బాలీవుడ్‌ సూపర్‌ స్టార్‌, బిగ్‌ బీ అమితాబ్‌ బచ్చన్‌ సోషల్‌ మీడియాలో చాలా యాక్టీవ్‌గా ఉంటారు. కుటుంబం, వర్క్‌కు సంబంధించిన ఫోటోలను అభిమానులతో పంచుకుంటూ వారిని ఖుషీ చేస్తుంటారు. అప్పుడప్పుడు త్రో బ్యాక్‌ ఫోటోలను షేర్‌ చేస్తూ.. దాని వెనక ఉన్న జ్ఞాపకాలను అభిమానులతో షేర్‌ చేసుకుంటారు బిగ్‌ బీ. తాజాగా ఇలాంటి ఫోటోని ఒకదాన్ని ట్విట్టర్‌లో షేర్‌ చేశారు సీనియర్‌ బచ్చన్‌. దీనిలో అమితాబ్‌ తన తండ్రి హరివంశరాయ్‌ బచ్చన్‌ ఆశీర్వాదం కోసం వంగి ఆయన పాదాలకు నమస్కరిస్తున్నారు. పక్కనే నిల్చున్న చిన్నారి జూనియర్‌ బచ్చన్‌ తండ్రిని ఆస్తకిగా గమనిస్తుండటం ఈ ఫోటోలో చూడవచ్చు. అయితే తొలుత ఈ ఫోటోని ఓ అభిమాని ట్విట్టర్‌లో షేర్‌ చేశారు. దాన్ని అమితాబ్‌ తన ఖాతాలో షేర్‌ చేస్తూ.. దీని వెనక గల కథను అభిమానులతో పంచుకున్నారు. (చదవండి: అతను నన్ను ప్రేమిస్తున్నాడు అంతే..) T 3777 - The caption informs of 45 million on Twitter .. thank you Jasmine, but the picture says a lot more .. Its the moment I came home surviving death after the 'Coolie' accident .. Its the first time ever I saw my Father breaking down ! A concerned little Abhishek looks on ! pic.twitter.com/vFC98UQCDE — Amitabh Bachchan (@SrBachchan) January 9, 2021 ఈ మేరకు అమితాబ్‌ ‘కూలీ షూటింగ్‌ సమయంలో జరిగిన ప్రమాదంలో నేను చావు అంచుల వరకు వెళ్లాను. అదృష్టవశాత్తు కోలుకుని ఇంటికి చేరుకున్నాను. ఆ సమయంలో మా నాన్నగారి ఆశీర్వాదం తీసుకోవడం కోసం వంగి ఆయన  పాదాలకు నమస్కరించాను. ఆ సమయంలో నన్ను చూసి నాన్నగారు ఒక్కసారిగా ఉద్వేగానికి గురయ్యారు. కంటతడి పెట్టారు. నాన్నను అలా చూడటం నా జీవితంలో అదే మొదటిసారి. ఇక పక్కనే ఉన్న అభిషేక్‌ మమ్మల్ని ఆసక్తిగా గమనిస్తున్నాడు’ అంటూ ఈ ఫోటో వెనక గల స్టోరిని ట్వీట్‌ చేశారు.. ఇక తాజాగా శనివారం బిగ్‌ బీ మరో రికార్డు సృష్టించారు. సీనియర్‌ బచ్చన్‌ ట్విట్టర్‌ ఫాలోవర్స్‌ సంఖ్య శనివారం నాటికి 45 మిలియన్లకు చేరుకుంది. ఈ సందర్భంగా అభిమానులు ఆయనకు శుభాకాంక్షలు తెలుపుతున్నారు.

తాజా చిత్రం ‘కూలీ నెం.1’ కోసం కూలీగా మారారు బాలీవుడ్‌ హీరో వరుణ్‌ ధావన్‌. ఈ సినిమాలో హీరోయిన్‌ సారా అలీఖాన్‌ను ప్రేమలో పడేయడానికి చాలా వేషాలే వేశారట. అందులో నర్స్‌ వేషం ఒకటి. సినిమాలో కొద్దిసేపు ఈ నర్స్‌ గెటప్‌లో కనిపిస్తారు వరుణ్‌. ఈ సీన్స్‌ చిత్రీకరించే ముందు వరుణ్‌ నర్స్‌ గెటప్‌ మేకప్‌ చేసుకుంటున్న వీడియోను ఇన్‌స్టాగ్రా మ్‌లో పంచుకున్నారు సారా. ‘హాటెస్ట్‌ నర్స్‌ వరుణ్‌’ అని క్యాప్షన్‌ చేశారామె. వరుణ్‌ ధావన్‌ తండ్రి డేవిడ్‌ ధావన్‌ ఈ సినిమాకు దర్శకత్వం వహించారు. ఈ నెల 25న అమెజాన్‌ ప్రైమ్‌లో ఈ సినిమా విడుదల కానుంది.

