ఇషాన్‌ ఖట్టర్‌, మృణాల్‌ ఠాకూర్‌, ప్రియాంన్షు పైనూలి, సోనీ రజ్దానా ప్రధాన పాత్రల్లో నటించిన చిత్రం పిప్పా. ఈ చిత్రాన్ని రాజా కృష్ణమేనన్ దర్శకత్వంలో తెరకెక్కించారు. రోన్ని స్క్రూవాలా, సిద్ధార్థ్‌రాయ్‌కపూర్‌ ఈ సినిమాను నిర్మించారు. ఏఆర్ రెహమాన్ సంగీతమందించిన ఈ చిత్రం.. నవంబర్ 10న అమెజాన్ ప్రైమ్ వేదికగా రిలీజైంది. (ఇది చదవండి: అలాంటి పాత్రల్లో నటించను.. అదే నా కోరిక : మృణాల్‌ ఠాకూర్‌) ఈ దీపావళికి ఓటీటీలో డైరెక్ట్‌గా రిలీజైన సినిమా ఇదే కావడం విశేషం. ఓటీటీలో అలరిస్తోన్న ఈ మూవీ ప్రేక్షకుల నుంచి విశేష ఆదరణ దక్కించుకుంది. అమెజాన్ ప్రైమ్‌లో ఇండియావ్యాప్తంగా నంబర్‌వన్‌ ప్లేస్‌లో కొనసాగుతోంది. అంతే కాకుండా రజినీకాంత్ జైలర్ మూవీని వెనక్కి నెట్టింది.  పిప్పా అసలు కథేంటంటే..  ఇషాన్‌ ఖట్టర్‌ కీలక పాత్రలో నటించిన ఈ చిత్రం యుద్ధం నేపథ్యంలో తెరకెక్కించారు. బంగ్లాదేశ్‌ను ఆక్రమించుకుని ఈస్ట్ పాకిస్తాన్ చేయాలనుకున్న పాక్ దురుద్దేశాన్ని భారతసైన్యం అడ్డుకుంటుంది. అదే సమయంలో బంగ్లాదేశ్‌లో పాకిస్తాన్ చేసిన దారుణాలను తెరపై చక్కగా చూపించారు. బంగ్లా విముక్తి కోసం ఉద్యమించిన వారితో పాటు సామాన్యులను సైతం అతి దారుణంగా హత్య చేసి, మహిళలు, పిల్లలను బందీలుగా చేసుకుంటూ ఉంటుంది పాకిస్తాన్. మరోవైపు ఆర్థిక పరిస్థితులు అంతంత మాత్రమే ఉన్నా.. మానవత్వంతో ఆలోచించి బంగ్లా నుంచి ప్రాణాలను అరచేతిలో పెట్టుకుని వచ్చిన లక్షల మంది శరణార్థులకు భారత్‌ ఆశ్రయం కల్పిస్తుంది. ఇది సహించలేని పాకిస్థాన్‌ భారత్‌పై పలుచోట్ల బాంబు దాడులు చేస్తుంది. పాకిస్తాన్ సైన్యం దారుణాల నుంచి భారత ఆర్మీ ఎలా రక్షించిందనే విషయాన్ని వెండితెరపై చక్కగా ఆవిష్కరించారు.  (ఇది చదవండి: చిల్డ్రన్స్‌ డే స్పెషల్‌.. ఓటీటీలో పిల్లలకు ఇష్టమైన చిత్రాలు!) Congrats team Pippa ..Happy Diwali everyone🌼 @roykapurfilms @RajaMenon #MrunalThakur @IshaanKhattar #lyricistshellee and team pippa EPI pic.twitter.com/9sg62Qc8xY — A.R.Rahman (@arrahman) November 12, 2023

