సాక్షి, మంచిర్యాల : మావోల ఏరివేతే లక్ష్యంగా ఉమ్మడి జిల్లా పోలీసు యంత్రాంగం సాగుతుండగా పట్టు పెంచుకునే ప్రయత్నాల్లో మావోలు ఉన్నారు. ఈనెల 19న కాగజ్‌నగర్‌ మండలం కదంబా అడవుల్లో జరిగిన ఎదురుకాల్పుల్లో ఇద్దరు దళ సభ్యులు మృతి చెందగా, ఇందులో ఒకరు చత్తీస్‌గడ్‌కు చెందిన చుక్కాలు కాగా, మరొకరు ఆదిలాబాద్‌ జిల్లా నేరడిగొండ మండలం అద్దాల తిమ్మాపూర్‌కు చెందిన జుగ్నాక్‌ బాదీరావు ఉన్నాడు. బాదీరావు నాలుగు నెలల క్రితమే కుమురంభీం–మంచిర్యాల డివిజన్‌ కమిటీలో చేరాడు. గత ఆర్నెళ్ల క్రితం కరోనా ప్రభావం, లాక్‌డౌన్‌ కాలంలో చతీస్‌గడ్‌లోని దండకారణ్యం నుంచి మహారాష్ట్ర మీదుగా ఆసిఫాబాద్‌లోకి ప్రవేశించినట్లు పోలీసులు గుర్తించారు. ఉమ్మడి జిల్లాలో తిర్యాణి, సిర్పూర్‌(యూ), జన్నారం, ఊట్నూరు, నేరడిగొండ, సిరికొండ, పెంబి అటవీ ప్రాంతాల్లో సంచరిస్తున్నట్లు పట్టు పెంచుకునే పనిలో పడ్డారు. అంతేకాక ఏరియాల వారీగా బాధ్యతలు అప్పగిస్తూ కొత్త నియామకాలపై దృష్టి పెట్టారు. కొత్త సభ్యులు పలు గ్రామాల్లో ప్రజలను కలిసి తమ కార్యకలాపాలు విస్తరించే సందర్భాల్లోనే ఆచూకీ తెలిసి ఈ ఎన్‌కౌంటర్‌ జరిగినట్లు తెలుస్తోంది. అయితే ఈ ఎన్‌కౌంటర్‌ బూటకమంటూ కేబీఎం కమిటీ కార్యదర్శి అడెల్లు పేరుతో ఆదివారం  ఓ లేఖ విడుదల అయింది. (తప్పించుకున్న భాస్కర్‌?) కేబీఎం కమిటీకి నేతృత్వం వహిస్తూ గత 25ఏళ్లుగా అజ్ఞాతంలో దండకారణ్యంలో ఉద్యమంలో ఆరితేరిన మైలరపు అడెల్లు అలియాస్‌ భాస్కర్‌ది బోథ్‌ మండలం పొచ్చెర కావడంతో ఇక్కడి యువతను ఉద్యమంలోకి ఆకర్షించే పనిలో ఉన్నారు. మాజీల సాయం పొందినట్లు పోలీసులు గుర్తించారు. వారం రోజుల పాటు బోథ్‌ మండలంలోని ఆదివాసీ గ్రామాలు, నేరడిగొండ, పెంబి ప్రాంతాల్లో పలువుర్ని కలిసినట్లు పోలీసులు గుర్తించారు. అయితే కొందరు మాజీలు పోలీసులకు సహకరిస్తుండడంతో దళ సభ్యుల కదలికలు గుర్తిస్తున్నారు. ఈ క్రమంలోనే పలుమార్లు తిర్యాణి, ఆసిఫాబాద్‌ ప్రాంతాల్లో తృటిలో తప్పించుకున్నారు. మావోలు వదిలివేసిన సామగ్రిలో కీలక సమాచారం తెలుసుకోవడంతో గత రెండు నెలలుగా మరింత అప్రమత్తమయ్యారు. ఉమ్మడి జిల్లాలో 15 మంది వరకు కొత్తగా దళంలో చేరినట్లు అనుమానాలు ఉన్నాయి. వీరిపై ఇప్పటికే పోలీసుల పలువుర్ని అదుపులోకి తీసుకున్నారు.   పట్టు కోసం గట్టి ప్రయత్నాలు  గతంలో నక్సల్స్‌కు గట్టి పట్టున్న తిర్యాణి, మంగి, సిర్పూర్‌ యూ, ఊట్నూరు, పెంబి, నేరడిగొండ, సిరికొండ తదితర ఆదివాసీ ప్రాంతాల్లో రహస్యంగా సంచరిస్తు పలువుర్ని దళంలోకి చేర్చుకున్నారు. అంతేకాక సానుభూతి పరులతో పట్టుపెంచుకున్నట్లు నిఘా వర్గాలు గుర్తించాయి. దళంలో చేరేందుకు స్థానిక యువతకు డబ్బుల ఆశ చూపిస్తున్నట్లు సమాచారం. తాజా ఎన్‌కౌంటర్‌లో మృతి చెందిన బాదీరావు స్వస్థలం అద్దాల తిమ్మాపూర్‌ నేరడిగొండ మండలంలోనే అత్యంత మారుమూల ప్రాంతం. ఇలాంటి ఆదివాసీ గూడల నుంచి కొత్త నియామకాలను, ఉమ్మడి జిల్లాలో దళాన్ని ఆదిలోనే నిలువరించేందుకు డీజీపీ మహేందర్‌ రెడ్డి నెలన్నర వ్యవధిలోనే రెండు సార్లు పర్యటించారు. ఈ నెల 2న ఆసిఫాబాద్‌కు వచ్చి ఐదు రోజుల పాటు మకాం వేశారు. తాజా పరిస్థితుల నేపథ్యంలో ఐదుగురు దళ సభ్యుల లక్ష్యంగానే కాకుండా కొత్తగా యువత రిక్రూట్‌ను అరికట్టాలనే తీరుగా ఆయన పర్యటన సాగింది. డీజీపీ పర్యటన జరిగిన రెండు వారాల్లోనే ఈ ఎన్‌కౌంటర్‌ చోటు చేసుకోవడం గమనార్హం. ఎన్‌కౌంటర్‌తో ఉలిక్కిపాటు కదంబా ఎన్‌కౌంటర్‌తో ఉమ్మడి జిల్లా ఒక్కసారిగా ఉలిక్కిపడింది. గత పదేళ్లుగా ఎటువంటి అలజడి లేకుండా సాగిన ఈ ప్రాంతంలో కాగజ్‌నగర్‌ మండలం కదంబా అడవుల్లో జరిగిన ఎదరు కాల్పులతో ఉమ్మడి జిల్లాలో హైఅలర్ట్‌ నెలకొంది. పెద్ద ఎత్తున బలగాలు కూంబింగ్‌ నిర్వహిస్తుండంతో టెన్షన్‌ వాతావరణం నెలకొంది. 19 ఏళ్లకే దళంలోకి..  