భక్తి కలిసిన చిత్రాల్లో స్టార్స్‌ కనిపించడం చాలా తక్కువ. అయితే ఇప్పుడు ట్రెండ్‌ మారింది. డివోషన్‌ ప్లస్‌ కమర్షియల్‌ మిక్స్‌ అయిన కథలకు డిమాండ్‌ పెరుగుతోంది. ఈ తరహా చిత్రాల్లో నటించడానికి స్టార్‌ హీరోలు ముందుకొస్తున్నారు. ముఖ్యంగా ప్రస్తుతం నిర్మాణంలో ఉన్న చిత్రాల్లో ‘శివుడు’ నేపథ్యంలో సాగే కథలు, శివుడి ప్రస్తావన కాసేపు ఉండే కథలు ఉన్నాయి. ‘శివ... శివా...’ అంటూ శివుడి నేపథ్యంలో భక్తి భావంతో రానున్న ఆ చిత్రాల గురించి తెలుసుకుందాం. కన్నప్ప విష్ణు మంచు హీరోగా రూపొందుతోన్న పాన్‌ ఇండియన్‌ చిత్రం ‘కన్నప్ప’. ముఖేష్‌ కుమార్‌ సింగ్‌ దర్శకత్వంలో ఈ చిత్రాన్ని 24 ఫ్రేమ్స్‌ ఫ్యాక్టరీ, అవా ఎంటర్‌టైన్‌మెంట్స్‌పై మంచు మోహన్‌బాబు నిర్మిస్తున్నారు. ఈ మూవీలో మోహన్‌బాబు, ప్రభాస్, మోహన్‌ లాల్, శరత్‌ కుమార్‌ కీలక పాత్రల్లో నటిస్తున్నారు. శివ భక్తుడైన భక్త కన్నప్ప కథను ‘కన్నప్ప’ ద్వారా వెండితెరకు తీసుకొస్తు్తన్నారు. ఈ చిత్రంలో శివుడి పాత్రలో ప్రభాస్‌ నటించనున్నారని సమాచారం. ఈ వార్తలు ఆ మధ్య హల్‌ చల్‌ చేయగా ‘హర హర మహాదేవా’ అంటూ రిప్లై ఇస్తూ పరోక్షంగా హింట్‌ ఇచ్చారు విష్ణు మంచు. ఈ విషయం గురించి మేలో అధికారిక ప్రకటన రావొచ్చని కూడా తాజాగా విష్ణు మంచు స్పందించారు. దీంతో ‘కన్నప్ప’లో శివుడి పాత్రలో ప్రభాస్‌ నటించడం ఖాయమని తెలుస్తోంది. ఇప్పటివరకు మాస్‌ యాక్షన్‌ హీరోగా, లవర్‌ బాయ్‌గా నటించిన ప్రభాస్‌ ఇటీవలే ‘ఆదిపురుష్‌’ సినిమాలో రాముడిగా కనిపించారు. ఇప్పుడు ‘కన్నప్ప’ చిత్రంలో శివుడిగా కనిపించనున్నారు. ఇక శివుడి పాత్రలో ప్రభాస్‌ ఎలా ఉంటారో అంటూ ఏఐ టెక్నాలజీ సాయంతో శివుడి రూపంలో ఉన ్న ప్రభాస్‌ పోస్టర్లను డిజైన్‌ చేసి, నెట్టింట షేర్‌ చేస్తున్నారు ఆయన అభిమానులు. ఈ ఫొటోలు చూసిన నెటిజన్స్ శివుడి రూపంలో ప్రభాస్‌ లుక్‌ సూపర్‌గా ఉందంటూ కామెంట్స్‌ చేస్తున్నారు. ఇక ఈ చిత్రంలో పార్వతీదేవి పాత్రలో నయనతార కనిపిస్తారట. దీనిపై అధికారిక ప్రకటన రావాల్సి ఉంది. తెలుగు, తమిళ, మలయాళ, కన్నడ, హిందీ, ఇంగ్లిష్‌ భాషల్లో ‘కన్నప్ప’ విడుదల కానుంది. కుబేర  ధనుష్, నాగార్జున అక్కినేని లీడ్‌ రోల్స్‌లో నటిస్తున్న మల్టీస్టారర్‌ ఫిల్మ్‌ ‘కుబేర’. శేఖర్‌ కమ్ముల దర్శకత్వం వహిస్తున్న ఈ సినిమాలో రష్మికా మందన్న కథానాయికగా నటిస్తున్నారు. నారాయణ్‌ దాస్‌ కె. నారంగ్‌ ఆశీస్సులతో సునీల్‌ నారంగ్, పుస్కూర్‌ రామ్మోహన్‌ రావు ఈ చిత్రాన్ని నిర్మిస్తున్నారు. మహా శివరాత్రి కానుకగా ఈ చిత్రం ఫస్ట్‌ లుక్‌ని విడుదల చేశారు మేకర్స్‌. అయితే ఫస్ట్‌ లుక్‌ మాత్రం టైటిల్‌కు భిన్నంగా ఉండటంతో పాటు ఆశ్చర్యపరిచేలా ఉంది. కుబేరుడు డబ్బులు ప్రసాదించే దేవుడు. కాగా ఫస్ట్‌ లుక్‌లో ధనుష్‌ సరైన