ముంబై: వరుణ్‌ ధావన్‌ వల్ల తాను తిట్లు తినాల్సి వచ్చిందన్నారు బాలీవుడ్‌ హీరోయిన్‌ సారా అలీఖాన్‌. అతడు చేసిన ఆలస్యం కారణంగా డైరెక్టర్‌ తనపై అరిచారని చెప్పుకొచ్చారు. కాగా  కూలీ నెం.1 సినిమాలో సారా- వరుణ్‌ జంటగా నటించిన సంగతి తెలిసిందే. 1995లో విడుదలైన కూలీ నెం. 1 రీమేక్‌ ఇది. మాతృకకు దర్శకత్వం వహించిన డేవిడ్‌ ధావన్‌ దీనిని తెరకెక్కిస్తున్నారు. కరోనా వైరస్‌ లాక్‌డౌన్‌ వ్యాప్తి నేపథ్యంలో వాయిదా పడ్డ ఈ సినిమాను ఓటీటీ ప్లాట్‌ఫాంలో విడుదల చేయనున్నారు. క్రిస్‌మస్‌ కానుకగా డిసెంబరు 25న అమెజాన్‌ ప్రైమ్‌లో స్ట్రీమింగ్‌ కానుంది. ఈ క్రమంలో మూవీ యూనిట్‌ ఇప్పటికే ప్రమోషన్‌ కార్యక్రమాలు మొదలుపెట్టింది.టీజర్లు, ట్రైలర్‌తో ప్రేక్షకులను ఆకట్టుకుంటోంది. ఈ క్రమంలో సారా ఓ జాతీయ మీడియాతో మాట్లాడుతూ షూటింగ్‌ సమయంలో తనకు ఎదురైన చేదు అనుభవం గురించి చెప్పారు. ‘‘మైతో రాస్తే సే పాట చిత్రీకరణ జరుగుతున్న సమయంలో డేవిడ్‌ సర్‌కు చాలా కోపం వచ్చింది. నాపై గట్టిగా అరిచేశారు. నిజానికి నేను షూట్‌కు సిద్ధంగానే ఉన్నాను. డిజైనర్‌, కాస్ట్యూమ్‌ సరిచేస్తున్నారు. కానీ అప్పటికి వరుణ్‌ ఇంకా తన వ్యాన్‌లోనే ఉన్నాడు. దీంతో డేవిడ్‌ సర్‌ అప్‌సెట్‌ అయ్యారు. మీ వల్లే షూట్‌ ఆలస్యం అవుతోంది అంటూ చివాట్లు పెట్టారు. వరుణ్‌పై కోపం నాపై చూపించారనిపించింది. అయితే ఆ తర్వాత అంతా సద్దుమణిగింది’’ అని పేర్కొన్నారు. (చదవండి: డ్రగ్స్‌ కేసులో బాలీవుడ్‌ భామలకు క్లీన్‌ చిట్‌?) తండ్రీకొడుకుల మధ్య విభేదాలు! కాగా సినిమా విడుదల విషయంలో తండ్రీకొడుకులైన డేవిడ్‌, వరుణ్‌ల మధ్య విభేదాలు తలెత్తాయంటూ గత కొన్నిరోజులుగా బీ-టౌన్‌లో టాక్‌ వినిపిస్తున్న సంగతి తెలిసిందే. లాక్‌డౌన్‌ వల్ల ఓటీటీలో కూలీ నెం.1 రిలీజ్‌ చేయాలని డేవిడ్‌ భావించగా, తాను ఓటీటీ యాక్టర్‌ అని పిలుపించుకునేందుకు సిద్ధంగా లేనని, థియేటర్లోనే సినిమా విడుదల చేయాలని వరుణ్‌ పట్టుబట్టినట్లు వార్తలు ప్రచారమయ్యాయి. అయితే సీనియర్‌ డైరెక్టర్‌ అయిన డేవిడ్‌ మాటను ఆయన కుమారుడు వినక తప్పలేదని, దీంతో అమెజాన్‌ ప్రైమ్‌లో ఈ చిత్రం విడుదలవుతోందని వారి సన్నిహితులు పేర్కొన్నారు.  

