రాష్ట్రంలో పలు ప్రభుత్వ వైద్య కళాశాలలు, బోధనాస్పత్రుల ప్రిన్సిపల్స్, సూపరింటెండెంట్‌లను బదిలీ చేస్తూ సోమవారం వైద్య శాఖ ప్రత్యేక ప్రధాన కార్యదర్శి ఎం.టి.కృష్ణబాబు ఉత్తర్వులు జారీచేశారు. – సాక్షి, అమరావతి:

సాక్షి, అమరావతి: ర్యాగింగ్ విష‌యంలో రాష్ట్రంలోని అన్ని మెడిక‌ల్ క‌ళాశాల‌లు అప్ర‌మ‌త్తంగా ఉండాల‌ని వైద్య ఆరోగ్య‌శాఖ మంత్రి విడ‌ద‌ల ర‌జిని తెలిపారు. తాజాగా హైద‌రాబాద్‌లో మెడికో ఆత్మ‌హ్య‌త ఘ‌ట‌న నేప‌థ్యంలో మంత్రి రాష్ట్రంలోని అన్ని ప్ర‌భుత్వ‌, ప్రైవేటు మెడిక‌ల్ క‌ళాశాల‌ల ప్రిన్సిప‌ల్స్ అంద‌రితో స‌మీక్ష స‌మావేశం నిర్వ‌హించారు. మంగ‌ళ‌గిరిలోని ఏపీఐఐసీ ట‌వ‌ర్స్ లో ఉన్న వైద్య ఆరోగ్య‌శాఖ ప్ర‌ధాన కార్యాల‌యంలో నిర్వ‌హించిన ఈ స‌మావేశంలో డైరెక్ట‌ర్ ఆఫ్ మెడిక‌ల్ ఎడ్యుకేష‌న్ డాక్టర్ వినోద్ కుమార్ ఐఎఎస్, డాక్ట‌ర్‌ వైఎస్సార్ హెల్త్ యూనివ‌ర్సిటీ వీసీ బాబ్జి, రిజిస్ట్రార్ రాధికారెడ్డి త‌దిత‌రులు పాల్గొన్నారు. ఈ సంద‌ర్భంగా మంత్రి విడ‌ద‌ల ర‌జిని మాట్లాడుతూ ర్యాగింగ్ భూతం విష‌యంలో అన్ని మెడిక‌ల్ క‌ళాశాల‌లు క‌ఠినంగా ఉండాల‌ని స్ప‌ష్టంచేశారు. మెడికోల‌పై ఎక్క‌డా, ఎలాంటి వేధింపులు ఉండ‌టానికి వీల్లేద‌ని  చెప్పారు. క‌ళాశాల‌ల్లోని యాంటీ ర్యాగింగ్ క‌మిటీలు పూర్తిస్థాయిలో చురుకుగా ప‌నిచేయాల‌ని చెప్పారు. ర్యాగింగ్‌, ఇత‌ర వేధింపుల‌కు సంబంధించి ఆయా క‌ళాశాల‌ల‌పై నేరుగా డీఎంఈ, హెల్త్ యూనివ‌ర్సిటీ వీసీ ప‌ర్య‌వేక్ష‌ణ ఉండాల‌న్నారు. ఆయా క‌ళాశాల‌ల నుంచి ఎప్ప‌టిక‌ప్పుడు యాంటి ర్యాగింగ్ క‌మిటీల ద్వారా నివేదిక‌లు తెప్పించుకుంటూ ఉండాల‌న్నారు. విద్యార్థుల‌తో బోధ‌నా సిబ్బంది స‌హృద్భావంతో ఉండాల‌ని చెప్పారు. కొంత‌మంది సీనియ‌ర్ అధ్యాప‌కులు వారి సొంత క్లినిక్‌ల నేప‌థ్యంలో పీజీ విద్యార్థుల‌పై ప‌నిభారం మోపుతున్నార‌నే వార్త‌లు వినిపిస్తున్నాయ‌ని, ఈ ప‌ద్ధ‌తి మారాల‌ని తెలిపారు. ప‌టిష్ట‌మైన చ‌ర్య‌ల ద్వారానే ఫ‌లితాలు చ‌దువుల్లో నాణ్య‌తే కాద‌ని, భ‌ద్ర‌త కూడా ఉండాల‌ని మంత్రి విడ‌ద‌ల ర‌జిని తెలిపారు. ప‌టిష్ట‌మైన చ‌ర్య‌ల ద్వారా మ‌నం సుర‌క్షితంగా మెడికోల‌ను స‌మాజంలోకి తీసుకురాగ‌ల‌మ‌ని చెప్పారు. అన్ని మెడిక‌ల్ క‌ళాశాల‌ల్లో విద్యార్థుల‌కు కౌన్సెలింగ్ సెష‌న్లు ఉండేలా చూసుకోవాల‌న్నారు. ఒత్తిడి నుంచి బ‌య‌ట‌ప‌డేలా విద్యార్థుల‌కు యోగా, ధ్యానం లాంటి అంశాల‌పై అవ‌గాహ‌న పెంచాల‌న్నారు. క‌ళాశాల‌ల్లో ఫిర్యాదుల పెట్టెలు అందుబాటులో ఉంచాల‌న్నారు. ఏదైనా స‌మాచారాన్ని వెనువెంట‌నే చేర‌వేసేలా క్యాంప‌స్‌లో ప‌లు చోట్ల మైక్‌లు ఏర్పాటుచేసుకోవాల‌న్నారు. ముఖ్య‌మైన ప్రాంతాల్లో సీసీ కెమెరాలు ఉండేలా చూడాల‌న్నారు. ప్ర‌తి విద్యార్థిని దిశ యాప్ ను వాడుకునేలా చ‌ర్య‌లు తీసుకోవాల‌ని చెప్పారు. సీనియ‌ర్‌, జూనియ‌ర్ విద్యార్థుల‌కు ప్ర‌త్యేక వ‌స‌తి ఉండేలా చ‌ర్య‌లు చేప‌ట్టాల‌న్నారు. వారి భోజ‌న స‌మ‌యాలు కూడా ఒకేలా ఉండ‌కుండా జాగ్ర‌త్త‌లు తీసుకోవాల‌ని చెప్పారు. మ‌న రాష్ట్రంలోని ఏ ఒక్క మెడిక‌ల్ క‌ళాశాల‌లో కూడా ఎక్క‌డా ఒక్క ర్యాగింగ్ కేసు కూడా న‌మోదు కావ‌డానికి వీల్లేద‌ని స్ప‌ష్టంచేశారు. డిస్ట్రిక్ట్ రెసిడెన్సీ ప్రోగ్రాంతో ప్ర‌జ‌ల‌కు మేలు ఎన్ ఎం సీ నిబంధ‌న‌ల‌కు అనుగుణంగా ఈ విద్యా సంవ‌త్స‌రం నుంచి ప్ర‌తి మెడిక‌ల్ కళాశాల డిస్ట్రిక్ట్ రెసిడెన్సీ ప్రోగ్రామ్ ను అమ‌లు చేయాల్సి ఉంద‌ని మంత్రి విడ‌ద‌ల ర‌జిని తెలిపారు. ఈ డీఆర్ కార్య‌క్ర‌మంలో భాగంగా ప్ర‌తి పీజీ విద్యార్థి మూడు నెల‌ల పాటు క‌చ్చితంగా గ్రామీణ ప్రాంతంలో ప‌నిచేయాల్సి ఉంద‌ని చెప్పారు. ప్ర‌తి మెడిక‌ల్ క‌ళాశాల ప్రిన్సిపాల్‌కు వారి ప‌రిధిలో మ్యాప్ చేసిన డీహెచ్‌, ఏహెచ్, సీహెచ్‌సీ, పీహెచ్‌సీల జాబితాను ఇప్ప‌టికే పంపామ‌ని తెలిపారు. ఆ జాబితాలో ఉన్న ఆస్ప‌త్రుల్లో పీజీ లు క‌చ్చితంగా మూడు నెల‌లు ప‌నిచేసేలా షెడ్యూల్ త‌యారుచేసుకుని పంపాల‌ని పేర్కొన్నారు. దీనివ‌ల్ల ప్ర‌తి మూడు నెల‌ల‌కు 250 మంది చొప్పున స్పెష‌లిస్టు వైద్యులు గ్రామీణ ప్రాంతాల్లో ప‌నిచేసే ప‌రిస్థితులు ఏర్ప‌డ‌తాయ‌న్నారు. దీనివ‌ల్ల ప్ర‌జ‌ల‌కు ఎంతో మేలు చేకూరుతుంద‌ని చెప్పారు. ప‌ల్లెల్లో ఉండే పేద ప్ర‌జ‌లు మెరుగైన వైద్య సేవ‌లు పొందే అవ‌కాశం ద‌క్కుతుంద‌న్నారు. చదవండి: టీడీపీ నేత నారాయణకు ఏపీ సీఐడీ నోటీసులు 

