మణిరత్నం నిర్మాణంలో ‘నవరస’ అనే వెబ్‌ యాంథాలజీ రూపొందనుందనే విషయం తెలిసిందే. అందులో క్రేజీ స్టార్స్‌ నటిస్తారని ఎప్పటికప్పుడు వార్తలు వినిపిస్తూనే ఉన్నాయి. తాజాగా ఈ ప్రాజెక్ట్‌కి సంబంధించిన అధికారిక ప్రకటన వచ్చింది. నెట్‌ఫ్లిక్స్‌లో స్ట్రీమ్‌ కానున్న ఈ యాంథాలజీలో తొమ్మిది మంది దర్శకులు తొమ్మిది రసాల ఆధారంగా తొమ్మిది కథలను చూపించనున్నారు. దర్శకులు మణిరత్నం, జయేంద్ర ఈ యాంథాలజీను నిర్మించనున్నారు. ఈ ప్రాజెక్ట్‌కి పని చేసే నటులు, సాంకేతిక నిపుణులు ఎవ్వరూ పారితోషికం తీసుకోవడం లేదు. ఈ యాంథాలజీ నుంచి వచ్చిన లాభాలన్నీ కూడా కోవిడ్‌ వల్ల ఇబ్బందుల్లో ఉన్న సౌతిండియా ఫిల్మ్‌ ఫెడరేషన్‌ సభ్యులకు అందించనున్నారు. ఈ యాంథాలజీకు మణిరత్నం కేవలం నిర్మాతగానే వ్యవహరిస్తున్నారు. ఈ ‘నవరస’ ద్వారా తొలిసారి ఓటీటీలోకి ఎంట్రీ ఇస్తున్నారు సూర్య, రేవతి, సిద్ధార్థ్, విజయ్‌ సేతుపతి, పార్వతి... మరికొందరు. ఒక కథను తెరకెక్కిస్తూ, అరవింద్‌ స్వామి తొలిసారి దర్శకుడిగా మారారు. ఈ 9 కథలకు కెమెరామేన్లుగా సంతోష్‌ శివన్, బాలసుబ్రహ్మణ్యం, మనోజ్‌ పరమహంస, అభినందన్‌ రామానుజం, శ్రేయస్‌ కృష్ణ, హర్ష్‌వీర్‌ ఒబెరాయ్, సుజిత్‌ సారంగ్, వి. బాబు, విరాజ్‌ సింగ్‌ వ్యవహరిస్తున్నారు. అలాగే ఏఆర్‌ రెహమాన్, ఇమ్మాన్, జిబ్రాన్, అరుళ్‌ దేవ్, కార్తీక్, రోన్‌ ఎథన్, గోవింద్‌ వసంత, జస్టిన్‌ ప్రభాకరన్‌లు సంగీతం సమకూరుస్తున్నారు. అలాగే పట్టుకోటై్ట ప్రభాకర్, సెల్వ, మదన్‌ కార్కీ, సోమీథరన్‌ రచయితలుగా వ్యవహరిస్తున్నారు. వచ్చే ఏడాది ప్రథమార్ధంలో ఈ సినిమా నెట్‌ఫ్లిక్స్‌లో అందుబాటులోకి రానుంది. దర్శకులు కేవీ ఆనంద్‌ గౌతమ్‌ మీనన్‌ బీజోయ్‌ నంబియార్‌ కార్తీక్‌ సుబ్బరాజ్‌ పొన్రామ్‌ హలీత షహీమ్‌ కార్తీక్‌ నరేన్‌ రతీంద్రన్‌ ఆర్‌. ప్రసాద్‌ అరవింద్‌ స్వామి నటీనటులు రేవతి నిత్యామీనన్‌ పార్వతీ తిరువోత్తు ఐశ్వర్యా రాజేష్‌ పూర్ణ రిత్విక అరవింద్‌ స్వామి సూర్య సిద్ధార్థ్‌ విజయ్‌ సేతుపతి ప్రకాష్‌ రాజ్‌ శరవణన్‌ ప్రసన్న గౌతమ్‌ కార్తీక్‌