బాలీవుడ్‌ హీరో వరుణ్ ధావన్ ‘కూలీ నెం 1’ ట్రైలర్‌ వచ్చేసింది. ఆద్యంతం నవ్వులూ పూయిస్తూ ట్రైలర్‌ అభిమానులను ఆకట్టుకుంటోంది. ఈ సినిమాలో వరుణ్‌ సరసన సారా అలీఖాన్‌ నటించింది. ఎప్పుడు వస్తుంది ఈ నవ్వులు పండించే ట్రైన్‌ అని ప్రేక్షకులు ఈ సినిమా కోసం ఎదురుచూస్తున్నారు. క్రిస్​మస్ కానుకగా అభిమానులు ముందుకు ఈ చిత్రం అమెజాన్​ ప్రైమ్​లో స్ట్రీమింగ్ కానుంది. ఈ సినిమాకు డేవిడ్‌ ధావన్‌ దర్శకత్వం వహిస్తున్నాడు.  కూలీ నెం 1 డేవిడ్‌ ధావన్‌కి  45వ చిత్రం. 1995లో విడుదలైన కూలీ నెం 1 చిత్రాన్ని, ఇప్పుడు అదే పేరుతో రీమేక్‌ చేశారు. ఈ చిత్రానికి సహా నిర్మాతగా వాసు భగ్నానీ ఉన్నారు. వరుణ్ ధావన్​కు 'సూయిధాగ్​' వంటి హిట్ తర్వాత ఆ స్థాయిలో హిట్‌ రాలేదు. 'కళంక్​', 'స్ట్రీట్​డాన్సర్' సినిమాలు అనుకున్న స్థాయిలో మెప్పించలేక పోయాయి. కూలీ నెం 1తో అయినా హిట్‌ దక్కుతుందని ప్రేక్షకులు అనుకుంటున్నారు. ప్రస్తుతం రాజ్​మెహతా తెరకెక్కిస్తున్న 'జుగ్​ జుగ్​ జియో' (వర్కింగ్ టైటిల్) చిత్ర షూటింగ్​లో వరుణ్ ధావన్ బిజీగా ఉన్నాడు. ఇందులో కియారా అడ్వాణీ జోడీగా నటించనుంది.  ఆ తర్వాత అమర్​కౌశిక్ రూపొందిస్తున్న హారర్​ కామెడీ సినిమా 'భేదియా', సాజిద్ నదియావాలా తీస్తున్న యాక్షన్ చిత్రం 'సంకి'.. షూటింగ్​ల్లో పాల్గొననున్నాడు వరుణ్. 

వరుణ్‌ ధావన్, సారా అలీ ఖాన్‌ ముఖ్య పాత్రల్లో తెరకెక్కిన చిత్రం ‘కూలీ నెం.1’. 1995లో వచ్చిన ‘కూలీ నెం.1’ చిత్రానికి ఇది రీమేక్‌. పాత సినిమాకి దర్శకత్వం వహించిన డేవిడ్‌ ధావనే  రీమేక్‌ని తెరకెక్కించారు. ఈ సినిమా చిత్రీకరణ పూర్తయింది. ఈ సందర్భంగా సారా మాట్లాడుతూ – ‘‘కూలీ’ సినిమాని ముగించాం. మా బెస్ట్, కూలెస్ట్‌ కూలీగా ఉన్నందుకు వరుణ్‌ ధావన్‌కు స్పెషల్‌ థ్యాంక్స్‌. నా లగేజ్‌ని నాతో నువ్వు మోయించినట్టుగా ఎవ్వరూ మోయించి ఉండలేరు. నిన్ను విసిగించడం కచ్చితంగా మిస్‌ అవుతాను’’ అని అన్నారు. ‘కూలీ నెం.1’ చిత్రం మే 1న విడుదల కానుంది. అన్నట్లు.. వరుణ్‌ ధావన్‌.. డేవిడ్‌ ధావన్‌ కుమారుడు అనే సంగతి తెలిసిందే.

ఇక్కడున్న ఫొటో చూశారుగా.. వధూవరులుగా వరుణ్‌ ధావన్, సారా అలీఖాన్‌ ఎలా మెరిసిపోతున్నారో! ఈ ఫొటో చూసి వరుణ్‌ ధావన్‌ ప్రేయసి నటాషా దలాల్‌ ఏమీ అనలేదా? అంటే ఏమి అనలేదట. ఎందుకంటే ఈ ఫొటో ‘కూలీ నెం1’ చిత్రంలోనిది. 1995లో డేవిడ్‌ ధావన్‌ దర్శకత్వంలో గోవిందా, కరిష్మా కపూర్‌ జంటగా నటించిన చిత్రం ‘కూలీ నెం1’. అదే పేరుతో ఈ సినిమాకు సీక్వెల్‌ను తెరకెక్కిస్తున్నారు డేవిడ్‌ ధావన్‌. ఇందులో వరుణ్‌ ధావన్, సారా అలీఖాన్‌ జంటగా నటిస్తున్నారు. ఇటీవల విడుదల చేసిన ఈ సినిమా కొత్త పోస్టర్‌ వైరల్‌ అవుతోంది. సినిమాలోని ఓ సీన్‌లో భాగంగా వరుణ్, సారా పెళ్లికి తయారైన గెటప్స్‌లో కనిపిస్తారు. ఈ  చిత్రాన్ని మే 1న విడుదల చేయాలనుకుంటున్నారు. ఇలా ఆన్‌ స్క్రీన్‌ పెళ్లి సీన్‌లో నటించిన వరుణ్‌ ఆఫ్‌ స్క్రీన్‌ నటాషాతో పెళ్లికి రెడీ అవుతున్నారు.      

