్వం దృష్టికి వచ్చింది. దీంతో వారికి ఉపాధి అవకా శాలు కల్పించే బాధ్యతను న్యాక్‌కు అప్పగించింది. ఈ నేపథ్యంలో న్యాక్‌ డైరెక్టర్‌ జనరల్ భిక్షపతి.. సివిల్ ఇంజనీరింగ్ పూర్తి చేసిన కొంతమందితో చర్చించి సమస్యకు కారణాలను విశ్లేషించారు. ఇంజనీరింగ్‌లో ప్రాక్టికల్‌ అవగాహన అవసరమని, ఇందుకు కనీసం మూడు నెలలపాటు భవన నిర్మాణ రంగంలో శిక్షణ ఇవ్వాలని ప్రభుత్వానికి నివేదించారు. దీనికి ప్రభుత్వం అంగీకరించటంతో బ్యాచ్‌లవారీ శిక్షణకు ప్రణాళిక రూ పొందించారు. భవన నిర్మాణానికి సంబంధించిన సర్వే, ఆటో క్యాడ్, మెటీరియల్‌ క్వాలిటీ పరీక్ష, ప్లంబింగ్, ఎలక్ట్రికల్ వైరింగ్, సిమెంట్‌ పని, రంగులు వేయటం వంటి అంశాలపై శిక్షణ ఇస్తారు. మూడు నెలల శిక్షణ తర్వాత నిర్మాణ సంస్థలతో క్యాంపస్ ఇంటర్వూ్యలు ఏర్పాటు చేయనున్నారు. శిక్షణ వ్యయాన్ని ఎస్సీ కార్పొరేషనే భరిస్తుంది. ఇందులో భాగంగా 30 మందితో తొలి శిక్షణ తరగతులు మొదలయ్యాయి. మరో నెల తర్వాత రెండో బ్యాచ్‌ శిక్షణ ప్రారంభించనున్నారు. -
వరంగల్‌ నిట్‌ లో విద్యార్థి మృతి
నిట్‌ క్యాంపస్(కాజీపేట): వరంగల్‌ అర్బన్‌ జిల్లా కాజీపేట సమీపంలోని ఎన్‌ఐటీ(NIT) విద్యా సంస్థలో భవనంపై నుంచి దూకి ఓ విద్యార్థి మృతిచెందాడు. మహారాష్ట్రలోని లాతూర్‌కు చెందిన సాంకేత్‌కుమార్‌ సివిల్ ఇంజనీర్ మూడో సంవత్సరం చదువుతున్నాడు. మధ్యాహ్నం కళాశాలకు చెందిన 1కే హాస్టల్‌ భవనం 6వ అంతస్తు నుంచి దూకడంతో తలకు బలమైన గాయం తగిలింది. చికిత్స కోసం మాక్స్‌ కేర్ ఆస్పత్రికి తరలించగా చికిత్స పొందుతూ మృతిచెందాడు. తీవ్ర జ్వరం ఉండడంతో ఒంటి గంట సమయంలో ప్రైవేటు ఆస్పత్రికి వెళ్లి వచ్చాడని, 2.30 గంటల సమయంలో హాస్టల్‌ భవనంపైనుంచి దూకాడని తోటి విద్యార్థులు చెబుతున్నారు. పోలీసులు కేసు నమోదు చేసి దర్యాప్తు చేస్తున్నారు. -
న్యాక్తో అమెరికా సంస్థ జోడీ
సివిల్ ఇంజనీరింగ్‌లో ప్రాజెక్టు మేనేజ్‌మెంట్‌ శిక్షణ ఇవ్వనున్న పీఎంఐ న్యాక్‌లో నిర్వహణ.. పీఎంఐ సంస్థ పేరిట సర్టిఫికెట్లు ప్రపంచవ్యాప్తంగా ప్రఖ్యాత సంస్థల్లో ఉద్యోగావకాశం త్వరలో అవగాహన ఒప్పందం సాక్షి, హైదరాబాద్: ప్రతిష్టాత్మక నేషనల్‌ అకాడమీ ఆఫ్ కన్స్ట్రక్షన్(న్యాక్‌) సంస్థ అమెరికాకు చెందిన ‘ప్రాజెక్టు మేనేజ్‌మెంట్‌ ఇనిస్టిట్యూట్‌(పీఎంఐ)’తో కలసి పనిచేయనుంది. భవన నిర్మాణానికి సంబంధించిన శిక్షణ, ఇంజనీర్లకు నైపుణ్యాభివృద్ధి తర్ఫీదు అందిస్తున్న న్యాక్‌కు అంతర్జాతీయ స్థాయిలో పేరుంది. అటు పీఎంఐ సంస్థ ఇచ్చే శిక్షణకు కూడా ప్రపంచవ్యాప్తంగా మంచి గుర్తింపు ఉంది. తాజాగా ఈ రెండు సంస్థలు సంయుక్తంగా సివిల్ ఇంజనీరింగ్‌లో ప్రాజెక్టు మేనేజ్‌మెంట్‌ శిక్షణ ఇవ్వాలని నిర్ణయించాయి. దీనిపై త్వరలో అవగాహన ఒప్పందం కుదుర్చుకోనున్నాయి. ఈ మేరకు ఇప్పటికే న్యాక్‌ ఆధ్వర్యంలో ఒక సలహా మండలిని ఏర్పాటు చేశారు. దీనికి సంబంధించిన సమావేశంలో పీఎంఐ ప్రతినిధులు పాల్గొనబోతున్నారు. న్యాక్‌లో శిక్షణ.. పీఎంఐ పేరుతో సర్టిఫికెట్‌ ప్రపంచవ్యాప్తంగా సివిల్ ఇంజనీరింగ్‌కు ప్రాధాన్యం పెరుగుతోంది. పెద్ద పెద్ద సంస్థలు చేపట్టే భారీ ప్రాజెక్టుల్లో సివిల్ ఇంజనీర్లకు డిమాండ్ ఏర్పడింది. పేరున్న సంస్థల్లో ప్రత్యేక శిక్షణ పొందినవారికి కాంట్రాక్టు సంస్థలు ప్రాధాన్యమిస్తున్నాయి. ఈ నేపథ్యంలో ప్రాజెక్టు మేనేజ్‌మెంట్‌లో శిక్షణ ఇచ్చేందుకు పీఎంఐతో కలసి పనిచేయాలని న్యాక్‌ నిర్ణయించింది. దీనిపై ఇటీవల న్యాక్‌ ప్రతినిధులు పీఎంఐతో సంప్రదించగా.. ఆ సంస్థ సంసిద్ధత వ్యక్తం చేసింది. శిక్షణ తీరు, ఇతర అంశాలను నిర్ధారిం చాక అవగాహన ఒప్పందం చేసుకుందామని ప్రతిపాదించింది. ఈ మేరకు శిక్షణ ఉండాల్సిన తీరును సిద్ధం చేసేందుకు న్యాక్‌ డైరెక్టర్‌ జనరల్ భిక్షపతి ఆధ్వర్యంలో ఒక కమిటీని ఏర్పాటు చేసింది. అడ్మినిస్ట్రేటివ్‌ స్టాఫ్‌ కాలేజీ, ఇంజనీరింగ్ స్టాఫ్‌ కాలేజీల ప్రతినిధులు, ప్రఖ్యాత ఇంజనీరింగ్ నిపుణులు అందులో సభ్యులుగా ఉన్నారు. ఇక శిక్షణ కోసం న్యాక్‌లో ఉన్న మౌలిక వసతులను పరిశీలించేందుకు పీఎంఐ ఇండియా విభాగం హెడ్‌ రాజ్‌ కల్లారీ త్వరలో హైదరాబాద్ రానున్నారు. ఆ తర్వాత రెండు సంస్థల మధ్య ఎంవోయూ ఉంటుంది. న్యాక్‌లో శిక్షణ పొందిన అభ్యర్థులు అనంతరం ఆన్‌లైన్‌ ద్వారా పరీక్ష రాయాల్సి ఉంటుంది. అందులో ఉత్తీర్ణులైనవారికి పీఎంఐ పేరుతో సర్టిఫికెట్లు జారీ చేస్తారు. ఈ శిక్షణ కోసం ప్రపంచవ్యాప్తంగా ఉన్న దేశాల నుంచి అభ్యర్థులు న్యాక్‌కు వచ్చే అవకాశముంది. -
బినామీ పేర్లతో పనుల పందేరం