సీతారామం బ్యూటీ మృణాల్ ఠాకూర్ వరుస సినిమాలతో బిజీగా ఉంది. నాని సరసన హాయ్ నాన్న చిత్రంలో నటిస్తోన్న ముద్దుగుమ్మ.. తాజాగా పిప్పా అనే చిత్రంతో ప్రేక్షకుల ముందుకొచ్చింది. ఈ చిత్రాన్ని రాజా మీనన్ దర్శకత్వంలో తెరకెక్కించగా..  ప్రియాంషు పైన్యులి, ఇషాన్‌ ఖట్టర్‌ కీలక పాత్రలు పోషించారు. రోనీ స్క్రూవాలా, సిద్ధార్థ్‌ రాయ్‌ కపూర్‌ సంయుక్తంగా నిర్మించిన ఈ చిత్రం నవంబర్ 10న అమెజాన్ ప్రైమ్ వీడియోలో విడుదలైంది. తాజాగా ఓ ఇంటర్వ్యూకు హాజరైన మృణాల్ ఈ మూవీపై ఆసక్తికర కామెంట్స్ చేసింది. ఈ మూవీలో నటించడం పట్ల గర్వంగా ఉందని తెలిపింది. ఈ సినిమాలో వైద్య విద్యార్థి, క్రిప్టోగ్రాఫర్‌ అయిన రాధ పాత్రలో మృణాల్ కనిపించింది. మృణాల్‌ ఠాకూర్ మాట్లాడుతూ...' ఈ చిత్రంలో రాధ పాత్రకు ప్రాణం పోసినందుకు గర్వంగా ఉంది. ఒక అమ్మాయి పాత్రకు ప్రాముఖ్యతనిచ్చిన ఈ చిత్రంలో భాగం కావడం నా అదృష్టం. తన తోబుట్టువులతో కలిసి యుద్ధంలో పాల్గొనే అమ్మాయిగా నేను  కనిపించడం చాలా కొత్తగా అనిపించింది. ఈ చిత్రానికి నా మనసులో ప్రత్యేక స్థానం ఉంటుంది.' అని అన్నారు. కాగా.. ఈ చిత్రాన్ని 1971లో జరిగిన ఇండో-పాకిస్థాన్‌ యుద్ధంలో తన తోబుట్టువులతో కలిసి భారతదేశం కోసం పోరాడిన కెప్టెన్‌ బలరామ్‌ సింగ్‌ మెహతా జీవితం ఆధారంగా తెరకెక్కించారు.

‘సీతారామం’ మూవీతో తెలుగు తెరకు పరిచయమైన మరాఠి బ్యూటీ మృణాల్‌ ఠాకుర్‌. ఈ మూవీ బ్లాక్‌బస్టర్‌ హిట్‌తో ఆమె ఒక్కసారిగా స్టార్‌ హీరోయిన్‌ జాబితాలో చెరిపోయింది. అందం, అభినయం, తనదైన నటనతో తొలి చిత్రంతోనే ఎంతో ప్రేక్షక ఆదరణ పొందిన ఆమెకు ప్రస్తుతం తెలుగులో వరుస ఆఫర్లు క్యూ కడుతున్నాయి. ఈ  నేపథ్యంలో ఆమె రీసెంట్‌గా ఇచ్చిన ఓ ఇంటర్య్వూలో తాను హిందిలో పిప్పా అనే సినిమా చేస్తున్నానని, అందులో తనది హీరోకి చెల్లెలి పాత్ర అని చెప్పింది. అయితే ఆ నటుడు ఎవరో కాదు బాలీవుడ్‌ యంగ్‌ హీరో ఇషాన్‌ ఖట్టర్‌. యుద్ధం నేపథ్యంలో తెరకెక్కబోయే ఈ చిత్రంలో తన పాత్ర నచ్చడంతో ఒకే చెప్పానని తెలిపింది. అయితే అది తెలిసి కొందరు ఎందుకు ఈ పాత్ర ఒప్పుకున్నారు? ఇప్పుడు సోదరిగా చేసిన మీరు ఇకపై ఆ హీరో పక్కన నటించరా? అంటూ తనని సోషల్‌ మీడియా వేదికగా విమర్శిస్తున్నారని చెప్పింది. ఈ సందర్భంగా ఆమె ట్రోల్స్‌పై స్పందిస్తూ అసహనం వ్యక్తం చేసింది.   ‘‘హీరోయిన్లు.. హీరోయిన్లుగానే చెయ్యాలా? సోదరి, భార్య, తల్లి లాంటి క్యారెక్టర్స్ చేయకూడదా? ఇలాంటి మూస పద్దతిని మనం బ్రేక్ చేసినప్పుడే మనలోని సత్తా ఏంటో తెలుస్తుంది. కెరీర్‌లో వెనక్కి తిరిగిచూసుకుంటే.. ఓ గొప్ప పాత్ర మిస్ చేసుకున్నాననే బాధ ఉండోద్దు. అందుకే ఈ పాత్ర నచ్చడంతో సోదరి రోల్‌ అయిన ఒకే చేశాను’ అంటూ ఘాటుగా ట్రోలర్స్‌కు కౌంటర్‌ ఇచ్చింది. ఇక పిప్పా సినిమా బ్రిగేడియర్ మోహతా రాసిన ‘ది బర్నింగ్ చాఫీస్’ అనే పుస్తకం ఆధారంగా రూపొందుతోంది. చదవండి:  తొలిసారి ​కాస్టింగ్‌ కౌచ్‌పై స్పందించిన కీర్తి సురేశ్‌ కన్నడలో రష్మికపై బ్యాన్‌! ‘శ్రీవల్లి’ ఏమన్నదంటే..

‘ధడక్‌’ సినిమాలో శ్రీదేవి పెద్ద కుమార్తె జాన్వీ కపూర్‌ నటనకి మంచి మార్కులు పడ్డాయి. అదే లెవల్లో సైఫ్‌ అలీఖాన్‌ కూతురు సారా అలీఖాన్‌ కూడా ప్రేక్షకుల దగ్గర పాస్‌ అవుతుందా? ఇద్దరూ ఆల్మోస్ట్‌ ఒకేసారి సినిమాలను అనౌన్స్‌ చేశారు. జాన్వీ కపూర్‌ సినిమా ఏమో ముందు రిలీజైపోయింది. కానీ సారా సినిమా ఇంకా థియేటర్స్‌లో పడలేదు. దీంతో సారా డిఫెన్స్‌లో పడిపోయిందా? ఇదిగో ఇలా బాలీవుడ్‌లో జాన్వీకి, సారాకి పోటీ పెడుతున్నారు ఔత్సాహికరాయుళ్లు. మరి... ఈ పోటీలో ఫస్ట్‌ ప్లేస్‌ ఎవరిది అవుతుంది? అనే ప్రశ్న జాన్వీ ముందుంచితే.. ‘‘మా మధ్య పోటీ లేదు. గీటీ లేదు. ఇద్దరం ఫ్రెండ్లీగా ఉంటాం. మమ్మల్ని పోటీదారులుగా ఊహించుకుని కొందరు ఎందుకు ఆనందపడతారో అర్థం  కావడం లేదు. అయినా నాకు, సారాకే పోటీ పెట్టాల్సిన అవసరం ఏంటి? ఇషాన్‌ కట్టర్‌ (‘ధడక్‌’లో జాన్వీతో నటించిన హీరో)తో నాకు పోటీ పెట్టొచ్చు కదా? అంటే అమ్మాయిలైతే ఇలాంటి న్యూస్‌లకు ఎక్కువ మైలేజ్‌ వస్తుందని వాళ్ల ఫీలింగ్‌ అనుకుంటా. కొత్త టాలెంట్‌ రావాలని కోరుకునే మనస్తత్వం నాది. సారాతో పాటుగా ‘స్టూడెంట్‌ ఆఫ్‌ ద ఇయర్‌ 2’తో ఎంట్రీ ఇస్తున్న హీరోయిన్లు తారా సుతారియా, అనన్యా పాండేలకు కూడా మంచి పేరు రావాలి’’ అని చెప్పుకొచ్చారు.