బాలీవుడ్‌ హీరో వరుణ్‌ ధావన్‌, సారా అలీఖాన్‌లు జంటగా నటిస్తున్న చిత్రం ‘కూలీ నెం.1’. ఈ సినిమాకు సంబంధించిన మరో కొత్త పోస్టరును చిత్ర యూనిట్‌ తాజాగా షేర్‌ చేసింది. ఇందులో హీరోహీరోయిన్లు వధూవరులుగా కనువిందు చేశారు. ఫిలింట్రేడ్‌ అనలిస్టు ట్విటర్‌లో ఈ పోస్టర్‌ను షేర్‌ చేస్తూ.. ‘డేవిడ్‌ ధావన్‌ దర్శకత్వంలో వాసు భగ్నానీ, జాక్లీ భగ్నానీ, దీప్షిక దేశ్‌ముఖ్‌లు తెరకెక్కిస్తున్న వరుణ్‌, సారాల కూలీ నెం.1 2020 న్యూగ్లింప్స్‌’ అని పేర్కొన్నారు. ఇందులో ధావన్‌ వైట్‌ సూట్‌ ధరించగా.. వెడ్డింగ్‌ ఫ్రాక్‌లో సారా ఫొటోకు ఫోజులిచ్చారు. కాగా గతేడాది ఆగష్టులో ఈ సినిమాకు సంబంధించిన మొదటి పోస్టర్‌ను విడుదల చేసిన విషయం తెలింసిందే. అందులో ధావన్‌ ఎరుపు రంగు చొక్కా, తెల్లటి ప్యాంటు, నెహ్రు టోపి ధరించి కూలీలా కనిపిస్తాడు. ఇక 1995లో విడుదలై విజయం సాధించిన కూలీ నెం.1 సినిమాను అదే పేరుతో రీమేక్‌ చేస్తున్నారు దర్శకుడు డేవిడ్‌ ధావన్‌. ఆనాటి కూలీ నెం.1లో గోవింద, కరిష్మా కపూర్‌లు నటించగా.. రీమేక్‌లో వరుణ్‌, సారా జోడికట్టారు. ఇది తన తండ్రి దర్శకత్వంలో తెరకెక్కుతున్న సినిమాలో వరుణ్‌ నటించడం రెండోసారి. ఈ సినిమా 2020 మే1న విడుదల కానున్నట్లు సమాచారం. #VarunDhawan and #SaraAliKhan... New glimpse from #CoolieNo1... Directed by David Dhawan... Produced by Vashu Bhagnani, Jackky Bhagnani and Deepshikha Deshmukh... 1 May 2020 release. pic.twitter.com/0w4ROEafOs — taran adarsh (@taran_adarsh) 2 January 2020

