ప్రియమణి ప్రస్తుతం ఫుల్‌ బిజీగా మారింది. ఇప్పటికే ఫ్యామిలీ మ్యాన్‌-2 వెబ్‌సిరీస్‌తో అలరించిన ఆమె ఓ కన్నడ చిత్రంలో లీడ్‌ రోల్‌ పోషించనుంది. గతేడాది కన్నడలో 'యాక్ట్ 1978' అనే చిత్రం విడుదలై మంచి విజయం సాధించింది. ఈ సినిమాలో యజ్ఞ శెట్టి ప్రధానపాత్ర పోషించింది. మన్సో రే దర్శకత్వం వహించిన ఈ సినిమాకు మంచి ఆధరణ లభించింది. ఇప్పుడు ఈ చిత్రాన్ని తెలుగులో రీమేక్‌ చేయనున్నారట. నిర్మాత ఠాగూర్ మధు ఇప్పటికే ఈ చిత్రానికి సంబంధించి రీమేక్‌ హక్కులను కొనుగోలు చేసినట్లు సమాచారం. ప్రియమణి కథానాయికగా ఈ చిత్రాన్ని తెరకెక్కించనున్నారు. ఈ సినిమాలో ప్రియమణి గర్భవతి పాత్రలో కనిపించనుంది. ప్రభుత్వం నుంచి తనకి రావలసిన నష్టపరిహారం కోసం,ఆఫీసుల చుట్టూ తిరిగి విసిగిపోయిన ఓ మహిళ పాత్రలో ప్రియమణి నటించనుంది. చివరికి మానవ బాంబుగా మారి ఆఫీసులో ఎవరిని బయటకు వెళ్లకుండా తలుపులు మూసేస్తుంది. ఆ తర్వాత ఏం జరిగిందనే దానిపై ఇంట్రెస్టింగ్‌గా స్టోరీ తెరకెక్కనుంది. త్వరలోనే దీనికి సంబంధించి అఫీషియల్‌ ప్రకటన రానుంది. ఇప్పటికే ప్రియమణి తెలుగులో విరాటపర్వం, నారప్ప అనే చిత్రాల్లో ముఖ్య పాత్రలు పోషించింది. కరోనా కారణంగా ఈ చిత్రాలు వాయిదా పడ్డాయి.  చదవండి : ఇన్నాళ్లకు నా కోరిక నెరవేరింది : ప్రియమణి మా మధ్య చిన్న చిన్న గొడవలు వస్తుంటాయి!

తేజా డైరెక్షన్‌లో నితిన్‌ హీరోగా పరిచమైన చిత్రం ‘జయం’. 2002లో వచ్చిన ఈ మూవీ ఎంతటి ఘన విజయాన్ని సాధించిందో ప్రత్యేకంగా చెప్పనవసరంలేదు. ఈ మూవీలో నటించిన హీరోహీరోయిన్‌తో పాటు మిగతా నటీనటులకు కూడా మంచి గుర్తింపు వచ్చింది. ఇక గోపిచంద్‌ విలన్‌గా ఏ రేంజ్‌ నటించాడో అందరికి తెలిసిందే.  ఇందులో నితిన్‌ సరసన కథానాయికగా సదా నటించిన విషయం తెలిసిందే. తెలుగులో సూపర్‌ హిట్‌గా నిలిచిన ఈ మూవీ అదే పేరుతో తమిళంలో కూడా రీమేక్‌ అయ్యింది. ఇందులో హీరోగా రవి నటించగా.. అక్కడ కూడా సదానే హీరోయిన్‌గా నటించింది. మోహన్‌ రాజా దర్శకత్వం వహించిన ఈ సినిమా తమిళంలోనూ సూపర్‌ హిట్‌ అయ్యింది. దీంతో హీరో రవి పేరు కాస్తా ‘జయం’ రవిగా మారిపోయింది. ఈ సినిమా వచ్చి నేటికి 18 ఏళ్లు. కాగా.. ఇన్నేళ్ల తర్వాత ‘జయం’ కన్నడలో రీమేక్‌కు సన్నాహాలు చేస్తున్నట్లు తాజాగా వార్తలు వస్తున్నాయి. ఇక ఈ రీమేక్‌కు ‘కేజీఎఫ్‌’ హీరో, కన్నడ రాక్‌స్టార్‌ యశ్‌ను హీరోగా పరిచయం చేసిన శశాంక్‌ దర్శకుడిగా వ్యవహరించనున్నాడట. కర్ణాటకకు చెందిన ప్రవీణ్‌ అనే డాక్టర్‌ ఈ సినిమాతో హీరో చేయనున్నట్లు తెలుస్తోంది. ప్రస్తుతం కన్నడలో ఓ సినిమా చేస్తున్న ప్రవీణ్‌ ఆ తర్వాత ఈ రీమేక్‌లో నటించనున్నట్లు సమాచారం. తెలుగు, తమిళంలో సూపర్‌ డూపర్‌ హిట్‌గా నిలిచిన ఈమూవీ కన్నడ ప్రేక్షకులను ఎంతటి స్థాయిలో ఆకట్టుకంటుందో వేచి చూడాల్సిందే. 