నందమూరి కళ్యాణ్‌రామ్‌ తొలిసారిగా చేస్తున్న రొమాంటిక్‌ ఎంటర్‌టైనర్‌ ‘నా నువ్వే’. ఈ మూవీలో తమన్నా హీరోయిన్‌గా నటిస్తోంది. మొదటిసారిగా జతకొట్టిన ఈ జోడి.. చాలా బాగుందనే కామెంట్స్‌ వినిపిస్తున్నాయి. ఇప్పటికే విడుదల చేసిన ప్రోమోలు సోషల్‌ మీడియాలో వైరల్‌గా మారుతున్నాయి. తాజా సమాచారం ప్రకారం ఈ సినిమా విడుదల తేది ఫిక్స్‌ అయింది. జూన్‌ 14న ఈ సినిమా ప్రేక్షకుల ముందుకు రాబోతోంది. నా నువ్వే సినిమాపై ప్రేక్షకుల్లో మంచి అంచనాలే ఉన్నాయి. తమన్నా అందాలు, కళ్యాణ్‌రామ్‌ లుక్స్‌ ఈ సినిమాకు స్పెషల్‌ అ‍ట్రాక్షన్‌గా నిలవనున్నాయి. ఇప్పటికే విడుదల చేసిన పాటలకు మంచి స్పందన వస్తోంది. ఈ మూవీకి పీసీ శ్రీరామ్‌ సినిమాటోగ్రఫర్‌గా పనిచేయగా...జయేంద్ర దర్శకత్వం వహించారు.

నందమూరి కల్యాణ్ రామ్‌ హీరోగా తెరకెక్కిన తాజా చిత్రం నా నువ్వే. తమిళ దర్శకుడు జయేంద్ర దర్శకత్వంలో తెరకెక్కిన ఈ రొమాంటిక్‌ ఎంటర్‌టైనర్‌లో తమన్నా హీరోయిన్‌ గా నటించారు. చాలా రోజులు క్రితమే షూటింగ్ పూర్తి చేసుకున్న ఈ సినిమాను మే 25న రిలీజ్ చేసేందుకు ప్లాన్‌ చేశారు. అయితే నిర్మాణాంతర కార్యక్రమాలు పూర్తి కాకపోవటంతో విడుదల వాయిదా పడింది. దీంతో సినిమాను వారం రోజులు ఆలస్యంగా జూన్‌ 1న రిలీజ్ చేస్తున్నట్టుగా వార్తలు వచ్చాయి. అయితే చిత్రయూనిట్ అధికారికంగా రిలీజ్ డేట్‌ను ప్రకటించలేదు. తాజా సమాచారం ప్రకారం నా నువ్వే రిలీజ్ మరింత ఆలస్యం కానుందట. జూన్‌ 8న లేదా.. 14న రిలీజ్ చేసే ఆలోచనలో ఉన్నారట చిత్రయూనిట్. గ్రాఫిక్స్‌ వర్క్‌ పూర్తి కాని కారణంగానే విడుదల ఆలస్యమవుతుందని తెలుస్తోంది.

టాలీవుడ్‌ యాక్షన్‌ హీరో గోపిచంద్‌, అందాల భామ అనుష్క మరోసారి కలిసి నటించేందుకు రెడీ అవుతున్నారు. తమిళ దర్శకుడు జయేంద్ర దర్శకత్వంలో తెరకెక్కుతున్న ఓ భారీ యాక్షన్‌ ఎంటర్‌టైనర్‌లో ఈ ఇద్దరూ జంటగా నటించనున్నారట. గతంలో వీరి కాంబినేషన్‌లో తెరకెక్కిన లక్ష్యం, శౌర్యం సినిమాలు మంచి విజయం సాధించాయి. దీంతోమరోసారి ఈ కాంబినేషన్‌ రిపీట్ అయితే ఇద్దరి కెరీర్‌లకు ప్లస్‌ అవుతుందని భావిస్తున్నారు. జయేంద్ర దర్శకత్వంలో కల్యాణ్ రామ్‌ హీరోగా తెరకెక్కిన నా నువ్వే ప్రస్తుతం రిలీజ్‌కు రెడీగా ఉంది. ఈ చిత్రాన్ని నిర్మించిన ముప్పవరపు కిరణ్‌, విజయ్‌ కుమార్‌లే గోపిచంద్‌ హీరోగా తెరకెక్కబోయే సినిమాను కూడా నిర్మించనున్నారు. ప్రస్తుతం చర‍్చల దశలో ఉన్న ఈ ప్రాజెక్ట్‌పై త్వరలోనే అధికారిక ప్రకటన వెలువడనుంది.

