టైటిల్‌: ధీర నటీనటులు: లక్ష్ చదలవాడ, నేహా పఠాన్, సోనియా బన్సాల్, మిర్చి కిరణ్, హిమజ, నవీన్ నేని, భరణి శంకర్, సామ్రాట్, బాబీ బేడి, వైవా రాఘవ్, భూషణ్, మేక రామకృష్ణ, సంధ్యారాణి తదితరులు నిర్మాణ సంస్థ: శ్రీ తిరుమల తిరుపతి వేంకటేశ్వర  నిర్మాత: పద్మావతి చదలవాడ రచన, దర్శకత్వం: విక్రాంత్ శ్రీనివాస్ సంగీతం: సాయి కార్తీక్ సినిమాటోగ్రఫీ:  కన్నా పీసీ ఎడిటర్: వినయ్ రామస్వామి విడుదల తేది: ఫిబ్రవరి 2, 2024 కథేంటంటే..  వైజాగ్‌కు చెందిన రణ్‌ధీర్‌(లక్ష్‌ చదలవాడ)కు డబ్బు పిచ్చి ఎక్కువ. ఏ పని ఫ్రీగా చేయడు. మనీ కోసం ఎంతటి సాహసం అయినా చేస్తాడు. అలాంటి వ్యక్తికి ఓ రోజు ప్రముఖ ఆస్పత్రి నుంచి ఫోన్‌ కాల్‌ వస్తుంది. రాజ్‌గురు అనే పేషెంట్‌ని అంబులెన్స్‌లో హైదరాబాద్‌ తీసుకెళ్తే.. పాతిక లక్షలు ఇస్తామని చెబుతారు. ఎక్కువ డబ్బు వస్తుందనే ఆశతో రణ్‌ధీర్‌ వెంటనే ఓ‍కే చెబుతాడు. ఆ పేషెంట్‌ని చూసుకోవడానికి డాక్టర్‌ అమృత(నేహా పఠాన్‌)వస్తుంది. తోడుగా మరో డాక్టర్‌ (మిర్చి కిరణ్‌) వెళ్తాడు. ఈ ముగ్గురితో కలిసి అంబులెన్స్‌లో హైదరబాద్‌కి బయలుదేరిన రణ్‌ధీర్‌పై ఓ ముఠా దాడికి ప్రయత్నిస్తుంది. రాజ్‌గురును ఎలాగైనా హైదరాబాద్‌కు తరలించకుండా చూడడమే ఆ ముఠా టార్గెట్‌. మరోవైపు ఏపీ రాష్ట్ర రాజకీయాల్లో కీలక పదవిలో ఉన్న హంసలేఖ దేవి(హిమజ).. ఓ పాపను ప్రాణాలతో తీసుకురావాలంటూ నమ్మకస్తుడైన పోలీసు అధికారి(భరణి శంకర్‌)ని పంపిస్తుంది. అసలు రాజ్‌ గురు ఎవరు? ఓ ముఠా ఎందుకు అతనిపై దాడికి ప్రయత్నిస్తుంది? వారిని రణ్‌ధీర్‌ ఎలా ఎదుర్కొన్నాడు? రాజ్‌గురును హైదరాబాద్‌ తరలించారా లేదా? హంసలేఖ ఎవరు? ఓ పాపను ప్రాణాలతో తీసుకురావాలని ఎందుకు ఆదేశించింది? ఆ పాపకు రాజ్‌గురుకు ఉన్న సంబంధం ఏంటి? రాజ్‌గురుకు ముఖ్యమంత్రి(సుమన్‌)తో ఉన్న సంబంధం ఏంటి? అసలు రాజ్‌గురు ఏ సమస్యతో ఆస్పత్రిలో చేరాడు? పాప కోసం రణ్‌ధీర్‌ ఎలాంటి నిర్ణయం తీసుకున్నాడు. అమృత, మనీషా(సోనియా బన్సాల్)లతో రణ్‌ధీర్‌ లవ్‌స్టోరీ ఏంటి? చివరకు ఏం జరిగింది? అనేది తెలియాలంటే థియేటర్స్‌లో ‘ధీర’ చూడాల్సిందే.  ఎలా ఉందంటే.. రాజకీయ నేపథ్యంతో సాగే ఈ కథలో ఊహించని ట్విస్టులు.. రెండు డిఫరెంట్‌ లవ్‌స్టోరీలు, భారీ యాక్షన్‌తో అన్ని వర్గాల ప్రేక్షకులను ఆకట్టుకునే అంశాలన్నీ ఉన్నాయి. అయితే దర్శకుడు పేపర్‌పై బలంగా రాసుకున్న స్టోరీని అంతే బలంగా తెరపై చూపించడంలో తడబడ్డాడు.  హీరో ఎంట్రీ నుంచి క్లైమాక్స్‌ వరకు చాలా సన్నివేశాలు గత సినిమాలను గుర్తుకు తెస్తాయి. రాజ్‌గురు స్టోరీ ఏంటనేది మాత్రం చివరి వరకు ప్రేక్షకుడు పసిగట్టకుండా చేయడంలో దర్శకుడు సఫలం అయ్యాడు. ఆస్పత్రిలో చికిత్స పొందుతున్న రాజ్‌గురుని హైదరాబాద్‌కు తరలించేందుకు డాక్టర్లు ప్రయత్నించడం.. మరోవైపు హంసలేఖ ఫోన్‌ ద్వారా వైద్యులకు సూచనలు ఇవ్వడం..ఇలా చాలా ఆసక్తికరంగా కథ ప్రారంభం అవుతుంది. లక్ష్‌ ఎంట్రీ స్టార్‌ హీరో రేంజ్‌లో ఉంటుంది. కారు రేసింగ్‌ సీన్‌తో హీరో క్యారెక్టర్‌ ఎలా ఉండబోతుందో తెలియజేశాడు. మీనాక్షితో రణ్‌ధీర్‌ లవ్‌స్టోరీ ఎంటర్‌టైనింగ్‌గా ఉంటుంది. హీరో లవ్‌స్టోరీలోని ట్విస్ట్‌ రివీల్‌ అయ్యాక మరింత ఇంట్రెస్టింగ్‌ అనిపిస్తుంది. ఓ భారీ యాక్షన్‌.. రొమాంటిక్‌ సీన్స్‌.. ఇంట్రెస్టింగ్‌ లవ్‌స్టోరీతో ఫస్టాఫ్‌ ఎంటర్‌టైనింగ్‌గా సాగుతుంది. ఇంటర్వెల్‌ సీన్‌ సెకండాఫ్‌పై ఆసక్తిని పెంచుతుంది. ఇక ద్వితియార్థంలో ఒక్కో ట్విస్టు రివీల్‌ చేస్తూ ఆసక్తికరంగా కథనాన్ని నడించాడు. పాప ఎవరు? ఆమె కోసం వెతుకుతున్నదెవరు అనేది తెలుసుకోవడం కోసం హీరో చేసే ప్రయత్నం సాగదీతగా అనిపిస్తుంది.  క్లైమాక్స్‌ యాక్షన్‌ సీన్‌ ఆకట్టుకుంటుంది.  ఎవరెలా చేశారంటే..  వైవిధ్య‌మైన క‌థా చిత్రాల‌ను, విభిన్న‌మైన పాత్ర‌ల‌ను ఎంపిక చేసుకుంటూ టాలీవుడ్‌లో తనకంటూ ఓ ప్రత్యేక గుర్తింపు తెచ్చుకున్నాడు యంగ్‌ హీరో లక్ష్య్‌. సినిమా సినిమాకి తన పాత్రలో వేరియష్‌ ఉండేలా జాగ్రత్తపడుతున్నాడు. ధీరలో కూడా రణ్‌ధీర్‌ అనే మరో డిఫరెంట్‌ పాత్రను పోషించి మెప్పించాడు.  యాక్షన్‌ సీన్స్‌ అయితే అదరగొట్టేశాడు. రొమాంటిక్‌ సన్నివేశాల్లో కూడా చక్కగా నటించాడు.  డాక్టర్‌ అమృతగా నేహా పఠాన్, మనీషాగా సోనియా బన్సాల్ తమ పాత్రల పరిధిమేర చక్కగా నటించారు. మిర్చి కిరణ్‌ కామెడీ సినిమాకు ప్లస్‌ అయింది. భరణి శంకర్, సామ్రాట్, బాబీ బేడి, వైవా రాఘవ్, భూషణ్‌తో పాటు మిగిలిన నటీనటులు తమ పాత్రల పరిధిమేర నటించారు. సాంకేతిక పరంగా సినిమా పర్వాలేదు. సాయి కార్తీక్ నేపథ్య సంగీతం బాగుంది. పాటలు ఓకే. కన్నా పీసీ సినిమాటోగ్రఫీ బాగుంది. ఎడిటర్‌ తన కత్తెరకు ఇంకాస్త పని చెప్సాల్సింది. సెకండాఫ్‌లో కొన్ని సీన్స్‌ని మరింత క్రిస్పీగా కట్‌ చేయాల్సింది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. 