సాక్షి, హైదరాబాద్‌: ప్రభుత్వ పాఠశాలల ప్రధానోపాధ్యాయులు ఒప్పుకుంటేనే బదిలీల ప్రక్రియ ముందుకు తీసుకెళ్లొచ్చని విద్యాశాఖ ఉన్నతాధికారులు భావిస్తున్నారు. వారిని పరిగణనలోనికి తీసుకోని పక్షంలో కొత్త సమస్యలు తలెత్తే అవకాశం ఉంటుందని అంటున్నారు. ఇదే అంశాన్ని ఉన్నతాధికారులు ప్రభుత్వానికి వివరించినట్టు తెలిసింది. ఇటీవల హైకోర్టు తీర్పు నేపథ్యంలో ఉపాధ్యాయుల బదిలీలు, పదోన్నతుల ప్రక్రియ ఆగిపోయిన విషయం తెలిసిందే. దీంతో పదోన్నతులైనా కల్పించాలని కొన్ని సంఘాలు ప్రభుత్వంపై ఒత్తిడి తెస్తున్నాయి. ఈ నేపథ్యంలో ప్రభుత్వం విద్యాశాఖ నుంచి నివేదిక కోరినట్టు సమాచారం. ఇప్పటివరకూ అన్ని కేటగిరీల టీచర్లకు సీనియారిటీని బట్టి పదోన్నతులు ఇవ్వాలని భావించారు. ఇందుకు అనుగుణంగానే సీనియారిటీ జాబితాను రూపొందించారు. అయితే, హెచ్‌ఎంల విషయంలో అనేక సమస్యలు ఎదురయ్యాయి. వీరికి ఎంఈవోలుగా పదోన్నతి కల్పించాల్సి ఉంటుంది. అదీగాక, ఎంఈవో, డిప్యూటీ డీఈవో వంటి పర్యవేక్షణ పోస్టుల విషయంలో ఉపాధ్యాయుల మధ్య వివాదం పరిష్కారం కాలేదు. నిబంధనల ప్రకారం పర్యవేక్షణ పోస్టులు తమకే ఇవ్వాలని ప్రభుత్వ హెచ్‌ఎంలు కోరుతున్నారు. స్థానిక సంస్థల పరిధిలోని బడుల్లో ఉన్న హెచ్‌ఎంలకు పర్యవేక్షణ పోస్టులు ఇవ్వాల్సిందేనని మరికొంత మంది కోరుతున్నారు. ఈ సమస్య పరిష్కారం కాకపోవడంతో హెచ్‌ఎంల పదోన్నతుల ప్రక్రియ జటిలంగానే మారింది. ప్రస్తుతం పదోన్నతులు కల్పిస్తే స్కూల్‌ అసిస్టెంట్లు.. హెచ్‌ఎంలు అవుతారు. వారికి ఉన్న స్కూళ్లను కేటాయించి, ఇప్పుడున్న హెచ్‌ఎంలను ఎంఈవోలుగా ప్రమోట్‌ చేయకుండా, ఎక్కడికి పంపుతారనే ప్రశ్న తెరమీదకొచ్చింది. కాబట్టి ఈ విషయంలో అంగీకారం వస్తేనే బదిలీలు, పదోన్నతుల అంశం ముందుకెళ్తుందని అధికారులు అంటున్నారు. ఏప్రిల్‌లో బదిలీలు చేపట్టాలని ప్రభుత్వం భావిస్తున్నట్లు కొన్ని సంఘాలు చెబుతున్నా, ముందస్తు ఎన్నికల భయం వారిని వెంటాడుతోంది. సెలవుల్లో టెన్త్‌ పేపర్ల మూల్యాంకన విధులుంటాయి. ఆ తర్వాత ఎన్నికల గంట మోగితే బదిలీలు, ప్రమోషన్లు లేనట్టేనని టీచర్లు ఆందోళన చెందుతున్నారు. బదిలీలు, పదోన్నతులు రెండూ ఒకేసారి చేపట్టాలని, లేని పక్షంలో తమకు న్యాయం జరగదని ప్రభుత్వ పాఠశాలల ప్రధానోపాధ్యాయుల సంఘం రాష్ట్ర అధ్యక్షుడు పి రాజాభాను చంద్రప్రకాశ్‌ చెప్పారు.   

సాక్షి, హైదరాబాద్‌: దాదాపు మూడు వారాల తర్వాత పునః ప్రారంభమవుతున్న విద్యాసంస్థలకు టీచర్ల ఆందోళన ఇబ్బందిగా మారుతోంది. ఈ సెలవుల సమయంలోనే జోనల్‌ వ్యవస్థకు సంబంధించిన బదిలీల ప్రక్రియ పూర్తికాగా.. పలు అంశాలపై విభేదిస్తూ టీచర్లు ఆందోళన బాట పట్టారు. ప్రధానోపాధ్యాయలు మల్టీజోనల్ బదిలీల్లో హేతుబద్ధత లేదంటూ కోర్టుకెళ్లగా.. స్థానికత, మరికొన్ని అంశాలపై ఉపాధ్యాయ సంఘాలు రాష్ట్రవ్యాప్తంగా దశలవారీ ఆందోళనలకు పిలుపునిచ్చాయి. సోమవారం నుంచి ఈ నిరసనలను తీవ్రతరం చేయాలని ఉపాధ్యాయ ఐక్యపోరాట కమిటీ నిర్ణయించింది. ఫిబ్రవరి 5వ తేదీన హైదరాబాద్‌లో మహాధర్నాకు పిలుపునిచ్చింది. 317 జీవోలో ప్రధాన సమస్యలను పరిష్కారిస్తామని ప్రభుత్వం చెప్పినా.. ఇంతవరకు అధికారిక ఆదేశాలేవీ రాలేదు. పరస్పర బదిలీలు, ఒంటరి మహిళల ఆప్షన్లు, సీనియారిటీలో అన్యాయం వంటి పలు అంశాలపై ప్రభుత్వం తుది నిర్ణ యం ప్రకటించాల్సి ఉంది. ప్రభుత్వ జూనియర్‌ కాలేజీల్లోనూ 317 జీవో వేడి పుట్టిస్తోంది. బదిలీలను వ్యతిరేకిస్తూ లెక్చరర్లు ఆందోళనలకు సిద్ధమవుతున్నారు. ఈ నేపథ్యంలో ప్రభుత్వ విద్యాసంస్థల్లో బోధనకు ఇబ్బంది ఉంటుందా? అన్న సందేహాలు వ్యక్తమవుతున్నాయి.  ప్రధానోపాధ్యాయుల కొరతతో..  రాష్ట్రవ్యాప్తంగా 4,379 ప్రధానోపాధ్యాయుల పోస్టులుంటే.. ప్రస్తుతం 2,423 మంది మాత్రమే పనిచేస్తున్నారు. మరో 1,956 హెచ్‌ఎం పోస్టులు ఖాళీగానే ఉన్నాయి. 45 శాతం పోస్టుల ఖాళీ ఒక సమస్య అయితే.. ప్రస్తుతం మల్టీ జోనల్‌ బదిలీల్లో 98 మందిని ట్రాన్స్‌ఫర్‌ చేశారు. వారంతా బదిలీలపై తీవ్ర నిరసన వ్యక్తం చేస్తున్నారు. చాలామంది విధుల్లో చేరలేదు కూడా.  ఇక రాష్ట్రంలో మొత్తం 591 మండలాల్లో 528 మండల విద్యాధికారుల పోస్టులున్నాయి. ఇందులో 20 మంది మాత్రమే రెగ్యులర్‌గా పనిచేస్తున్నారు. మిగతా వారంతా ఇన్‌చార్జులే. దీనికి తోడు 317 జీవో కారణంగా దాదాపు 15 వేల మంది ఉపాధ్యాయులు స్థానికేతర జిల్లాలకు వెళ్లాల్సి వచ్చింది. వారు ఇంతవరకూ క్లాసులకు హాజరవ్వలేదు. కొత్తగా విద్యార్థులను పరిచయం చేసుకుని బోధన చేయాల్సి ఉంటుంది. అందులోనూ కొందరు టీచర్లు పరస్పర బదిలీల కోసం నిరీక్షిస్తున్నారు. వీటన్నింటితో బోధనకు మరికొంత ఆలస్యం పట్టే అవకాశం ఉంది. దీంతో విద్యా బోధన ఎలా జరుగుతుందోనన్న సందేహాలు వ్యక్తమవుతున్నాయి.  

