బుల్లితెర సెలబ్రిటీలు చాలామందికి సొంతంగా యూట్యూబ్‌ ఛానల్స్‌ ఉన్నాయి. సినీతారలు కూడా ఈ యూట్యూబ్‌ ఛానల్స్‌ వైపు ఆకర్షితులై సొంతంగా ఛానల్‌ పెట్టుకున్నారు. దీని ద్వారా తమ పర్సనల్‌ విషయాలను అభిమానులతో షేర్‌ చేసుకుంటూ ఉంటారు. అలా టాలీవుడ్‌ టాప్‌ సింగర్‌ శ్రావణ భార్గవి ఈ మధ్య యూట్యూబ్‌ వీడియోలతోనే ఎక్కువ సందడి చేస్తోంది. అలాగే ఈ మధ్య పాడ్‌ క్యాస్ట్‌ల హవా ఎక్కువైపోవడంతో.. ఇదేదో బాగుందని ట్రై చేద్దాం అనుకున్నట్లు ఉంది. ఫ్లిప్‌సైడ్‌ విత్‌ శ్రావణ భార్గవి పేరిట నెల క్రితం పాడ్‌క్యాస్ట్‌ మొదలుపెట్టింది. ఇది సక్సెస్‌ఫుల్‌గా రన్‌ అవుతోంది.నీ భర్త ఎక్కడ?యూట్యూబ్‌ వీడియోలతో ఫుల్‌ బిజీగా ఉన్న ఈ గాయని తన కూతురిని తీసుకుని హాలీడేకు చెక్కేసింది. ఈ విషయాన్ని సోషల్‌ మీడియాలో షేర్‌ చేసింది. ఇది చూసిన జనాలు నీ భర్త హేమచంద్ర ఎక్కడ? అని కామెంట్ల రూపంలో ప్రశ్నిస్తున్నారు. హేమచంద్రను ఎందుకు వదిలేశారు? అని నిలదీస్తున్నారు. కొందరైతే మరీ హద్దులు దాటుతూ 'అయినా నువ్వు అతడికి ఏమీ సెట్‌ అవ్వలేదులే' అని సెటైర్లు వేస్తున్నారు. అప్పటినుంచి సింగిల్‌గానే..కాగా హేమచంద్ర, శ్రావణ భార్గవి జంటగా కనిపించి రెండున్నరేళ్ల పైనే అవుతోంది. అప్పటినుంచి వీరు విడిపోయారంటూ వార్తలు వస్తున్నా ఏనాడూ వాటిపై అటు హేమచంద్రకానీ, ఇటు శ్రావణ భార్గవి కానీ స్పందించనేలేదు. పైగా సోషల్‌ మీడియాలో కూడా ఎక్కడా కలిసి ఉన్న ఫోటోలు షేర్‌ చేయలేదు. దీంతో నెటిజన్లు సైతం వీరు విడిపోయారని ఫిక్సయిపోయారు. View this post on Instagram A post shared by ravuri sravana bhargavi (@ravurisravana.bhargavi) చదవండి:

బోయపాటి- బాలయ్య కాంబినేషన్లో 2010లో వచ్చిన సింహా చిత్రంలో 'సింహమంటి చిన్నోడే' అంటూ సిల్వర్‌ స్క్రీన్‌పై తన వాయిస్‌తో మ్యాజిక్‌ చేశారు గాయని శ్రావణ భార్గవి. సంగీతంపై ఆమెకు ఉన్న ఆసక్తినే ప్రముఖ గాయనిగా ఇండస్ట్రీలో నిలదొక్కుకుంది.  