కదంబా ఎన్‌కౌంటర్‌లో మృతి చెందిన జుగ్నాక్‌ బాధీరావు 19 ఏళ్లకే దళంలో చేరాడు. పత్తి విత్తనాలు పెట్టే సీజన్‌లో ఇల్లు వదిలిపోయి ఇప్పటికీ కనిపించలేదని తల్లి చిన్నుబాయి పేర్కొంది. తల్లిదండ్రులు చిన్నుబాయి, భూమన్న. తండ్రి బాల్యంలోనే చనిపోయాడు. బాదీరావు లారీ క్లీనర్, చికెన్‌ సెంటర్‌ నిర్వాహాణ తదితర పని చేశాడని కుటుంబ సభ్యులు తెలిపారు.  దళంలో చేరిన మూడు నెలలకే ఎన్‌కౌంటర్‌లో మృతిచెందినట్లు కుటుంబ సభ్యులు తెలిపారు. దద్దరిల్లిన కదంబా కాగజ్‌నగర్‌: కదంబా అడవి మరోమారు తుపాకుల మోతతో దద్దరిళ్లింది. దాదాపు పదేళ్ల అనంతరం శనివారం రాత్రి జరిగిన ఎన్‌కౌంటర్‌లో ఇద్దరు మావోయిస్టులు మృతిచెందారు. కాగజ్‌నగర్‌ మండలం కదంబా గ్రామానికి దాదాపు ఏడు కిలోమీటర్ల దూరంలో కొండపై జరిగిన ఎన్‌కౌంటర్‌తో ఉమ్మడి జిల్లా ఉలిక్కిపడింది. ఎన్‌కౌంటర్‌ నేపథ్యంలో ఆదివారం సంఘటన స్థలాన్ని రామగుండం పోలీస్‌ కమిషనర్, కుమురం భీం జిల్లా ఇన్‌చార్జి ఎస్పీ సత్యనారాయణతో పాటు ఉమ్మడి జిల్లా ఓఎస్‌డీ ఉదయ్‌కుమార్‌రెడ్డి, ఏఎస్పీ సుధీంద్ర, పోలీస్‌ అధికారులు పరిశీలించారు. అనంతరం ఎన్‌కౌంటర్‌ జరిగిన తీరును ఇన్‌చార్జి ఎస్పీ వెల్లడించారు. గంట పాటు కాల్పులు..  గ్రేహౌండ్స్, స్పెషల్‌పార్టీ, స్థానిక పోలీస్‌ సిబ్బందితో కదంబా అడవుల్లో కూంబింగ్‌ నిర్వహిస్తుండగా శనివారం రాత్రి 10 గంటల సమయంలో మావోయిస్టులు ఎదురుపడ్డారు. లొంగిపోవాలని హెచ్చరిస్తున్నా కాల్పులు జరపడంతో ఆత్మ రక్షణ కోసం పోలీసుల వైపు నుంచి సైతం ఎదురుకాల్పులు జరిపారు. అయితే ఇరువర్గాల మధ్య దాదాపు గంటకు పైనే కాల్పులు జరిగినట్లు ఇన్‌చార్జి ఎస్పీ వెల్లడించారు. తెల్లవారుజామున వెతకగా ఆడెల్లు అలియాస్‌ భాస్కర్‌ దళంలోని ఇద్దరు సభ్యులు జుగ్నాకా బాదిరావు(19), చుక్కాలు(22) మృతదేహాలు లభించాయి. చనిపోయిన వారిలో బాదిరావుది ఆదిలాబాద్‌ జిల్లా నేరెడిగొండ మండలం అద్దాల తిమ్మాపూర్, చుక్కాలుది ఛత్తీస్‌ఘడ్‌లోని బీజాపూర్‌ జిల్లాగా నిర్ధారించారు. అయితే కుమురం భీం, మంచిర్యాల జిల్లాల డివిజన్‌ కమిటీకి సారథ్యం వహిస్తున్న అడేల్లు అలియాస్‌ భాస్కర్‌తో పాటు మరికొందరు తప్పించుకున్నారు. భాస్కర్‌తో పాటు దళసభ్యులను పట్టుకునేందుకు కూంబింగ్‌ కొనసాగుతుందని పోలీసులు తెలిపారు. పదేళ్ల తర్వాత ఎన్‌కౌంటర్‌.. పులుల ఆవాసంగా పేరొందిన కాగజ్‌నగర్‌ పరిధి కదంబా అడవి ఇప్పటి పలు ఎన్‌కౌంటర్లకు ప్రత్యక్ష సాక్ష్యంగా నిలిచింది. ఉమ్మడి రాష్ట్రంలో 1998లో మొదటిసారి కదంబా ప్రభు త్వ స్కూల్‌ పరిసరాల్లో పీపుల్స్‌వార్, పోలీసులకు మధ్య కాల్పులు జరగగా ఇద్దరు నక్సల్స్‌ చనిపోయారు. మరుసటి ఏడాదే 1999లో రెండోసారి ఎన్‌కౌంటర్‌ జరగగా ముగ్గురు నక్సల్స్‌ చనిపోయారు. మళ్లీ 20 ఏళ్ల తర్వాత ప్రత్యేక రాష్ట్రంలో ఈనెల 19న జరిగిన ఎన్‌కౌంటర్‌లో ఇద్దరు మావోలు మృతి చెందారు. 2003లో బెజ్జూర్‌ మండలం ఆగర్‌గూడలో జరిగిన ఎన్‌కౌంటర్‌లో ముగ్గురు మవోయిస్టులు మృతిచెందారు. అదే ఏడాది కొండపల్లిలో ఎన్‌కౌంటర్‌ జరిగింది. 2010లోనూ మవోయిస్టు కీలకనేతను పోలీసులు మట్టుపెట్టారు. మవోయిస్టు పార్టీ కేంద్ర కమిటీ సభ్యుడు రాజ్‌కుమార్‌ అలియాస్‌ ఆజాద్‌ ఎన్‌కౌంటర్‌లో మృతిచెందాడు. సిర్పూర్‌(టి)లో పోస్టుమార్టం సిర్పూర్‌(టి): ఎన్‌కౌంటర్‌లో మృతిచెందిన మావోయిస్టుల మృతదేహాలకు సిర్పూర్‌(టి) సామాజిక ఆస్పత్రిలో పోస్టుమార్టం నిర్వహించారు. పోలీసుల భారీ బందోబస్తు మధ్య అంబులెన్సులో మృతదేహాలను ఆస్పత్రికి తీసుకొచ్చారు. ఆదివారం మధ్యాహ్నం 1:30 గంటల సమయంలో మృతదేహాలను తీసుకొచ్చి పోస్టుమార్టం నిర్వహించారు. ఆసిఫాబాద్, కాగజ్‌నగర్‌ డీఎస్పీలు అచ్చేశ్వర్‌రావ్, స్వామి, కౌటాల సీఐ శ్రీనివాస్, ఎస్సైలు రవికుమార్, సందీప్, ఆంజనేయులు, వినోద్‌ ఆస్పత్రి వద్ద బందోబస్తు ఏర్పాటు చేశారు. పోస్టుమార్టం అనంతరం బాదిరావ్‌ కుటుంబ సభ్యులకు మృతదేహాన్ని అప్పగించారు. చుక్కాలు మృతదేహాన్ని మార్చురీలో ఉంచారు. బాదిరావ్‌ మృతదేహం వద్ద తల్లి చిన్నుబాయి కన్నీరుమున్నీరుగా విలపించింది.