కెరీర్‌లో తొలి సినిమా రిలీజ్‌కు టైమ్‌ దగ్గర పడుతోంది. రిలీజ్‌ దగ్గర పడుతున్న కొద్దీ ఏ కొత్త యాక్టర్‌కైనా కాస్త టెన్షన్‌ పెరుగుతుంటుంది. ప్రజెంట్‌ ఆ ఒత్తిడినే ఫీల్‌ అవుతున్నారట శ్రీదేవి తనయ జాన్వీ కపూర్‌. శశాంక్‌ కేతన్‌ దర్శకత్వంలో ఇషాన్‌ కట్టర్, జాన్వీ కపూర్‌ జంటగా ధర్మ ప్రొడక్షన్స్‌ పతాకంపై కరణ్‌ జోహార్‌ నిర్మించిన ‘ధడక్‌’ చిత్రం ఈ నెల 20న విడుదల కానుంది. మరాఠీ చిత్రం ‘సైరాట్‌’కు రీమేక్‌ ఇది. ఈ సందర్భంగా ‘మీరు యాక్టర్‌ అవుతా అన్నప్పుడు మీ ఇంట్లో ఎలాంటి రెస్పాన్స్‌ వచ్చింది? అన్న ప్రశ్నను జాన్వీ ముందు ఉంచితే...‘‘అమ్మానాన్నలు (శ్రీదేవి, బోనీకపూర్‌) నన్ను చాలా ప్రొటెక్టివ్‌గా పెంచారు. ఒక సందర్భంలో నేను నటిని కావాలనుకుంటున్న నిర్ణయాన్ని అమ్మకు చెప్పాను. నా నిర్ణయాన్ని మళ్లీ ఆలోచించుకోమన్నారు. అలాగే యాక్టింగ్‌ అంటే గ్లామరస్‌గా కనిపించడమో, లేక ఇచ్చిన స్క్రిప్ట్‌ను చదవడమో కాదని కూడా పరోక్షంగా హెచ్చరించారు. కానీ ఆ తర్వాత సినిమాపై నాకు ఉన్న కమిట్‌మెంట్, యాక్టింగ్‌పై నా ప్యాషన్, కాన్ఫిడెన్స్‌ చూసి ఓకే అన్నారు’’ అని పేర్కొన్నారు. ఇంకా ఆమె మాట్లాడుతూ –‘‘అమ్మ ఎంతో కష్టపడి మాకు ఈజీ లైఫ్‌ను అందిచాలనుకున్నారు. కానీ సినిమా లైఫ్‌లో అమ్మ ఫేస్‌ చేసిన గుడ్‌ అండ్‌ బ్యాడ్‌ ఎక్స్‌పీరియ్స్‌తో పాటు ఆ స్ట్రగుల్స్‌ను కూడా నేను ఎదుర్కోవడానికి సిద్ధంగా ఉన్నాను’’ అన్నారు.

దివంగత నటి శ్రీదేవి కూతురు జాన్వీ కపూర్‌ వెండితెరకు పరిచయం అవుతున్న సినిమా దడక్‌. కరణ్ జోహర్‌ నిర్మిస్తున్న ఈ సినిమాలో షాహిద్ కపూర్‌ సోదరుడు ఇషాన్ కట్టర్‌ హీరోగా నటిస్తున్నాడు. ఇటీవల షూటింగ్ పూర్తి చేసుకున్న ఈ సినిమాకు సంబంధించి నిర్మాత కరణ్‌ ఓ ఆసక్తికర ట్వీట్ చేశారు. హీరో హీరోయిన్‌లు జాన్వీ, ఇషాన్‌లతో పాటు దర్శకుడు శశాంక్‌ కేతన్‌ సరదాగా ఉన్న ఓ ఫొటోను ట్వీట్‌ చేసిన కరణ్ ‘శశాంక్‌ కేతన్‌ గొప్ప మార్గదర్శకుడు, గురువు, స్నేహితుడు అన్నింటింకి మించి గొప్ప దర్శకుడు. జాన్వీ, ఇషాన్‌లు నిజంగా దడక్‌ గుండె చప్పుడు’  అని కామెంట్‌ చేశారు. మరాఠిలో ఘన విజయం సాధించిన సైరత్‌ కు రీమేక్‌గా తెరకెక్కుతున్న ఈ సినిమా జూలై 20న ప్రేక్షకుల ముందుకు రానుంది.