గత ఏడాది మంచి విజయం సాధించిన సినిమాల్లో అడవి శేష్‌ నటించిన ‘ఎవరు’ ఒకటి. వెంకట్‌ రాంజీ తెరకెక్కించిన ఈ సినిమాలో రెజీనా, నవీన్‌ చంద్ర ముఖ్య  పాత్రల్లో నటించారు. స్పానిష్‌ చిత్రం ‘ది ఇన్‌ విజిబుల్‌ గెస్ట్‌’ ఆధారంగా ఈ సినిమా రూపొందించారు. ‘ఎవరు’లోని ట్విస్ట్‌ లు తెలుగు ఆడియన్స్‌ ను బాగా థ్రిల్‌ చేశాయి. ఆ థ్రిల్‌ ను  కన్నడ ఆడియన్స్‌  కూడా ఆస్వాదించబోతున్నారని  తెలిసింది. ఈ చిత్రం కన్నడంలో రీమేక్‌ కానుంది. దిగంత్‌  అనే కన్నడ నటుడు ఈ రీమేక్‌ లో హీరోగా కనిపిస్తారట. దర్శకుడు, ఇతర నటీనటులు ఎవరనేది తెలియాల్సి ఉంది.

తెలుగు–తమిళ భాషల్లో  ఘన విజయం సాధించిన చిత్రం ‘ఖైదీ’. లోకేశ్‌ కనకరాజ్‌ దర్శకత్వంలో కార్తీ హీరోగా నటించారు. ఈ సినిమా హిందీలో రీమేక్‌ కాబోతున్నట్టు ఇటీవలే ప్రకటించారు. హిందీ రీమేక్‌లో అజయ్‌ దేవగన్‌ నటించనున్నారు. తాజాగా ‘ఖైదీ’ కన్నడంలో రీమేక్‌ కాబోతున్నట్టు తెలిసింది. కార్తీ చేసిన ఖైదీ పాత్రలో కన్నడ సూపర్‌స్టార్‌ శివరాజ్‌కుమార్‌ నటిస్తారట. నంద కిశోర్‌ దర్శకుడు.

తమిళంలో పొంగల్‌కు విడుదలై బ్లాక్‌బస్టర్‌గా నిలిచిన చిత్రం ‘విశ్వాసం’. అజిత్, నయనతార నటించిన ఈ సినిమాకు శివ దర్శకత్వం వహించారు. ప్రస్తుతం ఈ సినిమా కన్నడంలో రీమేక్‌ కానుంది. కన్నడ స్టార్‌ శివరాజ్‌ కుమార్‌ ఈ రీమేక్‌లో హీరోగా నటించనున్నారు. తమిళంలో ‘విశ్వాసం’ చిత్రాన్ని నిర్మించిన సత్యజ్యోతి ఫిల్మ్స్‌ సంస్థే ఈ రీమేక్‌నూ నిర్మించనుంది. ఈ ప్రాజెక్ట్‌ గురించి శివరాజ్‌కుమార్‌ మాట్లాడుతూ –  ‘‘విశ్వాసం’ రీమేక్‌ సంబంధించిన చర్చలు జరుగుతున్నాయి. త్వరలోనే అనౌన్స్‌ చేస్తాం’’ అన్నారు. విశేషమేంటంటే ‘విశ్వాసం’ సినిమా ‘జగ మల్లా’ టైటిల్‌తో  కన్నడంలో అనువాదం అయింది.