ఆర్య, కేథరిన్‌ థెరిస్సా జంటగా రాఘవ దర్శకత్వంలో రూపొందిన చిత్రం ‘కదంబన్‌’. భారీ బడ్జెట్‌తో తెరకెక్కిన ఈ సినిమా తమిళంలో ఘన విజయం సాధించి, ఆర్య కెరీర్‌లోనే అత్యధిక కలెక్షన్స్‌ సాధించిన చిత్రంగా నిలిచింది. ఈ చిత్రాన్ని లక్ష్మీ వెంకటేశ్వర ఫ్రేమ్స్‌ పతాకంపై ఉదయ్‌ హర్ష వడ్డెల్ల ‘గజేంద్రుడు’ పేరుతో తెలుగులోకి అనువదించారు. ఈ నెల 21న సినిమా విడుదల కానుంది. ఉదయ్‌ హర్ష వడ్డెల్ల మాట్లాడుతూ– ‘‘ఓ కొండ ప్రాంతాల్లో ఉండే గిరిజన పుత్రులుగా హీరో, హీరోయిన్‌ నటించారు. సినిమా అంతా కూడా కొండ ప్రాంతంలో ఉంటూ ఆద్యంతం థ్రిల్‌కి గురి చేసేలా ఉంటుంది. ఈ సినిమా కోసం ఆర్య బాగా బరువు పెరిగారు. కేథరిన్, ఆర్య జంట తెరపై కనువిందు చేస్తుంది’’ అన్నారు. ఈ చిత్రానికి సమర్పణ: భారతి  వరప్రసాద్‌  వడ్డెల్ల.