బాలీవుడ్‌లో ఎవరైనా టాప్‌ సెలబ్రిటీస్‌ వారసులను పరిచయం చేయాలంటే ముందుగా వినిపించేది దర్శక–నిర్మాత కరణ్‌ జోహార్‌ పేరు. ప్రస్తుతం అందాల తార శ్రీదేవి తనయ జాన్వీ కపూర్, షాహిద్‌ కపూర్‌ తమ్ముడు ఇషాన్‌ కట్టర్‌ను హిందీ తెరకు పరిచయం చేస్తున్నారు కరణ్‌ జోహార్‌. ‘ధడక్‌’ పేరుతో రూపొందుతున్న ఈ సినిమాకు కరణŠ  జోహార్‌ నిర్మాతగా  వ్యవహరించనున్నారు. మరాఠి సూపర్‌ íß ట్‌ సినిమా ‘సైర ట్‌’కు ఇది అఫీషియల్‌ రీమేక్‌. న్యూ ఇయర్‌ సందర్భంగా జాన్వీ, ఇషాన్‌కు కరణ్‌ జోహార్‌ ఓ లేఖ రాశారు. ‘కాలింగ్‌ కరణ్‌’ షోలో దాన్ని చదివి వినిపించారు కూడా. ‘‘మై డియర్‌ జాన్వీ, ఇషాన్‌ ఈ సంవత్సరంతో మీ లైఫ్‌లో సరికొత్త జర్నీ మొదలు కాబోతోంది. ఈ ఇయర్‌ మీకు చాలా ఫస్ట్‌ టైమ్‌ ఎక్స్‌పీరియన్స్‌లు ఇవ్వనుంది. తొలి సినిమా రిలీజ్, ప్రమోషన్స్, లింక్‌ అప్స్, క్రిటిసిజం, పొగడ్తలు, ఫేమ్, ఫెయిల్యూర్‌ ఇలా ఎన్నో చూడబోతున్నారు. మీకో చిన్న సలహా ఇవ్వాలనుకుంటున్నాను. వీటన్నింటిని అంత సీరియస్‌గా తీసుకోకండి. ఈ ఇనిషియల్‌ డేస్‌ను బాగా ఆస్వాదించండి. ఇవి మళ్లీ తిరిగి రావు. మీలోని బెస్ట్‌ క్వాలిటీస్‌ ఏంటంటే మీరింకా విద్యార్థులే. మీ నమ్మకాలు, మీ ఇన్నోసెన్స్‌ కోల్పోకుండా అలాగే ఉండాలని కోరుకుంటున్నాను’’ అని చెప్పుకొచ్చారు కరణ్‌. నో మోర్‌ డిప్లోమసీ: బాలీవుడ్‌ అగ్ర దర్శక–నిర్మాత కరణ్‌ జోహార్‌ న్యూ ఇయర్‌ సందర్భంగా కొన్ని న్యూ రిజల్యూషన్స్‌ తీసుకున్నారు. ఈ సంవత్సరం నుంచి నా మిత్రుల బర్త్‌డేస్‌కు స్వయంగా కలిసి విష్‌ చేయాలనుకుంటున్నాను. ఇక నుంచి ట్రైలర్స్‌ అయినా, సినిమాలైనా నాకు మనస్ఫూర్తిగా నచ్చితేనే పొగుడుతాను. ఇది వరకు డిప్లొమసి ప్రదర్శించినందుకు సారీ. నా సినిమాల ప్రమోషన్‌ విరివిగా చేసుకోవాలనుకుంటున్నాను... ఎవ‡రేమనుకున్నా సరే... అంటూ తన నిర్ణయాలను ట్విట్టర్‌లో పోస్ట్‌ చేశారు కరణ్‌.