‘‘25 ఏళ్ల నుంచి చదలవాడ బ్రదర్స్‌ని చూస్తున్నాం. శ్రీనివాస్‌గారు చిన్న నిర్మాతలకు ఫైనాన్షియల్‌గా సపోర్ట్‌ చేస్తారు. ఇక లక్ష్  నటించిన ‘ధీర’ట్రైలర్‌ బాగుంది. తన హార్డ్‌ వర్క్, చిత్ర యూనిట్‌ పడిన కష్టానికి తగిన ప్రతిఫలం రావాలి’’ అని నిర్మాత ‘దిల్‌’ రాజు అన్నారు. లక్ష్  చదలవాడ హీరోగా విక్రాంత్‌ శ్రీనివాస్‌ దర్శకత్వం వహించిన చిత్రం ‘ధీర’. చదలవాడ బ్రదర్స్‌ సమర్పణలో పద్మావతి చదలవాడ నిర్మించిన ఈ మూవీ రేపు (శు క్రవారం) విడుదలవుతోంది. ఈ చిత్రం ప్రీ రిలీజ్‌ వేడుకకి ‘దిల్‌’ రాజు, దర్శకులు గోపీచంద్‌ మలినేని, త్రినాథరావు నక్కిన అతిథులుగా హాజరై, సినిమా బిగ్‌ టికెట్‌ను లాంచ్‌ చేశారు. చదలవాడ శ్రీనివాసరావు మాట్లాడుతూ– ‘‘ఇన్నేళ్లలో ఎంతో మంది దర్శకులని పరిచయం చేశాను. ‘ధీర’తో విక్రాంత్‌ను పరిచయం చేస్తున్నాను. లక్ష్ ను చూసి తండ్రిగా గర్విస్తుంటాను. మా ప్రొడక్షన్‌లో ఇప్పుడు పదహారు చిత్రాలు రెడీగా ఉన్నాయి’’ అన్నారు. ‘‘పక్కోడి గురించి పట్టించుకోకుండా నచ్చింది చేసే వాడికి ఓ మిషన్‌ అప్పగిస్తే  ఆ ప్రయాణంలో ఏర్పడిన సమస్యల్ని ‘ధీర’లో చూస్తారు’’ అన్నారు లక్ష్  చదలవాడ. ‘‘ధీర’ చాలా యూనిక్‌ పాయింట్‌. అందరికీ నచ్చుతుంది’’ అన్నారు విక్రాంత్‌ శ్రీనివాస్‌.

లక్ష్ చదలవాడ, నేహా పఠాన్ హీరో, హీరోయిన్లుగా నటించిన చిత్రం 'ధీర'. వలయం, గ్యాంగ్‌స్టర్ గంగరాజు వంటి హిట్ సినిమాల తరువాత లక్ష్ మరోసారి మాస్ ప్రేక్షకుల్ని మెప్పించేందుకు సిద్దమయ్యారు. ఈ మూవీని చదలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌ మీద పద్మావతి చదలవాడ నిర్మించారు.  విక్రాంత్ శ్రీనివాస్ దర్శకత్వం వహించిన ఈ ప్రాజెక్ట్‌పై అభిమానుల్లో భారీ అంచనాలు నెలకొన్నాయి. ఇప్పటికే రిలీజైన గ్లింప్స్, టీజర్‌కు విశేషమైన స్పందన వచ్చింది. ఇప్పటికే షూటింగ్ పూర్తి చేసుకున్న ఈ చిత్రం ఫిబ్రవరి 2న గ్రాండ్‌గా విడుదల కానుంది.  అయితే ఈ మూవీ హక్కులను ప్రముఖ టాలీవుడ్ నిర్మాత దిల్‌ రాజు దక్కించుకున్నారు. నైజాం, వైజాగ్ డిస్ట్రిబ్యూషన్ హక్కులను ఆయన సొంతం చేసుకున్నారు. దీంతో ఈ చిత్రంపై అభిమానుల్లో మరింత ఆసక్తి పెరిగింది. ఈ చిత్రంలో సోనియా బన్సాల్, మిర్చి కిరణ్, హిమజ, నవీన్ నేని, భరణి శంకర్, సామ్రాట్, బాబీ బేడి, వైవా రాఘవ్, భూషణ్, మేక రామకృష్ణ, సంధ్యారాణి కీలక పాత్రలు పోషించారు. ఈ సినిమాకు సాయి కార్తీక్ సంగీతమందించారు.   

'వలయం', 'గ్యాంగ్‌స్టర్ గంగరాజు' సినిమాలతో ఆకట్టుకున్న యంగ్ హీరో లక్ష్ చదలవాడ. ఇప్పుడు యాక్షన్ ఎంటర్‌టైనర్ స్టోరీతో తీసిన 'ధీర' చిత్రంతో ఆడియెన్స్ ముందుకు రాబోతున్నాడు. చదలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌‌పై పద్మావతి చదలవాడ నిర్మించారు.  విక్రాంత్ శ్రీనివాస్ దర్శకత్వం వహించిన ఈ సినిమా ట్రైలర్ తాజాగా రిలీజ్ చేశారు. అలానే చిత్ర విడుదల తేదీని ప్రకటించారు. (ఇదీ చదవండి: స్టార్ హీరో కొత్త సినిమా.. తెలుగులో డైరెక్ట్‌గా ఓటీటీలోకి రానుందా?) ఈ ట్రైలర్‌లోని విజువల్స్, డైలాగ్స్, హీరోకి ఇచ్చిన ఎలివేషన్స్, లవ్ యాక్షన్ ఇలా అన్ని అంశాలు బాగున్నాయి. 'నేను కరెన్సీ నోట్ లాంటోడ్ని నాకు కారెక్టర్ లేదు' అని హీరో చెప్పే డైలాగ్ ఆకట్టుకుంటోంది. ఇకపోతే అన్ని కార్యక్రమాలు పూర్తి చేసుకున్న ఈ చిత్రం ఫిబ్రవరి 2న గ్రాండ్‌గా థియేటర్లలోకి రానుంది. అయితే ఇదే తేదీన తెలుగులోనే పలు స్ట్రెయిట్ మూవీస్ కూడా రానున్నాయి.  (ఇదీ చదవండి: పూర్ణతో సంబంధం అంటగడుతున్నారు.. దర్శకుడి ఆవేదన)