ఈ ఏడాది తమిళనాట సూపర్‌ హిట్‌ సినిమాల్లో ‘96’ ఒకటి. విజయ్‌ సేతుపతి, త్రిష నటించిన ఈ మ్యాజికల్‌ లవ్‌ స్టోరీ వేరే ఇండస్ట్రీల్లోనూ రీమేక్‌ అవుతోంది. తెలుగులో ఈ చిత్రం హక్కులను నిర్మాత ‘దిల్‌’ రాజు సొంతం చేసుకున్నారు. ఇప్పుడీ చిత్రం కన్నడంలోనూ రీమేక్‌ కానుంది. పెళ్లి తర్వాత సినిమాలకు దూరంగా ఉన్న మలయాళ నటి భావన ఈ చిత్రం ద్వారా కమ్‌బ్యాక్‌ ఇవ్వనున్నారు. గణేశ్, భావన ముఖ్య పాత్రల్లో నటించనున్న ఈ చిత్రానికి ‘99’ అనే టైటిల్‌ను ఫిక్స్‌ చేసినట్టు సమాచారం.

‘ఆర్‌ఎక్స్‌ 100’.. తెలుగులో ఈ ఏడాది అనూహ్య విజయం అందుకున్న చిత్రాల్లో ఒకటి. కార్తికేయ, పాయల్‌ రాజ్‌పుత్‌ జంటగా అజయ్‌ భూపతి దర్శకత్వంలో వచ్చిన ఈ సినిమా కలెక్షన్ల సునామీ సృష్టించింది. ఈ చిత్రం ఇప్పుడు కన్నడంలో రీమేక్‌ కానుంది. నిర్మాత డి.ఎస్‌. రావు ‘ఆర్‌ఎక్స్‌ 100’ కన్నడ రీమేక్‌ హక్కులు దక్కించుకున్నారు. నితిన్‌తో ‘ద్రోణ’, నానీతో ‘ పిల్ల జమీందార్‌’, నిఖిల్‌తో ‘ కళావర్‌ కింగ్‌’, మనోజ్‌తో ‘మిస్టర్‌ నూకయ్య’ వంటి చిత్రాలు నిర్మించిన డి.ఎస్‌.రావు ‘ఆర్‌.ఎక్స్‌.100’తో నిర్మాతగా కన్నడ రంగంలోకి అడుగుపెట్టను న్నారు. ‘‘ఓ యువ కన్నడ కథానాయకుడితో ఈ చిత్రాన్ని నిర్మిస్తాం’’ అన్నారు డీఎస్‌ రావు.

మాదక ద్రవ్యాలు, మద్యపానం బారిన పడి నలుగురు యువకులు తమ జీవితాన్ని ఎలా నాశనం చేసుకున్నారనే కథాంశంతో తెరకెక్కిన చిత్రం ‘భాగ్యనగరం’. యష్, ‘బిందాస్‌’ ఫేమ్‌ షీనా జంటగా కె.వి.రాజు దర్శకత్వంలో తెరకెక్కిన చిత్రం ‘రాజధాని’. కన్నడలో విజయం సాధించిన ఈ చిత్రాన్ని సంతోష్‌ కుమార్‌ ‘భాగ్యనగరం’ పేరుతో తెలుగు ప్రేక్షకులకు అందిస్తున్నారు. సంతోష్‌ కుమార్‌ మాట్లాడుతూ– ‘‘వినోదానికి సందేశాన్ని జోడించి రూపొందించిన చిత్రమిది. ఓ డబ్బింగ్‌ సినిమా చేసి, తర్వాత స్ట్రయిట్‌ ఫిల్మ్‌ చేయాలనే ఆలోచనతో ఈ సినిమా విడుదల చేస్తున్నా’’ అన్నారు. ‘‘చెడు పరిణామాలను ఎత్తి చూపుతూ ఆలోచన రేకెత్తించేదే ఈ చిత్రం. మంచి సినిమాను డిస్ట్రిబ్యూట్‌ చేస్తున్నందుకు గర్వంగా ఉంది’’ అన్నారు డి.ఎస్‌ రావు.