కీరవాణి,దేవిశ్రీ ప్రసాద్‌, తమన్‌, చక్రి, మణిశర్మ, మిక్కీ జె మేయర్‌ ఇలా స్టార్‌ మ్యూజిక్‌ డైరెక్టర్లతో ఆమె  కలిసి పనిచేశారు. సింగర్‌ గానే కాకుండా డబ్బింగ్‌ ఆర్టిస్ట్‌గానూ ఆమె టాలెంట్‌ చూపించారు. కెరీర్‌లో రాణిస్తున్న తరుణంలోనే ప్రముఖ సింగర్‌ హేమచంద్రతో శ్రావణ భార్గవి ఏడు అడుగులు వేశారు. మొదటి నుంచి స్నేహితులైన వీరిద్దరూ 2013లో పెద్దల అంగీకారంతో ప్రేమ పెళ్లి చేసుకున్నారు. వీరికి ఓ పాప ఉంది. అయితే, వ్యక్తిగత కారణాలతో వీళ్లద్దరూ విడిపోయారని గతంలోనే పలు వార్తలు వచ్చాయి. ఆ వార్తలలో నిజం లేదనే అర్థం వచ్చేలా వారిద్దరూ అప్పట్లోనే తిప్పికొట్టారు. కానీ అందులో నిజం లేదని తెలుస్తుంది. సుమారు రెండేళ్లుగా వారిద్దరూ కలిసి ఎలాంటి ప్రొగ్రామ్‌ చేయడం కానీ.. ఒక వేదిక మీద కనిపించడం కానీ జరగలేదు. కొన్ని నెలలుగా శ్రావణ భార్గవి సోషల్‌ మీడియాకు దూరంగా ఉన్నా హేమ చంద్ర మాత్రం తన ఫ్యాన్స్‌తో టచ్‌లో ఉన్నారు. (ఇదీ చదవండి: ‘గేమ్‌ ఛేంజర్‌’ ఆడియో లీక్‌.. క్రిమినల్‌ కేసు పెట్టిన దిల్‌రాజు) గతంలో వారిద్దరూ చాలా ప్రోగ్రామ్స్‌ జంటగా చేశారు.. కానీ కొన్ని నెలలుగా వారిద్దరూ కలిసి చేసిన ఒక్క ప్రోగ్రామ్‌ కూడా లేదు. దీంతో వారిద్దరూ దాదాపు విడిగానే ఉన్నారు అనేది నిజమేనని నమ్మాల్సిన పరిస్థితి కూడా ఉంది. ఇదిలా ఉండగా తాజాగా శ్రావణ భార్గవి రెండో పెళ్లి చేసుకోబోతుందనే వార్తలు వైరల్‌ అవుతున్నాయి. దానికి ప్రధాన కారణం ఆమె హల్దీ ఫంక్షన్‌లో ఉన్న కొన్ని ఫోటోలు బయటకు రావడమే. దీంతో ఆ ఫోటోలు చూసిన కొందరు శ్రావణ భార్గవి రెండో పెళ్లి చేసుకుంటున్నారు అనే ప్రచారం మొదలైంది. వాస్తవానికి ఆ ఫోటోలు తన సొదరుడు అయిన హరీష్‌ హల్దీ ఫంక్షన్‌కు సంబంధించినవి. ఎప్పుడో సంవత్సరం క్రితం జరిగిన కార్యక్రమానికి చెందిన ఫోటోలను ఇప్పుడు వైరల్‌ చేస్తూ.. ఆమెకు రెండో పెళ్లి అంటూ పలువురు ప్రచారం చేస్తున్నారు. ఇప్పటికీ కూడా ఆమె విడాకులే తీసుకోలేదు, వాటిపై క్లారిటీ ఇవ్వలేదు.. అంటే వారిద్దరూ భార్యాభర్తలే అని అర్థం. అలాంటిది రెండో పెళ్లి అని ఎలా రూమర్స్‌ క్రియేట్‌ చేస్తారని పలువురు కామెంట్‌ చేస్తున్నారు.