వలయం, గ్యాంగ్‌స్టర్ గంగరాజు వంటి హిట్ సినిమాల తరువాత లక్ష్ చదలవాడ నటిస్తున్న తాజా చిత్రం ‘ధీర’.  విక్రాంత్ శ్రీనివాస్ దర్శకత్వం వహిస్తున్న ఈ చిత్రాన్ని దలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌ మీద పద్మావతి చదలవాడ నిర్మిస్తున్నారు. ఇప్పటికే విడుదలైన ధీర గ్లింప్స్,  టీజర్‌ ఆడియెన్స్‌లో అంచనాలు పెంచేశాయి. ఈ మూవీ జానర్ ఏంటి? ఎలా ఉండబోతోంది? అనే హింట్ ఇచ్చేశారు మేకర్లు. అయితే తాజాగా ఈ చిత్రం నుంచి మేకింగ్ వీడియోను వదిలారు. షూటింగ్ స్పాట్‌లో యూనిట్ ఎంత సరదాగా ఉందో.. ఎంత కష్టపడి చిత్రీకరణ చేశారో చూపించేలా వదిలిన ఈ మేకింగ్ వీడియో అందరినీ ఆకట్టుకుంటోంది.ధీర మూవీ షూటింగ్ పూర్తయింది. పోస్ట్ ప్రొడక్షన్ కార్యక్రమాలు, సెన్సార్ కార్యక్రమాలు కూడా కంప్లీట్ అయ్యాయి. ఈ చిత్రం ఫిబ్రవరి 2న గ్రాండ్‌గా విడుదల కానుంది.

టాలీవుడ్ యంగ్ హీరో లక్ష్ చదలవాడ లేటెస్ట్ మూవీ 'ధీర'. వలయం, గ్యాంగ్‌స్టర్ గంగరాజు తదితర సినిమాల తర్వాత లక్ష్ చేస్తున్న చిత్రమిది. చదలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌ మీద పద్మావతి చదలవాడ నిర్మిస్తున్నారు.  విక్రాంత్ శ్రీనివాస్ దర్శకత్వం వహిస్తున్న ఈ చిత్ర టీజర్ తాజాగా రిలీజ్ చేశారు.  (ఇదీ చదవండి: ఈ శుక్రవారం ఓటీటీల్లో 21 సినిమాలు రిలీజ్) ఈ టీజర్‌లో మాస్, యాక్షన్ ఎలిమెంట్స్ దట్టించారు. దీనిబట్టి చూస్తే సినిమా యాక్షన్ బ్యాక్ డ్రాప్ స్టోరీతో ఉండనుందని తెలుస్తోంది. డైలాగ్స్ కూడా బాగున్నాయి. ఇకపోతే 'ధీర' మూవీ షూటింగ్ పూర్తయింది. పోస్ట్ ప్రొడక్షన్, సెన్సార్ కూడా ముగించుకుని.. ఫిబ్రవరి 2న గ్రాండ్‌గా విడుదల కానుంది. (ఇదీ చదవండి: Hanu Man Movie Review: ‘హను-మాన్‌’ మూవీ రివ్యూ)

కంటెంట్‌ బాగుంటే చాలు చిన్న, పెద్ద సినిమా అని తేడా లేకుండా థియేటర్స్‌కి వస్తున్నారు ప్రేక్షకులు. కథ-కథనంలో కొత్తదనం ఉంటే హీరో హీరోయిన్లు ఎవరనేది కూడా పట్టించుకోవడం లేదు. అందుకే టాలీవుడ్‌ యంగ్‌ డైరెక్టర్స్‌, యాక్టర్స్‌ న్యూ ఏజ్‌ కంటెంట్‌తో వచ్చి హిట్లు కొడుతున్నారు.  అలా టాలీవుడ్ యంగ్ హీరోల్లో లక్ష్ చదలవాడ ప్రస్తుతం ఫుల్ స్పీడు మీదున్నారు. వరుసగా సినిమాలు చేస్తూ ఉన్నారు. వలయం, గ్యాంగ్‌స్టర్ గంగరాజు వంటి హిట్ సినిమాల్లో లక్ష్ తన నటనతో అందరినీ ఆకట్టుకున్నారు. ఇప్పుడు ధీర అనే చిత్రంతో ప్రేక్షకుల ముందుకు రాబోతున్నారు. విక్రాంత్ శ్రీనివాస్ దర్శకత్వం వహిస్తున్న ఈ ప్రాజెక్ట్ మీద అందరిలోనూ అంచనాలు ఏర్పడ్డాయి. ఈ మూవీని చదలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌ మీద పద్మావతి చదలవాడ నిర్మిస్తున్నారు.  ప్రస్తుతం ఈ మూవీకి సంబంధించిన అప్డేట్ వచ్చింది. ధీర మూవీ షూటింగ్ పూర్తయింది. పోస్ట్ ప్రొడక్షన్ కార్యక్రమాలు కూడా పూర్తయ్యాయి. సెన్సార్ కార్యక్రమాలు కూడా పూర్తయ్యాయి. అన్ని కార్యక్రమాలు పూర్తి చేసుకుని ఫిబ్రవరి 2న గ్రాండ్‌గా విడుదల కానుంది.

టాలీవుడ్ యంగ్ హీరో లక్ష్ చదలవాడ ప్రస్తుతం ఫుల్ స్పీడు మీదున్నారు. వరుసగా సినిమాలు చేస్తూ ఉన్నారు. వలయం, గ్యాంగ్‌స్టర్ గంగరాజు వంటి హిట్ సినిమాల్లో లక్ష్ తన నటనతో అందరినీ ఆకట్టుకున్నారు. ఇప్పుడు ధీర అనే చిత్రంతో ప్రేక్షకుల ముందుకు రాబోతున్నారు. లక్ష్ బర్త్ డే సందర్భంగా ధీర నుంచి అదిరిపోయే గ్లింప్స్‌ను మేకర్లు రిలీజ్ చేశారు. ఈ సినిమా రిలీజ్‌కు రెడీగా ఉంది. మరో వైపు కొత్త ప్రాజెక్ట్‌కు లక్ష్ ఓకే చెప్పేశారు. లక్ష్ 8వ చిత్రంగా రాబోతున్న ఈ ప్రాజెక్ట్ కాన్సెప్ట్ పోస్టర్‌ను రిలీజ్ చేశారు. ఈ సినిమాకు 'ఏ ఫిల్మ్ బై అరవింద్' ఫేమ్ శేఖర్ సూరి దర్శకత్వం వహిస్తున్నారు. ఈ మూవీని చదలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌ మీద పద్మావతి చదలవాడ నిర్మిస్తున్నారు.  ప్రస్తుతం ఈ కాన్సెప్ట్ పోస్టర్ అందరిలోనూ ఆసక్తిని రేకెత్తిస్తోంది. ఈ కాన్సెప్ట్ పోస్టర్ చూస్తుంటే.. హీరో హీరోయిన్లు ఏదో ప్రమాదంలో ఉన్నట్టుగా కనిపిస్తోంది. అలా రోడ్డు మీద వెళ్తున్నట్టుగా.. ఇక అగ్నిజ్వాలలు అలా చెలరేగి.. అది కాస్త మేఘాల్లా మారి.. మెదడు ఆకారంలోకి రావడం చూస్తుంటే.. ఈ సినిమా సైకలాజికల్ యాక్షన్ థ్రిల్లర్‌గా అనిపిస్తోంది. మెదడుకు మేత పెట్టేలా సినిమా ఉంటుందనిపిస్తోంది. త్వరలోనే ఈ చిత్రానికి సంబంధించిన పూర్తి వివరాలను మేకర్లు ప్రకటించనున్నారు.