‘‘నా పేరు కుమారి, నా ఏజ్‌ 21, ఐయామ్‌ ఎ ఫీమేల్‌. ఏం.. నన్ను లవ్‌ చేయటానికి నేను సరిపోనా. నా బ్యాక్‌గ్రౌండ్‌ మొత్తం కావాలా...’’ అంటూ ‘కుమారి 21ఎఫ్‌’ సినిమాలో హెబ్బా పటేల్‌ పలికిన సంభాషణలను ఎవరూ మర్చిపోలేరు. రాజ్‌ తరుణ్, హెబ్బా పటేల్‌ జంటగా సుకుమార్‌ రైటింగ్స్‌ నిర్మాణంలో సూర్యప్రతాప్‌ పల్నాటి దర్శకత్వం వహించిన ‘కుమారి 21ఎఫ్‌’ మంచి సక్సెస్‌ సాధించిన విషయం తెలిసిందే. ఇప్పుడు ఈ సినిమా కన్నడంలో అదే టైటిల్‌తో రీమేక్‌ అయింది. హెబ్బా పటేల్‌ పోషించిన కుమారి పాత్రను నిధి కుశలప్ప పోషించారు. కుమారి బాయ్‌ ఫ్రెండ్‌ రాజ్‌ తరుణ్‌ పాత్రలో ప్రణామ్‌ దేవరాజ్‌ నటించారు. అవినాష్, మనోజ్, అక్షయ్, రితేష్‌ కీలక పాత్రల్లో కనిపిస్తారు. ఈ యూత్‌ఫుల్‌ రొమాంటిక్‌ ఎంటర్‌టైనర్‌ను సంపత్‌ కుమార్, శ్రీధర్‌ సంయుక్తంగా నిర్మించగా శ్రీమన్‌ వేముల దర్శకత్వం వహించారు. మణిశర్మ తనయుడు సాగర్‌ మహతి సంగీతం అందించిన ఈ సినిమా ఈ నెల 12న విడుదల కానుంది.


 క్వీన్‌గా మారడానికి ఏ భాషలోనైనా తాను రెడీ అంటోంది నటి కాజల్‌అగర్వాల్‌. 2014లో హిందీలో సంచలన విజయం సాధించిన చిత్రం క్వీన్‌. ఈ చిత్ర దక్షిణాది రీమేక్‌ హక్కులు సీనియర్‌ నటుడు, నిర్మాత త్యాగరాజన్‌ పొందారన్న విషయం తెలిసిందే. కాగా హిందీలో కంగనారనౌత్‌ నాయకిగా నటించిన పాత్రలో  నటించడానికి ఇక్కడ చాలామంది అగ్రనాయికలు ఆసక్తి చూపారు. అలాగే పలు పేర్లు ప్రచారంలో ఉన్నాయి కూడా. వారిలో మిల్కీబ్యూటీ తమన్నా పేరు ఖరారైనట్లు వార్తలు వెలువడ్డయి.
 
 కాగా ఈ చిత్ర కన్నడ రీమేక్‌ చిత్రీకరణ ఇటీవల ప్రారంభమైనట్లు ప్రచారం జరిగింది.అదే విధంగా చిత్ర రీమేక్‌ హక్కుల విషయంలో వివాదం తెరపైకి వచ్చింది. ఇలాంటి పరిస్థితిలో తాజాగా క్వీన్‌ అయ్యే అవకాశం కాజల్‌ అగర్వాల్‌ తలుపు తట్టిందట. ఈ విషయాన్ని ఇటీవల ఆ అమ్మడే ఒక భేటీలో తెలిపింది. ఆ కథేంటో చూద్దాం. హిందీ చిత్రం క్వీన్‌ అంటే నాకు చాలా ఇష్టం. ఆ చిత్ర రీమేక్‌లో నాయకి పాత్రను పోషించాలని కోరుకుంటున్నాను. లక్కీగా ఆ చిత్ర నిర్మాతలు ఆ పాత్రలో నటించమని నన్ను అడిగారు. నేనూ అందుకు సమ్మతించాను. అయితే ఇంకా ఒప్పందం కాలేదు. చర్చల్లోనే ఉంది.
 
