ముంబై: డిజిటల్ సినిమా డిస్ట్రిబ్యూషన్ కంపెనీ యూఎఫ్‌ఓ మూవీజ్ లిస్టింగ్ ఫ్లాప్ అయింది. ఇష్యూధర(రూ.625) కంటే 4 శాతం తక్కువ ధరకే రూ.600 వద్ద బీఎస్‌ఈలో లిస్టయింది. చివరకు 4.19 శాతం క్షీణతతో రూ.599 వద్ద ముగిసింది. ఇక ఎన్‌ఎస్‌ఈలో 4.43 శాతం పడిపోయి రూ.597 వద్ద ముగిసింది. ఎన్‌ఎస్‌ఈలో 31 లక్షల షేర్లు, బీఎస్‌ఈలో 13 లక్షల షేర్లు ట్రేడయ్యాయి. గురువారం ట్రేడింగ్ ముగిసేనాటికి కంపెనీ మార్కెట్ క్యాపిటలైజేషన్ రూ.1,551 కోట్లుగా ఉంది.