Hemachandra Sravana Bhargavi Divorce News Viral In Social Media: ప్రస్తుతం సినీ ఇండస్ట్రీలో పెళ్లిళ్ల మాట ఎలా ఉన్నా విడాకుల వార్తలు మాత్రం హాట్‌ టాపిక్‌గా మారుతున్నాయి. సినీ సెలబ్రిటీలు తమ భాగస్వామికి డివోర్స్‌తో వివాహ బంధానికి వీడ్కోలు పలుకుతూ మరో కొత్త దాంపత్య జీవితానికి తెర లేపుతున్నారు. కొందరైతే ఎంతో మధురంగా రాసుకున్న తమ పెళ్లి పుస్తకాన్ని చింపేసి సోలో లైఫే సో బెటర్‌ అంటూ లైఫ్‌ను ఎంజాయ్‌ చేస్తున్నారు. టాలీవుడ్‌లో క్యూట్‌ పేయిర్‌ అయిన నాగ చైతన్య, సమంత విడాకులతో తెగదెంపులు చేసుకున్న విషయం ఇప్పటికీ అనేకమందికి మింగుడుపడటం లేదు. తాజాగా మరో జంట డివోర్స్‌ తీసుకునేందుకు రెడీ అయిందంటూ సోషల్‌ మీడియాలో ఓ వార్త గింగిరాలు తిరుగుతోంది.  తెలుగు చిత్ర పరిశ్రమలో గాయనీ గాయకులుగా శ్రావణ బార్గవి, హేమచంద్ర చాలా ఫేమస్‌ అయ్యారు. సింగర్‌గానే కాకుండా డబ్బింగ్‌ ఆర్టిస్ట్‌గా కూడా హేమచంద్ర చాలా పాపులర్‌. శ్రావణ భార్గవి, హేమచంద్ర ప్రేమించి, పెద్దలను ఒప్పించి మరీ పెళ్లి పీటలు ఎక్కారు. 2013లో వివాహ బంధంతో ఒక్కటైన ఈ జంటకు ప్రేమకు గుర్తుగా 2016లో కుమార్తె శిఖర చంద్రిక జన్మించింది. ఎంతో హాయిగా సాగుతున్న వీరి జీవితంలో ఏం జరిగిందో తెలియదు గానీ, వీరు తమ వివాహ బంధానికి స్వస్తి పలకనున్నట్లు గత కొద్దిరోజులుగా కథనాలు వెలువడుతున్నాయి.  (చదవండి: 'నువ్వే కావాలి' హీరోకు నిర్మాత బెదిరింపులు.. పోలీసులకు ఫిర్యాదు) (చదవండి: 9 సార్లు పిల్లలను కోల్పోయిన స్టార్‌ హీరోయిన్‌..) ఈ విషయంపై సోషల్‌ మీడియాలో చర్చలు రచ్చ చేస్తున్నాయి. అయితే సోషల్ మీడియాలో ఎంతో యాక్టివ్‌గా ఉండే హేమచంద్ర ఈ విషయంపై ఇంతవరకు స్పందించలేదు. దీంతో ఈ డివోర్స్ వార్తలు నిజమే అన్నట్లుగా అనుమానాలు వ్యక్తమవుతున్నాయి. ఈ నేపథ్యంలో పలువురు నెటిజన్లు ఏకంగా హేమచంద్ర, శ్రావణ భార్గవి సోషల్‌ మీడియా అకౌంట్స్‌లోని వారి పోస్టులకు కామెంట్స్‌ రూపంలో ప్రశ్నిస్తున్నారు. ఇటు హేమచంద్ర, అటు శ్రావణ భార్గవి తమ ఇన్‌స్టాగ్రామ్‌ అకౌంట్స్‌లలో స్టోరీస్‌, పోస్టులు పెడుతున్నారే తప్ప ఈ కామెంట్లకు స్పందించకపోవడం గమనార్హం. మరి ఈ వార్తలపై క్లారిటీ రావాలంటే మరికొన్ని రోజులు ఆగాల్సిందేనని తెలుస్తోంది.  (చదవండి: నడిరోడ్డుపై యంగ్‌ హీరోయిన్‌ డ్యాన్స్‌.. వీడియో వైరల్‌)