సాక్షి, హైదరాబాద్‌: జోనల్‌ విధానంలో భాగంగా ప్రభుత్వం బుధవారం మల్టీ జోనల్‌ పరిధిలో ఉన్న ప్రధానోపాధ్యాయుల సీనియారిటీ జాబితాను ప్రకటించింది. దీనిప్రకారం మల్టీజోన్‌–1 నుంచి జోన్‌– 2కు 40 మందిని, జోన్‌–2 నుంచి జోన్‌–1కి 58 మందిని కేటాయించింది. అయితే జిల్లా కేడర్‌ కేటాయింపు మాదిరిగానే మల్టీ జోనల్‌ కేటాయింపు ప్రక్రియ కూడా అత్యంత వివాదాస్పదమైంది. హెచ్‌ఎంలను రాష్ట్ర స్థాయిలో ఏ స్కూలుకు పంపాలనేది విభజన సందర్భంగానే తేల్చాల్సి ఉంటుంది. కానీ హెచ్‌ఎంలను కేవలం జోన్లకు మాత్రమే కేటాయించారు. కానీ ఏ జిల్లాలో ఏ స్కూలుకు పంపుతారనే విషయంపై స్పష్టత ఇవ్వలేదు. ఏ జిల్లాకు ఎంతమంది హెచ్‌ఎంలనేది మాత్రం చెప్పా రు. కానీ ఆయా జిల్లాల్లో ఎక్కడ పోస్టులు ఉన్నా యో వెల్లడించలేదు. పైగా జిల్లా అప్షన్లు ఇవ్వమని అడిగారు. దీంతో పోస్టులెక్కడున్నాయో తెలియకుండా ఆప్షన్లు ఎలా పెట్టుకుంటామని హెచ్‌ఎంలు ఆందోళన వ్యక్తం చేస్తున్నారు. తమది మల్టీ జోనల్‌ కేడర్‌ పోస్టు అయినప్పుడు జిల్లా అధికారులకు తమ పోస్టింగ్‌ వ్యవహారం ఇవ్వడమేంటని ఈ విషయమై ఉన్నతాధికారులను సంప్రదించే ప్రయత్నాలు చేశామని, కానీ ఎవరి నుంచీ సరైన సమాధానం రాలేదని టీచర్ల యూనియన్లు చెప్పాయి.   ఖాళీలను ప్రకటించాలి: టీఎస్‌ యూటీఎఫ్‌ నిబంధనలకు విరుద్ధంగా జిల్లాలకు ఆప్షన్‌ ఇవ్వమనటాన్ని టీఎస్‌ యూటీఎఫ్‌ ఖండించింది. హైస్కూల్‌ హెచ్‌ఎం పోస్ట్‌ను మల్టీ జోనల్‌ పోస్ట్‌గా మార్చిన తర్వాత ఆ మల్టీజోన్‌లోని ఏ పాఠశాలనైనా నేరుగా ఎంచుకునే అవకాశం హెచ్‌ఎంలకు ఉంటుందని, కానీ జిల్లాను ఎంచుకుంటే ఆ జిల్లాలో పోస్టింగ్‌ ఇస్తామని అధికారులు చెప్పడం నిబంధనలను ఉల్లంఘించటమేనని సంఘం అధ్యక్షుడు జంగయ్య, కార్యదర్శి చావా రవి చెప్పారు. హెచ్‌ఎంల సంఖ్యకు సరిపడా ఖాళీలను చూపించిన తర్వాత మాత్రమే ఆప్షన్లు తీసుకోవాలని కోరారు.   జిల్లా ఆప్షన్లు ఇవ్వమంటే ఎలా?: పీఆర్బీ ప్రకాశ్‌  ‘హెచ్‌ఎంలు మల్టీ జోనల్‌ కేడర్‌. అయినాప్రభుత్వం జిల్లా కేడర్‌కు కేటాయించడం దారుణం. పోస్టులు ఎక్కడున్నాయో ప్రకటిస్తే మేం నచ్చిన ఆప్షన్‌ ఇవ్వొచ్చు. కేవలం జిల్లాల ఆప్షన్లే ఇవ్వమంటే ఎలా?’ అని హెచ్‌ఎంల సంఘం రాష్ట్ర అధ్యక్షుడు పీఆర్బీ ప్రకాశ్‌ ప్రశ్నించారు.    

సాక్షి, అమరావతి: రాష్ట్రంలో 164 మోడల్‌ స్కూళ్లలో పనిచేస్తోన్న ప్రిన్సిపల్స్, టీచర్ల పదవీ విరమణ వయసు 58 ఏళ్ల నుంచి 60 ఏళ్లకు పెంచేందుకు ఆర్థిక శాఖ ఆమోదం తెలుపుతూ శుక్రవారం ఉత్తర్వులిచ్చింది. ఈ పదవీ విరమణ వయస్సు పెంచడంపై మోడల్‌ స్కూల్స్‌ ప్రోగ్రెసివ్‌ టీచర్స్‌ అసోసియేషన్‌ ఏపీ రాష్ట్ర గౌరవ అధ్యక్షుడు ఒంటేరు శ్రీనివాసుల రెడ్డి, రాష్ట్ర అధ్యక్షుడు కోమటిరెడ్డి శివశంకర్‌ రెడ్డి, ప్రధాన కార్యదర్శి జి.చంద్రశేఖర్‌ సీఎంకు కృతజ్ఞతలు తెలిపారు. ఏపీ మోడల్‌ స్కూల్స్‌ టీచర్స్‌ యూనియన్‌ రాష్ట్ర అధ్యక్షుడు మోహన్‌ రెడ్డి,  ప్రధాన కార్యదర్శి మార్కండేయ హనుమంతరావులు హర్షం వ్యక్తం చేశారు. చదవండి: కుప్పంలో భూప్రకంపనలు.. భారీ శబ్దాలు..

సాక్షి, హైదరాబాద్‌: వికారాబాద్‌ జిల్లా పెద్దేముల్‌ ప్రభుత్వ జూనియర్‌ కాలేజీలో ఊడ్చేందుకు చీపుర్లు లేవు. టాయిలెట్లు శుభ్రం చేసేవాళ్లు లేరు. చాక్‌పీసులకు పైసల్లేవ్‌. డస్టర్లకు డబ్బుల్లేవ్‌. టీచింగ్‌ డైరీల్లేవు. ఇందుకు ఏకైక కారణం కాలేజీలో డబ్బుల్లేకపోవడమే.  ఈ దుస్థితి ఆ ఒక్క కాలేజీకే పరిమితం కాదు. రాష్ట్రవ్యాప్తంగా ఉన్న 404 ప్రభుత్వ జూనియర్‌ కాలేజీల్లోనూ ఇదే పరిస్థితి. ప్రభుత్వ జూనియర్‌ కాలేజీల్లో ప్రవేశ పెట్టిన ‘ఉచిత విద్య’కారణంగా విద్యార్థుల నుంచి పైసా వసూలు చేయడానికి వీల్లేదు. కాలేజీలకు డబ్బులు ఇప్పిస్తామన్న ఇంటర్మీడియట్‌ విద్యాశాఖ పట్టించుకోవడం లేదు. ఫీజులు వసూలు చేయనపుడు రీయింబర్స్‌ ఎలా చేస్తామని సంక్షేమ శాఖలు చేతులెత్తేశాయి. దీంతో ఏం చేయాలో అర్థంకాక ప్రిన్సిపాళ్లు ఆందోళన చెందుతున్నారు. ప్రిన్సిపాళ్ల ఆందోళన ప్రభుత్వ జూనియర్‌ కాలేజీల నిర్వహణలో ప్రిన్సిపాళ్లు తంటాలు పడుతున్నారు. చాక్‌పీసులకు నిధుల్లేక అల్లాడుతున్నారు. కాలేజీల ఆవరణ, ప్రిన్సిపాల్, సిబ్బంది గదులు, తరగతి గదులను ఊడ్చే దిక్కులేదు. కాలేజీల్లో టాయిలెట్లను శుభ్రం చేయించలేని పరిస్థితి నెలకొంది. దీంతో ప్రభుత్వ జూనియర్‌ కాలేజీల ప్రిన్సిపాళ్లు ఆందోళనకు సిద్ధం అయ్యారు. ఇందులో భాగంగా ఇటీవల సమావేశమై తాము ఎదుర్కొంటున్న సమస్యలపై చర్చించారు. కాలేజీలను తాము నిర్వహించలేమంటూ ప్రభుత్వం దృష్టికి తీసుకెళ్లేందుకు సిద్ధమయ్యారు. అంతా ఉచిత విద్య చలవే! నాలుగేళ్ల కిందట జూనియర్‌ కాలేజీల్లో ఉచిత విద్యను ప్రభుత్వం అమల్లోకి తెచ్చింది. దీంతో 2016–17 విద్యా సంవత్సరం నుంచి ఆయా కాలేజీల్లో విద్యార్థుల నుంచి ఫీజులు వసూలు చేయడంలేదు. అప్పట్లో ఉన్న 402 ప్రభుత్వ జూనియర్‌ కాలేజీల్లో 1,15,111 మంది విద్యార్థులు చదువుతున్నారని, వారంతా ఎస్సీ, ఎస్టీ, బీసీ, మైనారిటీ వర్గాలకు చెందిన నిరుపేద విద్యార్థులు అయినందునా వారి నుంచి ఎలాంటి ఫీజులు వసూలు చేయవద్దని ప్రభుత్వం నిర్ణయించింది. అప్పటివరకు ప్రతి విద్యార్థి నుంచి సైన్స్‌ విద్యార్థులైతే రూ.893, ఆర్ట్స్‌ విద్యార్థులైతే రూ.533 కాలేజీలు వసూలు చేసేవి. అయితే 2016 జనవరి 7వ తేదీన జారీ చేసిన జీవో 2లో ఆ మొత్తాన్ని కూడా వసూలు చేయవద్దని స్పష్టం చేసింది. సంక్షేమ శాఖలు ఇవ్వాలని చెప్పినా ప్రభుత్వం ప్రవేశ పెట్టిన ఈ ఉచిత విద్య కారణంగా ప్రభుత్వ జూనియర్‌ కాలేజీల్లో విద్యార్థుల సంఖ్య పెరిగింది. ప్రస్తుతం 404 జూనియర్‌ కాలేజీల్లో విద్యార్థుల సంఖ్య 2 లక్షలకు చేరింది. అయితే ప్రభుత్వం జారీ చేసిన ఆ ఉత్తర్వుల ప్రకారం కాలేజీలు విద్యార్థుల నుంచి స్పెషల్‌ ఫీజులను వసూలు చేయవద్దని, కాలేజీలు తమ ఖర్చులను కంటింజెన్సీ ని«ధులతోపాటు సంక్షేమ శాఖలు ఇచ్చే ఫీజు రీయింబర్స్‌మెంట్‌ ద్వారా వెళ్లదీసుకోవాలని ఆ ఉత్తర్వుల్లో స్పష్టం చేసింది. పైగా ఆర్థిక శాఖ, సంక్షేమ శాఖలతో సంప్రదింపుల తరువాత ఈ నిర్ణయం తీసుకున్నట్లు ఆ జీవోలో పేర్కొంది. ఇంతవరకు బాగానే ఉంది కానీ.. ప్రభుత్వం ఒక్కో కాలేజీకి ఇస్తున్న కంటింజెన్సీ నిధులు ఒకనెల ఎలక్ట్రిసిటీ బిల్లుకు కూడా సరిపోవడం లేదని ప్రిన్సిపాళ్లు పేర్కొంటున్నారు. మరోవైపు సంక్షేమ శాఖలు చేతులెత్తేశాయి. కాలేజీలు విద్యార్థుల నుంచి ఫీజులు వసూలు చేయనపుడు తాము ఎందుకు రీయింబర్స్‌మెంట్‌ ఇస్తామని మెలిక పెట్టాయి. దీంతో విద్యార్థుల నుంచి స్పెషల్‌ పీజుల రూపంలో వచ్చే మొత్తం రాకపోగా, సంక్షేమ శాఖలు కూడా ఇవ్వక కాలేజీల నిర్వహణ కష్టంగా మారిపోయింది. ఇన్నాళ్లు ఎలాగోలా నెట్టుకొచ్చినా ఉచిత ఇంటర్మీడియట్‌ విద్యాపథకం ప్రవేశ పెట్టడానికి ముందు విద్యార్థుల నుంచి స్పెషల్‌ ఫీజుల రూపంలో వసూలు చేసిన డబ్బు కాలేజీల అకౌంట్లలో ఉన్నాయి. దీంతో ఇన్నాళ్లు సంక్షేమ శాఖలు డబ్బులు ఇవ్వకపోయినా ఆ నిధులతో ప్రిన్సిపాళ్లు నెట్టుకొచ్చారు. ఇప్పుడు తాము తాము నిర్వహించలేమంటూ చేతులెత్తేసేందుకు సిద్ధం అయ్యారు. ఆయా కాలేజీల్లోని నిధులు అయిపోయి, ఇంటర్మీడియట్‌ విద్యాశాఖ నుంచి పైసా రాక పోవడంతో వారు ఆందోళన వ్యక్తం చేస్తున్నారు. ఇదీ పరిస్థితి రాష్ట్రంలో 100 మంది విద్యార్థులు ఉన్న ప్రభుత్వ జూనియర్‌ కాలేజీలు ఉన్నాయి. 1500 మంది, 2 వేల మంది విద్యార్థులు ఉన్న కాలేజీలూ ఉన్నాయి. ఇలా రాష్ట్రంలోని 404 ప్రభుత్వ జూనియర్‌ కాలేజీల్లో 2 లక్షల మంది విద్యార్థులున్నారు. 300 మంది విద్యార్థులు ఉన్న కాలేజీని తీసుకుంటే.. ఏటా (కాలేజీ నడిచే 10 నెలలకు)వెచ్చించాల్సిన ఖర్చు వివరాలు ఇలా ఉన్నాయి. రూ.20వేలు అటెండర్‌కు, రూ.20వేలు స్వీపర్‌కు, రూ. 20వేలు బాత్రూమ్‌లు కడిగేవారికి, రూ. 20వేలు నైట్‌ వాచ్‌మెన్‌కు, రూ.20వేలు కరెంటు బిల్లు (కంప్యూటర్లు, ఆర్‌వో ప్లాంటు ఉన్న కాలేజీల్లో నెలకు 2 వేల చొప్పున)కు, రూ.10వేలు చాక్‌ పీసులు, డస్టర్లు, రిజిసర్టర్లకు, రూ.5వేలు ఇంటర్నెట్‌ ఛార్జీలు, రూ.20వేలు కార్యక్రమా లకు ( జూన్‌ 2, ఆగస్టు 15, జనవరి 26, కాలేజ్‌ డేలకు అథమంగా రూ.5 వేల చొప్పున వెచ్చిస్తేనే. కానీ ఒక్కో ఫంక్షన్‌ చేస్తే రూ.10 వేలకు పైనే అవుతుంది) ఖర్చవుతోంది.  ఏటా కనీసం రూ.1.25 లక్షలు ఇలా కనీసంగా లెక్కలేసుకున్నా ఒక్కో కాలేజీ నిర్వహణకు హీనపక్షంలో ఏటా రూ.1.25లక్షలు అవసరం. కానీ రాష్ట్రంలో 500 నుంచి మొదలుకొని 2వేల వరకు విద్యార్థులున్న కాలేజీలే ఎక్కువగా ఉన్నాయి. వీటి అవసరాలకోసం కోసం కనీసం రూ.1.5లక్షల నుంచి 2లక్షల వరకు వెచ్చించాల్సిందే. అయినా ఇంటర్మీడియట్‌ విద్యాశాఖ పైసా ఇవ్వడం లేదు. కంటింజెన్సీ కింద ప్రభుత్వం ఇస్తున్న ఎలక్ట్రిసిటీ, టెలిఫోన్‌ బిల్లులు ఒక నెలకు కూడా సరిపోవడం లేదు. సంక్షేమ శాఖలు ఇస్తాయన్న నిధులను రాకపోవడంతో ప్రభుత్వ జూనియర్‌ కాలేజీలు ఆర్థిక కష్టాల్లో పడ్డాయి. 

