కబాలి టీజర్ (నెరుప్పు డ సాంగ్)
 నిడివి : 35 సె.
 హిట్స్ : 39,01,803
 కబాలి టీజర్ సాంగ్.. ‘నెరుప్పు డ’ యువతరాన్ని షేక్ చేస్తోంది! యూ ట్యూబ్‌లో అప్‌లోడ్ అయిన రెండు రోజుల్లోనే హిట్స్ 30 లక్షలు దాటాయి. రజనీకాంత్ ఇందులో గ్యాంగ్‌స్టర్‌గా నటిస్తున్నారు. రాధికా ఆప్టే హీరోయిన్. తమిళం, తెలుగు, హిందీ వెర్షన్‌లలో జూలై 15న విడుదల అవుతున్న కబాలి ఎలా ఉంటుందో శాంపిల్‌గా ఈ టీజర్‌లో చూడొచ్చు. స్ట్రీట్ ఫైటర్ రజనీ.. బాటిల్ విసిరి కారు విండో పగల గొట్టడంతో టీజర్ స్టార్ట్ అవుతుంది. నెక్ట్స్ సీన్‌లో బౌన్సర్స్ జనాన్ని తోస్తూ ఉండగా గ్యాంగ్‌స్టర్ రజనీ స్టెయిల్‌గా నడుచుకుంటూ వస్తారు. ఆ తర్వాత రాధికది ఒక చిన్న బిట్. అది ఆయ్యాక రజనీ ఎదుట ప్రత్యర్థి ‘కబాలీ’ అంటూ మోకరిల్లడం, ఈ సీన్స్ అన్నిటి వెనకాల సంతోష్ నారాయణన్ మ్యూజిక్.. వీడియోను రిచ్‌గా, ఎఫెక్టివ్‌గా చూపించాయి. ఇన్‌స్టంట్ ఉత్సాహం కోసం కోక్‌ని తాగినట్టు.. ఈ కబాలీ టీజర్‌ను చూడొచ్చు.
  
 దిస్ ఈజ్ వాట్ యు కేమ్ ఫర్ : వీడియో
 నిడివి : 3 ని. 59 సె.
 హిట్స్ : 1,38,94,820
 ‘అందరూ ఆ అమ్మాయిని చూస్తున్నారు.. ఆ అమ్మాయి మాత్రం నీ కోసం చూస్తోంది!’. రియానా, కేల్విన్ హ్యారిస్.. ఇద్దరూ కలిసి మిక్స్ చేసి కొట్టిన మ్యూజిక్ వీడియో ‘దిస్ ఈజ్ వాట్ యు కేమ్ ఫర్’లోని సాంగ్ ఇది. అయితే రియానా తన దీర్ఘకాలిక వదంతుల స్నేహితుడు ‘డ్రేక్’ కోసం గతంలో రికార్డ్ చేసిన ‘హాట్‌లైన్ బ్లింగ్’కి, దీనికీ కొన్ని పోలికలు కనిపిస్తాయి. అలాగని నిరుత్సాహ పడే పని లేదు. బార్బడోస్ దేశపు 28 ఏళ్ల గాయని రియానా ఆలపించిన ఈ వీడియోలో ‘బ్లింగ్’ని మించిన ఎమోషన్స్ చాలా ఉన్నాయి. స్కాటిష్ డీజే కేల్విన్ హ్యారిస్ అలా కనిపించి, ఇలా కనుమరుగైపోతారు (ఎక్కడో కనిపెట్టండి). భుజాల కిందికి జారుతుండే సిల్వర్ జంప్‌సూట్‌తో లేజర్ వెలుగుల మధ్య రియానా 4డి గ్రీన్ స్క్రీన్ బాక్స్‌లలోని అడవుల్లో, ఎడారుల్లో, క్లబ్లుల్లో ఆ కాసేపూ తనతో పాటు మనల్నీ విహరింపజేస్తారు.
  