కెరీర్ ఆరంభం నుంచే వైవిధ్యభరితమైన కథలను ఎంచుకుంటూ దూసుకుపోతున్న హీరో లక్ష్ చదలవాడ.. రీసెంట్ గా 'వలయం', 'గ్యాంగ్‌స్టర్ గంగరాజు' తో ప్రేక్షకులను అలరించిన ఆయన..ఇప్పుడు అదే జోష్ లో 'ధీర' అనే మరో ప్రాజెక్టులో భాగమవుతున్నారు. డిఫరెంట్ కాన్సెప్ట్ యూత్ ఫుల్ యాక్షన్ అండ్ లవ్ ఎంటర్‌టైనర్ గా ఈ సినిమా రూపొందుతోంది. తాజాగా ఈ సినిమా నుంచి ఓ లిరికల్ సాంగ్ రిలీజ్ అయింది. అధరం మధురం.. వదనం మధురం.. నయనం మధురం అంటూ యూత్ ఆడియన్స్‌ని ఆకట్టుకునే ట్యూన్ తో సాగిపోతున్న ఈ పాట అందరిని ఆకట్టుకుంటుంది.  ప్రేయసి ఆలోచనలు, జ్ఞాపకాలతో ప్రియుడి ఘాడమైన ప్రేమను వ్యక్తపరుస్తూ బాలాజీ రాసిన లిరిక్స్ బాగున్నాయి. అనురాగ్ కులకర్ణి, ఎమ్‌ఎల్‌ శృతి ఆలపించిన తీరు ఎంతో ఆకర్షిస్తోంది. లిరిక్స్‌కి తగ్గట్టుగా సాయి కార్తీక్ కట్టిన బాణీలు ఈ సాంగ్ లెవల్ పెంచేశాయి. విక్రాంత్ శ్రీనివాస్ దర్శకత్వంలో తెరకెక్కుతున్న ఈ ధీర సినిమాను చదలవాడ బ్రదర్స్ సమర్పణలో శ్రీ తిరుమల తిరుపతి వెంకటేశ్వర బ్యానర్‌పై తెరకెక్కిస్తున్నారు. నేహా పతన్, సోన్యా భన్సాల్, మిర్చి కిరణ్, హిమజ, నవీన్ నేని, భరణి శంకర్, సామ్రాట్, బాబీ బేడీ, వైవా రాఘవ్, భూషణ్, మేక రామకృష్ణ, సంధ్యారాణి తదితరులు ముఖ్యపాత్రలు పోషిస్తున్నారు. ప్రస్తుతం షూటింగ్ చివరి దశలో ఉందని, త్వరలోనే ఈ సినిమాను రిలీజ్ డేట్‌ని అనౌన్స్‌ చేస్తామని మేకర్స్‌ తెలిపారు.

లక్ష్ చదలవాడ హీరోగా తెరకెక్కుతున్న చిత్రం 'ధీర'. విక్రాంత్ శ్రీనివాస్ దర్శకత్వంలో తెరకెక్కుతున్న ఈ సినిమాను చదలవాడ బ్రదర్స్ సమర్పిస్తున్నారు.  శ్రీ తిరుమల తిరుపతి వెంకటేశ్వర బ్యానర్‌పై ఈ చిత్రాన్ని నిర్మిస్తున్నారు. తాజాగా ఈ మూవీకి సంబంధించిన ఫస్ట్ ‍లుక్ రిలీజ్ చేశారు.  హీరో లక్ష్ చదలవాడ పుట్టినరోజు కానుకగా విడుదల చేసింది చిత్రబృందం. ఓ సరికొత్త కథాంశంతో యాక్షన్ ఎంటర్‌టైనర్ గా ఈ 'ధీర' సినిమాను రూపొందిస్తున్నారు. వలయం సినిమాతో సక్సెస్ అందుకున్న లక్ష్.. 'గ్యాంగ్‌స్టర్ గంగరాజు'తో ప్రేక్షకుల ముందుకొచ్చి విమర్శకుల ప్రశంసలందుకున్నారు. పోస్టర్‌ను చూస్తే పూర్తి యాక్షన్ హీరోని తలపించేలా కనిపిస్తోంది. ప్రస్తుతం ఈ సినిమా షూటింగ్ చివరి దశలో ఉందని, 2023లో రిలీజ్ చేయనున్నట్లు వెల్లడించారు మేకర్స్. సాయి కార్తీక్ ఈ సినిమాకు బాణీలు సమకూరుస్తున్నారు. ఈ చిత్రంలో నేహా పతన్, సోన్యా భన్సాల్, మిర్చి కిరణ్, హిమజ, నవీన్ నేని, భరణి శంకర్, సామ్రాట్, బాబీ బేడీ, వైవా రాఘవ్, భూషణ్, మేక రామకృష్ణ, సంధ్యారాణి ముఖ్యపాత్రలు పోషిస్తున్నారు.

Gangster Gangaraju Movie Gets Hit Talk In Amazon Prime Video: కొన్ని సినిమాలు థియేటర్లలో అంతగా రుచించకపోవచ్చు కానీ ఓటీటీలో మాత్రం మంచి విజయం సాధిస్తాయి. అలాంటి జాబితాలోకి తాజాగా చేరిన చిత్రం 'గ్యాంగ్‌స్టర్ గంగరాజు'. చదలవాడ బ్రదర్స్ సమర్పణలో  శ్రీ తిరుమల తిరుపతి వెంకటేశ్వర ఫిలిమ్స్ పతాకంపై లక్ష్ చదలవాడ హీరోగా ఇషాన్ సూర్య దర్శకత్వంలో వచ్చింది ఈ మూవీ. జూన్ 24న తెలుగు, తమిళ భాషల్లో విడుదలైంది. ఈ సినిమా థియేటర్‌ ప్రేక్షకులను పెద్దగా ఆకట్టుకోలేదనే చెప్పవచ్చు. ఇక ఇప్పుడు ఈ చిత్రం ఓటీటీలోకి వచ్చింది.  ప్రముఖ ఓటీటీ సంస్థ అమెజాన్ ప్రైమ్‌లో 'గ్యాంగ్‌స్టర్‌ గంగరాజు' సక్సెస్ ఫుల్‌గా స్ట్రీమ్ అవుతోంది. లక్ష్ పర్ఫార్మెన్స్ , సాయి కార్తీక్ సంగీతం, కన్న పీ.సీ సినిమాటోగ్రఫీ ఈ సినిమాకు ప్లస్ అయ్యాయి. చిత్రంలోని పాటలు, ఇంటర్వెల్ బ్యాంగ్‌, క్లైమాక్స్‌తోపాటు సినిమాలోని పలు ట్విస్ట్‌లు ప్రేక్షకులను ప్రత్యేకంగా ఆకట్టుకున్నాయి. దీంతో ఈ సినిమా ఓటీటీలో మంచి విజయం సాధించింది.  ఈ మూవీకి ప్రేక్షకుల నుంచి వస్తోన్న విశేష స్పందనతో కన్నడ, మలయాళం, హిందీ భాషల్లోనూ రిలీజ్ చేసేందుకు చిత్రయూనిట్ ప్లాన్ చేస్తోందని సమాచారం.  చదవండి: నేనేం స్టార్‌ కిడ్‌ను కాదు, మూడేళ్ల తర్వాత..: పాయల్‌ రాజ్‌పుత్‌ అప్పుడే రెండో బిడ్డా? కాస్త ఆగలేకపోయావా? నటి ఏమందంటే? ఈ చిత్రంలో లక్ష్, వేదిక ద‌త్, వెన్నెల కిషోర్‌, చ‌ర‌ణ్ దీప్‌, శ్రీకాంత్ అయ్యంగార్, గోప‌రాజు ర‌మ‌ణ‌, నిహార్ క‌పూర్‌, రాజేశ్వ‌రి నాయ‌ర్‌, స‌త్య‌కృష్ణ‌, ర‌వితేజ‌ న‌న్నిమాల‌, స‌మ్మెట గాంధీ, రాజేంద్ర‌, అను మాన‌స‌, లావ‌ణ్య రెడ్డి, అన్న‌పూర్ణ త‌దిత‌రులు కీలక పాత్రలు పోషించారు.