► టెండర్లు లేకుండా రూ.74.31లక్షలు ఖర్చు ► అక్రమార్కులపై చర్యలు తీసుకోకుండా.. కొనసాగింపు ► పట్టనట్టు వ్యవహరిస్తున్న యూనివర్సిటీ ఉన్నతాధికారులు జేఎన్‌టీయూ : జేఎన్‌టీయూ ఇంజినీరింగ్ కళాశాలలో జరుగుతున్న సివిల్ ఇంజినీరింగ్ పనుల్లో అక్రమాలకు పాల్పడుతున్నారు. అభివృద్ధి మాటున లక్షలాది రూపాయలు దారి మళ్లిస్తున్నారు. బినామీ పేర్లతో టెండర్లు కట్టబెట్టి పనులు చేయిస్తున్నారు. నిబంధనలన్నీ పక్కనబెట్టి అయినవారికి పనులు అప్పగించేస్తున్నారు. అయినా తమకేమీ పట్టనట్టు వర్సిటీ ఉన్నతాధికారులు ఉండటంపై విమర్శలు వెల్లువెత్తుతున్నాయి. ధారాళంగా ఖర్చు పెట్టినా.. క్యాంపస్ కళాశాలలో రూ.50 వేలు పైబడి చేసే ఏ అభివృద్ధి పనికైనా తప్పనిసరిగా టెండర్లు పిలవాలి. వీటిని కూడా వర్సిటీలోని డిక్స్ (డెరైక్టర్ ఆఫ్ ఇండస్ట్రియల్ కన్సల్టెన్సీ సర్వీసెస్) పర్యవేక్షణలో జరగాల్సి ఉంది. జేఎన్‌టీయూ క్యాంపస్ కళాశాలలోని ఇద్దరి టెక్నికల్ అసిస్టెంట్లకు డీఈ (సివిల్), ఏఈ (ఎలక్ట్రికల్) పోస్టులను అదనంగా కేటాయించారు. అంటే టెక్నికల్ అసిస్టెంట్లు గాను, డిప్యూటీ ఇంజినీర్, ఎలక్ట్రికల్ ఇంజినీర్‌గాను ఏకకాలంలో వ్యవహరించే వెసులుబాటు కల్పించారు. అయినప్పటికీ డిక్స్ పర్యవేక్షణలో విధులు నిర్వహించాలి. కానీ ఇవేవీ పట్టనట్టు జేఎన్‌టీయూ క్యాంపస్ కళాశాల ప్రిన్సిపల్, సివిల్ డిప్యూటీ ఇంజినీర్ ఇష్టారాజ్యంగా అభివృద్ధిపనులు చేసుకొని బిల్లులు మంజూరు చేసుకున్నారు. ఇప్పటి వరకు జరిగిన అభివృద్ధి పనులు, పరికరాల కొనుగోళ్లకు సంబంధించి రూ.74.31 లక్షల బిల్లులు మంజూరు అయ్యాయి. మీనమేషాలు లెక్కిస్తున్న ఉన్నతాధికారులు జేఎన్‌టీయూ క్యాంపస్ కళాశాలలో అక్రమ మార్గాలలో పనులు చేస్తున్నట్లు తెలిసినప్పటికీ ఉన్నతాధికారులు చర్యలు తీసుకోకుండా వారినే కొనసాగిస్తుండడంపై ఆరోపణలు వస్తున్నాయి. ఒక డిప్యూటీ ఇంజినీరు (టెక్నికల్ అసిస్టెంట్ అదనపు బాధ్యతలు ) లక్షలాది రూపాయలు నిబంధనలకు విరుద్ధంగా డ్రా చేస్తుంటే ఉన్నతాధికారులు మీనమేషాలు లెక్కిస్తుండడంపై వర్సిటీలో చర్చనీయాంశమైంది. -
Civil Engineering - Objective
1. Creep strain is 1) caused due to dead load only 2) caused due to live load only 3) caused due to cyclic load only 4) independent load 2. If the shear force at a section of beam under bending is equal to zero then the bending moment at the section is 1) zero 2) maximum 3) minimum 4) constant 3. An axially loaded bar is subjected to a normal stress of 173MPa. The shear stress in the bar is 1) 75MPa 2) 86.5MPa 3) 100MPa 4) 122.3MPa 4. The maximum bending stress induced in a steel wire of modulus of elasticity 200KN/mm2 and diameter 1mm when wound on a drum of diameter 1m is approximately equal to 1) 50N/mm2 2) 100N/mm2 3) 200N/mm2 4) 400N/mm2 5. For excavating rocks, the most suitable equipment is 1) drag line 2) power showel 3) clam shell 4) hoe 6. The effective length of a column of length L fixed against rotation and translation at one end is 1) 0.5L 2) 0.7L 3) 1.414L 4) 2L 7. The bulk modulus of Elasticity of a material is twice its modulus of rigidity. The Poisson's ratio of the materials is 1) 2) 3) 4) 8. In a strained body, three principal stresses at a point are denoted by s1, s2 and s3such that s1> s2 >s3 . If s0 denoted yeild stress, then according to the maximum Shear stress theory. 1) s1 - s2 = s0 2) s1 - s3 = s0 3) s2 - s3 = s0 4) 9. If the hinged end of a propped cantilever of span L settles by an amount d, then the rotation of the hinged end will be 1) 2) 3) 4) 10. According to maximum Shear stress criterion, at what ratio of maximum Shear stress to yield stress of material does the yielding of material take place 1) 2 2) 3) 4) 11. The unit of dynamic viscosity of a fluid is 1) 2) 3) 4) 12. If a small concrete cube is submerged deep in still water in such a way that the pressure exerted on all faces of the cube is 'P', then the maximum Shear stress developed inside the cube is 1) 0 2) P/2 3) P 4) 2P 13. An inert tracer is injected continuously from a point in an unsteady flow field. The locus of locations of all the tracer particles at an instance of time represents 1) streamline 2) Pathline 3) streamtube 4) streakline 14. The