నందమూరి కల్యాణ్‌ రామ్‌ హీరోగా తెరకెక్కుతున్న తాజా చిత్రం నా నువ్వే. తమిళ దర్శకుడు జయేంద్ర దర్శకత్వంలో తెరకెక్కుతున్న ఈ సినిమాలో తమన్నా హీరోయిన్‌గా నటించారు. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమాను మహేష్‌ కోనేరు, విజయ్‌ వట్టికూటి, కిరణ్ ముప్పవరపులు సంయుక్తంగా నిర్మిస్తున్నారు. ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమా ప్రమోషన్‌ కార్యక్రమాల్లో భాగంగా చిత్రయూనిట్‌ థియేట్రికల్‌ ట్రైలర్‌ను రిలీజ్‌ చేశారు. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమాలో కల్యాణ్ రామ్‌ గతంలో ఎన్నాడూ కనిపించనంత సాఫ్ట్ అండ్‌ రొమాంటిక్‌ లుక్‌ లో దర్శనమిస్తున్నాడు. షరత్‌ సంగీతమందించిన ఈ సినిమా ఆడియో మంచి రెస్సాన్స్‌ వస్తోంది.

నందమూరి కల్యాణ్‌ రామ్‌ హీరోగా తెరకెక్కుతున్న తాజా చిత్రం నా నువ్వే. తమిళ దర్శకుడు జయేంద్ర దర్శకత్వంలో తెరకెక్కుతున్న ఈ సినిమాలో తమన్నా హీరోయిన్‌గా నటించారు. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమాను మహేష్‌ కోనేరు, విజయ్‌ వట్టికూటి, కిరణ్ ముప్పవరపులు సంయుక్తంగా నిర్మిస్తున్నారు. ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమా రన్‌ టైం షార్ట్‌ అండ్‌ క్రిస్ప్‌గా ఉండనుంది. గత కొద్ది రోజులుగా టాలీవుడ్‌లో భారీ నిడివితో చిత్రాలు రిలీజ్‌ అవుతున్నాయి. రంగస్థలం, భరత్‌ అనే నేను, నా పేరు సూర్య, మహానటి ఇలా అన్ని సినిమాలు దాదాపు మూడు గంటల నిడివితో రిలీజ్‌ అయ్యాయి. అయితే నా నువ్వే నిడివి మాత్రం రెండు గంటల లోపే ఉండనుంది. కేవలం 118 నిమిషాల రన్‌టైంతో ఈ సినిమా ప్రేక్షకుల ముందుకు రానుంది. షరత్‌ సంగీతమందిస్తున్న ఈ సినిమా ఆడియోను ఇటీవల రిలీజ్ చేశారు. సినిమాను ఈ నెల 25న రిలీజ్ చేసేందుకు ప్లాన్‌ చేస్తున్నారు చిత్రయూనిట్‌.

త్వరలో నా నువ్వే సినిమాతో ప్రేక్షకుల ముందుకు రానున్న కల్యాణ్‌ రామ్‌.. తన తదుపరి చిత్రాన్ని ఓకే చేశాడు. ఏప్రిల్‌ 25న కొత్త సినిమా ప్రారంభం కానుంది. ఈ సినిమాను కూడా నా నువ్వే చిత్రాన్ని తెరకెక్కిస్తున్న ఈస్ట్‌ కోస్ట్ ప్రొడక్షన్స్‌ బ్యానర్‌లోనే నిర్మించనున్నారు. జల్సా, దూకుడు, ఆగడు లాంటి చిత్రాలకు పనిచేసిన ప్రముఖ సినిమాటోగ్రాఫర్ కేవీ గుహన్ ఈ సినిమాకు దర్శకత్వం వహించనున్నారు. ఈ సినిమాలో కల్యాణ్ రామ్‌ సరసన నివేదా థామస్‌, షాలిని పాండేలు హీరోయిన్లుగా నటించనున్నారు. ఇప్పటికే షూటింగ్ పూర్తి చేసుకున్న నా నువ్వే మేలో రిలీజ్‌కు రెడీ అవుతోంది. తమన్నా హీరోయిన్‌గా నటించిన ఈ సినిమా జయేంద్ర దర్శకత్వంలో రూపొందుతోంది.