కాస్ట్యూమ్‌ లేని పేదవాడిలా కనిపిస్తారు, ఆహార దేవత అన్నపూర్ణాదేవి నుంచి శివుడు భిక్ష తీసుకుంటున్న ఫొటో కూడా పోస్టర్‌లో ఉంది. అంటే ఈ కథలో శివుడి గురించి ఏదో ఒక లైన్‌ టచ్‌ చేసి ఉంటారని ఊహించవచ్చు. పైగా మహా శివరాత్రి కానుకగా ప్రత్యేకించి ఆ పోస్టర్‌ విడుదల చేయడం కూడా శివుడి నేపథ్యం ఉంటుందనుకోవచ్చు. హరోం హర ఎప్పటికప్పుడు వైవిధ్యమైన సినిమాలు చేసుకుంటూ వెళ్తున్నారు హీరో సుధీర్‌ బాబు. తాజాగా ఆయన నటించిన పాన్‌ ఇండియన్‌ చిత్రం ‘హరోం హర’. ‘ది రివోల్ట్‌’ అనేది ట్యాగ్‌లైన్‌. ‘సెహరి’ ఫేమ్‌ జ్ఞానసాగర్‌ ద్వారక దర్శకత్వం వహించిన ఈ చిత్రంలో మాళవికా శర్మ హీరోయిన్ గా నటించారు. శ్రీ సుబ్రహ్మణ్యేశ్వర సినిమాస్‌ పతాకంపై సుమంత్‌ జి. నాయుడు నిర్మించిన ఈ సినిమా కథనం సుబ్రహ్మణ్యేశ్వర స్వామి నేపథ్యంలో సాగుతుంది. పైగా ఈ మూవీలో హీరో పేరు కూడా సుబ్రహ్మణ్యమే కావడం విశేషం. ఈ చిత్రానికి ‘హరోం హర’ టైటిల్‌ ఫిక్స్‌ చేశారంటే శివుడి నేపథ్యం ఎంతో కొంత ఉంటుందని ఊహించవచ్చు. ఎందుకంటే.. పరమశివుడి తనయుడే సుబ్రహ్మణ్యేశ్వర స్వామి. పుత్రుడి కథ చెప్పే క్రమంలో తండ్రి కథని టచ్‌ చేసుంటారనుకోవచ్చు. చిత్తూరు జిల్లా కుప్పంలో 1989 నాటి నేపథ్యంలో సాగే ‘హరోం హర’లో సుధీర్‌ బాబు చిత్తూరు యాసలోనే మాట్లాడతారు. ఈ వేసవిలోనే ఈ చిత్రం ప్రేక్షకుల ముందుకు రానుంది.               ఓదెల 2 తమన్నా పేరు చెప్పగానే గ్లామరస్‌ హీరోయిన్‌ గుర్తొస్తారు. తన నటన.. ప్రత్యేకించి తన అద్భుతమైన డ్యాన్సుతో ప్రేక్షకుల మనసుల్లో తనకంటూ ప్రత్యేక స్థానం సంపాదించుకున్నారు తమన్నా. ప్రస్తుతం ఆమె శివుడి నేపథ్యంలో రూపొందుతున్న ‘ఓదెల 2’ మూవీలో లీడ్‌ రోల్‌ చేస్తున్నారు. ‘ఓదెల రైల్వేస్టేషన్‌’ వంటి హిట్‌ సినిమాకి సీక్వెల్‌గా ‘ఓదెల 2’ తెరకెక్కుతోంది. అశోక్‌ తేజ దర్శకత్వంలో డైరెక్టర్‌ సంపత్‌ నంది క్రియేటర్‌గా ఈ మూవీ రూపొందుతోంది. మధు క్రియేషన్స్, సంపత్‌ నంది టీమ్‌వర్క్స్‌ బ్యానర్‌లపై డి. మధు ఈ మూవీ నిర్మిస్తున్నారు. ఈ సినిమా చిత్రీకరణ కాశీలో మొదలైంది. ఈ చిత్రంలో శివశక్తిగా తమన్నా నటిస్తున్నారు. శివరాత్రి కానుకగా ‘ఓదెల 2’ నుంచి శివశక్తిగా తమన్నా ఫస్ట్‌ లుక్‌ విడుదల చేశారు మేకర్స్‌. ఒక చేతిలో దండకం, మరో చేతిలో డమరుకంతో నాగసాధువు వేషంలో కనిపించారు తమన్నా. తన గ్రామాన్ని దుష్ట శక్తుల నుండి ఓదెల మల్లన్న స్వామి ఎలా కాపాడాడు? అనే అంశంతో ‘ఓదెల 2’ తెరకెక్కుతోంది. మల్లన్న స్వామి అంటే శివుడే అని ప్రత్యేకించి చెప్పక్కర్లేదు. ఈ సినిమాని పాన్‌ ఇండియా స్థాయిలో విడుదల చేయనున్నారు మేకర్స్‌. హెబ్బా పటేల్, వశిష్ఠ ఎన్‌. సింహ, గగన్‌ విహారి, సురేందర్‌ రెడ్డి, పూజా రెడ్డి తదితరులు కీలక పాత్రల్లో ఈ చిత్రం రూపొందుతోంది.