ఇండియాలో విశేష ప్రేక్షకాదరణ సంపాదించుకున్న హిట్‌ షో బిగ్‌బాస్‌. తెలుగు, తమిళ, కన్నడ, హిందీ భాషల్లో ఈ షో విజయవంతంగా ప్రసారమవుతోంది. తెలుగులో తొలి సీజన్‌కు జూనియర్‌ ఎన్టీఆర్‌, రెండో సీజన్‌కు నాని, మూడు, నాలుగు సీజన్లకు కింగ్‌ నాగార్జున వ్యాఖ్యాతగా వ్యవహరించాడు. ఐదో సీజన్‌కు కూడా మరోసారి నాగార్జునే హోస్ట్‌గా వచ్చే అవకాశాలున్నాయి.  కాగా తెలుగునాట బిగ్‌బాస్‌ ప్రతిసారి జూన్‌లో ప్రారంభమవుతుండగా గతేడాది కరోనా టెన్షన్‌ వల్ల షో ఆలస్యంగా మొదలైంది. సెప్టెంబర్‌ 6న గ్రాండ్‌గా ప్రారంభమైన నాల్గో సీజన్‌ డిసెంబర్‌ 20న అంగరంగ వైభవంగా ముగిసింది. ఇక ఈ సీజన్‌లో కంటెస్టెంట్ల ఎంపికలో వైవిధ్యతను కనబర్చారు నిర్వాహకులు. యూట్యూబ్‌ స్టార్లను, బుల్లితెర సెలబ్రిటీలను హౌస్‌లోకి పంపించారు. వారు కూడా ఆటపాటలతో మెప్పించి అభిమానులను సొంతం చేసుకున్నారు. ఈ షో ద్వారా వచ్చిన పాపులారిటీతో వారికి సినిమా, వెబ్‌ సిరీస్‌ అవకాశాలు కూడా వచ్చాయి.  ఈ క్రమంలో ఐదో సీజన్‌లో ఎవరెవర్ని తీసుకుంటారన్న చర్చ సోషల్‌ మీడియాలో జోరుగా నడుస్తోంది. ఇప్పటికే సాఫ్ట్‌వేర్‌ డెవలపర్‌ వెబ్‌ సిరీస్‌తో అరేయ్‌, ఏంట్రా ఇది? ఇంత బాగా నటించాడు అనిపించుకున్న షణ్ముఖ్‌ జశ్వంత్‌ హౌస్‌లోకి రాబోతున్నాడు అని ఆయన అభిమానులు బలంగా ఫిక్సయ్యారు. తాజాగా ఓ సింగర్‌ కూడా ఈసారి రేసులో అడుగుపెట్టనున్నట్లు వార్తలు వినిపిస్తున్నాయి. టాలీవుడ్‌ టాప్‌ సింగర్‌ హేమచంద్ర బిగ్‌బాస్‌ షో ద్వారా తన అభిమానులను అలరించనున్నట్లు సమాచారం. గతంలోనూ అతడికి బిగ్‌బాస్‌ నుంచి ఆఫర్లు వచ్చినప్పటికీ పలు కారణాల వల్ల వాటిని సున్నితంగా తిరస్కరించాడు. మరి ఈసారి ఈ ఛాన్స్‌ను వదులుకుంటాడా? లేదా హౌస్‌లోకి ఎంట్రీ ఇచ్చి రచ్చరచ్చ చేస్తాడా? అన్నది అత్యంత ఆసక్తికరంగా మారింది. ఒకవేళ అతడు కంటెస్టెంట్‌గా వస్తే మాత్రం టైటిల్‌ విన్నర్‌ను చేస్తామని శపథం చేస్తున్నారు ఆయన అభిమానులు. కానీ అతడికి బిగ్‌బాస్‌ నిర్వాకుల నుంచి పిలుపు వచ్చిందనేది కేవలం సోషల్‌ మీడియాలో జరుగుతున్న ప్రచారం మాత్రమే. మరి ఇందులో ఎంతవరకు నిజముందో తెలియాలంటే కొన్ని రోజులు ఆగాల్సిందే! చదవండి: బిగ్‌బాస్‌ ఐదో సీజన్‌లో శ్రీరెడ్డి! మెగా హీరో సినిమాలో ఛాన్స్‌ కొట్టేసిన బోల్డ్‌ బ్యూటీ


 హైదరాబాద్‌: ప్రముఖ గాయకులైన హేమచంద్ర, శ్రావణ భార్గవి దంపతులు పండంటి బుజ్జాయికి జన్మనిచ్చారు. శ్రావణభార్గవి శనివారం (జూన్ 2న) ఓ ఆడబిడ్డకు జన్మనిచ్చింది. ఈ విషయాన్ని సోషల్‌మీడియాలో అభిమానులతో పంచుకున్నాడు హేమచంద్ర.