ముంబై: కేదార్‌నాథ్‌ సినిమాతో బాలీవుడ్‌లో హీరోయిన్‌గా తెరంగేట్రం చేసింది స్టార్‌ హీరో సైఫ్‌ ఆలీఖాన్‌ గారాల పట్టి సారా ఆలీఖాన్‌. బీ-టౌన్‌లో అడుగుపెట్టిన ఏడాదిలోనే మూడు సినిమాల్లో నటించి మెప్పించి బాలీవుడ్‌లో తనకంటూ ప్రత్యేక స్థానాన్ని ఏర్పరుచుకుంది. దీంతో సారాకు ఫ్యాన్‌ ఫాలోయింగ్‌ బీభత్సంగా పెరిగిపోయింది. దీంతో ఆమెకు సంబంధించిన ప్రతీ విషయాన్ని హైలెట్‌ చేస్తున్నారు. తాజాగా సారా అలీఖాన్‌ షేర్‌ చేసిన తన చిన్ననాటి ఫోటోలకు ఫ్యాన్స్‌తో పాటు నెటిజన్లు ఫిదా అవుతున్నారు.  డ్యాన్స్‌ చేస్తున్నట్లుగా ఉన్న ఆ ఫోటోలో సారా అలీఖాన్‌ రాజస్థానీ సాంప్రదాయ దుస్తుల్లో అచ్చం పటౌడీ యువరాణిలా ఉందంటూ కామెంట్‌ చేస్తున్నారు. ఎరుపు, నల్లని రంగు గాగ్రచోలీతో పాటు ఐషాడో, గ్లాసీలిప్‌స్టీక్‌తో పెద్ద చెవి దిద్దులు, బంగారు గాజులు ధరించిన ఈ ఫోటోలో సారా ఆలీఖాన్‌ భలే ముద్దుగా ఉందంటూ మరికొంత మంది నెటిజన్లు కామెంట్‌ చేస్తున్నారు. అలాగే మరో ఫోటోలో షీమ్మెరి బ్లాక్‌ లెహంగాతో పాటు బంగారు చెవి దిద్దులు, మాంగ్‌ తిలకం, గాజులు ధరించి.. ఎరుపు రంగు పాగా తలపై ధరించి ఉన్న ఫోటోకి ‘2000 సంవత్సరం నుంచి ఈ షాట్‌ కోసమే ఎదురు చుశాను’  అనే క్యాప్షన్‌ జత చేసి షేర్‌ చేసింది సారా అలీఖాన్‌. ప్రస్తుతం ఈ ఫోటో కూడా నెటిజన్లను తెగ ఆకట్టుకుంటోంది.  View this post on Instagram Waiting for my shot since 2000 ⏰ 🎥 🎬🔌🔜🙇🏻‍♀️#apnatimeayega #tbt #sarakadrama A post shared by Sara Ali Khan (@saraalikhan95) on Nov 7, 2019 at 1:41am PST ఇక గతేడాది వచ్చిన కేదర్‌నాథ్‌, సింబా సినిమాలతో హీరోయిన్‌గా మంచి విజయాలు సాధించిన సారా.. ఈ ఏడాది వరుణ్‌ ధావన్‌ కూలీ నెం.1 సినిమా బాక్సాఫీస్‌ వద్ద కలెక్షన్ల సునామీ సృష్టించడంతో మరో విజయాన్ని సారా తన ఖాతాలో వేసుకుంది. కాగా సారా ఈ సినిమా షూటింగ్‌లో హీరో వరుణ్‌ ధావన్‌తో కలిసి చేసిన అల్లరి ఫోటోలను కూడా షేర్‌ చేసింది.  View this post on Instagram Cool and Coolie💁🏻‍♀️🙆🏽‍♂️🧳👜👫🌈 A post shared by Sara Ali Khan (@saraalikhan95) on Nov 4, 2019 at 8:34pm PST

ముంబై : బాలీవుడ్‌ సూపర్‌స్టార్‌ అమితాబ్‌ బచ్చన్‌ (77) ఆస్పత్రి నుంచి శుక్రవారం రాత్రి డిశ్చార్జి అయ్యారు. ఆయన వెంట సతీమణి జయాబచ్చన్‌, కొడుకు అభిషేక్‌ బచ్చన్‌ ఉన్నారు. రెగ్యులర్‌ చెకప్‌లో భాగంగా నాలుగు రోజుల క్రితం ఆయన నానావతి ఆస్పత్రిలో చేరిన సంగతి తెలిసిందే. కాలేయ సంబంధిత వ్యాధితో బాధపడుతున్న అమితాబ్‌.. ఆ చికిత్సలో భాగంగా క్రమం తప్పకుండా వైద్యుల్ని సంప్రదిస్తుంటారు. సోషల్‌ మీడియాలో యాక్టివ్‌గా ఉండే బిగ్‌బీ ఆస్పత్రిలో ఉన్న సమయంలో కూడా వరుసగా రెండు ట్వీట్లు చేసి అభిమానులను పలుకరించారు. తొలుత జయాబచ్చన్‌తో కార్వా చౌత్‌ పండుగలో పాల్గొన్న ఓ ఫొటోను షేర్‌ చేసిన అమితాబ్‌ .. దానికి అందమైన క్యాప్షన్‌ జత చేశారు.  ‘నాలో సగం. అందుకే హాఫ్‌ ఇమేజ్‌ కనిపించేటట్టు షేర్‌ చేశా. మిగతా సగం కనిపించాల్సిన అవసరమేముంది’అని ట్వీట్‌ చేశారు. ఇక మరో ట్వీట్‌లో జయాతో కలిసి వారం క్రితం పాల్గొన్న ఒక ఈవెంట్‌ ఫొటో షేర్‌ చేశారు. ఇదిలాఉండగా.. 20 ఏళ్ల క్రితం కూలీ నెం.1 సినిమా షూటింగ్‌లో అమితాబ్‌ తీవ్రంగా గాయపడ్డారు. ఆయనకు అత్యవసరంగా రక్తం ఎక్కించాల్సి వచ్చింది. ఆసమయంలో జరిగిన ఓ పొరపాటు బిగ్‌బీ ఆరోగ్యంపై తీవ్ర ప్రభావం చూపింది. సరైన రక్తం ఎక్కించని కారణంగా ఆయన కాలేయం చెడిపోయింది. తన కాలేయంలో కేవలం 25 శాతం మాత్రమే పనిచేస్తుందని, అయినప్పటికీ వైద్యపరంగా తగిన జాగ్రత్తలు తీసుకోవడంతో ఆరోగ్యంగా ఉన్నానని బిగ్‌బీ ఓ సందర్భంలో చెప్పారు. ఇక అమితాబ్‌ తాజాగా ‘చెహ్రే అండ్‌ గులాబో సితాబో’ చిత్రంలో నటిస్తున్నారు. దాంతోపాటు కౌన్‌ బనేగా కరోడ్‌ పతి 11వ సీజన్‌కు ఆయన హోస్ట్‌గా వ్యవహరిస్తున్నారు. T 3520 - .. the better half .. !! 🌹 quite obviously the other half is irrelevant .. and therefore unseen 🤣🤣🤣 pic.twitter.com/0Fivuw5cwY — Amitabh Bachchan (@SrBachchan) October 17, 2019