 ఫీవర్ : అఫీషియల్ ట్రైలర్
 నిడివి : 2 ని. 53 సె.
 హిట్స్ : 27,12,304
 అతడు ఒంటరిగా తింటాడు. ఒంటరిగా తాగుతాడు. ఒంటరిగా నిద్రపోతాడు. మారు వేషంలో తిరుగుతుంటాడు. అమ్మాయిలు అతడిని వెంటాడుతుంటారు. ఇదొక సస్పెన్స్ థ్రిల్లర్. రాజీవ్ ఝవేరి డెరైక్ట్ చేస్తున్నారు. అజయ్ ఛబ్రియా నిర్మిస్తున్నారు. పేరు ‘ఫీవర్’. రాజీవ్ ఖండేల్‌వాల్ హీరో. గౌహర్ ఖాన్ హీరోయిన్. జమ్మా ఆట్కిన్‌సన్, క్యాటెరీనా మ్యురినో, అంకితా మక్వానా.. మిగతా ముగ్గురు అమ్మాయిలు. ఆ ఒంటరిగా తినేవాడు, ఒంటరిగా తాగేవాడు, ఒంటరిగా నిద్రపోయేవాడు ఓ కాంట్రాక్ట్ కిల్లర్. ఆక్సిడెంట్‌లో మెమరీ కోల్పోతాడు. తిరిగి మెమరీ ఎలా వచ్చింది? తర్వాత ఏం చేశాడు? ఇవన్నీ ఈ వీడియోలో అన్వేషించవచ్చు. పనిలో పనిగా ఎవరికి నచ్చే సన్నివేశాలను వారు ఆస్వాదించవచ్చు.


 తమిళ సూపర్ స్టార్ రజనీకాంత్ తాజా చిత్రం కబాలి విడుదలకు ముందే రికార్డుల మీద రికార్డులు బద్దలుకొడుతోంది. విడుదలైన 22 గంటల్లోనే కబాలి టీజర్ 50 లక్షలకు పైగా హిట్లు సంపాదించి రికార్డు సృష్టించగా.. తాజాగా మరో రికార్డు నెలకొల్పింది. ఈ టీజర్ను ఇప్పటి వరకు కోటి 71 లక్షల మంది వీక్షించారు. తద్వారా అత్యధిక హిట్లు వచ్చిన ఇండియన్ ఫిల్మ్ టీజర్గా రికార్డు సాధించింది. రజనీ దెబ్బకు అమీర్ ఖాన్ దూమ్ 3, సల్మాన్ ఖాన్ సుల్తాన్ సినిమాల టీజర్ల రికార్డులు బ్రేక్ అయ్యాయి. మే 1న విడుదలైన కబాలి టీజర్ సంచనాలు సృష్టిస్తోంది.  
 
 65 ఏళ్ల లేటు వయసులో రజనీ డాన్‌ పాత్రలో నటించిన కబాలి సినిమా టీజర్ అభిమానులకు పండుగ చేస్తోంది. 'పాత తెలుగు చిత్రాల్లో ముఖం మీద గాటు పెట్టుకుని, లుంగీ కట్టుకుని.. కబాలి అనగానే రెండు చేతులు కట్టుకుని చెప్పండి బాబూ అని వంగి నమస్కారం చేస్తాడనుకున్నావా? ఈ కబాలి వేరు...' అని కబాలి పాత్రలో రజనీకాంత్ ప్రత్యర్థికి కౌంటర్ ఇచ్చే ఈ టీజర్ తెలుగు, తమిళ చిత్ర పరిశ్రమలను ఓ ఊపు ఊపేసింది. రంజిత్ దర్శకత్వం వహించిన ఈ సినిమాలో రజనీ భార్యగా రాధికా ఆప్టే నటిస్తుండగా.. ఇతర పాత్రలలో కలైరసన్, దినేష్, రిత్విక తదితరులు నటించారు.
  


