విజయవాడ : నదుల అనుసంధానంపై అందరూ దృష్టి పెట్టాలని ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు తెలిపారు. బుధవారం విజయవాడలో కృష్ణా పుష్కరాలపై ముఖ్యమంత్రి చంద్రబాబు సమీక్ష నిర్వహించారు. ఈ సమీక్ష సమావేశంలో చంద్రబాబు మాట్లాడుతూ... గోదావరి, కృష్ణా పుష్కరాలు వరుసగా రావడం ఓ అవకాశం అని ఆయన పేర్కొన్నారు.
 రాష్ట్రాభివృద్ధి కోసం పవిత్ర సంకల్పం చేయాలని ఆయన ఈ సమీక్షకు హాజరైన మంత్రులు, జిల్లా కలెక్టర్లు, ఉన్నతాధికారులకు సూచించారు. పుష్కరాలకు వచ్చే ప్రజలను చైతన్యవంతులు చేయాలని చంద్రబాబు పిలుపునిచ్చారు.