న్యూఢిల్లీ: వరుణ్‌ ధావన్‌, సారా అలీఖాన్‌ జంటగా నటిస్తున్న చిత్రం ‘కూలీ నెం.1’. తాజాగా ఈ చిత్ర యూనిట్‌పై ప్రధాని నరేంద్ర మోదీ ప్రశంసల జల్లు కురిపించారు. దీనికి గల కారణం షూటింగ్‌లో ప్లాస్టిక్‌ వాడకూడదని చిత్ర బృందం నిర్ణయించడమే. దీనిలో భాగంగా ప్లాస్టిక్‌ వాటర్‌ బాటిళ్లు కాకుండా స్టీల్‌ బాటిళ్లనే ఉపయోగిస్తామని ప్రతిజ్ఞ చేశారు. ‘ప్రధాని పిలుపు మేరకు ప్లాస్టిక్‌ రహిత దేశంగా మార్చే ప్రక్రియలో మేం భాగం కావాలని భావించాం. దీనిలో భాగంగా ఇప్పటి నుంచి స్టీల్‌ వాటర్‌ బాటిళ్లనే వాడాలని నిర్ణయించుకున్నాం. చిన్న మార్పుల ద్వారానే మనం అనుకున్నది సాధించవచ్చు’అంటూ హీరో వరుణ్‌ ధావన్‌ ట్వీట్‌ చేశారు.  అయితే వరుణ్‌ ధావన్‌ ట్వీట్‌కు మోదీ రీ ట్విట్‌ చేశారు. ‘కూలీ నెం 1 చిత్ర బృందం తీసుకున్న నిర్ణ‌యం అద్భుత‌మైనది. ప్లాస్టిక్ ర‌హిత దేశంగా మార్చేందుకు సినీ పరిశ్ర‌మ నుండి ల‌భిస్తున్న మ‌ద్ద‌తు చూస్తుంటే చాలా సంతోషంగా ఉంది’ అంటూ మోదీ కొనియాడారు. ఇక ప్రపంచదేశాలన్నీ సింగిల్‌ యూజ్‌ ప్లాస్టిక్‌ (ఎస్‌యూపీ)కి ఇక గుడ్‌ బై చెప్పే సమయం వచ్చేసిందని ప్రధానమంత్రి నరేంద్ర మోదీ పిలుపునిచ్చిన విషయం తెలిసిందే.     Superb gesture by the team of #CoolieNo1! Happy to see the film world contributing towards freeing India from single use plastic. https://t.co/bPXFgHz2I4 — Narendra Modi (@narendramodi) September 12, 2019

గత ఏడాది ‘కేధార్‌నాథ్‌’ సినిమాతో వెండితెరకు ఎంట్రీ ఇచ్చారు స్టార్‌ హీరో సైఫ్‌ అలీఖాన్‌ కూతురు సారా అలీఖాన్‌. ఆ తర్వాత రోహిత్‌శెట్టి ‘సింబ’లో హీరోయిన్‌గా మెరిసిన ఈ బ్యూటీ ప్రస్తుతం డేవిడ్‌ ధావన్‌ (కూలీ నం 1 తాజా రీమేక్‌), ఇంతియాజ్‌ అలీ (లవ్‌ ఆజ్‌ కల్‌ సీక్వెల్‌) వంటి సీనియర్‌ దర్శకులతో వర్క్‌ చేస్తున్నారు. కెరీర్‌ స్టార్టింగ్‌లోనే బాగా అనుభవం ఉన్న దర్శకుల సినిమాల్లో నటించడం వల్ల ఏమైనా ఒత్తిడికి గురవుతున్నారా? అన్న ప్రశ్నకు సారా బదులిస్తూ–‘‘అలా ఏం లేదు. డేవిడ్, ఇంతియాజ్‌సార్లతో వర్క్‌ చేయడం డిఫరెంట్‌ ఎక్స్‌పీరియన్స్‌ అండ్‌ నా లక్‌ కూడా. ఇంతియాజ్‌సర్‌ షూటింగ్‌ ఉందంటే రెండు వారాల ముందే రిహార్సల్స్‌ స్టార్ట్‌ అవుతాయి. ఇక డేవిడ్‌సర్‌ సినిమా అంతా సెట్‌లో అప్పటికప్పుడు స్పాంటేనియస్‌గా ఉంటుంది. ఈ రెండు అనుభూతులు నాకు వినోదాత్మకంగానే ఉన్నాయి. ప్రస్తుతం కెరీర్‌ స్టార్టింగ్‌లో ఉన్నాను. ఏదైనా నేర్చుకోవడమే అనుకుని కష్టపడుతున్నాను. నా పాత్రల ఎంపికలో వైవిధ్యం ఉండేలా చూసుకుంటాను. గ్లామర్, డ్యాన్స్‌ వంటి కమర్షియల్‌ అంశాలు ఇష్టమే కానీ నేను చేసే కమర్షియల్‌ సినిమాల్లో నా పాత్రలో పెర్ఫార్మెన్స్, ఎమోషన్‌ ఎలిమెంట్స్‌కు స్కోప్‌ ఉందో లేదో చూసుకుంటాను’’ అన్నారు.