 అయితే క్వీన్‌ రీమేక్‌లో నటించడానికి చాలా మంది హీరోయిన్లు సిద్ధంగా ఉండగా ఆ పాత్ర నన్ను వెతుక్కుంటూ రావడం సంతోషంగా ఉంది. ఈ చిత్ర రీమేక్‌లో నేను ఏ భాషలో నటించడానికైనా రెడీ అని పేర్కొంది. ప్రస్తుతం ఈ బ్యూటీ అజిత్‌తో రొమాన్స్‌ చేస్తున్న వివేగం, విజయ్‌తో డ్యూయెట్లు పాడుతున్న మెర్‌సల్‌ చిత్రాలు దాదాపు పూర్తి కావొచ్చాయి. తెలుగులో రానాతో స్టెప్స్‌ వేస్తున్న నేనేరాజా నేనేమంత్రి చిత్ర షూటింగ్‌ చివరి ద«శకు చేరుకుంది. సో కాజల్‌ కిప్పుడు అర్జెంట్‌గా ఒక కొత్త చిత్రం కావాలి. అందుకే క్వీన్‌ కోసం ఈ ఫీట్లు అని అనుకోవచ్చు.


 ‘వాస్సి వాడి తస్సాదియ్యా...’ అంటూ ‘సోగ్గాడే చిన్ని నాయనా’లో నాగార్జున చేసిన సందడిని అంత సులువుగా మర్చిపోలేం. జోరుగా ఉండే తండ్రి పాత్ర, కూల్‌గా ఉండే కొడుకు పాత్రను నాగ్ అద్భుతంగా పోషించారు. అన్ని ఏరియాల వాళ్లనీ ఆకట్టుకున్న చిత్రం ఇది. ఇప్పుడీ రెండు పాత్రల్లో కన్నడ ప్రేక్షకులు ఉపేంద్రను చూడనున్నారు. విలక్షణమైన పాత్రలతో కన్నడిగులనే కాదు.. తెలుగు ప్రేక్షకులనూ ఆకట్టుకున్న ఉపేంద్రకు ‘సోగ్గాడే చిన్ని నాయనా’ చాలా నచ్చిందట. అందుకే కన్నడ రీమేక్‌కి గ్రీన్ సిగ్నల్ ఇచ్చేశారు. తెలుగులో రమ్యకృష్ణ చేసిన పాత్రను కన్నడంలో ప్రేమ చేయనున్నారు. విశేషం ఏంటంటే...
 
 1999లో ఉపేంద్ర, ప్రేమ జంటగా ‘ఉపేంద్ర’ చిత్రంలో నటించారు. ఈ చిత్రం కన్నడ, తెలుగు భాషల్లో ఘనవిజయం సాధించింది. పదిహేడేళ్ల తర్వాత ఈ ఇద్దరూ జతకట్టనున్న చిత్రం ఇదే. మరో విశేషం ఏంటంటే... ఈ చిత్రంతోనే ప్రేమ నటిగా తన సెకండ్ ఇన్నింగ్స్ ఆరంభిస్తున్నారు. అరుణ్ లోకనాథ్ దర్శకత్వం వహించనున్న ఈ చిత్రానికి ‘మత్తె హుట్టి బా, ఇంతి ప్రేమ’ అనే టైటిల్ నిర్ణయించారు. ఆ సంగతలా ఉంచితే నాగ్ మంచి రొమాంటిక్ హీరో. ఉపేంద్ర ఫుల్ మాస్ హీరో. అందుకే తన ఇమేజ్‌కీ, కన్నడ ప్రేక్షకుల అభిరుచికీ తగ్గట్టుగా ‘సోగ్గాడే..’ కథను మలుస్తున్నారట.


