రామచంద్రాపురం: తూర్పుగోదావరి జిల్లా రామచంద్రాపురంలో ఆర్టీసీ బస్సు ఢీకొని వ్యక్తి మృతిచెందాడు. మండలం ఓగూరు వద్ద ఆదివారం బైక్‌పై వెళ్తున్న ఎదురుగా వస్తున్న ఆర్టీసీ బస్సును ఢీకొట్టాడు. ఈ ప్రమాదంలో తలకు బలమైన గాయాలైన అతను అక్కడికక్కడే మృతిచెందాడు.
 
 సమాచారం అందుకున్న పోలీసులు సంఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఆస్పత్రికి తరలించి కేసు నమోదు చేసుకొని దర్యాప్తు చేస్తున్నారు. కాగా.. మృతుడు పశ్చిమగోదావరికి చెందిన వాడిగా అనుమానిస్తున్నారు.


 ధన్వాడ: మహబూబ్‌నగర్ జిల్లా ధన్వాడ మండలం పెద్దచింతకుంట కల్వర్టు వద్ద ఆదివారం మధ్యాహ్నాం ఎదురెదురుగా వచ్చిన లారీ, బైక్ ఢీకొనడంతో ఓ వ్యక్తి మృతి చెందాడు.
 
 మృతుడు కర్ణాటక రాష్ట్రానికి చెందిన వ్యక్తిగా గుర్తించారు. ఈ ప్రమాదంలో మరో వ్యక్తి కూడా గాయపడ్డారు. కేసు నమోదు చేసుకున్న పోలీసులు పోస్ట్ మార్టం నిమిత్తం మృతదేహాన్ని ప్రభుత్వాసుపత్రికి తరలించారు.