కొత్త లైసెన్స్‌ తీసుకుని పని మొదలుపెట్టాడు బాలీవుడ్‌ హీరో వరుణ్‌ ధావన్‌. కానీ వరుణ్‌ లైసెన్స్‌ తీసుకున్నది కూలి పని చేయడానికి. కొత్తగా కష్టం ఏం రాలేదు. కొత్త సినిమా ‘కూలీ నం 1’ను స్టార్ట్‌ చేశాడంతే. వరుణ్‌ ధావన్‌ హీరోగా డేవిడ్‌ ధావన్‌ దర్శకత్వంలో ‘కూలీ నం.1’ అనే సినిమా రూపొందుతున్న సంగతి తెలిసిందే. ఈ సినిమాలో సారా అలీఖాన్‌ కథానాయికగా నటిస్తున్నారు. ఈ సినిమాను మే 1 కార్మిక దినోత్సవం  సందర్భంగా స్టార్ట్‌ చేశారు వరుణ్‌ ధావన్‌. ‘‘సరిగ్గా ఏడాది తర్వాత నం.1 కూలీ వస్తాడు. మస్త్‌ మజా చేస్తాడు’’ అని ఈ సందర్భంగా వరుణ్‌ పేర్కొన్నారు. ఈ చిత్రం వచ్చే ఏడాది మే 1న విడుదల కానుంది. డేవిడ్‌ థావన్‌ దర్శకత్వంలోనే 1995లో వచ్చిన ‘కూలీ నం.1’ చిత్రానికి ఈ 2019 ‘కూలీ నం.1’ రీమేక్‌ అని బీటౌన్‌ టాక్‌.

‘‘ఏదో ఒకరోజు నిర్మాతగా మారతాను. చెక్‌లిస్తాను. కానీ సినిమా సెట్లో మాత్రం లావాదేవీల గురించి మాట్లాడుతూ సీరియస్‌ నిర్మాతలా మాత్రం ప్రవర్తించను’’ అంటున్నారు బాలీవుడ్‌ హీరో వరుణ్‌ ధావన్‌. కెరీర్‌లో ఎక్కువ శాతం విజయాలు నమోదు చేసుకుని ‘ప్రొడ్యూసర్స్‌కు సేఫ్‌ బెట్‌’ అనే పేరు సంపాదించారు వరుణ్‌. లేటెస్ట్‌గా నిర్మాతగా మారాలనే ఆలోచన ఉందని తెలిపారు. ఈ విషయం గురించి మాట్లాడుతూ – ‘‘నటుడిగా నా సినిమాల ద్వారా నిర్మాతలకు డబ్బు రావాలని కోరుకుంటాను. నా మీద ఇన్వెస్ట్‌ చేస్తున్నందుకు వాళ్లు నష్టపోకూడదు. ప్రస్తుతం నేను హీరోగా చేస్తున్న ‘కూలీ నెం.1’ మా సొంత ప్రొడక్ష¯Œ లో తీస్తున్నాం. ఈ చిత్రానికి మా నాన్న∙డేవిడ్‌ ధావన్‌ దర్శకుడు. నేను హీరోగా నటించడంతో పాటు ఈ సినిమా ప్రొడక్షన్‌ను కూడా చూసుకుంటాను. త్వరలోనే పూర్తి స్థాయి నిర్మాతగా మారతాను’’ అని పేర్కొన్నారు. 