నందమూరి కళ్యాణ్ రామ్‌ హీరోగా తెరకెక్కుతున్న తాజా చిత్రం నా నువ్వే. ఇటీవల ఎంఎల్‌ఏగా ఆకట్టుకున్న నా నువ్వేలో క్లాస్‌ లుక్‌లో అలరించనున్నాడు. తమిళ దర్శకుడు జయేంద్ర దర్శకత్వంలో తెరకెక్కుతున్న ఈ సినిమాకు లెజెండరీ టెక్నీషియన్‌ పీసీ శ్రీరామ్‌ సినిమాటోగ్రఫీ అందిస్తున్నారు. కళ్యాణ్ రామ్‌ సరసన తమన్నా హీరోయిన్‌గా నటిస్తున్న ఈ సినిమా షూటింగ్ పూర్తయ్యింది. ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమాను మే 25న రిలీజ్ చేసేందుకు ప్లాన్ చేస్తున్నారు. ఇటీవల రిలీజ్‌ అయిన టీజర్‌కు మంచి రెస‍్పాన్స్‌ రావటంతో సినిమా మీద భారీ అంచనాలు ఏర్పడ్డాయి. ఈ సినిమాను ఈస్ట్‌కోస్ట్‌ ప్రొడక్షన్స్‌, కూల్‌ బ్రీజ్‌ సినిమా బ్యానర్లు సంయుక్తంగా నిర్మిస్తున్నాయి.

ఇజం అంతగా సక్సెస్‌ కాకపోవటంతో కాస్త గ్యాప్‌ తీసుకున్న నందమూరి హీరో కళ్యాణ్‌ రామ్‌ వరుసపెట్టి ప్రాజెక్టులు కమిట్‌ అవుతున్నాడు. ప్రస్తుతం ఆయన చేతిలో రెండు చిత్రాలు ఉన్నాయి. అందులో ఒకటి ఉపేంద్ర డైరెక్షన్‌లో కాజల్‌ హీరోయిన్‌గా చేస్తున్న ఎమ్మెల్యే కాగా, మరోకటి ‘180’ చిత్రం ఫేమ్‌ జయేంద్ర పంచపకేశన్ డైరెక్షన్‌లో చేస్తున్న చిత్రం.  ఇక జయేంద్ర చిత్ర టీజర్‌ను ఫస్ట్‌ గ్లింప్స్‌ పేరిట నేడు చిత్ర యూనిట్‌ విడుదల చేసింది. తమన్నా కథానాయికగా నటించిన ఈ చిత్రానికి ‘నా నువ్వే’ అనే టైటిల్‌ను ఫిక్స్‌ చేసేశారు.  రేడియో జాకీ మీరా పాత్రలో తమన్నాను.. ఆమె కోసం పరితపించే వరుణ్‌ అనే యువకుడి పాత్రలో కళ్యాణ్‌ రామ్‌ను చూపించారు. పుస్తకాల మధ్యలో కళ్యాణ్‌ రామ్‌ను కట్టేసి ఉన్న సీన్లు విచిత్రంగా ఉన్నాయి. బ్యాక్‌ గ్రౌండ్‌ ​స్కోర్‌లో వినిపించిన ప్రేమిక ట్యూన్‌ ఆకట్టుకుంది. ప్రముఖ సినిమాటోగ్రాఫర్‌ పీసీ శ్రీరామ్‌ ఈ చిత్రానికి వర్క్‌ చేశారు. మొత్తానికి ఓ ఎమోషనల్‌ అండ్‌ రొమాంటిక్‌ లవ్‌ స్టోరీగా ఈ చిత్రం రూపుదిద్దుకున్నట్లు టీజర్‌ను చూస్తే అర్థమౌతోంది. సమ్మర్‌లో నా నువ్వే విడుదల కానుంది. 


 ‘బాహుబలి–2’ తర్వాత తెలుగులో పలు అవకాశాలొచ్చినా తమన్నా అంగీకరించలేదు. జస్ట్‌... గాళ్‌ నెక్ట్స్‌ డోర్, బబ్లీ గ్లామరస్‌ రోల్స్‌ కాకుండా కొత్తగా, నటనకు అవకాశమున్న క్యారెక్టర్స్‌ కోసం వెయిట్‌ చేస్తున్నానని ఓ సందర్భంలో పేర్కొన్నారు. ఇప్పుడు అటువంటి అవకాశమే వచ్చినట్టుంది. వెంటనే ఓకే చెప్పేశారు. నందమూరి కల్యాణ్‌రామ్‌ హీరోగా ‘180’ ఫేమ్‌ జయేంద్ర దర్శకత్వంలో ఓ సినిమా ప్రారంభమైన సంగతి తెలిసిందే.
 