 దక్షిణాది సూపర్‌ స్టార్ రజనీకాంత్ సినిమాలకు తమిళంలో ఎంత క్రేజ్‌ ఉందో తెలుగులోనే అంతే ఉంది. ఈ తమిళ సూపర్‌ హీరోకి తెలుగులోనూ భారీ ఫ్యాన్‌ ఫాలోయింగ్ ఉంది. తమిళనాడుకు దీటుగా తెలుగు రాష్ట్రాల్లోనూ ఆయన సినిమాలు వసూళ్లు రాబడుతాయి. కాబట్టి రజనీ సినిమా అంటే తమిళం, తెలుగులో ఒకేసారి విడుదల కావాల్సిందే. కానీ రజనీ తాజా సినిమా 'కబాలి' విషయానికొస్తే.. ఇది జరిగే అవకాశాలు తక్కువగా కనిపిస్తున్నాయి.
 
 భారత తొలి ఫొటో రియలిస్టిక్‌ సినిమా రూపొందిన 'కొచ్చాడయన్‌' పరాజయం ఇంకా రజనీని వెంటాడుతూనే ఉంది. రజనీ కూతురు సౌందర్య రజనీకాంత్ దర్శకురాలిగా తెరకెక్కిన ఈ సినిమా తెలుగులో 'విక్రమసింహ'గా విడుదలైంది. రజనీ మీద ఉన్న నమ్మకంతో ఈ సినిమా తెలుగు హక్కులను లక్ష్మిగణపతి ఫిలింస్‌కు చెందిన శోభన్‌ బాబు భారీ ధరకు కొనుగోలు చేశారు. ఈ సినిమా మెగా అట్టర్‌ ప్లాప్‌ కావడంతో తీవ్రంగా నష్టపోయిన డిస్టిబ్యూటర్స్ తెలుగు ఫిలిం చాంబర్‌ ఆఫ్ కామర్స్‌లో ఫిర్యాదు చేశారు. ఈ సినిమా ఒకవేళ ప్లాప్‌ అయితే, రూ. 7 కోట్లు పరిహారంగా ఇస్తానని ఒప్పుకున్నారని, కానీ ఈ సినిమాతో తాము భారీగా మునిగినా గ్యారెంటీగా పేర్కొన్న రూ. 7 కోట్లు ఇవ్వలేదని ఫిర్యాదు చేశారు.
 
 ఈ ఫిర్యాదు ఇంకా పెండింగ్‌లోనే ఉంది. ఈ నేపథ్యంలో తమ గ్యారెంటీ సొమ్ము తిరిగిచ్చేవరకు తెలుగులో ఈ సినిమా విడుదలను ఆపేయాలని నష్టపోయిన డిస్టిబ్యూటర్లు భావిస్తున్నారని విశ్వసనీయంగా తెలుస్తోంది. దీంతో వచ్చే జూన్‌లో తెలుగులో ఈ సినిమా విడుదల సందేహామేనని టాలీవుడ్ వర్గాలు అంటున్నాయి. ఇక వృద్ధ మాఫియా డాన్‌గా తనదైన స్టైల్‌తో, స్టామినాతో రజనీ 'కబాలి'గా విడుదలైన టీజర్‌ యుట్యూబ్‌లో సంచనాలు సృష్టిస్తోంది. ఇప్పటికే కోటికిపైగా వ్యూస్ దక్కించుకున్న ఈ టీజర్‌ రికార్డులను బద్దలుకొడ్తూ దూసుకుపోతున్నది.
  


 లేటు వయసులో కూడా తమిళ సూపర్ స్టార్ రజనీకాంత్ ఘాటుగా మాయ చేస్తున్నాడు. 65 ఏళ్ల వయసులో డాన్‌ పాత్రలో నటించడమే గొప్ప అనుకుంటే, తెల్లగెడ్డం పెట్టుకుని తిరుగులేని స్టైల్‌తో యూట్యూబ్‌లో సంచలనాలు సృష్టించడం చూస్తుంటే రజనీ ఫీవర్ ఎంత ఉందన్నది అర్థమవుతోంది. తమిళంలో విడుదల చేసిన అఫీషియల్ టీజర్‌ను ఇప్పటివరకు దాదాపు 54 లక్షల మంది చూశారు. తెలుగు టీజర్ కూడా ఒక్క రోజులోనే 5.81 లక్షల వ్యూస్ సాధించింది. ''పాత తెలుగు చిత్రాల్లో ముఖం మీద గాటు పెట్టుకుని, లుంగీ కట్టుకుని.. కబాలి అనగానే రెండు చేతులు కట్టుకుని చెప్పండి బాబూ అని వంగి నమస్కారం చేస్తాడనుకున్నావా? ఈ కబాలి వేరు...'' అని కబాలి పాత్రలో రజనీకాంత్ ప్రత్యర్థికి కౌంటర్ ఇచ్చే ఈ టీజర్ తెలుగు, తమిళ చిత్ర పరిశ్రమలను ఓ ఊపు ఊపేసింది.
 