జాన్వీ కపూర్‌ డాటరాఫ్‌ శ్రీదేవి గురించి బాలీవుడ్‌లో చాలామంది చేస్తున్న కామెంట్‌ ‘తనకు బిడియమా? పొగరా’ అని. సెలబ్రిటీల వారసులకు కొన్ని తిప్పలు తప్పవు. ఎక్కడికెళ్లినా, ఏం చేసినా టాపిక్కే. జాన్వీ కపూర్‌ అయితే సినిమాల్లోకి రాకముందు నుంచీ వార్తల్లో నిలిచింది. ఎక్కడ కనిపించినా కెమెరాలు వెంటాడుతుంటాయి. రూమర్స్‌ క్రియేట్‌ చేయడానికి ఔత్సాహికరాయుళ్లు ఎలానూ ఉంటారు. ఇక, సినిమాల్లోకొచ్చేస్తే డోస్‌ ఇంకా పెరుగుతుంది. ప్రస్తుతం జాన్వీ ‘ధడక్‌’ చిత్రంలో నటిస్తున్న విషయం తెలిసిందే. ఇందులో ఇషాన్‌ కట్టర్‌ హీరో. ఈ ఇద్దరూ కలసి సరదాగా డిన్నర్‌కి వెళ్లారు. డిన్నర్‌ అంతా బాగానే సాగింది. ఫైనల్లీ ‘మళ్లీ కలుద్దాం’ అంటూ ఇషాన్‌ బై చెప్పి వెళుతుండగా, ఓ కుర్రాడు జాన్వీ దగ్గరకొచ్చి ‘సెల్ఫీ ప్లీజ్‌’ అన్నాడు. జాన్వీ అతన్ని లెక్క చేయకుండా అక్కణ్ణుంచి నిష్క్రమించింది. పాపం.. టీనేజ్‌ అమ్మాయి. ఎంత సినిమా వాతావరణంలో పెరిగినా ఫ్యాన్స్‌ దూసుకొస్తే కంగారుగానే ఉంటుంది కదా. బహుశా సెల్ఫీ ఇవ్వాలో లేదో తెలియక జాన్వీ తికమకపడిం దేమో అన్నది కొందరి అభిప్రాయం. ఇంకొందరు మాత్రం ‘అది బిడియమా? పొగరా?’ అనే ప్రచారం మొదలుపెట్టారు. కానీ, మొదటిదే కరెక్ట్‌ అయ్యుండొచ్చేమో.

‘‘ప్రేమ ఎప్పుడూ పూల పాన్పు కాదు. అవరోధాలు ఎదురవుతూనే ఉంటాయి. ప్రేమించినంత సులువు కాదు, ఆ ప్రేమను గెలిపించుకోవటం. సమస్యలకు భయపడకుండా పోరాడి నిలబడగలిగితేనే నిజమైన ప్రేమ అంటున్నారు’’ జాన్వీ, ఇషాన్‌. శ్రీదేవి తనయ జాన్వీ కపూర్, షాహిద్‌ కపూర్‌ తమ్ముడు ఇషాన్‌ కట్టర్‌ పరిచయం అవుతున్న  చిత్రం ‘ధడక్‌’. ఈ సినిమా షూటింగ్‌ శరవేగంగా జరుగుతోంది. ఫస్ట్‌ లుక్‌ని ఆ మధ్య విడుదల చేశారు. తాజాగా ఓ స్టిల్‌ బయటకు వచ్చింది. ఈ ఫొటో చూస్తుంటే జాన్వీ, ఇషాన్‌ దేనికోసమో దిగులు పడుతున్నట్టుగా ఉంది కదూ. ఆ దిగులు ఎందుకోసం అంటే.. ప్రేమికు (సినిమాలో లవర్స్‌)లకు పెద్దవాళ్ల నుంచి వచ్చే సమస్యల వల్లనే అని ఊహించవచ్చు. జాన్వీ, ఇషాన్‌ పరిచయమవుతున్న ఈ చిత్రంపై భారీ అంచనాలు ఉన్నాయి. మరి.. ఈ ఇద్దరూ ఎలా నటించారో తెలియాలంటే వచ్చే ఏడాది జులై వరకూ ఆగాల్సిందే. శశాంక్‌ కైతన్‌ దర్శకత్వం వహిస్తున్న ఈ సినిమాను ధర్మ ప్రొడన్స్‌ బ్యానర్‌ పై కరణ్‌ జోహార్‌ నిర్మిస్తున్నారు.