టైటిల్‌ : గ్యాంగ్‌స్టర్‌ గంగరాజు నటీనటులు : లక్ష్య్‌,  వేదిక ద‌త్త‌, వెన్నెల కిషోర్‌, చ‌ర‌ణ్ దీప్‌, శ్రీకాంత్ అయ్యంగార్, గోప‌రాజు ర‌మ‌ణ‌, నిహార్ క‌పూర్‌ తదితరులు నిర్మాణ సంస్థ:శ్రీ తిరుమల తిరుపతి వెంకటేశ్వర ఫిలిమ్స్ దర్శకత్వం: ఇషాన్ సూర్య‌  సంగీతం: సాయి కార్తీక్‌ సినిమాటోగ్రఫీ: క‌ణ్ణ పి.సి. ఎడిటర్‌ :  అనుగోజు రేణుకా బాబు విడుదల తేది : జూన్‌ 24,2022 రెగ్యులర్ చిత్రాలకు భిన్నంగా స్టోరీలను ఎంచుకుంటూ తెలుగు తెరపై తనకంటూ ప్రత్యేక గుర్తింపు తెచ్చుకున్నాడు హీరో లక్ష్. 'వలయం' సినిమాతో టాలెంటెడ్ హీరో అనిపించుకున్న ఆయన.. తాజాగా 'గ్యాంగ్‌స్టర్ గంగరాజు' సినిమాతో ప్రేక్షకుల ముందుకు వచ్చాడు. ఈ శుక్రవారం(జూన్‌ 24) విడుదలైన ‘గ్యాంగ్‌స్టర్‌ గంగరాజు’ని ప్రేక్షకులు ఏ మేరకు ఆదరించారో రివ్యూలో చూద్దాం.  కథేంటంటే.. దేవరలంకకు చెందిన గంగరాజు(లక్ష్య్‌) ఓ గ్యాంగ్‌ని వేసుకొని ఆవారాగా తిరుగుతుంటాడు. తండ్రి నాగరాజు( గోపరాజు రమణ) రైల్వే శాఖలో ఉద్యోగం చేసి రిటైర్మెంట్‌ కావడానికి సిద్దంగా ఉంటాడు. కొడుకు మాత్రం జులాయిగా తిరుగుతూ లైఫ్‌ని ఎంజాయ్‌ చేస్తుంటాడు. గంగరాజు ఉండే ఏరియాలోకే కొత్తగా వస్తుంది ఎస్సై ఉమాదేవి( వేదిక దత్త). ఆమెతో తొలి చూపులోనే ప్రేమలో పడిపోతాడు. ఆమె ప్రేమని పొందడం కోసం నానా తిప్పలు పడుతుంటాడు. ఇలా సాధారణ జీవితాన్ని గడుపుతున్న గంగరాజు...అనుకొని సంఘటన వల్ల దేవరలంకలో పేరుమోసిన గ్యాంగ్‌స్టర్‌ సిద్దప్పని హత్య చేస్తాడు. ఆ తర్వాత గంగరాజు జీవితమే మారిపోతుంది. ఊరంతా అతన్ని గ్యాంగ్‌స్టర్‌ గంగరాజు అని పిలవడం స్టార్ట్‌ చేస్తుంది. అసలు సిద్దప్పని గంగరాజు ఎందుకు హత్య చేశాడు? దేవరలంకకు చెందిన ఎమ్మెల్యే నర్సారెడ్డి(శ్రీకాంత్‌ అయ్యంగార్‌) బామ్మర్ది బసిరెడ్డి(చరణ్‌ దీప్‌)తో గంగరాజుకు ఉన్న వివాదం ఏంటి? దేవరలంక ప్రజలను ఇబ్బందులకు గురిచేస్తున్న రౌడీ బసిరెడ్డిని గంగరాజు ఎలా మట్టుబెట్టాడు? అనేదే మిగతా కథ.  ఎలా ఉందంటే.. ‘గ్యాంగ్‌స్టర్‌ గంగరాజు’.. ఈ టైటిల్‌ వినగానే బండ్లు గాల్లోకి ఎగరడాలు, బాంబులు, చేజింగ్ లు, ఫైటింగ్ ఇలా చాలా ఎక్స్పెక్ట్ చేస్తారు. కానీ ఈ స్టోరీ అంతా ఒక ఫిక్షనల్ టౌన్‌లో జరుగుతుంది. ఇందులో కామెడీ, లవ్, ఎమోషన్స్, యాక్షన్ అన్నీ ఉన్నాయి. కథంతా కామెడీగా సాగుతూనే అక్కడక్కడ ఎమోషనల్‌ టచ్‌ ఇచ్చాడు దర్శకుడు ఇషాన్ సూర్య. ఫస్టాఫ్‌ అంతా ఉమాదేవి, గంగరాజుల ప్రేమ చుట్టే సాగుతుంది. ఉమాదేవి ప్రేమను పొందేందుకు గంగరాజు పడే పాట్లు నవ్వు తెప్పిస్తాయి. అలాగే బామ్మగా అన్నపూర్ణమ్మ చేసే ఫైట్‌ సీన్‌ థియేటర్స్‌లో నవ్వులు పూయిస్తుంది. ఇంటర్వెల్‌ ట్విస్ట్‌ కూడా బాగుంటుంది. ఇక సెకండాఫ్‌లో గ్యాంగ్‌స్టర్‌ గంగరాజు అసలు రూపం బయటపడుతుంది. బసిరెడ్డి నుంచి తప్పించుకోవడానికి ఎమ్మెల్యే నర్సారెడ్డిని బకరా చేసిన తీరు అందరిఊఈ నవ్విస్తుంది. క్లైమాక్స్‌ ఫైట్‌ సీన్‌ కూడా ఆకట్టుకుంటుంది. ఇక క్లైమాక్స్‌లో ఈ చిత్రానికి సీక్వెల్‌ కూడా ఉంటుందని చెప్పకనే చెప్పారు.  ఎవరెలా చేశారంటే.. వైవిధ్య‌మైన క‌థా చిత్రాల‌ను, విభిన్న‌మైన పాత్ర‌ల‌ను ఎంపిక చేసుకుంటూ టాలీవుడ్‌లో తనకంటూ ఓ ప్రత్యేక గుర్తింపు తెచ్చుకున్నాడు యంగ్‌ హీరో లక్ష్య్‌. సినిమా సినిమాకి తన పాత్రలో వేరియష్‌ ఉండేలా జాగ్రత్తపడుతున్నాడు. ‘వ‌ల‌యం’ వంటి గ్రిప్పింగ్‌ సస్పెన్స్ థ్రిల్ల‌ర్‌తో ప్రేక్ష‌కుల‌ను మెప్పించిన లక్ష్య్‌ ఈ సారి త‌న‌దైన పంథాలో ‘గ్యాంగ్‌స్ట‌ర్ గంగ‌రాజు’ అనే డిఫ‌రెంట్ మూవీతో వచ్చాడు. గంగరాజుగా లక్ష్య్‌ అదరగొట్టేశాడు. కామెడీ, ఫైట్స్‌, ఎమోషనల్‌.. ఇలా ప్రతి సీన్స్‌లో అద్భుతమైన నటనను కనబరిచాడు. సినిమా మొత్తాన్ని తన భుజాన వేసుకొని నడిపించాడు. ఎస్సై ఉమాదేవిగా వేదికదత్త తనదైన నటనతో ఆకట్టుకుంది. తెరపై చాలా అందంగా కనిపించింది. గంగరాజు తండ్రి నాగరాజు పాత్రలో గోపరాజు రమణ ఒదిగిపోయాడు. ఒక ఎమ్మెల్యే నర్సారెడ్డిగా శ్రీకాంత్‌ అయ్యంగార్‌ తనదైన కామెడీతో నవ్వించాడు. బసిరెడ్డిగా చరణ్‌ దీప్‌ కూడా తన నటనతో ఆకట్టుకున్నాడు. వెన్నెల కిశోర్‌, నిహార్ క‌పూర్‌, రాజేశ్వ‌రి నాయ‌ర్‌, స‌త్య‌కృష్ణ‌, ర‌వితేజ‌ న‌న్నిమాల‌ తదితరులు తమ పాత్రల పరిధిమేర నటించారు. ఇక సాంకేతిక విషయానికొస్తే.. సాయి కార్తీక్‌ సంగీతం బాగుంది. పాటలు అంతంత మాత్రమే అయినా నేపథ్య సంగీతం మాత్రం ఆకట్టుకునేలా ఉంది. క‌ణ్ణ పి.సి. సినిమాటోగ్రఫీ చాలా బాగుంది. ప్రతి సీన్‌ చాలా బ్యూటిఫుల్‌గా తీశాడు. అనుగోజు రేణుకా బాబు ఎడిటింగ్‌ పర్వాలేదు. నిర్మాణ విలువలు సినిమా స్థాయికి తగినట్లుగా ఉన్నాయి.