 అర్జెంట్‌గా తనకో గర్ల్ ఫ్రెండ్ కావాలి అంటున్నదెవరో తెలుసా? హీరోయిన్ల హీరోగా ముద్రవేసుకున్న నటుడు ఆర్య. ఆర్య గురించి గతంలో రకరకాల వార్తలు ప్రచారం అయిన విషయం తెలిసిందే. ఆర్య అంటే ఇష్టపడని హీరోయిన్లు ఉండరని చాలా మంది కథానాయికలు బహిరంగంగానే చెప్పారు. అదే విధంగా ఆర్య హీరోయిన్లకు బిరియాని వండి పెట్టి మచ్చిక చేసుకుంటారనే ప్రచారం కూడా పాతదే. తన చిత్రాల ప్రమోషన్లకే రాని నటి నయనతార ఆర్య పిలవగానే ఆయన చిత్ర ఆడియో ఆవిష్కరణ కార్యక్రమానికి హాజరై అందర్ని విస్మయపరచిన సంఘటన ఉంది.
 
 అయితే నటుడు ఆర్యకు ఇటీవల సరైన హిట్‌ చిత్రాలు లేవు. ఈ మధ్యకాలంలో విడుదలైన కడంబన్‌ చిత్రం ఆర్యను నిరాశ పరచింది. ఆర్య అనూహ్యంగా తనకు అర్జెంట్‌గా ఒక గర్ల్ ఫ్రెండ్ కావాలి. ప్లీజ్‌ ఎవరైనా హెల్ప్‌ చేయండి అంటూ తన ట్విట్టర్లో పేర్కొన్నారు. ఈ విషయాన్ని నటి వరలక్ష్మీ శరత్‌కుమార్ బహిరంగం చేయడం మరో విశేషం. ఆర్య ట్వీట్‌పై ఆయన అభిమానులు రకరకాలుగా కామెంట్ చేస్తున్నారు. అందులో ఒక అభిమాని ఘగర్‌లేని కాఫీ, ఆర్యకు తగని ఫిగర్‌ బాగున్నట్లు చరిత్రే లేదు అంటూ కామెంట్ చేశారు. ఇప్పుడిదే సోషల్‌ మీడియాలో వైరల్‌ అవుతోంది.


 టీనగర్‌: తారలకు శరీర సౌందర్యం ముఖ్యమని నటి కేథరిన్‌ ట్రెసా అంటోంది. ఇటీవల ఈ బ్యూటీ ఆర్యతో కలిసి నటించిన కడంబన్‌ చిత్రం విడుదలై అభిమానుల నీరాజనాలు అందుకుంటోంది. అంతేగాకుండా కేథరిన్‌కు మంచి పేరు తెచ్చిపెట్టింది. ఈ సందర్భంగా కేథరిన్‌ ట్రెసా మాట్లాడుతూ తాను అనేక తమిళ, తెలుగు చిత్రాల్లో నటించినప్పటికీ, కడంబన్‌ లాంటి చిత్రంలో నటించలేదని, అంతలా కష్టపడింది లేదన్నారు. కొన్ని రోజులపాటు నటించిన తనకే అంత కష్టంగా అనిపిస్తే, అటవీ, కొండ ప్రాంతాల్లో నివసించే మహిళలను చూస్తే ఆశ్చర్యంగా ఉందన్నారు. అందుకే వారికి తన సెల్యూట్‌ అన్నారు.
 
 తదుపరి విష్ణుతో కథానాయగన్‌ చిత్రంలో నటించనున్నానని, తనతోపాటు నటించిన అనేక మంది నటులు తనను ఎంతగానో ప్రశంసించినట్లు తెలిపారు. నటీమణులకు శారీరక సౌందర్యం అతి ముఖ్యమని, తాను ప్రతిరోజూ తప్పకుండా యోగా, ఏరోబిక్స్‌ చేస్తానన్నారు. అలాగే, ఫాస్ట్‌ఫుడ్స్‌ జోలికి వెళ్లనని, స్వీట్స్‌ కూడా నిషేధించినట్లు తెలిపారు. దేశంలో మహిళలపై లైంగిక వేధింపులు అధికమవుతున్నాయని, ఇందుకు పాల్పడేవారిని కఠినంగా శిక్షిం చాలని కోరారు. తాను దుబాయ్‌లో పెరిగానని, అక్కడలా మహిళలపై హింసకు పాల్పడేవారిని శిక్షించేందుకు కఠినమైన చట్టాలు రావాలని అభిప్రాయం వ్యక్తం చేశారు. 