సాక్షి, హైదరాబాద్‌: రాష్ట్రంలోని వివిధ గురుకుల పాఠశాలల్లోని 304 ప్రిన్సిపాల్‌ పోస్టుల భర్తీకి నిర్వహించిన రాత పరీక్షలో ఓ ప్రైవేటు బ్లాగ్‌ నుంచి కాపీ చేసి ఇచ్చిన ప్రశ్నలను తొలగించి మిగతా ప్రశ్నలతో పేపర్‌ వ్యాల్యుయేషన్‌ చేయాలని టీఎస్‌పీఎస్సీ నిర్ణయించింది. ఈ నెల 14న ఈ (పేపర్‌–1, పేపర్‌–2) పరీక్షలు టీఎస్‌పీఎస్సీ నిర్వహించింది. ఒక్కో పేపర్‌లో 150 చొప్పున 300 మార్కులకు పరీక్షలు పెట్టింది. అయితే ఓ ప్రైవేటు బ్లాగ్‌ నుంచి దాదాపు 200 ప్రశ్నలను యథాతథంగా ఇచ్చారంటూ పలువురు అభ్యర్థులు టీఎస్‌పీఎస్సీకి ఫిర్యాదు చేశారు. దీంతో టీఎస్‌పీఎస్సీ అధికారులు బ్లాగ్‌లో ఉన్న ప్రశ్నలను, పరీక్షలో వచ్చిన ప్రశ్నలను పరిశీలించి.. రెండు పేపర్లలోనూ కొన్ని ప్రశ్నలు యథాతథంగా వచ్చినట్లు తేల్చారు. దీనిపై లోతుగా అధ్యయనం చేసేందుకు త్రిసభ్య కమిటీని ఏర్పాటు చేసి.. మూడు రోజుల్లో నివేదిక ఇవ్వాలని సూచించారు. ఈ మేరకు కమిటీ తన నివేదికను శనివారమే టీఎస్‌పీఎస్సీకి అందజేసింది. సోమవారం టీఎస్‌పీఎస్సీ చైర్మన్‌ ప్రొఫెసర్‌ ఘంటా చక్రపాణి అధ్యక్షతన జరిగిన సమావేశంలో కమిటీ నివేదికను సభ్యులు, అధికారులు పరిశీలించారు. 67 ప్రశ్నలు తొలగింపు.. ప్రైవేటు బ్లాగ్‌ నుంచి కొన్ని ప్రశ్నలను యథాతథంగా ఇచ్చినట్లుగా కమిటీ తన నివేదికలో పేర్కొంది. పేపర్‌–1లో 12 ప్రశ్నలు, పేపర్‌–2లో 55 ప్రశ్నలను యథాతథంగా ఇచ్చారని వెల్లడించింది. దీంతో కమిషన్‌ వివిధ కోణాల్లో పరిశీలన జరిపింది. పరీక్షను రద్దు చేయాలా.. అన్న దానిపై ఆలోచనలు చేసింది. అయితే పేపర్‌ లీకేజీ, పెద్ద ఎత్తున మాల్‌ ప్రాక్టీస్‌ జరిగిన సందర్భాల్లోనే పరీక్షను రద్దు చేయాలన్న నిబంధన ఉందని, బ్లాగ్‌ నుంచి ప్రశ్నలను కాపీ చేయడం లీకేజీ కిందకు రాదన్న అభిప్రాయానికి వచ్చింది. మరోవైపు గతంలో సుప్రీంకోర్టు ఇచ్చిన తీర్పు కూడా అదే చెబుతోందని, కాపీ చేసిన ప్రశ్నలను తొలగించి మిగతా ప్రశ్నలతో పేపర్‌ వ్యాల్యుయేషన్‌ చేయాలని, వాటిని మొత్తం మార్కులతో నార్మలైజ్‌ చేయాలని సుప్రీంకోర్టు చెప్పిందని కమిషన్‌ ఆలోచనకు వచ్చింది. ఆ మేరకు 67 ప్రశ్నలను తొలగించి మిగతా ప్రశ్నలతో పేపర్లు వ్యాల్యుయేషన్‌ చేసి 300 మార్కులకు నార్మలైజ్‌ చేయాలని నిర్ణయించింది.  అదే బ్లాగ్‌ నుంచి మరో పరీక్షకు.. ఈ నెల 16న జరిగిన గురుకుల జూనియర్‌ కాలేజీ ప్రిన్సిపల్‌ పోస్టుల భర్తీకి నిర్వహించిన పరీక్షలలోనూ అదే బ్లాగ్‌ నుంచి ప్రశ్నలు వచ్చాయని విమర్శలు వస్తున్న నేపథ్యంలో వాటిని పరిశీలించాలని అధికారులను టీఎస్‌పీఎస్సీ ఆదేశించింది. అవసరమైతే కమిటీకి అప్పగించి దర్యాప్తు చేయించాలని పేర్కొంది. మరోవైపు బ్లాగ్‌ నుంచి ప్రశ్నలను కాపీ చేసి ప్రశ్నపత్రం రూపొందించిన అధికారిని శాశ్వతంగా బ్లాక్‌లిస్టులో పెట్టడంతోపాటు ఆయనకు షోకాజ్‌ నోటీసులు జారీ చేయాలని నిర్ణయించింది. అలాగే చట్టపరంగా చర్యలు చేపట్టాలని సంబంధిత యూనివర్సిటీ వైస్‌ చాన్సలర్‌కు లేఖ రాయాలని నిర్ణయం తీసుకుంది.  