'వలయం' సినిమాతో టాలెంటెడ్ హీరో అనిపించుకున్న లక్ష్ తాజాగా 'గ్యాంగ్‌స్టర్ గంగరాజు' సినిమాతో ప్రేక్షకుల ముందుకు రాబోతున్నాడు. చదలవాడ బ్రదర్స్ సమర్పణలో ఇషాన్ సూర్య దర్శకత్వం వహిస్తున్న ఈ చిత్రాన్ని శ్రీ తిరుమల తిరుపతి వెంకటేశ్వర ఫిలిమ్స్ పతాకంపై నిర్మిస్తున్నారు. సాయి కార్తీక్ సంగీతం అందిస్తుండగా కన్న పీ.సీ సినిమాటోగ్రఫీ బాధ్యతలు చేపట్టారు. ఈ నెల  24న తెలుగు, తమిళ భాషల్లో ప్రేక్షకుల ముందుకు వస్తున్న సందర్బంగా చిత్ర హీరో లక్ష్ చదవలవాడ  మాట్లాడుతూ.. ♦ నాలుగు సంవత్సరాల క్రితం నేను ప్రొడ్యూసర్‌గా పని చేశాను. ఆ సమయంలో శీను వైట్ల, మురుగదాస్‌ల దగ్గర చాలా సినిమాలకు వర్క్ చేసిన ఇషాన్ సూర్య ఒక మంచి కథతో వచ్చి ఒక సినిమా చేద్దాం అన్నాడు. అయితే అప్పుడు నేను నిర్మాతగా ఉన్నందున తరువాత  చూద్దామన్నాను. ♦ బిచ్చగాడు రిలీజ్ అయిన తరువాత వచ్చిన పెళ్లిచూపులు, అర్జున్ రెడ్డి, క్షణం సినిమాలను చూస్తుంటే మంచి కంటెంట్ ఉన్న సినిమాలను ప్రేక్షకులు ఆదరించడం మొదలు పెట్టారనిపించింది. ఆ సినిమాల తర్వాత వాళ్ళు స్టార్ హీరోలయిపోయారు. అప్పుడు మంచి కంటెంట్ ఉన్న కథను సెలెక్ట్ చేసుకొని సినిమా చేస్తే ప్రేక్షకులు అదరిస్తారనే నమ్మకంతో ఇండస్ట్రీలో నిర్మాతగానే కాకుండా నటుడుగా నాకంటూ ఒక ఐడెంటిటీని క్రెయేట్ చేసుకోవాలని వర్క్ అవుట్స్ చేసి 25 కేజీలు తగ్గాను. మంచి కంటెంట్ ఉన్న "వలయం" సినిమాతో ఇండస్ట్రీకి రాగా ప్రేక్షకుల నుంచి మంచి రెస్పాన్స్ వచ్చింది. ♦ "వలయం" తర్వాత రెండు సినిమాలు చేద్దామనుకున్న టైంలో కోవిడ్ వచ్చి రెండు సంవత్సరాల గ్యాప్ వచ్చింది. ఆ తర్వాత నాలుగు సంవత్సరాల క్రితం కథ చెప్పిన సూర్య గుర్తుకు రావడంతో తనను పిలిచి నేనే "గ్యాంగ్‌స్టర్‌ గంగరాజు" కాన్సెప్ట్ చెప్పాను. తను ఈ కథను డెవలప్ చేశాడు. ♦  ఒక హీరో అనే వాడు తన కంటే పవర్ ఫుల్ ఉన్నవాళ్ళతో ఢీకొంటే  బాగుంటుందని మైండ్ లో పెట్టుకొని ఒక రాజమౌళి గారి సినిమాలో విలన్, ఒక శ్రీను వైట్ల గారి సినిమాలో హీరో ఇద్దరు కలసి స్టోరీ చేస్తే ఎలా ఉంటుందో ఈ "గ్యాంగ్ స్టర్ గంగరాజు" అలా ఉంటుంది. నా సినిమాల్లో చేసే నలుగురు విలన్స్ అందరు కూడా డిఫరెంట్‌ లుక్‌లో కనిపిస్తారు. నాకంటే హైట్‌లో ఉంటారు.  ♦ మ్యూజిక్ డైరెక్టర్ సాయి కార్తీక్ గురించి చెప్పాల్సిన అవసరం లేదు. తను  పటాస్, రాజా ది గ్రేట్, సుప్రీమ్ ఇలా చాలా సినిమాలకు మ్యూజిక్ చేసి చాలా మంచి మ్యూజికల్ సక్సెసర్ అనిపించు కున్నాడు. మీరు విన్న ఈ సాంగ్స్ కంటే కూడా ఈ మూవీ బ్యాక్ గ్రౌండ్ స్కోర్‌ అద్భుతంగా ఉంటుంది. సినిమాలో లాస్ట్ 20 మినిట్స్‌కు మాత్రం కచ్చితంగా విజిల్స్ వేసేలా సినిమా ఉంటుంది. ♦ ఈ సినిమాకు మా నాన్న పేరు వేద్దామని నేను చాలాసార్లు మా నాన్నను అడిగినా తను ఒప్పుకోలేదు ఎందుకంటే.. మా నాన్నగారికి ఆయన పేరు బయట వేసుకోవడానికి ఇష్టపడరు. ఇంతకాలం నేను నిర్మాతగా చేశాను. ఒక నిర్మాత కష్టాలు ఏంటో తెలుసుకుని నువ్వు ఇక సక్సెస్ ఫుల్ నిర్మాతవు అవ్వాలి అంటాడు. నా సినిమా ఈవెంట్ కి వచ్చినా తను ఒక  గెస్ట్ గా వస్తాడు  ♦ ఈ సినిమా తర్వాత చేస్తున్న "ధీర"  గ్యాంగ్ స్టర్ గంగరాజు కన్నా వెరీ డిఫరెంట్ గా స్టైలిష్ గా ఉంటుంది. ♦ ఈనెల 24న చాలా సినిమాలు ఉన్నాయి. రిలీజ్ డేట్ పోస్ట్ పోన్ చేసుకోమని చాలా మంది చెప్పారు .అయితే మా సినిమాను 24 కు రిలీజ్ చేద్దాం అని అనౌన్స్ చేసినప్పుడు మాకు పోటీగా కిరణ్ అబ్బవరం సినిమా సమ్మతమే.. మాత్రమే ఉంది. ఆ తరువాత ఎనిమిది సినిమాలు ఒకటే డేట్‌కు వస్తున్నాయి. ఇదంతా మన చేతుల్లో లేదు. ఎందుకంటే కోవిడ్ తర్వాత చాలా సినిమాలు ఆగిపోయాయి. ఇక నుంచి ఏ వారం చూసినా ప్రతి వారం కూడా ఆరు, ఏడు సినిమాలు రిలీజ్‌కు ఉన్నాయి. అందుకని మేము ఈ నెల 24నే వస్తున్నాము. ♦ ఇప్పుడు వస్తున్న పది సినిమాల్లో కూడా మాస్ ఎలిమెంట్స్ తో  ప్రేక్షకులకు కనెక్ట్ అయ్యేది మా సినిమా ఒక్కటే అనుకుంటున్నాను. ఇక మిగిలిన సినిమాలు ఉన్నా అవి డిఫరెంట్ జోనర్స్ కాబట్టి మాకు కాంపిటీషన్ లేదు అను కుంటున్నాను. నేను ఒక యాక్టర్ నే కాకుండా నాకు ప్రొడ్యూసర్స్ కష్టాలు కూడా తెలుసు కాబట్టి మా సినిమాతో పాటు రేపు రిలీజ్ అవుతున్న అన్ని సినిమాలు విజయవంతం అవ్వాలని కోరుకుంటున్నాను. మా సినిమాను తెలుగులో మూడు వందల థియేటర్స్ లలో రిలీజ్ చేస్తున్నాము. తమిళ్ లో 100 థియేటర్లలో రిలీజ్ చేస్తున్నాము. ఈ సినిమా ప్రేక్షకులు రిసీవ్ చేసుకున్న దాన్ని బట్టి  సీక్వెల్ ఉంటుంది అని ముగించారు. చదవండి: ఆ హీరోయిన్స్‌ వద్దు.. జక్కన్నకి మహేశ్‌ బాబు మెలిక పది మంది పిల్లలు, నటికి మీడియా మొఘల్‌ విడాకులు!