 ‘మెడ్రాస్‌’ చిత్రంతో తమిళ తెరకు పరిచయమైన అందాల తార కేథరిన్‌ ట్రెసా. ఆ తర్వాత అమ్మడు కథకళి చిత్రంలో నటించింది. ఇటీవల కేథరిన్‌ నటించిన ‘కడంబన్‌’ చిత్రం విడుదలై విజయవంతంగా ప్రదర్శించబడుతోంది. ఈ చిత్ర విడుదలకు ముందు ప్రమోషన్‌ పనుల కోసం చెన్నై కొచ్చిన కేథరిన్‌ ట్రెసా మీడియాతో మాట్లాడింది. అప్పుడు ఆమెతోపాటు భద్రతకు జిమ్‌ బాయ్స్, మేకప్‌ ఉమెన్, టచ్‌ అప్‌ ఉమెన్‌  సహా అంతా వచ్చారు. అమ్మడు భేటీ ఇచ్చే సమయంలో టచ్‌ అప్‌ ఉమెన్‌ టచ్‌ చేస్తూ ఉంది. ఆమె సొంత ఊరు, తల్లిదండ్రుల గురించి ఓ పత్రికా ప్రతినిధి ప్రశ్నించగా తాను నాలుగైదు సినిమాల్లో నటించాననంది.
 
 తానేమీ కోలీవుడ్‌కు కొత్తదాన్ని కాదుకదా, మరెందుకు ఇటువంటి పాత ప్రశ్నలు అంటూ బదులు చెప్పడానికి నిరాకరించింది. అప్పుడు తమిళ భాష కూడా రాని కేథరిన్‌ తెలిసి తెలియని తమిళంలో మాట్లాడింది. చివరిలో తన భేటీని తాను చెప్పినట్టే వేయాలని ఆదేశించింది. మార్చి ప్రచురించవద్దని తెలిపింది. ఏమైనా సందేహం ఉంటే ఇప్పుడే అడగండి అని తెలిపింది. తన భేటీ తప్పుగా రాకూడదని చెప్పింది. సందేహం వస్తే అడగడానికి మీ ఫోన్‌ నంబరు ఇవ్వండని విలేకరులు అడిగారు. అయితే తన సెల్‌ఫోన్‌ నంబరును ఎవరికీ ఇచ్చేది లేదని తేల్చి చెప్పింది. అవసరమనుకుంటే నా మేనేజర్‌ ఫోన్‌ నంబరుకు సంప్రదించండి అని తెలిపి వెళ్లిపోయింది. మూడు చిత్రాల్లో మాత్రమే నటించిన స్థితిలో కేథరిన్‌ నడుచుకున్న విధానం మీడియా ప్రతినిధులను తీవ్ర అసంతృప్తికి గురిచేసింది. ఈ విషయం గ్రహించిన అమ్మడు ‘కడంబన్‌’ విడులైన తర్వాత మళ్లీ అదే చోట మీడియా సమావేశం ఏర్పాటు చేసింది. ఈ సారి భద్రతకు జిమ్‌ బాయ్స్, టచ్‌ అప్‌ ఉమెన్‌ లేకుండా వచ్చింది. తమిళంలో మాట్లాడింది. మీడియా మిత్రులు అడిగిన ప్రశ్నలన్నిటికీ సమాధానం చెప్పింది. అడిగిన వారికందరికీ తన సెల్‌ఫోన్‌ నంబరు ఇచ్చింది. కేథరిన్‌ ట్రెసాలో వచ్చిన ఈ మార్పు మీడియా మిత్రులను ఆశ్చర్యపోయారు. ఎట్టకేలకు తప్పు తెలుసుకున్న కేథరిన్‌ మిడియా మిత్రులను సంతృప్తి పరిచింది.


 లైంగిక వేధింపులు తగ్గాలంటే అందుకు పాల్పడే వారిని కఠినంగా శిక్షించాలంటోంది నటి కథెరిన్  ట్రెసా. కేరళా కొట్టాయంకు చెందిన ఈ మలయాళం కుట్టి మెడ్రాస్‌ చిత్రం ద్వారా కోలీవుడ్‌కు రంగప్రవేశం చేసింది. ఆ తరువాత కథకళి, కణిదన్‌ చిత్రాల్లో నటించిన ఈ అమ్మడు మధ్యలో టాలీవుడ్‌లో మెరిసి తాజాగా కడంబన్‌ చిత్రంతో కోలీవుడ్‌ ప్రేక్షకులను అలరించడానికి వచ్చింది. ఆర్య కథానాయకుడిగా నటించి సూపర్‌గుడ్‌ ఆర్‌బీ.చౌదరితో కలిసి నిర్మించిన ఈ చిత్రానికి రాఘవ దర్శకుడు.కడంబన్‌ శుక్రవారం తెరపైకి వచ్చింది. ఈ సందర్భంగా నటి క్యాథరిన్‌ ట్రెసా ఈ చిత్రంలో నటించిన అనుభవాలను నెమరవేసుకుంది.
 