percentage error in the computed discharge over a triangular notch corresponding to an error of 1% in the measurement of the head over the notch would be 1) 1.0 2) 1.5 3) 2.0 4) 2.5 15. The kinetic energy correction factor for a fully developed Laminar flow through a circular pipe is 1) 1.00 2) 1.33 3) 2.00 4) 1.50 16. For steady incompressible flow through a closed conduit of uniform cross section, the direction of flow will always be 1) from higher to lower elevation 2) from higher to lower pressure 3) from higher to lower velocity 4) from higher to lower piezometric head 17. Cavitation is caused by 1) high velocity 2) low pressure 3) high pressure 4) high temperature 18. Both Reynold's and Froude numbers assume significance in one of the following examples 1) Motion of submarine at large depths 2) Motion of ship in deep seas 3) crusing of missile in air 4) flow over spilways 19. At a hydraulic jump, the depths at the two sides are 0.3m and 1.4m, the head loss in the jump is nearly 1) 0.1m 2) 0.95m 3) 0.79m 4) 0.45m 20. The function of an air vessel in a reciprocating pump is to obtain 1) reduction of suction head 2) rise in delivary head 3) continuous supply of water at uniform rate 4) increase in supply of water 21. The number of independent elastic constants for a linear elastic isotropic and homogeneous material is 1) 4 2) 3 3) 2 4) 1 22. The unit Load method used in structural analysis is 1) applicable only to statically intermediate structures 2) another name for stiffness method 3) an extension of Maxwells reciprocal theorem 4) derived from Castigliano's theorem 23. What is the shape of influence line diagram for the maximum bending moment in respect of a simply supported beam 1) rectangular 2) triangular 3) parabolic 4) circular 24. The partial factor of safety for concrete as per IS 456:2000 is 1) 1.50 2) 1.15 3) 0.87 4) 0.446 25. The delta for a crop having base period 120 days is 70cm. What is the duty 1) 2480 hectare/cumec 2) 1481 hectare/cumec 3) 148 hectare/cumec 4) 1.481 hectare/cumec 26. In a steel plate with bolted connection, the rupture of the net section is a mode of failure under 1) tension 2) compression 3) flexure 4) shear 27. A soil sample has a void ratio of 0.5 and its porocity will be close to 1) 50% 2) 66% 3) 100% 4) 33% 28. The treatment that should be given to the water from a deep tube well is 1) pre-settling only 2) coagulation and flocculation only 3) filtration only 4) disinfection only 29. The disinfection efficiency of chlorine in water treatment 1) is not dependent of pH value 2) is increase by increased pH value 3) remains constant at all pH value 4) is reduced by increased pH value 30. Zero hardness of water is achieved by 1) Lime soda process 2) Excess lime treatment 3) Ion exchange treatment 4) Excess alum and lime treatment. 31. A circular sewer of diameter 1m carries strom water to a depth of 0.75m. The hydraulic radius is approximately 1) 0.3m 2) 0.4m 3) 0.5m 4) 0.6m 32. Non-disposal of solid waste may cause the spread of 1) malaria 2) rodents related plague 3) typhoid 4) dysentry 33. If duty (D) is 1428 hectares/cumec and base period(B) is 120 days for an irrigated crop. then delta (D) in meters is given by 1) 102.8 2) 0.73 3) 1.38 4) 0.01 34. The depth of flow of an alluvial channel is 1.5m. If critical velocity ratio is 1.1 and Manning's n is 0.018. The critical velocity of a channel as per Kennedy's methods. 1) 0.713 m/s 2) 0.784 m/s 3) 0.879 m/s 4) 1.108 m/s Answers 1) 1 2) 4 3) 2 4) 3 5) 2 6) 4 7) 2 8) 2 9) 3 10) 4 11) 2 12) 1 13) 4 14) 4 15) 3 16) 4 17) 2 18) 3 19) 3 20) 3 21) 3 22) 4 23) 3 24) 1 25) 2 26) 1 27) 4 28) 4 29) 4 30) 3 31) 1 32) 3 33) 2 34) 2 -
ఆదుకుంటాడనుకుంటే..