'వలయం' ఫేమ్‌ లక్ష్య్‌ హీరోగా నటించిన తాజా చిత్రం ‘గ్యాంగ్‌స్టర్‌ గంగరాజు’. చదలవాడ బ్రదర్స్ సమర్పణలో ఇషాన్ సూర్య దర్శకత్వం వహిస్తున్న ఈ చిత్రాన్ని శ్రీ తిరుమల తిరుపతి వెంకటేశ్వర ఫిలిమ్స్ పతాకంపై నిర్మిస్తున్నారు. సాయి కార్తీక్ సంగీతం అందిస్తుండగా కన్న పీ.సీ సినిమాటోగ్రఫీ బాధ్యతలు చేపట్టారు. ఇటీవలే ఈ చిత్ర షూటింగ్ ఫినిష్ చేసి ప్రమోషన్స్ వేగవంతం చేశారు. ఈ నేపథ్యంలో తాజాగా ఈ సినిమా సెన్సార్ కంప్లీట్ అయింది. ఈ చిత్రానికి సెన్సార్ సభ్యులు  ఈ చిత్రానికి U/A సర్టిఫికెట్ జారీ చేశారు.  ఇటీవలే విడుదల చేసిన గ్యాంగ్‌స్టర్ గంగరాజు ట్రైలర్ సినిమాపై హైప్ పెంచేసింది. ఈ వీడియోకి నెట్టింట భారీ ఆదరణ దక్కింది. జూన్ 24న ఈ గ్యాంగ్‌స్టర్ గంగరాజు చిత్రాన్ని తెలుగు, తమిళ భాషల్లో ఘనంగా విడుదల చేస్తున్నారు.

Laksh Starrer Gangster Gangaraju Trailer Released: వైవిధ్యభరితమైన కథలతో తనకంటూ స్పెషల్ ఇమేజ్ క్రియేట్ చేసుకున్న హీరో లక్ష్. 'వలయం' సినిమాతో మంచి గుర్తింపు తెచ్చుకున్న లక్ష్.. ఇప్పుడు 'గ్యాంగ్‌స్టర్ గంగరాజు' సినిమాతో ప్రేక్షకులను అలరించేందుకు సిద్ధమయ్యాడు. చదలవాడ బ్రదర్స్ సమర్పణలో ఇషాన్ సూర్య దర్శకత్వం వహిస్తున్న ఈ చిత్రాన్ని శ్రీ తిరుమల తిరుపతి వెంకటేశ్వర ఫిలిమ్స్ పతాకంపై నిర్మించారు. సాయి కార్తీక్ సంగీతం అందిస్తుండగా కన్న పీ.సీ సినిమాటోగ్రఫీ బాధ్యతలు చేపట్టారు. ఇటీవలే ఈ చిత్ర షూటింగ్ పూర్తి చేసి ప్రమోషన్స్ వేగవంతం చేశారు. ఇందులో భాగంగా తాజాగా చిత్ర ట్రైలర్‌ను రిలీజ్ చేశారు. కమర్షియల్ ఎలెమెంట్స్‌తో కూడిన ఈ 'గ్యాంగ్‌స్టర్ గంగరాజు' ట్రైలర్ సినిమాపై హైప్ పెంచేసిందని చెప్పుకోవాలి. “వాడిప్పుడొక రక్తం మరిగిన పులి లాంటోడు.. గ్యాంగ్ స్టర్ కా గాడ్ ఫాదర్” అనే పవర్ ఫుల్ డైలాగ్ తో ప్రారంభమైన ఈ ట్రైలర్ ఆద్యంతం ఆకట్టుకుంటోంది. సినిమాలో లక్ష్ క్యారెక్టర్ ఎలివేట్ చేస్తూ ఈ ట్రైలర్ చూపించారు. ఈ వీడియోలో సినిమాలోని యాక్షన్, రొమాంటిక్, ఫన్నీ ఎలిమెంట్స్ అన్నీ చూపించడంతో ఇది అన్ని వర్గాల ప్రేక్షకులకు ఈజీగా కనెక్ట్ అవుతుందని తెలుస్తోంది. ఈ సినిమాను జూన్‌ 24న తెలుగు, తమిళ భాషల్లో విడుదల చేస్తున్నారు.