  తెలుగులో ఘన విజయం సాధించిన ‘ఒక రొమాంటిక్ క్రైమ్ కథ’ చిత్రాన్ని కన్నడంలో రీమేక్ చేస్తున్నారు మలినేని లక్ష్మయ్య చౌదరి. ఈ సినిమా కన్నడంలో కూడా విజయం సాధిస్తుందని ఆయన ఆశాభావం వ్యక్తం చేశారు. నిర్మాతగా తెలుగులో కూడా ప్రయోగాత్మక, ప్రయోజనాత్మక చిత్రాలు చేస్తానని ఆయన వెల్లడించారు. ఓ పక్క నిర్మాణంతో పాటు నటన కూడా చేస్తున్నానని చెబుతూ -‘‘ఇటీవలన విడుదలైన ‘బ్రోకర్-2’లో ముఖ్యమంత్రి తండ్రిగా ముఖ్యపాత్ర చేశాను. అలాగే ‘అద్భుత సినీరంగం’లో కూడా మరో మంచి పాత్ర చేశాను. ప్రస్తుతం అయిదు సినిమాల్లో నటిస్తున్నాను. నిర్మాతగా, నటునిగా పరిశ్రమలో మంచి పేరు సంపాదిస్తాను’’ అని మలినేని విశ్వాసం వ్యక్తం చేశారు.
  


 ఇంకొన్నాళ్ల పాటు నా ప్రయాణం తిరుపతి ఎక్స్‌ప్రెస్‌లోనే అంటున్నారు కృతి కర్భందా. వచ్చే నెల 3న సుమన్ శైలేంద్రతో కలిసి ఆమె ఈ రైలు ప్రయాణం చేయబోతున్నారు. వీళ్లతో పాటు అశోక్, బుల్లెట్ ప్రకాష్, వీణా సుందర్, సాధు కోకిల తదితర తారలు కూడా తిరుపతి ఎక్స్‌ప్రెస్‌లో వెళతారు. విషయం ఏంటంటే.. సందీప్‌కిషన్, రకుల్ ప్రీత్‌సింగ్ జంటగా రూపొందిన ‘వెంకటాద్రి ఎక్స్‌ప్రెస్’ చిత్రం కన్నడంలో ‘తిరుపతి ఎక్స్‌ప్రెస్’ పేరుతో రీమేక్ కానుంది.
  
  సుమన్ శైలేంద్ర, కృతి జంటగా పొన్‌కుమార్ దర్శకత్వంలో ఈ చిత్రం రూపొందనుంది. ఇటీవలే ‘వెంకటాద్రి ఎక్స్‌ప్రెస్’ చూశాననీ, చాలా నచ్చిందని కృతి తెలిపారు. ఇదిలా ఉంటే ఈ రీమేక్‌తో పాటు తెలుగు ‘కిక్’ రీమేక్ ‘సూపరో రంగా’లో కూడా ఆమె కథానాయికగా నటిస్తున్నారు. ఇలా ఒకేసారి రెండు రీమేక్స్‌లో నటించడం థ్రిల్లింగ్‌గా ఉందని, ‘కిక్’లో ఇలియానా, ‘వెంకటాద్రి...’లో రకుల్ నటనను అనుకరించకుండా నా శైలిలో యాక్ట్ చేస్తానని కృతి తెలిపారు.
  


 ఈ మధ్యకాలంలో వచ్చిన సూపర్ హిట్ ఐటమ్ సాంగ్స్‌లో ‘పువ్వాయ్ పువ్వాయ్...’ ఒకటి. మహేష్‌బాబు నటించిన ‘దూకుడు’లోని ఈ పాటకు తనతో పాటు పార్వతి మెల్టన్ కాలు కదిపిన విషయం తెలిసిందే. ఇప్పుడు ఇదే పాటకు కన్నడంలో నీతుచంద్ర డాన్స్ చేస్తున్నారు. పునీత్ రాజ్‌కుమార్ హీరోగా కన్నడంలో ‘దూకుడు’ రీమేక్ అవుతోంది. ఈ చిత్రంలో త్రిష కథానాయికగా నటిస్తున్నారు. ప్రత్యేక పాటలో నీతూ నర్తిస్తున్నారు. ఇటీవలే పునీత్, నీతు పాల్గొనగా ఈ పాట చిత్రీకరణ ప్రారంభించారు. గణేష్ మాస్టర్ నృత్యదర్శకత్వంలో ఈ పాట చిత్రీకరణ జరుగుతోందని, స్టెప్స్ చాలా ఆసక్తికరంగా ఉన్నాయని నీతూ పేర్కొన్నారు. ఈ ట్యూన్ చాలా పెప్పీగా ఉందని కూడా తెలిపారామె.