తెర్లాం రూరల్: ఉన్నత చదువులు చదివించిన చిన్న కుమారుడు చేతికంది వచ్చాడని, కష్టసుఖాల్లో తమను ఆదుకుంటాడని భావించిన ఆ తల్లిదండ్రుల ఆశలు ఆడియాసలయ్యాయి. పెంచి పెద్ద చేసిన కొడుకు తమను సాకుతాడని భావించిన ఆ తల్లిదండ్రుల పట్ట విధి చిన్నచూపు చూసి ఆటో రూపంలో కొడుకును దూరం చేసింది. కొడుకు ప్రమాదంలో మృతిచెందాడని తెలుసుకుని ఆ తల్లిదండ్రులు గుండెలవిసేలా భోరున విలపిస్తున్నారు. మండలంలోని నెమలాం గ్రామానికి చెందిన కోట సత్యంనాయుడు, చిన్నమ్మలు దంపతులకు ఇద్దరు కుమారులు. పెద్ద కుమారుడు అప్పారావు ఉపాధ్యాయునిగా పనిచేస్తున్నాడు. చిన్నకుమారుడు శంకరరావు(24) బి.టెక్ సివిల్ ఇంజినీరింగ్ పూర్తి చేసి రాజాంలోని ప్రైవేటు కంపెనీలో కొంతకాలంగా సైట్ ఇంజినీర్‌గా పనిచేస్తున్నాడు. ఎప్పటిలాగే మంగళవారం ఉదయం 8 గంటల ప్రాంతంలో విధులకు రాజాం వెళ్లేందుకు ఇంటి నుంచి బయలు దేరి వెళ్లి అంతలోనే గాయాలపాలయ్యాడని వార్త తెలియడంతోనే ఆ తల్లిదండ్రు లకు కాళ్లూచేతులూ ఆడలేదు. వివరాలిలా ఉన్నాయి. నెమలాం గ్రామం నుంచి పెరుమాళిలో గల మోడల్ స్కూల్‌కు ఇద్దరు విద్యార్థులతో పాటు శంకరరావు కూడా ఆటోలో వస్తున్నాడు. ఆటో గ్రామం దాటిన తరువాత పాములవలస గ్రామానికి సమీపంలో బోల్తాపడింది. ఈ ప్రమాదంలో శంకరరావు తీవ్రంగా గాయపడ్డాడు. అలాగే గ్రామానికి చెందిన విద్యార్థులు మడక అనిల్, కోట సత్యవతి స్వల్పంగా గాయపడ్డారు. తీవ్రంగా గాయపడిన శంకరరావును, స్వల్పంగా గాయాలైన ఇద్దరు విద్యార్థులను చికిత్స నిమిత్తం రాజాంలోని కేర్ ఆస్పత్రికి తీసుకు వెళ్లారు. శంకరరావు ఆస్పత్రిలో చికిత్స పొందుతూ మృతిచెందాడు. శంకరరావు మృతి చెందిన విషయం తెలియడంతో గ్రామస్తులు అధికసంఖ్యలో కేర్ ఆస్పత్రికి తరలివచ్చారు. శంకరరావు మృతదేహాన్ని చూసిన తల్లిదండ్రులు, అన్నయ్య అప్పారావులు భోరున విలపించారు. ఆటో ప్రమాదంలో శంకరరావు మృతి చెందిన విషయాన్ని రాజాం కేర్ ఆస్పత్రి వైద్యులు తెర్లాం పోలీస్ స్టేషన్‌కు సమాచారం అందించడంతో ఎస్సై శంభాన రవితోపాటు సిబ్బంది సంఘటనా స్థలానికి వెళ్లి పరిశీలించి, అనంతరం రాజాం కేర్ ఆస్పత్రికి వెళ్లారు. శంకరరావు మృతదేహానికి శవ పంచనామా నిర్వహించి పోస్టుమార్టం నిమిత్తం రాజాం ప్రభుత్వాస్పత్రికి తరలించారు. కేసు నమోదు చేసి దర్యాప్తు చేస్తున్నామని ఎస్సై రవి తెలిపారు. శోక సంద్రంలో నెమలాం అందరితో సరదాగా కలిసి మెలిసి ఉండే శంకరరావు ప్రమాదంలో మృతి చెందాడని తెలుసుకున్న నెమలాం గ్రామస్తులు శోకసంద్రంలో మునిగిపోయారు. శంకరరావు ఉన్నత చదువు చదివినప్పటికీ అందరితోనూ ఎంతో కలివిడిగా ఉండేవాడని గ్రామస్తులు, తోటి స్నేహితులు, కుటుంబ సభ్యులు, బంధువులు గుర్తు తెచ్చుకుంటూ కన్నీరుమున్నీరవుతున్నారు. -
చిత్రవర్ణాలే శ్రవణస్వరాలుగా...
ఆమె మాట్లాడలేదు. కానీ తన బొమ్మలతో మాట్లాడిస్తుంది.ఆమెకు వినపడదు. కానీ ఆమె చిత్ర వర్ణాలు శ్రావ్యగీతాలను వినిపిస్తాయి. ఒక్క ముక్కలో చెప్పాలంటే... భగవంతుడు ఏ జీవికైనా ఒక లోపం ఇచ్చినప్పుడు, దానిని సరి దిద్దుకునేలా మరో రూపంలో మంచి చేస్తాడని మానసి నిరూపించింది... డా. పురాణపండ వైజయంతి, సాక్షి, చెన్నై ఆవిడ పేరు శ్రీరాణి, బీఫార్మసీ చేశారు. ఆయన బి.ఎస్.