 
 ‘మాకు పాప పుట్టింది.. ఇప్పుడు నేను ఇద్దరు అమ్మాయిల్ని జాగ్రత్తగా చూసుకోవాలి..’ అని పేర్కొంటూ.. భార్య శ్రావణ భార్గవి, పాపాయితో కలిసి దిగిన ఫొటోను పోస్టుచేశాడు. చక్కగా సినిమా పాటలు పాడుతూ అభిమానుల అలరిస్తున్న హేమచంద్ర, శ్రావణ భార్గవి ప్రేమించి పెళ్లిచేసుకున్న సంగతి తెలిసిందే.


 టైటిల్‌ని బట్టి ఆ కార్యక్రమం థీమ్ ఏమిటో అంచనా వేస్తుంటాం. అందుకు అనువుగా ఉండేట్టే ఏ ప్రోగ్రాముకైనా పేరు నిర్ణయిస్తారు. కానీ జెమినీ చానెల్లో ప్రసారమయ్యే ఓ ప్రోగ్రామ్ పేరు మాత్రం అందుకు భిన్నంగా ఉంటుంది. అదే... బోల్ బేబీ బోల్.  ‘బోల్ బేబీ బోల్’ అనేది పాటల పోటీ. చిన్నపిల్లల్లో దాగివున్న సింగింగ్ టాలెంట్‌ను వెలికితీసి, వారిని ప్రోత్సహించే కార్యక్రమం ఇది. కోటి, కల్పన, సుమంగళి లాంటి ప్రముఖులు న్యాయ నిర్ణేతలు.
 
 హేమచంద్ర, శ్రావణ భార్గవి యాంకర్లు. కార్యక్రమం అయితే చాన్నాళ్లుగా విజయవంతంగా సాగిపోతోంది. కానీ ఇంత కాలమైనా ఇప్పటికీ ఆ షోకి ఆ పేరు ఎందుకు పెట్టారో మాత్రం చాలామందికి అర్థం కావడం లేదు. కనీసం ‘సింగ్ బేబీ సింగ్’ అని పెట్టినా ఓ అర్థముండేదేమో. కానీ పాటల కార్యక్రమానికి ‘బోల్ బేబీ బోల్’ అని పెట్టడంలో భావం మాత్రం
  


 స్టేషన్ మహబూబ్‌నగర్, న్యూస్‌లైన్: చల్లటి వాతావరణంలో శనివారం సాయంత్రం జిల్లా కేంద్రంలోని ప్రభుత్వ జూనియర్ కళాశాల మైదానం అటు సినీగాయకుల హుషారైన పాటలు, ఇటు ప్రేక్షకుల చపట్లతో మారుమోగింది. ఓ ప్రైవేట్ సంస్థ ఆధ్వర్యంలో ఏర్పాటుచేసిన కార్యక్రమంలో ప్రముఖ సినీ నేపథ్య గాయకులు గీతామాధురి, హేమచంద్ర తమ పాటలతో అలరించారు. గీతామాధురి పాడిన ‘ఓసినా డార్లింగే’, ‘మగాళ్లు ఒట్టి మాయగాళ్లు’, ‘కెవ్వుకేక’ పాటలతో హుషారెత్తించారు. అదేవిధంగా హేమచంద్ర పాడిన ‘ైవె దిస్ కొలవెరి’, ‘దమ్ములాంటి కన్నులు ఉన్న’, ‘సక్కుబాయి’ తదితర పాటలు ఆకట్టుకున్నాయి. ఇద్దరు గాయకులు పాటలు పాడుతూ మధ్యలో డాన్స్‌చేస్తూ హోరెత్తించారు. కార్యక్రమానికి నిర్వహకులు తగిన ఏర్పాట్లుచేశారు. మైదానం జనంతో నిండిపోయింది. పలువురు ప్రముఖులు కూడా హాజరయ్యారు.