 జాన్ లెనన్ కళ్లద్దాలు ధరించి, త్రీ పీస్ సూట్ వేసుకుని స్టైలుగా రజనీ నడిచి వస్తుంటే.. కంప్యూటర్లు, స్మార్ట్ ఫోన్లలో చూస్తున్నవాళ్లు కూడా విజిల్స్ వేయకుండా ఉండలేకపోతున్నారు. ఈ టీజర్ చివర్లో రజనీకాంత్ 1970ల నాటి సినిమాలో ఓ రెస్టారెంట్ నుంచి బయటకు వస్తూ.. తనదైన స్టైలులో జుట్టు వెనక్కి తోసుకుంటున్న బిట్ కూడా పెట్టారు. అప్పటికీ, ఇప్పటికీ రజనీ స్టైల్ ఏమాత్రం తగ్గలేదని చూపించడానికే ఈ బిట్ పెట్టినట్లు తెలుస్తోంది. రంజిత్ దర్శకత్వం వహించిన ఈ సినిమాలో రజనీ భార్యగా రాధికా ఆప్టే నటిస్తుండగా.. ఇతర పాత్రలలో కలైరసన్, దినేష్, రిత్విక తదితరులు నటించారు.


  అరవై ఐదు సెకన్ల టీజర్... కేవలం నాలుగు గంటల్లో  లక్షా 50 వేల లైకులు సంపాదిస్తే...సుమారు 53 వేల మందికి పైగా చూస్తే  పెద్ద సంచలనమే. అలాంటి  సెన్సేషన్  క్రియేట్ చేస్తే అది రజనీకాంత్ సినిమా కాక వేరే ఏమై ఉంటుంది? రజనీకాంత్ తాజా చిత్రం ‘కబాలి’ టీజర్‌ను ఆదివారం విడుదల చేశారు. ఇలా రిలీజ్ అయ్యిందో లేదో అలా యూ ట్యూబ్‌లో హల్ చల్ చేయడం మొదలుపెట్టింది. ‘‘ కబాలి అంటే రెండు చేతులు కట్టుకుని చెప్పండి బాబూ అని నమస్కారం చేస్తాడనుకున్నావా? ఈ కబాలి వేరు...’’ అని కబాలి పాత్రలో రజనీకాంత్ ప్రత్యర్థికి కౌంటర్ ఇచ్చే ఈ టీజర్ తెలుగు, తమిళ చిత్ర పరిశ్రమలను ఓ ఊపు ఊపేసింది.
  
  అభిమానుల నుంచి ప్రముఖుల వరకూ అందరూ ఈ టీజర్‌లో రజనీ స్టయిల్, చరిష్మాకు ఫిదా అయిపోయారు. రామ్‌గోపాల్ వర్మ అయితే ‘బాహుబలి కా బాప్’ అంటూ ఆకాశానికెత్తేస్తే,  దర్శకుడు రాజమౌళి అయితే ‘దిస్ ఈజ్ స్టైల్’ ‘దిస్ ఈజ్ తలైవా’ (తలైవా అంటే నాయకుడు అని అర్థం), ‘దిస్ ఈజ్ రజనీ’ అంటూ కితాబిచ్చేశారు. కలైపులి ఎస్.థాను నిర్మాణంలో రంజిత్ తెరకెక్కించిన ఈ చిత్రం ఈ నెలలోనే విడుదల కానుంది.