మూర్తి. మద్రాసు ఐఐటీలో సివిల్ ఇంజినీరింగ్‌లో ప్రొఫెసర్. వారి గారాల కుమార్తె మానసి. తనకు ఫలానాది కావాలి అని నోరు విప్పి చెప్పలేని కుమార్తెకు బంగారు భవిష్యత్తునివ్వడం కోసం ఆ తలిదండ్రులు తమ జీవన గమ్యాన్ని పూర్తిగా మార్చుకున్నారు. ఆమెని ఉన్నత శిఖరాలకు చేర్చడానికి మార్గం సుగమం చేశారు. ఆ వివరాలు ఆవిడ మాటల్లోనే... పంచేంద్రియాల్లో ఏ ఒక్క ఇంద్రియం సరిగ్గా పని చేయకపోయినా మిగిలిన ఇంద్రియాలు మరింత ఉత్సాహంతో పనిచేస్తాయి. మా అమ్మాయి విషయంలో కూడా అదే జరిగింది. మానసి పేరుకు తగ్గట్టు మనసుతోనే వింటుంది. తను 1991 జూన్ 9 న సౌత్ కర్ణాటకలోని మణిపాల్‌లో పుట్టింది. అప్పటికి మా వారు కాన్పూర్ ఐఐటిలో పనిచేస్తున్నారు. మానసి పుట్టిన ఏడాది తర్వాత గానీ ఆమెకు వినికిడి శక్తి లేదని మాకు తెలియలేదు. ఎంతో అపురూపంగా పెంచుకుంటున్న మాకు ఈ వార్తతో తలమీద పిడుగు పడ్డట్లే అయింది. అయితే కర్తవ్యం గుర్తుకు తెచ్చుకుని, డాక్టర్ల సూచన మేరకు అమ్మాయిని స్పీచ్ థెరపిస్ట్‌కు చూపించాం. వారు అమ్మాయికి వినికిడి యంత్రం అమర్చారు. కాన్పూర్‌లో స్పీచ్ థెరపీ ప్రారంభించాం. మానసికి నాలుగు సంవత్సరాల వయసులో పాఠశాలలో చేర్పించాం. ఆ స్కూల్‌లో అంతా హిందీ మీడియమే. అందువల్లనో ఏమో మానసి పెద్దగా ప్రతిభ ప్రదర్శించలేకపోయింది. అయితే అదే సమయంలో మానసిలోని మరో కోణం బయటపడేసరికి తల్లిగా నేనెంతో ఆనందించాను. అదేమంటే... డ్రాయింగ్ వేయడంలోనూ, ఆ వేసిన డ్రాయింగ్‌కి రంగులు పూయడంలోనూ చెప్పలేనంత శ్రద్ధాసక్తులు చూపుతోంది. ఒక్కోసారి నా దగ్గరకు కాగితాలు పెన్సిల్ తీసుకువచ్చి, నన్ను డ్రాయింగ్ వేసి, వాటికి రంగులు వేయమని అడిగేది. నేను వేస్తున్నంతసేపూ పక్కనే కూర్చుని, నిశితంగా పరీక్షించేది. ఆ తరవాత తనంతట తాను ఏవేవో బొమ్మలు వేస్తుండేది. అమ్మాయిలోని శ్రద్ధ గమనించిన అక్కడి టీచర్లు ‘సౌత్‌లో అయితే మంచి మంచి ఆర్ట్ స్కూల్స్ దొరుకుతాయి. మీరు అక్కడకు వెళ్లి అమ్మాయిని అక్కడ చేర్పించండి’ అని సూచించారు. అప్పుడు మావారు ప్రత్యేకించి తనకోసమే చెన్నై ఐఐటీకి ట్రాన్స్‌ఫర్ చేయించుకున్నారు. చెన్నై ‘క్లార్క్ స్కూల్ ఫర్ ద డెఫ్’లో చేర్పించాం. అప్పటికి మానసి వయసు ఆరు సంవత్సరాలు. మానసిని అక్కడ చేర్పించినప్పుడే నేను ఒక నిర్ణయానికి వచ్చాను. చెవిటి పిల్లల టీచర్‌గా నేను ట్రెయినింగ్ తీసుకున్నాను. అదే స్కూల్‌లో టీచర్‌గా కొత్త జీవితం ప్రారంభించాను. ఆ స్కూల్‌లో చేరాక మానసి మంచి ప్రతిభ చూపింది. అక్కడ స్థానికంగా ఉండే టీచర్ దగ్గర డ్రాయింగ్‌లో జాయిన్ చేశాను. తనకి తొమ్మిది పది సంవత్సరాలు వచ్చేసరికి, రామ సురేశ్ అనే ప్రొఫెషనల్ ఆర్టిస్ట్ దగ్గర డ్రాయింగు నేర్చుకోవడం ప్రారంభించింది. అలా మానసి కళా యాత్ర ప్రారంభమైంది. స్కూల్ డేస్‌లో డ్రాయింగ్‌లో ఎన్నో బహుమతులు పొందింది. ఏడో తరగతి చదువుతుండగా ఒరాకిల్ కంపెనీ మొత్తం 13 పెయింటింగ్‌లు తీసుకుంది. చెన్నై టి.నగర్‌లోని ఒరాకిల్ ఆఫీసులో తన పెయింటింగ్‌లు చూడవచ్చు. 11 వ తరగతి చదువుతున్న సమయంలో, చెన్నైలో ఒక ప్రదర్శన కూడా నిర్వహించింది. అందులో చాలా పెయింటింగ్‌లను ఎందరో ఇష్టంతో కొనుక్కున్నారు. ఆ ప్రోత్సాహంతో ఢిల్లీలోని అపర్ణ ఆర్ట్ గ్యాలరీలో ప్రతి సంవత్సరం డిసెంబరు 3 నుంచి 10 వరకు ‘ఫ్యామిలీ ఆఫ్ డిసేబుల్డ్’ అని వికలాంగుల విభాగంలో ‘బియాండ్ లిమిట్స్’ పేరున జరిగే కార్యక్రమంలో పెయింటింగ్ ఎగ్జిబిషన్స్ నిర్వహిస్తోంది. అక్కడ తనవి చాలా పెయింటింగ్స్ సేల్ అయ్యాయి. తన నుంచి నేను నేర్చుకున్నాను..! మా అమ్మాయి నా నుంచి ఎంత నేర్చుకుందో, మా అమ్మాయి నుంచి నేను అంతకు రెట్టింపు నేర్చుకున్నాను. అమ్మాయితో మాట్లాడటానికి వీలుగా, అదేవిధంగా వినికిడి లోపం ఉన్నవారికి ఏ విధంగా శిక్షణ ఇవ్వాలనే విషయంలో ముందుగా నేను ప్రత్యేక శిక్షణ తీసుకుని, డిప్లమా, బిఈడీ పూర్తి చేసి, అమ్మాయి చదివిన ‘క్లార్క్ స్కూల్ ఫర్ ద డెఫ్’ (మైలాపూర్)లో చాలా ఏళ్లుగా పాఠాలు బోధిస్తున్నాను. ప్రస్తుతం తను మద్రాసులోని ‘స్టెల్లా మేరీస్’ కాలేజీలో ఫైన్ ఆర్ట్స్‌లో ఫైనలియర్ చదువుతోంది. ఆ తరవాత మాస్టర్స్ డిగ్రీ చేస్తానంటోంది. డ్రాయింగ్‌లో రకరకాల ప్రయోగాలు చే స్తోంది. ఆయిల్, అక్రిలిక్, పెన్ ఆన్ పేపర్, డ్రై క్రేయాన్స్... ఇలా ఎన్నో. అయితే మానసికి మాత్రం వ్యక్తిగతంగా లాండ్‌స్కేప్స్ అంటే చాలా ఇష్టం. మరీ ముఖ్యంగా స్నో స్కేప్స్. ఇంతవరకూ అన్నీ గ్రూప్ ఎగ్జిబిషన్‌లే నిర్వహించింది. ప్రస్తుతం సింగిల్ షో పెట్టాలనుకుంటున్నాం. ఒక్కమాటలో చెప్పాలంటే... మా అమ్మాయి మాకు దేవుడిచ్చిన వరం. తన లోపాన్ని తను సరిదిద్దుకోగలగటమే కాక మమ్మల్ని కూడా చైతన్యవంతులుగా చేసింది. అది ఆమె మాకిచ్చిన వరం. -
‘కిడ్నాప్’తో తల్లడిల్లుతున్న రెండు కుటుంబాలు
విజయవాడ సిటీ/రామవరప్పాడు : జిల్లాలోని నూజివీడు మండలం గొల్లపల్లికి చెందిన గోగి నేని లాల్‌బహదూర్ శాస్త్రి, వసుమతి దంపతులు మూడు దశాబ్దాలుగా విజయవాడలో ఉంటూ స్థిరాస్తి వ్యాపారం చేస్తున్నారు. వీరి పెద్ద కుమారుడు ప్రతీష్‌చంద్ర సివిల్ ఇంజనీరింగ్ పూర్తి చేసుకొని తొలుత కేంద్ర మాజీ మంత్రి కావూరి సాంబశివరావుకు చెందిన ప్రొగ్రెసివ్ కన్‌స్ట్రక్షన్స్‌లో ఇంజనీర్‌గా పని చేశా రు. సంస్థ ఆదేశాల మేరకు సౌత్ ఆఫ్రికా, సూడాన్ దేశాల్లో జరిగిన నిర్మాణ పనుల పర్యవేక్షణ బాధ్యతలను మూడేళ్లపాటు నిర్వహించారు. అక్కడ జాతుల మధ్య వైరం కారణంగా తరుచూ దాడులు జరిగేవి. దీంతో ఆందోళన చెందిన కుటుంబ సభ్యులు ప్రతీష్‌చంద్రను ఇక్కడికి పిలిపించారు. కొంతకాలం పాటు ఇంటి వద్దనే ఉన్న ప్రతీష్.. మూడు నెలల కిం దట హైదరాబాద్ కేంద్రంగా నిర్మాణ పనులు చేసేట్టే పృథ్వీ కన్‌స్ట్రక్షన్స్‌లో ఇంజినీర్‌గా చేరా రు. నూజివీడు ప్రాంతానికే చెందిన తాం డవకృష్ణ, రాఘవేంద్రరావు(రఘు) అప్పటికే ఇదే సంస్థలో పనిచేస్తున్నారు. విధుల నిర్వహణ లో భాగంగా నాగాలాండ్ రాజధాని కోహిమా లో ఉంటూ వీరు సంస్థ తరఫున జాతీయ రహదారి నిర్మాణ పనులు పర్యవేక్షిస్తున్నారు. ఈ క్రమంలో ప్రతీష్‌చంద్ర, రఘు స్వస్థలానికి వచ్చేందుకు ఈ నెల 27వ తేదీ రాత్రి దిమ్మాపూర్ చేరుకున్నారు. అక్కడ వీరిని నాగా తీవ్రవాదులు కిడ్నాప్ చేశారు. ఈ విషయం తెలిసిన వెంటనే శాస్త్రి భార్య కుప్పకూలిపోయారు. అప్పటి నుంచి పచ్చి మంచి నీళ్లు కూడా ముట్టకుండా రోదిస్తోంది. విషయం మీడియా ద్వా రా తెలిసి బంధువులు, స్నేహితులు, స్థానికు లు వచ్చి ఓదార్చే ప్రయత్నాలు చేస్తున్నారు. ఇదీ జరిగింది ప్రతీష్ సోదరుడు జగదీష్‌బాబు ఇటీవల బీటెక్ పూర్తి చేసుకొని ఉన్నత చదువుల కోసం ఆగస్టు ఏడో తేదీన అమెరికా వెళుతున్నారు. ఇతనికి వీడ్కోలు పలికేందుకు విజయవాడ వచ్చేందుకు నిర్ణయించుకున్న ప్రతీష్ 28వ తేదీ ఉదయం రైలు ఎక్కాల్సి ఉంది. దీంతో తమ గ్రామానికి చెందిన మిగిలిన ఇద్దరితో కలిసి 27వ తేదీ రాత్రి దిమ్మాపూర్ చేరుకున్నా డు. ఇది తెలిసిన నాగా రెవల్యూషనరీ ఫ్రంట్(ఎన్‌ఆర్ ఎఫ్) తీవ్రవాదులు అక్కడికి చేరుకున్నారు. వారిని చూసి తాండవకృష్ణ అ క్కడి నుంచి పరారవ్వగా, మిగిలిన ఇద్దరిని తీవ్రవాదులు అదుపులోకి తీసుకొని రహస్య ప్రాంతానికి తరలించారు. ఈ విషయాన్ని ఫోన్ ద్వారా ప్రతీష్ కుటుంబ సభ్యులకు తెలియపరిచారు. ఇందుకోసం.. నాగాలాండ్ రాష్ట్రంలో అభివృద్ధి పనులు చేసే కాంట్రాక్టర్లు స్థానికంగా ప్రాబల్యం పొందిన తీవ్రవాద గ్రూపులకు కొంత మొత్తం ఇవ్వాల్సి ఉంటుంది. చెక్‌బమా నుంచి కిలోమి వరకు రోడ్డు నిర్మాణ బాధ్యతలను తొలుత రత్న