జూనియర్‌ శ్రీదేవి జాన్వీ కపూర్‌ కెమెరాకు కొత్త కాదు. ఎక్కడికెళ్లినా ‘శ్రీదేవి కూతురు’ అంటూ వెంటాడే కెమెరాలు ఎన్నో. కానీ, కెమెరా ముందు నటనకు ఆమె కొత్త. ఇషాన్‌ కట్టర్, జాన్వీ కపూర్‌ జంటగా శశాంక్‌ కేతన్‌ దర్శకత్వంలో రూపొందుతున్న సినిమా ‘ధడక్‌’. మరాఠి చిత్రం ‘సైరట్‌’కు ఈ సినిమా రీమేక్‌. ‘ధడక్‌’ షూటింగ్‌ రాజస్థాన్‌లోని ఉదయ్‌పూర్‌లో ఇటీవల మొదలైన సంగతి తెలిసిందే. షూటింగ్‌లో భాగంగా జాన్వీ కపూర్‌ పై మండిపడ్డారట శశాంక్‌ కేతన్‌. అంతేకాదు.. ఎక్కవ టేక్స్‌ తీసుకోకుండా యాక్ట్‌ చేయాలని ఇషాన్, జాన్వీలకు వార్నింగ్‌ ఇచ్చారట ఆయన. ఇన్‌సెట్‌లో ఉన్న ఫొటో చూస్తే.. ఎవరికైనా ఇలాంటి ఫీలింగే కలుగుతుంది. ఇషాన్‌ దండం పెట్టడం, జాన్వీ బెదురు చూపులు చూస్తే ఎవరైనా ఇలానే అనుకుంటారు. ‘సార్‌.. కాస్త సుకుమారంగా హ్యాండిల్‌ చేయండి. పాపం.. పాప బెదిరిపోతోంది’ అని రిక్వెస్ట్‌ చేస్తున్నారట శ్రీదేవి ఫ్యాన్స్‌. ఫొటో చూసి శశాంక్‌ వార్నింగ్‌ ఇచ్చారని ఊహించుకున్నారేమో కానీ, అక్కడ అలాంటిదేం జరిగి ఉండకపోవచ్చు. సీన్‌ ఎక్స్‌ప్లెయిన్‌ చేస్తుంటే సరదాగా ఇషాన్‌ దండం పెట్టినప్పుడు, జాన్వీ శ్రద్ధగా వింటున్నప్పుడు ఎవరైనా క్లిక్‌మనిపించిన ఫొటో అయ్యుండొచ్చు.


 ప్రియాంక చోప్రా తొలి హాలీవుడ్‌ చిత్రం ‘బేవాచ్‌’ ప్రీమియర్‌ షో ఊహించినట్టుగానే స్టార్స్‌ సందడితో హల్‌చల్‌ చేసింది. ప్రియాంక జర్మనీలో ఉన్నా.. బాలీవుడ్‌ స్టార్లు చాలామంది ఈ ప్రీమియర్‌ షోకు హాజరయ్యారు. అయితే, అందరి దృష్టిని మాత్రం ఓ యువజంట ఆకర్షించింది. బాలీవుడ్‌ హీరో షాహిద్‌ కపూర్‌ సోదరుడు ఇషాన్‌ ఖట్టర్‌, శ్రీదేవి కూతురు జాన్వీకపూర్‌ను వెంట తీసుకొని ఈ షోకు హాజరు కావడం.. అందరినీ ఒకింత విస్మయపరిచింది.