 అవేంటో చూద్దాం..మా స్వస్థలం కేరళలోని కొట్టాయం. అయితే నేను పుట్టి పెరిగింది దుబాయ్‌లో. నాన్న ఉద్యోగం కారణంగా కుటుంబం అంతా అక్కడే నివాసం. సినిమా అంటే ఆసక్తి కారణంగానే నటనను వృత్తిగా ఎంచుకున్నాను. తక్కువ చిత్రాలైనా గుర్తుండిపోయేలాఉండాలని కోరుకుంటున్నాను.అలా ఇష్టపడి నటించిన చిత్రం కడంబన్‌. చిత్ర షూటింగ్‌ను కోడైకెన్నాల్‌ సమీపంలోని దట్టమైన అడవుల్లో తీశారు.అక్కడ కరెంట్‌ లేదు, సెల్‌ఫోన్లు పనిచేయవు. మా కోసం ఆ ప్రాంతంలోని ఒక గెస్ట్‌హౌస్‌ను అద్దెకు తీసుకున్నారు.అక్కడ బస చేయడం,ఈ చిత్రంలో నటించడం వ్యత్యాసమైన అనుభవం.చిత్రం ఆధ్యంతం కాళ్లకు చెప్పులు లేకుండా నటించాను.ఆ ప్రాంతంలో షూటింగ్‌ అనగానే మొదట హడలిపోయాను. తమిళం,తెలుగు భాషల్లో నేను ఎంతగానో కష్టపడి నటించిన చిత్రం ఇదే. అన్నట్టు నేనీ చిత్రంలో ఫైట్స్‌ కూడా చేశాను.ఆర్యతో నటించడంతో ఆయన మీకు బిరియానీ వండి పెట్టారా?అని అడుగుతున్నారు.నట్టడవుల్లో బిరియాని ఎలా లభిస్తుంది చెప్పండి.
 
 అయినా ఆహార విషయంలో నేను కొన్ని కట్టుబాట్లను విధించుకున్నాను. అలాగే వ్యాయామం క్రమం తప్పకుండా చేస్తాను. ఒక తెలుగు చిత్రంలో సింగిల్‌ సాంగ్‌కు రూ.65 లక్షలు డిమాండ్‌ చేసి తీసుకున్నారటగా అని అడుగుతున్నారు. ప్రముఖ టాలీవుడ్‌ దర్శకుడు చేస్తున్న చిత్రం అది.అందులో ఒక పాటకు నటించమని అడిగారు. నాకు నచ్చడంతో నా స్థాయికి తగ్గ పారితోషికాన్ని తీసుకుని నటించాను.అన్ని రంగాల్లో మాదిరిగానే సినిమా రంగంలోనూ పోటీ ఉంది.అది మంచిదే. ప్రతిభను మెరుగుపరచుకునేలా చేస్తుంది.మహిళలపై లైంగిక వేధింపుల గురించి మీ అభిప్రాయం ఏమిటని అడుగుతున్నారు.అలాంటి చర్యలకు పాల్పడేవారిని తీవ్రంగా శిక్షించాలి.అప్పుడే నేరాలు,ఘోరాలు తగ్గుతాయి.


 లైంగిక వేధింపులు తగ్గాలంటే అందుకు పాల్పడే వారిని కఠినంగా శిక్షించాలంటోంది నటి క్యాథరిన్‌ ట్రెసా. కేరళా కొట్టాయంకు చెందిన ఈ మలయాళం కుట్టి మెడ్రాస్‌ చిత్రం ద్వారా కోలీవుడ్‌కు రంగప్రవేశం చేసింది. ఆ తరువాత కథకళి, కణిదన్‌ చిత్రాల్లో నటించిన ఈ అమ్మడు మధ్యలో టాలీవుడ్‌లో మెరిసి తాజాగా కడంబన్‌ చిత్రంతో కోలీవుడ్‌ ప్రేక్షకులను అలరించడానికి వచ్చింది. ఆర్య కథానాయకుడిగా నటించిన సూపర్‌గుడ్‌ ఆర్‌బీ.చౌదరితో కలిసి నిర్మించిన ఈ చిత్రానికి రాఘవ దర్శకుడు. కడంబన్‌ శుక్రవారం తెరపైకి వచ్చింది. ఈ సందర్భంగా నటి క్యాథరిన్‌ ట్రెసా ఈ చిత్రంలో నటించిన అనుభవాలను గుర్తుచేసుకుంది.
 
 అవేంటో చూద్దాం.. మా స్వస్థలం కేరళలోని కొట్టాయం. అయితే నేను పుట్టి పెరిగింది దుబాయ్‌లో. నాన్న ఉద్యోగం కారణంగా కుటుంబం అంతా అక్కడే నివాసం. సినిమా అంటే ఆసక్తి కారణంగానే నటనను వృత్తిగా ఎంచుకున్నాను. తక్కువ చిత్రాలైనా గుర్తుండిపోయేలా ఉండాలని కోరుకుంటాను. అలా ఇష్టపడి నటించిన చిత్రం కడంబన్‌. చిత్ర షూటింగ్‌ను కోడైకెన్నాల్‌ సమీపంలోని దట్టమైన అడవుల్లో తీశారు. అక్కడ కరెంట్‌ లేదు, సెల్‌ఫోన్లు పనిచేయవు. మా కోసం ఆ ప్రాంతంలోని ఒక గెస్ట్‌హౌస్‌ను అద్దెకు తీసుకున్నారు. అక్కడ బస చేయడం, ఈ చిత్రంలో నటించడం మంచి అనుభవం. చిత్రం ఆధ్యంతం కాళ్లకు చెప్పులు లేకుండా నటించాను.
 