కన్‌స్ట్రక్షన్స్ తీసుకుంది. ఆ సమయంలో స్థానిక నా గా రివల్యూషనరీ ఫ్రంట్(ఎన్‌ఆర్‌ఎఫ్) తీవ్రవాదులతో నగదు ఇచ్చే ఒప్పందం చేసుకుం ది. ఆ మొత్తం సుమారు రూ.20 కోట్లు అని తెలుస్తోంది. తదుపరి ఇక్కడి నిర్మాణ బాధ్యతలను పృథ్వీ కన్‌స్ట్రక్షన్స్‌కు సబ్ కాంట్రాక్టు ఇ చ్చిన రత్న కన్‌స్ట్రక్షన్స్.. తీవ్రవాదులకు ఇస్తానన్న మొత్తం ఇవ్వలేదు. అప్పటి నుంచి పలుమార్లు హెచ్చరించినా రత్న సంస్థ నిర్వాహకు లు ఖాతరు చేయలేదు. దీంతో తీవ్రవాదులు పృథ్వీ సంస్థ ఇంజినీర్లను కిడ్నాప్ చేశారు. రత్న కన్‌స్ట్రక్షన్స్ సంస్థ జనరల్ మేనేజర్ కె.సి.పంతోని తమకు అప్పగిస్తే వీరిని వదిలేస్తామ ని ఫోన్‌ద్వారా తెలియజేసినట్టు కుటుంబ సభ్యులు చెపుతున్నారు. దీనిపై గత రెండు రోజులుగాసాగుతున్న చర్చలు సానుకూల ధోరణిలో ఉన్నాయని వారు మంగళవారం రాత్రి ‘సాక్షి’కి తెలిపారు. ఒక్కగానొక్క కుమారుడిని వదిలిపెట్టండి నూజివీడు/ నూజివీడు రూరల్ : నూజివీడుకు చెందిన చింతక్రింద రాఘవేంద్రరావు(25) అలియాస్ రఘు నాగాలాండ్ లో కిడ్నాప్‌నకు గురవడంతో అతడి కుటుంబసభ్యులు తీవ్ర ఆందోళన చెందుతున్నారు. రఘు కిడ్నాప్ గురించి టీవీల్లో చూసిన తరువాతే వారికి తెలిసింది. ముగ్గురు ఆడపిల్లల తరువాత రఘు పుట్టాడు. రఘుకు నాలుగేళ్ల వయస్సు ఉన్నపుడే అతడి తండ్రి బాబూరావు మృతిచెందారు. దీంతో ఒక్కగానొక్క కుమారుడైన అతడిని తల్లి అల్లారుముద్దుగా చూసుకునేవారు. రఘు బీకాం కంప్యూటర్స్ వరకు చదివాడు. 2013 నుంచి ప్రధ్వీ కన్స్ట్రక్షన్ కంపెనీలో సైట్ సూపర్‌వైజర్‌గా పనిచేస్తున్నాడు. రఘు కిడ్నాప్‌కు గురైన సంగతి అతని తల్లి ప్రభావతికి కుమార్తెలు తెలియనివ్వలేదు. ఇద్దరు కుమార్తెలు నూజివీడులోనూ, చిన్నకుమార్తె నల్లగొండలో ఉంటున్నారు. మూడు రోజుల క్రితమే రఘు తల్లి చిన్నకుమార్తె దగ్గరకు వెళ్ళింది. రఘు 2013లో సెప్టెంబరు నెలలో ఇంటికి వచ్చి అక్టోబర్ నాలుగో తేదీన తిరిగి నాగాలాండ్ వెళ్ళాడు. కోహిమాలో ఉంటూ కంపెనీ పనులు చేస్తున్న ప్రాంతానికి వెళ్లివస్తుంటాడు. కోహిమాకు సమీపంలోని దిమాపూర్‌లో ఉండగా ఈనెల 27వ తేదీ రాత్రి కిడ్నాప్‌కు గురైనట్లు టీవీల ద్వారా తెలుసుకున్నారు. ఉన్నది ఒక్కడివే.. అంత దూరంలో ఏం ఉద్యోగం, ఇక్కడికి వచ్చేయమంటూ కుటుంబ సభ్యులు ఎప్పటి నుంచో ఒత్తిడి చేస్తున్నారు. 8 నెలల నుంచి జీతాలు ఇవ్వడం లేదని, డబ్బు అందగానే వచ్చేస్తానని తల్లికి, అక్కలకు చెప్తున్నాడు. ఇంతలోనే కిడ్నాప్‌కు గురికావడంతో కుటుంబసభ్యులు బోరున విలపిస్తున్నారు. వారం రో జుల క్రితం ఒకసారి మాట్లాడాడని రెండో అక్క అనిత పేర్కొంది. 27న బయలుదేరుతున్నామని చెప్పాడు ఈనెల 27న రఘుతోపాటు మరో ఇద్దరు కలసి బయలుదేరి వస్తున్నామని ఈనెల 23న ఫోన్లో చెప్పాడని రఘు స్నేహితు డు ఉదయ్ పేర్కొన్నాడు. మిగిలిన ఇద్దరికి ట్రైన్ టికెట్లు కన్‌ఫర్మ్ అయ్యాయని, తను మాత్రం తత్కాల్‌లో బుక్‌చేశానని, వెయిటింగ్ లిస్టులో ఉందని, అయినప్పటికీ ట్రైన్ ఎక్కి టీసీని మెయింటెన్ చేసుకుంటానని చెప్పాడని, ఇంతలోనే ఈ విధంగా జరిగిందని వాపోయాడు. ప్రభుత్వం పట్టించుకోవాలి ఒక్కగానొక్క కుమారుడు బ్రతుకుదెరువు కోసం వందల కిలోమీటర్ల దూరం వెళ్ళి ఉంటున్నాడని, అతనిని తీవ్రవాదులు కి డ్నాప్ చేసిన నేపథ్యంలో వారి చెర నుంచి ప్రభుత్వం బాధ్యత తీసుకుని విడిపించాలని కుటుంబ సభ్యులుకోరుతున్నారు. ఇదిలా ఉండగా, గోగినేని ప్రతీష్‌చంద్ర నాగాలాండ్‌లో కిడ్నాప్ అవడంతో మండంలోని అతడి స్వస్థలమైన గొల్లపల్లిలోని బంధువులు, స్థానికులు తీవ్ర ఆందోళన చెందుతున్నా రు. లైటు కూడా