 బంగోలు: పాఠశాలల్లో పారిశుద్ద్య కార్మికులు లేరు...గత ఆగస్టు నుంచి కాని ప్రధానోపాధ్యాయుల తప్పుడు రాతలతో ఉన్నట్టు రాసి డబ్బులు తీసుకునే ప్రయత్నం చేశారు. పాఠశాలల్లో మరుగుదొడ్ల నిర్వహణకు ప్రభుత్వం వెలుగు ద్వారా గత ఏడాది తాత్కాలిక పద్ధతిపై కార్మికులను నియమించింది. అయితే జూలై తరువాత ఆమోదం లేకపోవటంతో గత ఏడాది ఆగస్టు 1 నుంచి పాఠశాలలో పనిచేస్తున్న పారిశుద్ధ్య కార్మికులను తొలగించారు.
  
  విద్యాశాఖ, వెలుగు అధికారులు మూడు రోజుల నుంచి హడావుడిగా ప్రధానోపాధ్యాయులకు ఫోన్‌ చేసి మీ పాఠశాలల్లో పారిశుద్ధ్య కార్మికులు పనిచేసినట్లుగా యుటిలైజేషన్‌ సర్టిఫికెట్‌ తేవాల్సిందిగా చెప్పారు. మార్కాపురం మండలంలో 78పాఠశాలలు ఉండగా, 60పాఠశాలల ప్రధానోపాధ్యాయులు ఎంఈఓ కార్యాలయానికి యూసీలు అందించారు. ఒక్కొక్క పారిశుద్ధ్య కార్మికునికి నెలకు రూ.1800 వెలుగు ద్వారా అందిస్తారు. గత సంవత్సరం నుంచి లేని కార్మికులను ఉన్నట్టు రికార్డులలో చూపి హెచ్ఎంలే డబ్బులు తీనడానికి పూనుకున్నారని తెలిసింది అధికారులకు దీంతో వారు చర్యలు తప్పవని హెచ్చరించారు.  వెలుగు ఏపీఎం రమేష్‌ను వివరణ కోరగా ప్రభుత్వం జూన్, జూలైకి మాత్రమే అనుమతి ఇచ్చినట్లు తెలిపారు.


 జేఎన్‌టీయూ : వర్సిటీ పరిధిలోని అనుబంధ కళాశాలల ప్రిన్సిపాళ్ల సదస్సు జేఎన్‌టీయూ ఇంజినీరింగ్‌ కళాశాల ఆడిటోరియంలో  ఆదివారం మధ్యాహ్నం 2:30 గంటలకు నిర్వహిస్తున్నారు.   వీసీ ఆచార్య ఎం.ఎం.ఎం. సర్కార్‌ బాధ్యతలు స్వీకరించినప్పటి నుంచి ప్రిన్సిపాళ్ల సమావేశం తొలిసారిగా నిర్వహిస్తున్నారు. ఎంటెక్‌ కోర్సుల్లో హాజరుకు సంబంధించి బయోమెట్రిక్‌ నమోదు విధానాన్ని బీటెక్‌ కోర్సుల్లో అమలు చేసే అంశంపై ప్రధానంగా సమావేశంలో చర్చించనున్నట్లు తెలిసింది.
  


 కరీంనగర్‌ సిటీ : ప్రభుత్వ జూనియర్‌ కళాశాలల ప్రిన్సిపాల్స్‌ అసోసియేషన్‌ జిల్లా అధ్యక్షుడిగా కరీంనగర్‌ ఆర్ట్స్‌ కళాశాల ప్రిన్సిపాల్‌ డాక్టర్‌ కె.వెంకటేశ్వర్లు ఏకగ్రీవంగా ఎన్నికయ్యారు. అసోసియేషన్‌ సమావేశం జిల్లా ప్రధాన కార్యదర్శి వి.ఆంజనేయరావు అధ్యక్షతన  మంగళవారం ఆర్‌ఐవో కార్యాలయంలో జరిగింది. ఇప్పటివరకు అధ్యక్షురాలుగా ఉన్న సుహాసిని డీవీఈవోగా పదోన్నతి పొందడంతో ఖాళీ అయిన అధ్యక్ష స్థానాన్ని భర్తీ చేశారు. ఉపాధ్యక్షుడిగా ఎస్‌.హన్మాండ్లు, సలహాదారుడిగా కె.జితేందర్‌రెడ్డిని ఏకగ్రీవంగా ఎన్నుకున్నారు. ఈ సందర్భంగా జిల్లా ప్రధాన కార్యదర్శి ఆంజనేయరావు మాట్లాడుతూ తెలంగాణ రాష్ట్రం ఏర్పడ్డాక బదలీలు జరగలేదని, కొత్త జిల్లాలు ఏర్పడుతున్న తరుణంలో బదిలీలు చేపట్టాలని కోరారు. నూతన అధ్యక్షుడిని డీవీఈవో సుహాసిని, ఆర్‌ఐవో అబ్దుల్‌ ఖాలీక్‌ అభినందించారు. సమావేశంలో సంఘం సంయుక్త కార్యదర్శి డి.మధుమోహన్‌రావు, మహిళా కార్యదర్శి డి.కల్పన, ప్రతినిధులు డి.మనోహర్, కె.రాంచందర్‌ తదితరులు పాల్గొన్నారు. 
  
  


 – ఉద్యోగ నైపుణ్య భాగ్యాన్ని కల్పించండి
 – స్కిల్‌ డెవలప్‌మెంట్‌ ట్రై నింగ్‌తో ఉద్యోగాలు సొంతం
   
 కర్నూలు(కొండారెడ్డి ఫోర్టు):
 గ్రామీణ విద్యార్థుల్లోని ప్రతిభను వెలికి తీసి మెరికల్లాగా తయారు చేసే బాధ్యత ప్రిన్సిపాళ్లదేనని మంత్రి గంటా శ్రీనివాసరావు పేర్కొన్నారు. మంగళవారం రాయలసీమ యూనివర్సిటీలోని సెనేట్‌ హాల్‌లో డిగ్రీ, పీజీ కళాశాలల ప్రిన్సిపాళ్లకు స్కిల్‌డెవలప్‌మెంట్‌పై సమావేశం నిర్వహించారు. ఈ కార్యక్రమానికి మానవ వనరుల శాఖమంత్రి గంటా శ్రీనివాస రావు ముఖ్యఅతిథిగా హాజరై ప్రసంగించారు. ఏడాది కాలంలోనే కర్నూలు జిల్లాకు చెందిన 1087 మంది విప్రో, టీసీఎస్, టెక్‌ మహేంద్రా తదితర కంపెనీల్లో ఉద్యోగాలు సాధించడంలో ప్రిన్సిపాళ్ల  పాత్రనే కీలకమన్నారు. వీరు ప్రోత్సాహంతోనే విద్యార్థులు చదువుతున్న సమయంలోనే ఉద్యోగాలు సాధించారన్నారు. డిగ్రీ చదివే విద్యార్థులే సాఫ్ట్‌వేర్‌ ఉద్యోగాలు సాధించేందుకు అవసరమైన శిక్షణ ఇచ్చేందుకు స్కిల్‌ డెవలప్‌మెంట్‌ కార్పొరేషన్‌ ముందుకు రావడం అభినందనీయమన్నారు. డిగ్రీ చదువుతున్న విద్యార్థులకు అర్థమెటిక్, రీజనింగ్, ఇంగ్లీషు, కమ్యూనికేషన్, సాఫ్ట్‌స్కిల్స్‌పై శిక్షణ ఇస్తున్నామన్నారు. 
  