 
 ఇలా వీరు జంటగా కనిపించారో లేదా ఒక్కసారిగా ఈ ఫొటోలు సోషల్‌ మీడియాలో వైరల్‌ అయ్యాయి. వీరే ఎందుకింత షో స్పెషల్‌గా నిలిచారంటే.. కారణం లేకపోలేదు. జాన్వీకపూర్‌తో ఇషాన్‌ డేటింగ్‌ చేస్తున్నాడన్న వదంతులు ఆయన సోదరుడు షాహిద్‌ కపూర్‌కు నచ్చలేదట. ఈ విషయంలో ఇషాన్‌కు షాహిద్‌ పలు ఘాటు సూచనలు చేసినట్టు కథనాలు వచ్చాయి. ఈ నేపథ్యంలో వీరు మళ్లీ కలిసి కనిపించడం మరోసారి రూమర్లకు తావిచ్చింది.
 
 షాహిద్‌ సవతి సోదరుడైన ఇషాన్‌ ప్రఖ్యాత ఇరాన్‌ దర్శకుడు మజిద్‌ మజిద్‌ తెరకెక్కిస్తున్న ’బియాండ్‌ ద క్లౌడ్స్‌’  చిత్రం ద్వారా బాలీవుడ్‌కు పరిచయం అవుతున్నాడు. భారత నేపథ్యంతో రూపొందుతున్న ఈ సినిమాతో డ్రీమ్‌ డెబ్యూ చేస్తున్నాడు. మరోవైపు జాన్వీ కపూర్‌ బాలీవుడ్‌కు పరిచయం అయ్యేందుకు ఎదురుచూస్తోంది. కరణ్‌ జోహార్‌ ఆమెను బాలీవుడ్‌కు పరిచయం చేస్తాడని జాన్వీ తండ్రి బోనీకపూర్‌ ఇప్పటికే స్పష్టం చేశాడు. ఇషాన్‌-జాన్వీ జోడీ గతంలోనూ కలిసి మీడియాకు కనిపించింది.  వరుణ్‌ ధావన్‌ ’బద్రీనాథ్‌కి దుల్హానియా’సినిమాను కూడా ఈ జోడీ కలిసి చూడటం అప్పట్లో హల్‌చల్‌ చేసింది.


 హీరోల తమ్ముళ్లు వారసులుగా తెరంగేట్రం చేయడం సాధారణ విషయమే. బాలీవుడ్లో మరో హీరో తమ్ముడు ఎంట్రీ ఇస్తున్నాడు. షాహిద్ కపూర్ తమ్ముడు ఇషాన్ ఖట్టర్ ఓ బాలీవుడ్ చిత్రంలో నటించనున్నాడు.
 
 ఇషాన్ తెరంగేట్రం చేయనున్నట్టు ఇటీవల వచ్చిన వార్తలను షాహిద్ తల్లి నీలిమా అజీమ్ ఓ ఇంగ్లీష్ డైలీకి ఇచ్చిన ఇంటర్వ్యూలో  ధ్రువీకరించింది. తన రెండో కొడుకు కూడా హీరో అవుతున్నాడని, షాహిద్ మాదిరిగా ఇషాన్ కూడా మంచి డాన్సర్ అని చెప్పింది. ఇషాన్, శ్రీదేవి ముద్దుల తనయ జాహ్నవి, సైఫ్ అలీఖాన్ కుమార్తె సారా అలీ ఖాన్లతో కరణ్ జోహార్ ఓ సినిమా తీయనున్నట్టు ఇటీవల కథనాలు వినిపించినా, ఇషాన్ ఈ సినిమా ద్వారా బాలీవుడ్కు పరిచయం అవుతాడా లేదా అన్న విషయం నిర్ధారణ కాలేదు.