 కిరణ్‌ ముప్పవరపు, విజయ్‌కుమార్‌ వట్టికూటి నిర్మిస్తున్న ఈ సిన్మాలో హీరోయిన్‌గా ముందు ఐశ్వర్యలక్ష్మిని ఎంపిక చేశారు. ఏమైందో ఏమో ఇప్పుడామె స్థానంలో తమన్నా వచ్చి చేరారు. ‘‘యస్‌... కల్యాణ్‌రామ్‌కు జోడీగా తమన్నాను ఎంపిక చేశాం. హీరో హీరోయిన్లు ఇద్దరూ కొత్త లుక్‌లో కనిపిస్తారు. సెప్టెంబర్‌ 1న హైదరాబాద్‌లో మేజర్‌ షెడ్యూల్‌ మొదలవుతుంది. సెప్టెంబర్‌ నెలాఖరుకు 50 శాతం టాకీ పూర్తవుతుంది’’ అని చిత్రసమర్పకుడు మహేశ్‌ కోనేరు తెలిపారు. ఈ సినిమాకు తమన్నా కోటీ అరవై లక్షలు పారితోషికం అందుకుంటున్నట్లు సమా చారం!!


  
 
 కంచి కామకోటి పీఠాధిపతి పర్యటనకు విస్తృత ఏర్పాట్లు
 
 20న పంపా సత్రంలో శ్రీచంద్రమౌళీశ్వరస్వామి పూజ
 
 అన్నవరం : 
 కంచి కామకోటి పీఠాధిపతి జగద్గురు శ్రీజయేంద్ర సరస్వతి స్వామీజీ పర్యటనకు అన్నవరం దేవస్థానంలో విస్తృత ఏర్పాట్లు చేస్తున్నారు.   నాలుగేళ్ల తరువాత స్వామీజీ ఈ నెల 19న సాయంత్రం అన్నవరం దేవస్థానానికి వస్తున్నారు. 20 వరకూ ఆయన అన్నవరంలోనే బస చేస్తారని ఈఓ నాగేశ్వరరావు గురువారం ‘సాక్షి’కి తెలిపారు. పోలవరం ప్రాజెక్ట్‌ ఏ అవాంతరాలు లేకుండా పూర్తి కావాలని కోరుతూ దేవస్థానంలో గత వారం రోజులుగా నిర్వహిస్తున్న అతిరుద్ర మహాయాగంలో కూడా ఆయన పాల్గొంటారని తెలిపారు. ఈ కార్యక్రమంలో పాల్గొనేందుకు  దేవాదాయ మంత్రి పైడికొండల మాణిక్యాలరావు కూడా 19న వస్తారన్నారు. స్వామీజీ పర్యటన గురించి అన్నవరం, చుట్టుపక్కల గ్రామాలలో ప్రచారం చేయిస్తున్నామని తెలిపారు.
 ఇదీ పర్యటన షెడ్యూల్‌
 కంచి కామకోటి  పీఠం ఉత్తరాధికారి జగద్గురు శంకర విజయేంద్ర సరస్వతి స్వామీజీ తో కలిసి రానున్న శ్రీజయేంద్ర సరస్వతి  స్వామీజీకి 19న సాయంత్రం ఘాట్‌రోడ్‌ ముఖద్వారంలో ఘనస్వాగతం పలుకుతారు.  అనంతరం స్వామీజీ సత్యదేవుని ఆలయానికి చేరుకుంటారు. స్వామివారిని దర్శించి పూజలు చేశ  సత్యగిరి అతిథిగృహంలో బస చేస్తారు. 20న ఉదయం 9 నుంచి మ«ధ్యాహ్నం ఒంటిగంట వరకూ కొండదిగువన  పంపా సత్రంలో శ్రీ మహా త్రిపురసుందరి సమేత శ్రీచంద్రమౌళీశ్వరస్వామి పూజ నిర్వహిస్తారు. పంపా సత్రంలో నిర్వహించే శ్రీచంద్రమౌళీశ్వరస్వామి పూజకు తటాకం లేదా ప్రవహించే కాల్వ లేదా భూమిలో నుంచి మోటార్‌ ద్వారా వచ్చే వంద బిందెల పరిశుద్ధ జలం అవసరం. పీఠాధిపతి బస చేసే పంపా సత్రం పక్కనే పంపా కాల్వ ప్రవహిస్తోంది. సత్రం ఈశాన్యభాగంలో బోర్‌ కూడా ఉంది. దీంతో పంపా సత్రంలో పూజ నిర్వహించాలన్న ఆయన అభిమతం మేరకు ఏర్పాట్లు చేస్తున్నారు. ఘాట్‌రోడ్‌ ముఖద్వారం, తొలిపావంచా, పంపా సత్రం వద్ద జయేంద్ర సరస్వతి చిత్రాలతో భారీ ఫ్లెక్సీలు ఏర్పాటు 
 చేస్తున్నారు.