 సమస్యలను ఏకరవు పెట్టిన ప్రిన్సిపాళ్లు
 మరోవైపు డిగ్రీ కళాశాలలో నెలకొన్న సమస్యలను ప్రిన్సిపాళ్లు ఏకరవు పెట్టారు. ఆదోని ఏఏస్‌ కళాశాల ప్రిన్సిపాల్‌ సుధాకరరావు మాట్లాడుతూ.. విద్యార్థులు రీయింబర్స్‌మెంట్‌ కోసమే కళాశాలలకు వస్తున్నారన్నా విషయంలో వాస్తవం లేదన్నారు. కేవీఆర్‌ డిగ్రీ కళాశాలలో తరగతి గదులు, హాస్టల్‌ భవనాలు పాతవి కావడంతో పాములు వస్తున్నాయని, కొత్త వాటి కోసం నిధులు మంజూరు చేయాలని ప్రిన్సిపాల్‌ కోరారు. ఆలూరు ప్రభుత్వ డిగ్రీ కళాశాలకు పక్కా భవనం లేకపోవడంతో జూనియర్‌ కళాశాలల నడుపుతున్నామని, ఇక్కడా ఒక్కరే రెగ్యులర్‌ అధ్యాపకుడు ఉన్నాడని ప్రిన్సిపాల్‌ చెప్పాడు. ఇలా ప్రతి కళాశాలలో నెలకొన్న సమస్యలను ప్రిన్సిపాళ్లు ఏకరువు పెట్టడంతో సమావేశాన్ని తొందరగా ముగుంచుకొని మంత్రి వెళ్లిపోయారు. కార్యక్రమంలో వైస్‌ చాన్సులర్‌ వై.నరసింహులు, రిజిస్ట్రార్‌ అమర్‌నాథ్, ఎమ్మెల్యేలు ఎస్వీ మోహన్‌రెడ్డి, బుడ్డా రాజశేఖరరెడ్డి, మణిగాంధీ, స్కిల్‌ డెవల్‌పమెంట్‌ స్టేట్‌ చైర్మన్‌ గంగా సుబ్బారావు పాల్గొన్నారు.  
  


 పని ఒత్తిడితో సతమతమవుతున్న ప్రధానోపాధ్యాయులు
 ఒకేసారి ఆరు రకాల పనులతో సతమతం
 కార్తీక వన మహోత్సవానికి లక్ష పేర్లు
  నమోదు చేయాలని ప్రభుత్వ ఆదేశాలు
  స్కూళ్లలో కంప్యూటర్లున్నా నెట్ సదుపాయం లేక ఇక్కట్లు
  
 గుంటూరు ఎడ్యుకేషన్ : ఉన్నత పాఠశాలల్లోని ప్రధానోపాధ్యాయుల నెత్తిన ప్రభుత్వం ఒకేసారి ఆరు రకాల బాధ్యతల బరువు పెట్టింది. ఇప్పటికే రోజువారీ విధుల నిర్వహణతో సతమతమవుతున్న ప్రధానోపాధ్యాయులు ఈ అదనపు బాధ్యతలతో బెంబేలెత్తిపోతున్నారు. ప్రభుత్వం అప్పగించిన పనులన్నింటినీ ఆన్‌లైన్ ద్వారా చేయాల్సి రావడం, పాఠశాలల్లో ఇంటర్నెట్ సదుపాయం అందుబాటులో లేకపోవడంతో ఏం చేయాలో పాలుపోక ఆందోళనకు గురవుతున్నారు. చైల్డ్ ఇన్ఫో ప్రాజెక్టులో భాగంగా విద్యార్థుల వివరాలను ఆధార్‌తో సహా పంపాల్సి ఉంటుంది. దీంతోపాటు జిల్లావ్యాప్తంగా పాఠశాలల్లో పనిచేస్తున్న ఉపాధ్యాయుల సెల్ నంబర్లు, మధ్యాహ్న భోజన నిర్వహణకు సంబంధించిన రోజువారీ నివేదికలను జిల్లా అధికారులకు ఆన్‌లైన్ ద్వారా పంపాలి.
 
  ఆన్‌లైన్ కష్టాలు
  ఈనెల 25న కార్తీక వన మహోత్సవం రోజున జిల్లాలోని పాఠశాలల్లో మొక్కలు నాటాలని నిర్ణయించిన ప్రభుత్వ మార్గదర్శకాలకు అనుగుణంగా గుంటూరు జిల్లావ్యాప్తంగా లక్షమంది విద్యార్థులను ఏపీ గ్రీన్ కార్ప్స్ కింద నమోదు చేయాలని విద్యాశాఖాధికారులు ప్రధానోపాధ్యాయులకు ఆదేశాలు ఇచ్చారు. జిల్లా నలుమూలల నుంచి ప్రభుత్వ పాఠశాలల్లో చదువుతున్న లక్షమంది విద్యార్థుల పేర్లు, తల్లిదండ్రుల ఆధార్, సెల్ నంబరు  వివరాలను ఆన్‌లైన్‌లో నమోదు చేసేందుకు చర్యలు చేపట్టాలని అధికారులు ఆదేశించారు. కాగా, గుంటూరు జిల్లాలోని 145 ఉన్నత పాఠశాలల్లో నాన్ టీచింగ్ స్టాఫ్ లేకపోవడంతో హెచ్‌ఎంలే కంప్యూటర్ ఆపరేటర్ విధులు నిర్వహించాల్సి రావడం ఇబ్బందిగా మారింది.
 
  ‘టెన్త్’తో తంటాలు
  మార్చిలో జరగనున్న 10వ తరగతి పబ్లిక్ పరీక్షలకు హాజరుకానున్న  విద్యార్థుల వివరాలను ఈ ఏడాదిలోనే ఆన్‌లైన్‌లో పంపాలని ప్రభుత్వం ఉత్తర్వులు విడుదల చేసింది. ఈ నేపథ్యంలో 10వ తరగతి పరీక్షకు           దరఖాస్తు చేసిన ప్రతి ఒక్క విద్యార్థి వ్యక్తిగత వివరాలు, ఆధార్ నంబరు, సబ్జెక్టు, మీడియం వివరాలతో నామినల్ రోల్స్‌ను పూర్తిగా ఆన్‌లైన్‌లో పంపాలని  స్పష్టం చేయడంతో హెచ్‌ఎంలు తలలు పట్టుకుంటున్నారు. 10వ తరగతి పరీక్షలకు ప్రభుత్వ ఉన్నత పాఠశాలల నుంచి దాదాపు 30వేల మంది విద్యార్థులు హాజరనుకానుండగా, వీరికి సంబంధించిన వివరాలను హెచ్‌ఎంలే            ఆన్‌లైన్‌లో పంపాల్సి ఉంది.
  
  ఆర్థిక అవస్థలెన్నో..
  గ్రామీణ ప్రాంతాల్లోని పాఠశాలల్లో ఇంటర్నెట్ సదుపాయం లేకపోవడం, సమీపంలో నెట్ సెంటర్లు అందుబాటులో లేకపోవడంతో హెచ్‌ఎంలు పట్టణ కేంద్రాలకు వచ్చి ప్రైవేటు నెట్ సెంటర్లపై ఆధారపడుతున్నారు. ఫలితంగా విద్యార్థుల వివరాలను ఆన్‌లైన్‌లో పంపేందుకు ఒక్కో హెచ్‌ఎం వ్యక్తిగతంగా రూ.వందల్లో ఖర్చు చేయాల్సి వస్తోంది. ఖర్చు చేసిన నిధులు ప్రభుత్వం తిరిగి చెల్లించే అవకాశం లేకపోవడంతో హెచ్‌ఎంలు ఒకవైపు పని ఒత్తిడి, మరోవైపు ఆర్థిక భారంతో సతమతమవుతున్నారు. ప్రభుత్వ, జెడ్పీ ఉన్నత పాఠశాలల్లో కంప్యూటర్లు ఉన్నా నెట్ సదుపాయం లేకపోవడం, ప్రభుత్వం ఏడాదికి ఇంటర్నెట్ బిల్లుల రూపంలో చెల్లించే నిధులు సరిపోకపోవడం, ఒకదానిపై మరొకటి అన్న చందంగా హెచ్‌ఎంల నెత్తిన కొండంత బాధ్యత బరువు పెరిగింది.
  
  సమీక్షా సమావేశాల్లో సమస్యలు ఏకరువు
  జిల్లా విద్యాశాఖ ఆధ్వర్యంలో రెండు రోజులు నిర్వహించిన డివిజన్ స్థాయి సమీక్షా సమావేశాల్లో ప్రధానోపాధ్యాయులు తాము పడుతున్న సమస్యలను అధికారుల ఎదుట ఏకరువు పెట్టారు. కార్తీక వన మహోత్సవం, టెన్త్ ఆన్‌లైన్, చైల్డ్ ఇన్ఫో తదితర అంశాలపై మంగళ, బుధవారాల్లో బాపట్ల, గుంటూరు, తెనాలి, సత్తెనపల్లి, నరసరావుపేట డివిజన్ల పరిధిలోని ప్రభుత్వ ఉన్నత పాఠశాలల హెచ్‌ఎంలతో డీఈవో శ్రీనివాసులురెడ్డి నిర్వహించిన సమీక్షా సమావేశాల్లో పలువురు హెచ్‌ఎంలు ప్రభుత్వం తమపై మోపిన బాధ్యతలు, క్షేత్రస్థాయిలో ఇబ్బందులను ప్రస్తావించారు.
  
  


 
 ప్రత్యేకంగా ఏడాది డిప్లొమా కోర్సు
 
  ప్రభుత్వ పాఠశాలల నిర్వహణలో మెళకువలపై ప్రత్యేక శిక్షణ
 
  రాష్ట్రంలో దశల వారీగా అమలుకు కసరత్తు
 
  వేసవి సెలవుల్లో శిక్షణకు సిద్ధమవుతున్న జాతీయ విద్యా ప్రణాళిక విభాగం
 
 సాక్షి, హైదరాబాద్: దేశవ్యాప్తంగా ఉన్న అన్ని ప్రభుత్వ పాఠశాలల్లోని ప్రధానోపాధ్యాయులకు నాయకత్వ లక్షణాలు లేవని, అందువల్లే పాఠశాలల నిర్వహణ అస్తవ్యస్తంగా మారుతోందని భావిస్తున్న కేంద్ర ప్రభుత్వం ప్రధానోపాధ్యాయులకు వాటిని నేర్పించేందుకు నడుంబిగించింది. ఇందులో భాగంగా అన్ని రాష్ట్రాల్లో ప్రధానోపాధ్యాయులకు శిక్షణ అవసరమని స్పష్టం చేసింది. ఇటీవల వివిధ రాష్ట్రాలకు చెందిన విద్యాశాఖ అధికారులతో నేషనల్ యూనివర్సిటీ ఆఫ్ ఎడ్యుకేషనల్ ప్లానింగ్ అండ్ అడ్మినిస్ట్రేషన్ (న్యూపా) ప్రత్యేకంగా సమావేశాలు నిర్వహించింది.
 