లేదట అక్కడ వీరిని నిర్భంధించిన గదిలో ఫ్యాన్ కాదు కదా లైటు కూడా లేదంట. కిడ్నాపర్లను నిర్బంధించేందుకు ప్రత్యేకంగా జైలు ఏర్పాటు చేసినట్టు మా అబ్బాయి చెప్పాడు. జైల్లో మాదిరి సెంట్రీ అక్కడ కాపలా ఉన్నాడంట. వీరితో పాటున్న తాండవకృష్ణ పారిపోవడంతో కోపం వచ్చి కొట్టినట్టు మా అబ్బాయి చెప్పాడు. ‘సెంట్రీ మంచోడు అనుకుంటా.. గంట గంటకూ తమతో ఫోన్లో మాట్లాడిస్తున్నాడు. వీలైనంత తొందరగా తీసుకెళ్లండి’ అని మా అబ్బాయి ప్రాథేయపడుతున్నాడు. - గోగినేని లాల్‌బహదూర్ శాస్త్రి, ప్రతీష్‌చంద్ర తండ్రి కప్పం కట్టాల్సిందే నాగాలాండ్‌లో నిర్మాణ పనులు సహా ఏ వ్యాపారాలు చేయాలన్నా తీవ్రవాద సంస్థలకు కొంత నగదు కమీషన్ ఇవ్వాలి. ఎన్‌ఆర్‌ఎఫ్ సహా ఐదు తీవ్రవాద గ్రూపులు అక్కడ ఉన్నాయి. ప్రాంతాల వారీగా ప్రాబ ల్యం ఉన్న వీరికి ఎవరైనా డబ్బులు ఇవ్వాల్సిందే. ఇవ్వకుంటే ఇలాంటి పరిణామాలే చోటు చేసుకుంటాయి. - నళినీమోహన్, వైష్ణవీ కన్‌స్ట్రక్షన్స్ -
సీమ పాలిటెక్నిక్ అధ్యాపకుల జేఏసీ ఏర్పాటు
వైవీయూ, న్యూస్‌లైన్: రాయలసీమ పాలిటెక్నిక్ అధ్యాపకుల జేఏసీ ఏర్పాటైంది. కడప నగరంలోని ప్రభుత్వ మహిళా పాలిటెక్నిక్ కళాశాలలో గురువారం రాయలసీమకు చెందిన 34 కళాశాలల నుంచి 74 మంది ప్రతినిధులు సమావేశమయ్యారు. ఈ సమావేశంలో జేఏసీ చైర్మన్‌గా కడప పాలిటెక్నిక్ కళాశాల సివిల్ ఇంజినీరింగ్ విభాగాధిపతి ఎన్. రాఘవరెడ్డిని ఎన్నుకున్నారు. అలాగే అనంతపురం పాలిటెక్నిక్ కళాశాల ప్రిన్సిపాల్ పి. సూర్యనారాయణరెడ్డిని కన్వీనర్‌గా, కడపకు చెందిన ఎం. తిప్పేస్వామిని ట్రెజరర్‌గా ఏకగ్రీవంగా ఎన్నుకున్నారు. అనంతరం కార్యచరణ ప్రణాళికపై చర్చించారు. ఈ సందర్భంగా జేఏసీ నాయకులు మాట్లాడుతూ రాయలసీమ ప్రాంత విద్యార్థుల భవిష్యత్ దృష్ట్యా రెండు మూడు రోజుల్లో రీ షెడ్యూలు వస్తే ఎంసెట్ కౌన్సెలింగ్‌లో పాల్గొంటామని తెలిపారు. అలాగే సెప్టెంబర్ 10వ తేదీ అర్ధరాత్రి నుంచి నిరవధిక సమ్మెలోకి వెళ్తున్నట్లు తెలిపారు. దీనికి సంబంధించి నోటీసును త్వరలో ఇవ్వనున్నట్లు వారు తెలిపారు. ఈ కార్యక్రమంలో సీమ జిల్లాల పాలిటెక్నిక్ కళాశాలల అధ్యాపకులు, లైబ్రేరియన్‌లు, పీడీలు, ఏఓలు పాల్గొన్నారు. -
నలుగురు కిడ్నాపర్ల అరెస్టు
రామాయంపేట, న్యూస్‌లైన్: డబ్బు కోసం సివిల్ ఇంజనీర్‌ను కిడ్నాప్ చేసిన నలుగురు కిడ్నాపర్లను అరెస్టు చేసినట్లు సీఐ గంగాధర్ తెలిపారు. గురువారం ఆయన స్థానిక పోలీస్ స్టేషన్‌లో విలేకరులతో మాట్లాడారు. నిజామాబాద్ పట్టణం దుబ్బ ప్రాంతానికి చెందిన సివిల్ ఇంజనీర్ అల్లాడి నాగరాజును ఈ నెల 1వ తేదీన కిడ్నాప్ చేసి రూ. 15 లక్షలు తీసుకురావాలని కుటుంబ సభ్యులను డిమాండ్ చేశారు. అయితే కిడ్నాపర్ల చెర నుంచి నాగరాజు తప్పించుకుని తమకు ఫిర్యాదు చేశాడు. బాధితుడి ఫిర్యాదు మేరకు కిడ్నాపర్ల కోసం వెతికి గురువారం తెల్లవారుజామున నలుగురిని అదుపులోకి తీసుకుని అరెస్టు చేసినట్లు ఆయన తెలిపారు. వీరిలో చేగుంట మండలం నార్సింగి గ్రామానికి చెందిన జెట్టి శ్రీనివాస్, కుక్కల రవీందర్‌లను నార్సింగిలో, రామాయంపేట మండలం నస్కల్ గ్రామానికి చెందిన పాతూరి ఎల్లాగౌడ్, దుబ్బాక మండలం ఎనగుర్తి గ్రామానికి చెందిన కాకి స్వామిలను సిద్దిపేట బస్టాండ్‌లో పట్టుకున్నట్లు తెలిపారు. మరో ఇద్దరు వ్యక్తులు నార్సింగి శ్రీనివాస్, కుక్కల మల్లేశంలు పరారీలో ఉన్నట్లు ఆయన తెలిపారు. సమావేశంలో ఎస్‌ఐ ప్రవీణ్‌బాబు, ఏస్‌ఐ బాలకృష్ణారెడ్డి, ఐడీ పార్టీ కానిస్టేబుల్ పెంటయ్య, రాజ్‌కుమార్, కనకయ్య తదితరులు పాల్గొన్నారు.
Advertisement