వరుస సినిమాలతో కెరీర్‌ పరంగా దూసుకెళ్తున్నాడు యంగ్‌ హీరో లక్ష్‌ చదలవాడ. ‘వలయం’ మూవీతో విమర్శకుల ప్రశంసలు అందుకున్న లక్ష్‌.. త్వరలోనే ‘గ్యాంగ్‌స్టర్‌ గంగరాజు’తో ప్రేక్షకులను పలకరించబోతున్నాడు. ఈ చిత్రం కూడా తనకు మంచి పేరు తెచ్చిపెడుతుందని నమ్మకంగా చెబుతున్నాడు. ఇదిలా ఉంటే.. ఈ యంగ్‌ హీరో తాజాగా మరో సినిమాను పట్టాలపైకి తీసుకొచ్చాడు. విక్రాంత్ శ్రీనివాస్ దర్శకత్వంలలో ‘ధీర’అనే చిత్రాన్ని చేస్తున్నాడు. ఈ మూవీ పూజా కార్యక్రమం శనివారం హైదరాబాద్‌లో ఘనంగా జరిగింది. తొలి సన్నివేశానికి ఖ్యాతి చదలవాడ  క్లాప్ ఇవ్వగా.. చదలవాడ శ్రీనివాస రావు కెమెరా స్విచ్ ఆన్ చేశారు. శ్రీ తిరుమల తిరుపతి వెంకటేశ్వర బ్యానర్‌పై ప్రొడక్షన్ నంబర్ 12గా ఈ సినిమా నిర్మిస్తున్నారు.సాయి కార్తీక్ ఈ సినిమాకు సంగీతం అందిస్తున్నారు. ఈ నెల 14 వరకు హైదరాబాద్‌లోనే షూటింగ్‌ జరగనుంది. సరికొత్త కథాంశంతో తెరకెక్కబోతున్న ఈ చిత్రానికి సంబంధించిన పూర్తి వివరాలను త్వరలోనే వెల్లడిస్తామని చిత్ర యూనిట్‌ పేర్కొంది.   

'వలయం' ఫేమ్‌ లక్ష్ చదలవాడ హీరోగా రూపొందుతోన్న తాజా చిత్రం `గ్యాంగ్‌స్ట‌ర్ గంగ‌రాజు'. ఇషాన్ సూర్య దర్శకత్వం వహిస్తున్న ఈ చిత్రాన్ని 'శ్రీ తిరుమల తిరుపతి వెంకటేశ్వర ఫిలిమ్స్'  పతాకం పై 'చదలవాడ బ్రదర్స్' సమర్పణలో మంచి అభిరుచి గల నిర్మాత పద్మావతి చదలవాడ ఎంతో ప్రతిష్టాత్మకంగా నిర్మిస్తున్నారు. డిఫరెంట్ కథాంశంతో కమర్షియల్ హంగులతో రూపొందుతోన్న 'గ్యాంగ్ స్టర్ గంగ రాజు' చిత్రానికి సంబంధించి ఇప్పటికే విడుదలైన ఫస్ట్ లుక్ పోస్టర్ ... అలాగే సంగీత దర్శకుడు సాయి కార్తీక్ సమకూర్చిన పాటలకు ప్రేక్షకుల నుండీ మంచి రెస్పాన్స్ లభించింది. ఇక ఇటీవల విడుదలైన `గ్యాంగ్‌స్ట‌ర్ గంగ‌రాజు`ఫుల్ టైటిల్ వీడియో సాంగ్ కూడా యూట్యూబ్లో దూసుకుపోతుండడం మరో విశేషం. ఇక ఇటీవల జరిగిన షెడ్యూల్ తో 'గ్యాంగ్ స్టర్ గంగరాజు' షూటింగ్ మొత్తం పూర్తయ్యింది. ప్రస్తుతం పోస్ట్ ప్రొడక్షన్ పనులు కూడా శరవేగంగా జరుగుతున్నాయి. అన్ని కార్యక్రమాలను పూర్తిచేసి డిసెంబర్‌లో ఈ చిత్రాన్ని గ్రాండ్ గా విడుదల చేయడానికి దర్శకనిర్మాతలు సన్నాహాలు చేస్తున్నారు. అన్ని వర్గాల ప్రేక్షకులను అలరించే విధంగా ఈ చిత్రాన్ని తీర్చిదిద్దినట్టు చిత్ర బృందం ధీమా వ్యక్తం చేస్తుంది.

పలు సినిమాలతో నటుడిగా తనని తాను రుజువు చేసుకుని విమర్శకుల ప్రశంసలు అందుకున్నాడు హీరో ల‌క్ష్ చ‌ద‌ల‌వాడ.  ‘వలయం’ వంటి సస్పెన్స్ థ్రిల్లర్ చిత్రం తో ఆకట్టుకున్న ఆయన హీరో గా నటిస్తున్న తాజా చిత్రం `గ్యాంగ్‌స్ట‌ర్ గంగ‌రాజు`. డిఫరెంట్ కాన్సెప్ట్ తో తెరకెక్కుతున్న ఈ చిత్రం నుంచి ఫస్ట్ లుక్ , ఓ పాట కూడా విడుదల కాగా వాటికి ప్రేక్షకుల నుంచి భారీ స్పందన దక్కింది. సినిమా పై కూడా అంచనాలు పెంచాయి. కాగా ఈరోజు(అక్టోబర్‌ 9) హీరో ల‌క్ష్ చ‌ద‌ల‌వాడ పుట్టినరోజు సందర్భంగా ఆయనకు ఈ చిత్ర బృందం శుభాకాంక్షలు తెలిపింది.  ఈ సినిమా లోని పాత్ర కోసం అయన తన మేకోవర్ ను పూర్తిగా మార్చుకున్నారని ఫస్ట్ లుక్ చూస్తే అర్థమవుతుంది. యంగ్ అండ్ డైనమిక్ డైరెక్టర్ ఇషాన్ సూర్య దర్శకత్వం అందిస్తుండగా శ్రీ తిరుమల తిరుపతి వెంకటేశ్వర ఫిలిమ్స్  పతాకంపై చదలవాడ బ్రదర్స్ సమర్పణలో మంచి అభిరుచి గల నిర్మాత పద్మావతి చదలవాడ ఈ చిత్రాన్ని నిర్మిస్తున్నారు. టాకీ పార్ట్ మొత్తం పూర్తి చేసుకున్న ఈ సినిమాలోని ఓ పాట షూటింగ్ మాత్రమే మిగిలిఉంది ఉంది. త్వరలోనే థియేటర్లలో ఈ సినిమా ను విడుదల చేయడానికి సిద్ధం చేస్తున్నామని నిర్మాత తెలిపారు.