 ప్రధానోపాధ్యాయుల్లో సామర్థ్యాల పెంపునకు 16 రోజులపాటు శిక్షణ కార్యక్రమాలు చేపట్టాలని అన్ని రాష్ట్రాలకు స్పష్టం చేసింది. అలాగే స్కూల్ లీడర్‌షిప్ అండ్ మేనే జ్‌మెంట్‌పై నె లపాటు రానున్న వేసవి సెలవుల్లో ప్రత్యేక శిక్షణ కార్యక్రమాలు నిర్వహించాలని సూచిం చింది. ఇక దీర్ఘకాలిక అవసరాల దృష్ట్యా ప్రధానోపాధ్యాయులు, ప్రిన్సిపాళ్లు, సీనియర్ టీచర్లకు స్కూల్ లీడర్‌షిప్ అండ్ మేనేజ్‌మెంట్‌పై ఏడాది వ్యవధితో పోస్టు గ్రాడ్యుయేట్ డిప్లొమాను నిర్వహించాలని స్పష్టం చేసింది. దీనికి సంబంధించి న్యూపాకు చెందిన ప్రతినిధులు కూడా ఇటీవల హైదరాబాద్‌కు వచ్చి రాష్ట్రంలో ప్రధానోపాధ్యాయులకు ఏయే అంశాల్లో శిక్షణ అవసరం? ఎలా నిర్వహించాలన్న వివిధ అంశాలను తెలియజేశారు.
  
 దశలవారీగా శిక్షణ..
 
 రాష్ట్రంలోని ప్రధానోపాధ్యాయులకు దశలవారీగా శిక్షణ కార్యక్రమాలు చేపట్టేందుకు విద్యాశాఖ సిద్ధమవుతోంది. ఎలిమెంటరీ స్కూళ్లలో ప్రధానోపాధ్యాయులకు సర్వ శిక్షా అభియాన్ (ఎస్‌ఎస్‌ఏ) ద్వారా, ఉన్నత పాఠశాలల్లో ప్రధానోపాధ్యాయులకు రాష్ట్రీయ మాధ్యమిక శిక్షా అభియాన్ (ఆర్‌ఎంఎస్‌ఏ) ద్వారా శిక్షణ ఇచ్చేందుకు చర్యలు చేపడుతోంది. మొదటి దశలో మెదక్, ఆదిలాబాద్, ఆ తరువాత కరీంనగర్, నిజమాబాద్, నల్లగొండ, చివరగా మిగితా జిల్లాల్లో ఈ శిక్షణ కార్యక్రమాలు చేపట్టేందుకు అధికారులు కసరత్తు చేస్తున్నారు. అయితే ఈ శిక్షణను 10 రోజులు ఇవ్వాలా? 16 రోజులు ఇవ్వాలా? అనే అంశాలపై ఆలోచనలు చేస్తున్నారు. న్యూపా డిప్లొమా కోర్సును ప్రవేశపెట్టాలని పేర్కొన్న నేపథ్యంలో వీటితోపాటు 45 రోజులు ఉండే షార్ట్ టర్మ్ శిక్షణ కోర్సు, 3 నెలలు ఉండే సర్టిఫికెట్ కోర్సు, తరువాత డిప్లొమా కోర్సు ప్రవేశపెడితే ఎలా ఉంటుందన్న కోణంలో ఆలోచిస్తోంది.
  
 ఏయే అంశాల్లో శిక్షణ ఇస్తారంటే..
 
 నాణ్యత ప్రమాణాల పెంపు, మౌలిక సదుపాయాల అభివృద్ధి, పాఠశాల పరిపాలన, సమాచార సాంకేతిక విజ్ఞాన వినియోగం, మానవ వనరుల నిర్వహణ, కమ్యూనిటీ భాగస్వామ్యం పెంపు, సేవల్లో పరిపాలన నైపుణ్యాలు.
  
 అన్ని స్కూళ్లలో ప్రధానోపాధ్యాయులకు శిక్షణలు అవసరమే!
 
 రాష్ట్రంలో 28,707 ప్రభుత్వ పాఠశాలలు ఉన్నాయి. అన్నింటిలో రెగ్యులర్ ప్రధానోపాధ్యాయులు లేకపోయినా ఇన్‌చార్జి ప్రధానోపాధ్యాయులు అన్ని పాఠశాలలకు ఉన్నారు. అయితే వాటిల్లో పని చేసే ప్రధానోపాధ్యాయులందరికీ శిక్షణ అవసరమని విద్యాశాఖ వర్గాలు భావిస్తున్నాయి.


 ఒంగోలు వన్‌టౌన్ : ఉన్నత పాఠశాలల ప్రధానోపాధ్యాయులు బాధ్యతాయుతంగా పనిచేయాలని పాఠశాల విద్య గుంటూరు ఆర్‌జేడీ పి.పార్వతి ఆదేశించారు. ఇష్టారాజ్యంగా వ్యవహరిస్తే క్రమశిక్షణ చర్యలు తప్పవని హెచ్చరించారు. స్థానిక అంబేద్కర్ భవన్‌లో బుధవారం ఉదయం నుంచి సాయంత్రం వరకు ఒంగోలు, పర్చూరు విద్యాడివిజన్ల ప్రధానోపాధ్యాయుల సమీక్ష సమావేశం నిర్వహించారు.
 
 ఈ సందర్భంగా ఆర్‌జేడీ మాట్లాడుతూ ఇటీవల తాను కొన్ని పాఠశాలలను ఆకస్మికంగా సందర్శించానని, ప్రధానోపాధ్యాయులు బాధ్యత లేకుండా రిజిస్టర్‌లో సంతకాలు పెట్టి వెళ్లిపోయారని పేర్కొన్నారు. ఇటువంటి పరిస్థితులు పునరావృతమైతే ఉపేక్షించేది లేదని ఆమె హెచ్చరించారు. ఉన్నత పాఠశాలల్లో కచ్చితంగా మూమెంట్ రిజిస్టర్ నిర్వహించాలన్నారు. పాఠశాల వదిలి వెళ్లేటప్పుడు ఎక్కడకు వెళ్తుందీ స్పష్టంగా మూమెంట్ రిజిస్టర్‌లో నమోదు చేయాలని హెచ్‌ఎంలను ఆదేశించారు.
 
 ఉపాధ్యాయులు తప్పనిసరిగా పాఠశాలలో ప్రార్థనా సమావేశాలకు హాజరుకావాలన్నారు. ప్రార్థనా సమావేశాలకు హాజరుకాని ఉపాధ్యాయులకు సీఎల్ మార్కు వేయాలని ఆమె సూచించారు. పాఠశాలల్లో సబ్జెక్టు టీచర్లను ఎట్టి పరిస్థితుల్లో బోధనేతర పనులకు వినియోగించరాదన్నారు. సక్సెస్ స్కూళ్లలో ఇంగ్లిష్, తెలుగు మీడియం విద్యార్థులకు వేరువేరుగా తరగతులు నిర్వహించాలన్నారు. ఇంగ్లిష్ మీడియం విద్యార్థులకు ఇంగ్లిష్ మీడియంలోనే బోధన జరిగేలా హెచ్‌ఎంలు చర్యలు తీసుకోవాలని ఆదేశించారు.
 
 పాఠశాలలకు వరుస సెలవులు ప్రకటించరాదన్నారు. పాఠశాలల్లో చదవడం, రాయడం రాని విద్యార్థులను గుర్తించి వారి కోసం ప్రత్యేకంగా శిక్షణ ఇవ్వాలని చెప్పారు. డివిజన్ స్థాయిలో తాను ప్రతినెలా హెచ్‌ఎంల సమావేశం నిర్వహించి పనితీరును సమీక్షిస్తానని తెలిపారు. హైస్కూళ్లల్లో సక్రమంగా పనిచేయని మధ్యాహ్న భోజనం కుకింగ్ ఏజెన్సీలను తొలగించి సెల్ఫ్‌హెల్ప్ గ్రూపులను కుకింగ్ ఏజెన్సీలుగా నియమించాలని ఆమె సూచించారు. పాఠశాలలోని గ్రంథాలయ పుస్తకాలను పాఠ్యాంశాలకు అనుగుణంగా విద్యార్థులకు అందజేసి వారితో చదివించాలన్నారు. 6 నుంచి 10వ తరగతి వరకు సైన్సుబోధనలో కచ్చితంగా ప్రయోగాలు చేసి చూపించాలని ఆర్‌జేడీ సూచించారు.
 
  ప్రాథమిక, మాధ్యమికను  ప్రోత్సహించాలి...
  ఉన్నత పాఠశాలల్లోని హిందీ టీచర్లు విద్యార్థులతో ప్రాథమిక, మాధ్యమిక లాంటి పరీక్షలు రాయించేందుకు ప్రోత్సహించాలని ఆర్‌జేడీ పార్వతి సూచించారు. పాఠశాలల్లో విద్యార్థులకు మధ్యాహ్న భోజనం అందించేందుకు ప్రతిరోజూ ఒక ఉపాధ్యాయుడ్ని పర్యవేక్షకునిగా ఏర్పాటు చేయాలన్నారు. తరగతి గదులకు సెల్‌ఫోన్లు తీసుకెళ్లే ఉపాధ్యాయులపై క్రమశిక్షణ చర్యలు తీసుకుంటామని హెచ్చరించారు.
 