 ఆ ప్రాంతంలో షూటింగ్‌ అనగానే మొదట హడలిపోయాను. తమిళం, తెలుగు భాషల్లో నేను ఎంతగానో కష్టపడి నటించిన చిత్రం ఇదే. అన్నట్టు నేనీ చిత్రంలో ఫైట్స్‌ కూడా చేశాను. ఆర్యతో నటించడంతో ఆయన మీకు బిరియానీ వండి పెట్టారా?అని అడుగుతున్నారు. నట్టడవుల్లో బిరియానీ ఎలా లభిస్తుంది చెప్పండి. అయినా ఆహార విషయంలో నేను కొన్ని కట్టుబాట్లను విధించుకున్నాను. అలాగే వ్యాయామం క్రమం తప్పకుండా చేస్తాను. ఒక తెలుగు చిత్రంలో సింగిల్‌ సాంగ్‌కు రూ.65 లక్షలు డిమాండ్‌ చేసి తీసుకున్నారటగా అని అడుగుతున్నారు.
 
 ప్రముఖ టాలీవుడ్‌ దర్శకుడు చేస్తున్న చిత్రం అది. అందులో ఒక పాటకు నటించమని అడిగారు. అందుకు వారు అనుసరించిన విధానం నచ్చడంతో నా స్థాయికి తగ్గ పారితోషికాన్ని తీసుకుని నటించాను. అన్ని రంగాల్లో మాదిరిగానే సినిమా రంగంలోనూ పోటీ ఉంది. అది మంచిదే. ప్రతిభను మెరుగుపరచుకునేలా చేస్తుంది. మహిళలపై లైంగిక వేధింపుల గురించి మీ అభిప్రాయం ఏమిటని అడుగుతున్నారు. అలాంటి చర్యలకు పాల్పడేవారిని తీవ్రంగా శిక్షించాలి. అప్పుడే నేరాలు, ఘోరాలు తగ్గుతాయి.


 త్రిముఖ పోటీ. గెలిచేదెవరు? నిలిచేదెవరు? ఇదే కోలీవుడ్‌లో చర్చనీయాంశంగా మారింది. అందుకు కారణం లేకపోలేదు. భారీ అంచనాలున్న మూడు చిత్రాలు శుక్రవారం ఒకే సారి తెరపైకి వస్తున్నాయి. శివలింగ, పా.పాండి, కడంబన్‌ ఈ మూడు చిత్రాలే అవి. వీటిలో ముందుగా చెప్పుకోవలసింది పా.పాండి. పవర్‌ పాండిగా ప్రచారంలో ఉన్న ఈ చిత్రం పేరును రాష్ట్ర ప్రభుత్వ రాయితీలను కోల్పోకుండా పా.పాండి అని టైటిల్‌ను చివరి క్షణంలో మార్చారు. ఇక ఈ చిత్రానికి మరో ప్రత్యేకత ఏమిటంటే నిత్యం వార్తల్లో ఉంటున్న యువ నటుడు ధనుష్‌ తొలి సారిగా మెగాఫోన్‌ పట్టడం.
 
 ఆయనే కథను తయారు చేసుకుని తన వండర్‌బార్‌ ఫిలింస్‌ పతాకంపై నిర్మించి ప్రత్యేక పాత్రలో మెరిసిన పా.పాండి చిత్రంలో నటుడు రాజ్‌కిరణ్‌ కథానాయకుడిగా నటించారు. నటి రేవతి, ప్రసన్న, ఛాయాసింగ్, మడోనా సెబాస్టియన్‌ తదితరులు ముఖ్య పాత్రలు పోషించిన ఈ చిత్రానికి సాన్‌రోల్డన్‌ సంగీతాన్ని అందించారు. జీవితం అంతా కుటుంబం కోసం ధారపోసి, కష్టపడి సంపాదించిన వారికి వృద్ధాప్యంలో ఎదురయ్యే సమస్యలను తెరపై ఆవిష్కరించిన చిత్రం పా.పాండి. ఈ చిత్రం ఎలా ఉంటుందన్న ఆసక్తి పరిశ్రమ వర్గాల్లో, ప్రేక్షకుల్లో మెండుగానే ఉంది. ఇక రెండో చిత్రం శివలింగ. తొలుత కన్నడంలో రూపొంది మంచి విజయాన్ని అందుకున్న ఈ చిత్ర తమిళ రీమేక్‌లో సూపర్‌స్టార్‌ రజనీకాంత్‌ను నటింపజేసే ప్రయత్నాలు జరిగాయనే ప్రచారం జరగడంతో చిత్రంపై అంచనాలు పెరిగాయి.
 