జూలై నుంచి కూలీగా మారనున్నారు బాలీవుడ్‌ హీరో వరుణ్‌ ధావన్‌. 1991లో వెంకటేశ్‌ హీరోగా కె. రాఘవేంద్రరావు దర్శకత్వం వహించిన తెలుగు చిత్రం ‘కూలీ నెం.1’ అదే పేరుతో హిందీలో రీమేక్‌ అయ్యింది. డేవిడ్‌ ధావన్‌ దర్శకత్వంలో గోవింద నటించారు. ఇప్పుడు ఈ హిందీ ‘కూలీ నెం.1’ లేటెస్ట్‌ రీమేక్‌లో హీరోగా నటించే బాధ్యతను డేవిడ్‌ ధావన్‌ తనయుడు వరుణ్‌ ధావన్‌ తీసుకున్నారు. ఈ సినిమాలో హీరోయిన్‌గా సారా అలీఖాన్‌ నటించనున్నారు. ఈ సినిమా చిత్రీకరణ జూలై నుంచి ఆరంభం కానుంది. ‘‘ఇప్పటి ప్రేక్షకుల అభిరుచికి తగ్గట్లు కథలో మార్పులు చేశాం. మరింత హాస్యం ఉంటుంది. ప్రస్తుతం లొకేషన్స్‌ను సెలక్ట్‌ చేస్తున్నాం. ఫారిన్‌ షెడ్యూల్స్‌ కూడా ప్లాన్‌ చేస్తున్నాం. త్వరలో చిత్రీకరణ మొదలుపెడతాం’’ అని చిత్రబృందం పేర్కొంది.


 సాకీ:  
 జై జై జై జై... గణేష జై జై జై జై...
 జైజై జై జై... వినాయక జై జై జై జై...
 
 పల్లవి:
 
 దండాలయ్య ఉండ్రాళ్ళయ్యా దయుంచయ్యా దేవ
 నీ అండాదండా ఉండాలయ్యా చూపించయ్యా త్రోవ
 పిండి వంటలారగించీ తొండమెత్తి దీవించయ్యా
 తండ్రివలె ఆదరించి తోడు నీడ అందించయ్యా... ఓ...
 దండాలయ్య ఉండ్రాళ్ళయ్యా దయుంచయ్యా దేవ
 నీ అండాదండా ఉండాలయ్యా చూపించయ్యా త్రోవ
  
 చరణం : 1
 
 చిన్నారి ఈ చిట్టెలుకెలా భరించెరా లంబోదర     
 పాపం కొండంత నీ పెనుభారం
 ముచ్చెమటలు కక్కిందిరా ముజ్జగములు తిప్పిందిరా
 హోహోహో జన్మ ధన్యం
 చిన్నారి ఈ చిట్టెలుకెలా భరించెరా లంబోదర
 పాపం కొండంత నీ పెనుభారం
 ముచ్చెమటలు కక్కిందిరా ముజ్జగములు
 తిప్పిందిరా హోహోహో జన్మ ధన్యం
  అంబారిగ ఉండగల  ఇంతటి వరం
       అయ్యారా అయ్యా
  అంబాసుతా ఎందరికి లభించురా
      అయ్యారా అయ్యా
  ఎలుకనెక్కే ఏనుగు కథ చిత్రం కదా
  దండాలయ్య ఉండ్రాళ్ళయ్యా
      దయుంచయ్యా దేవ
  నీ అండాదండా ఉండాలయ్యా
      చూపించయ్యా త్రోవ
  
  చరణం: 2
 
  శివుని శిరసు సింహాసనం పొందిన చంద్రుని గోరోజనం
      నిన్నే చేసింది వేళా కోళం
  ఎక్కిన మదం దిగిందిగా తగిన ఫలం దక్కిందిగా
      ఏవైపోయింది గర్వం
  శివుని శిరసు సింహాసనం పొందిన చంద్రుని గోరోజనం
      నిన్నే చేసింది వేళా కోళం
  ఎక్కిన మదం దిగిందిగా తగిన ఫలం దక్కిందిగా
      ఏవైపోయింది గర్వం
  త్రిమూర్తులే నిను గని తలొంచరా అయ్యారా అయ్యా
  నిరంతరం మహిమను కీర్తించరా అయ్యారా అయ్యా
  నువ్వెంతనే అహం నువ్వే దండించరా
  దండాలయ్య ఉండ్రాళ్ళయ్యా దయుంచయ్యా దేవ
  నీ అండాదండా ఉండాలయ్యా చూపించయ్యా త్రోవ
  అరెరెరెరెరే... పిండి వంటలారగించీ
      తొండమెత్తి దీవించయ్యా
  తండ్రివలె ఆదరించి తోడు నీడ
      అందించయ్యా... ఓ....
  దండాలయ్య ఉండ్రాళ్ళయ్యా
      దయుంచయ్యా దేవ
  నీ అండాదండా ఉండాలయ్యా
      చూపించయ్యా త్రోవ
  
  చిత్రం    : కూలీ నెం.1 (1991)
  రచన     : సిరివెన్నెల
  సంగీతం     : ఇళయరాజా
  గానం     : ఎస్.పి.బాలు, బృందం