 ఇప్పటి వరకు ఆధార్ అనుసంధానం కాని విద్యార్థులకు వెంటనే ఆధార్ నంబర్లు అనుసంధానం చేయాలన్నారు. ప్రశ్నపత్రాలను ఉపాధ్యాయులే తయారు చేసి పరీక్షలు నిర్వహించాలని ఆమె పేర్కొన్నారు. సమావేశానికి అధ్యక్షత వహించిన డీఈవో బి.విజయభాస్కర్ మాట్లాడుతూ ఆర్‌ఎంఎస్‌ఏ గ్రాంట్ల వినియోగానికి సంబంధించి 11, 12, 13 తేదీల్లో ప్రత్యేక బృందాలు పాఠశాలలను సందర్శిస్తాయని తెలిపారు.
 
 అనంతరం పదో తరగతి విద్యార్థులు త్రైమాసిక పరీక్షల్లో సాధించిన మార్కులపై ఆర్‌జేడీ సమీక్షించారు. సమావేశంలో ఒంగోలు ఉపవిద్యాశాఖాధికారి ఇ.సాల్మన్, హెచ్‌ఎంల సంఘ జిల్లా అధ్యక్షుడు వై.వెంకట్రావు, డీసీఈబీ కార్యదర్శి ఆర్.హనుమంతరావు, జిల్లా సైన్స్ అధికారి శ్రీనివాసరెడ్డి, ఆర్‌ఎంఎస్‌ఏ ఉపవిద్యాశాఖాధికారి వి.రామ్మోహనరావు పాల్గొన్నారు.


 ఘట్‌కేసర్ టౌన్: వాణిజ్య కేటగిరి కింద బిల్లులు రావడంతో సర్కారు బడులకు విద్యుత్ బిల్లుల చెల్లింపు భారంగా మారాయి. పాఠశాలల నిర్వహణకు ఏటా ప్రభుత్వమిచ్చే నిధుల్లో కోతలు విధించడంతో ఏమి చేయాలో తోచక ప్రధానోపాధ్యాయులు అయోమయంలో ఉన్నారు. మన టీవి, కంప్యూటర్ల ద్వారా సాంకేతిక విద్య,  మీనా కార్యక్రమంతో ప్రాథమిక పాఠశాలల విద్యార్థులకు రేడియో ద్వారా విజ్ఞానాన్ని అందించే  కార్యక్రమాలను అమలు చేయడానికి పాఠశాలల్లో విద్యుత్ కనెక్షన్ తప్పనిసరి.
 
 గతంలో సర్కారు బడుల విద్యుత్  బిల్లులన్నీ ప్రభుత్వమే విద్యుత్ సంస్థలకు చెల్లించేది. కొంత కాలంగా రాజీవ్ విద్యామిషన్ విడుదల చేస్తున్న నిధుల నుంచి విద్యుత్ బిల్లులను చెల్లిస్తున్నారు. పాఠశాల యాజమాన్య  కమిటీ, పాఠశాల ప్రధానోపాధ్యాయుడి సంయుక్త బ్యాంకు ఖాతాకు ప్రభుత్వం నిధులను విడుదల చేస్తోంది. మండలంలో 72 ప్రభుత్వ పాఠశాలలుండగా జిల్లాలో 2500లకు పైగా ప్రభుత్వ పాఠశాలలున్నాయి.  
 
 సర్కారు చదువు వాణిజ్యమా?
 పాఠశాలల నిర్వహణ కు ప్రభుత్వ పాఠశాలలకు  కేటాయించే అరకొర నిధులు ఏ మూలకూ  సరిపోవడం లేదని, సర్కారు బడులకు వాణిజ్య కేటగిరి కింద విద్యుత్ బిల్లును వేయడం మూలిగే నక్కపై తాటికాయ పడ్డట్లుగా ఉందని ప్రధానోపాధ్యాయులు ఆవేదన వ్యక్తం చేస్తున్నారు.
 
 రాజీవ్ విద్యా మిషన్ ద్వారా ప్రాథమిక, ప్రాథమికోన్నత పాఠశాలలకు నిర్వహణకు రూ. 5 వేలు, గ్రాంట్స్ రూపేణా గదుల సంఖ్యను బట్టి రూ.7 వేలు , అలాగే రాష్ట్రీయ మాధ్యమిక శిక్షా అభియాన్ ద్వారా ఉన్నత పాఠశాలల నిర్వహణకు రూ.10 వేలు, గ్రాంట్స్ రూపేణా రూ. 7 వేల నిధులను ఏటా అందిస్తున్నారు.
 
 పాఠశాలల్లో విద్యార్థులకు మరుగుదొడ్లు, తాగునీరు, రేడియో, టీవీ, కంప్యూటర్ల వినియోగం ఎక్కువ కావడంతో చెల్లింపులు ఇబ్బందిగా మారింది. సర్కారు బడులకు వాణిజ్య కేటగిరి కింద విద్యుత్ బిల్లులు రావడంతో నెలకు సరాసరి రూ. 1000లకు పైగా బిల్లు రావడంతో వచ్చిన నిధులన్నీ విద్యుత్ బిల్లుల చెల్లింపులకే సరిపోతున్నాయంటున్నారు.  పేదలు చదివే ప్రభుత్వ బడులకు వాణిజ్య కేటగిరిగా పరిగణించడం ఎంతవరకు సమంజసమని ప్రశ్నిస్తున్నారు. గృహ కేటగిరి, వాణిజ్య కేటగిరి మధ్యన చాలా వ్యత్యాసం ఉందని గుర్తు చేస్తున్నారు.
 
 తక్షణమే సర్కారు బడుల కనెక్షన్లను గృహ విభాగంలోకి మార్చి ప్రభుత్వమే బిల్లులు చెల్లించేలా తగు చర్యలు తీసుకోవాలని యాజమాన్య కమిటీలు కోరుతున్నాయి.


 యాచారం, న్యూస్‌లైన్: పాఠశాల యాజమాన్య కమిటీ (ఎస్‌ఎంసీ) చెర్మన్లకు చెక్ పవర్ వచ్చింది.  ఈమేరకు వివిధ పాఠశాలల ప్రధానోపాధ్యాయులకు ఎస్‌ఎంసీ చైర్మన్లతో కూడిన జాయింట్ అకౌంట్‌ను తెరవాలని రాజీవ్ విద్యామిషన్ అధికారులు ఇటీవల అదేశాలు జారీచేశారు. పాఠశాల నిధుల నిర్వహణ, నూతన భవనాల నిర్మాణం తదితర అంశాలల్లో ఆర్థికపరమైన నిధుల్లో పాఠశాల హెచ్‌ఎంలతోపాటు ఎస్‌ఎంసీ చైర్మన్లు కీలకం కానున్నారు. గత ఏడాది వరకు ఈ నిధులపై పాఠశాల ఎస్‌ఎంసీ చైర్మన్లకు ఎలాంటి అధికారం లేదు.  కేవలం నామమాత్రంగానే ఈ పదవులు ఉండేవి.
  
  మండల పరిధిలోని  ప్రభుత్వ ఉన్నత, ప్రాథమికోన్నత, ప్రాథమిక పాఠశాలలు 51 వరకు ఉన్నాయి. దాదాపు  ఆరు వేల మంది విద్యార్థుల వరకు విద్యనభ్యసిస్తున్నారు.  అన్ని పాఠశాల్లో ఎస్‌ఎంసీ కమిటీ చెర్మన్లను ఎన్నుకున్నారు. ప్రభుత్వం నుంచి పాఠశాలలకు  ప్రతి సంవత్సరం  ఆర్వీఎం నుంచి ప్రత్యేక నిధులు మంజూరవుతాయి. ఇందులో ఉన్నత పాఠశాలకు గ్రాంటు కింద రూ. 7వేలు, నిర్వాహణ కోసం రూ. 10 వేలు, ప్రాథమిక పాఠశాల గ్రాంట్, నిర్వాహణకు రూ.10వేలు మంజూరవుతాయి. వీటితోపాటు ప్రత్యేకంగా క్లస్టర్ పాఠశాలలకు  అదనంగా నిధులు మంజూరవుతాయి.
  
  వివిధ పథకాల కింద ప్రతి పాఠశాలకు రూ. 10 నుంచి 20 వేల వరకు సాధారణ నిధులు మంజూరు కావడంతో పాటు రూ. లక్షల్లో అభివృద్ధి నిధులు కూడా మంజూరవుతాయి.  గతేడాది వరకు  పాఠశాలకు నిధులను డ్రా చేయటానికి  హెచ్‌ఎంతో పాటు ఆదే పాఠశాల సీనియర్ ఉపాధ్యాయుడికి జాయింట్  చెక్ పవర్ ఉన్న విషయం తెలిసిందే. ఈ విషయమై మండల విద్యాధికారి మాధవరెడ్డిని ‘న్యూస్‌లైన్’ సంప్రదించగా ఎస్‌ఎంసీ చెర్మన్లకు జాయింట్ చెక్‌పవర్ గురించి రాజీవ్ విద్యామిషన్ నుంచి ఆదేశాలు వచ్చింది వాస్తవమేన న్నారు.