 కన్నడ వెర్షన్‌కు దర్శకత్వం వహించిన పీ.వాసు తమిళ వెర్షన్‌ను డైరెక్ట్‌ చేశారు. రాఘవ లారెన్స్‌ కథానాయకుడిగా నటించిన ఇందులో బాక్సింగ్‌ క్రీడాకారిణి, ఇరుదుచుట్రు చిత్రం ఫేమ్‌ రితికాసింగ్‌ నాయకిగా నటించింది. ఇది హారర్‌ కథా చిత్రం కాబట్టి సహజంగానే ఆసక్తి నెలకొంది. ఇక మూడో చిత్రం కడంబన్‌. ప్రముఖ నిర్మాత ఆర్‌బీ.చౌదరి సూపర్‌గుడ్‌ ఫిలింస్‌ సంస్థతో ఆర్య చిత్ర నిర్మాణ సంస్థ ది షో పీపుల్‌ కలిసి నిర్మిస్తున్న ఇందులో ఆర్యతో క్యాథరిన్‌ ట్రేసా నటించింది. అధిక భాగం అడవుల్లో చిత్రీకరణ జరుపుకున్న ఈ చిత్రానికి రాఘవ దర్శకుడు. ఇది అడవులను ఆక్రమించుకుని కార్పోరేట్‌ సంస్థలు దేశ ప్రజలను ఎలా బాధింపునకు గురి చేస్తున్నాయన్న సందేశంతో కమర్షియల్‌ అంశాలను జోడించి తెరకెక్కించిన చిత్రం కడంబన్‌. మరో విశేషం ఏమిటంటే శివలింగ, కడంబన్‌ చిత్రాలు తెలుగులోనూ విడుదల కానున్నాయి. కాగా దేనికది ప్రత్యేకతను, అంచనాలను సంతరించుకున్న ఈ మూడు చిత్రాల్లో ఏది అధిక ప్రేక్షకాదరణ పొందుతుందన్న విషయం ఆసక్తిగా మారింది.


 అందాలారబోతకు నన్నెవరూ ఒత్తిడి చేయడం లేదని నటి క్యాథరిన్  ట్రెసా చెప్పుకొచ్చింది. తమిళం, తెలుగు, కన్నడం అంటూ ఏ భాషలో అయినా వచ్చిన అవకాశాన్ని వదలకుండా చేసేస్తున్న ఆ జాణకు ఇటీవల తెలుగు మెగాస్టార్‌తో ఐటమ్‌ సాంగ్‌లో స్టెప్పులేసే అవకాశం చేతి దాకా వచ్చి నోటికందనట్లు చేజారిపోయింది. ప్రస్తుతం తమిళంలో కడంబన్, కథానాయకన్  చిత్రాల్లో నటిస్తోంది. ఈ అమ్మడు చెప్పే కబుర్లేమిటో చూద్దామా‘నేను కేరళాలో పుట్టినా పెరిగింది మాత్రం దుబాయ్‌లో. కన్నడ చిత్రపరిశ్రమలో కథానాయకిగా పరిచయం అయ్యాను.అయితే అప్పటి నుంచే తమిళం, తెలుగు భాషల్లో అవకాశాల కోసం ఎదురు చూశాను. కారణం ఇతర భాషా చిత్రాల్లో కంటే ఈ భాషా చిత్రాల్లో నటనా ప్రతిభను చాటుకోవడానికి అధిక అవకాశం ఉంటుంది. అలా పా.రంజిత్‌ దర్శకత్వంలో కార్తీ సరసన మెడ్రాస్‌ చిత్రంలో నటించే అవకాశం వచ్చింది. అందులో ఉత్తర చెన్నై అమ్మాయిగా నటించడానికి చాలా కష్టపడ్డాననే చెప్పాలి.
 భాష తెలిసి నటిస్తే పాత్రకు ప్రత్యేకత ఏర్పడుతుందని తమిళ భాష స్పష్టంగా ఉచ్చరించడాన్ని నేర్చుకున్నాను. మెడ్రాస్‌ చిత్ర విజయం నా కెరీర్‌కు బాగా హెల్ప్‌ అయ్యింది. ఆ తరువాత నటించిన కథకళి, కణిదన్  చిత్రాల్లో నాకు మంచి పాత్రలు లభించాయి. కొత్త చిత్రాలను అంగీకరించినప్పుడు కచ్చితంగా గ్లామరస్‌గా నటించే తీరాలని ఏ దర్శక, నిర్మాత నాపై ఒత్తిడి చేయలేదు. ఇంకా చెప్పాలంటే గ్లామర్‌ విషయంలో ఒక్కో దర్శకుడికి ఒక్కోరకమైన దృష్టి ఉంటుంది. నా వరకూ నేను తెరపై అందంగా కనిపించాలని కోరుకుంటాను. నా శరీరాకృతికి నప్పేలా డ్రస్‌ను సెలెక్ట్‌ చేసుకుంటాను. కోలీవుడ్‌కు చాలా మంది కొత్త హీరోయిన్లు వస్తున్నారు. ఎవరికీ ఏది దక్కాలో అది దక్కుతుంది. నేనెవరికీ పోటీగా భావించడం లేదు. ఇతర హీరోయిన్ల నటననే పోటీగా తీసుకోవాలన్న నా భావన.