కరోనా వల్ల థియేటర్లు మూతపడటంతో సినిమాలు ఆడక సినీప్రియులు తీవ్ర నిరాశ చెందారు. ఇప్పుడిప్పుడే కేసులు తగ్గుముఖం పడుతుండటంతో చిన్నాపెద్ద సినిమాలన్నీ వరుసపెట్టి రిలీజవుతున్నాయి. సినీప్రియుల దాహాన్ని తీర్చేందుకు సిద్ధమంటున్నాయి. కంటెంట్‌ ఉంటే చాలు చిన్న సినిమా కూడా హిట్‌ అవుతుండగా పస లేకుంటే పెద్ద సినిమాలు కూడా బాక్సాఫీస్‌ దగ్గర బోల్తా కొడుతున్నాయి. ఇదిలా ఉంటే థియేటర్‌కు వెళ్లడం కష్టం అనుకునేవాళ్లకోసం ఓటీటీ ప్లాట్‌ఫామ్‌ ఉండనే ఉంది. మరి ఫిబ్రవరి నాలుగో వారంలో అటు థియేటర్‌లో, ఇటు ఓటీటీలో ఏయే సినిమాలు, వెబ్‌ సిరీస్‌లు రిలీజవుతున్నాయో చూసేయండి.. థియేటర్‌లో విడుదలవుతున్న చిత్రాలు ► వలిమై - ఫిబ్రవరి 24 ► భీమ్లా నాయక్‌ - ఫిబ్రవరి  25 ► గంగూబాయి కథియావాడి - ఫిబ్రవరి 25 ఓటీటీలో వస్తున్న మూవీస్‌.. ఆహా ► సెహరి - ఫిబ్రవరి 25 అమెజాన్‌ ప్రైమ్‌ వీడియో ► ద ప్రోటేష్ - ఫిబ్రవరి 25 జీ 5 ► లవ్‌ హాస్టల్‌- ఫిబ్రవరి 25 నెట్‌ఫ్లిక్స్‌ ► సోషల్‌ మ్యాన్‌ - ఫిబ్రవరి 24 ► ద ఫేమ్‌ గేమ్‌ (వెబ్‌ సిరీస్‌)- ఫిబ్రవరి 25 ► జువైనల్‌ జస్టిస్‌ (కొరియన్‌ వెబ్‌ సిరీస్‌) - ఫిబ్రవరి 25 ► ఎ మాడియా హోమ్‌ కమింగ్‌ (వెబ్‌ సిరీస్‌) - ఫిబ్రవరి 25 ► వైకింగ్స్‌: వాల్హాల (వెబ్‌ సిరీస్‌) - ఫిబ్రవరి 25 ► బ్యాక్‌ టు 15 - ఫిబ్రవరి 25 హాట్‌స్టార్‌ ► స్టార్స్‌ వార్స్‌ ఒబీ- వాన్‌ కెనోబి (వెబ్‌ సిరీస్‌) - ఫిబ్రవరి 25 సోని లివ్‌ ► అజగజాంతరం - ఫిబ్రవరి 25 ► ఎ డిస్కవరీ ఆఫ్‌ విచెస్‌ - ఫిబ్రవరి 25 ఆల్ట్‌ బాలాజీ, ఎమ్‌ఎక్స్‌ ప్లేయర్‌ ► లాకప్‌ షో- ఫిబ్రవరి 27 వూట్‌ ► సూపర్‌ పంప్‌డ్‌ - ఫిబ్రవరి 28

నాకు కమర్షియల్‌ ఎంటర్‌టైనర్‌ సినిమాలంటే ఇష్టం.. అందుకే ‘సెహరి’ అనే న్యూ ఏజ్‌ రొమాంటిక్‌ కామెడీ మూవీ చేశాను. ముఖ్యంగా నాకు కామెడీ జానర్‌ అంటే ఇష్టం. ప్రేక్షకులను నవ్వించాలనే హీరో అయ్యాను’’ అని హర్ష్‌ కనుమిల్లి అన్నారు. జ్ఞానసాగర్‌ ద్వారక దర్శకత్వంలో హర్ష్‌ కనుమిల్లి, సిమ్రాన్‌ చౌదరి హీరో హీరోయిన్లుగా తెరకెక్కిన చిత్రం ‘సెహరి’. అద్వయ జిష్ణు రెడ్డి నిర్మించిన ఈ సినిమా నేడు విడుదలవుతోంది. ఈ సందర్భంగా హర్ష్‌ కనుమిల్లి విలేకరులతో మాట్లాడుతూ– ‘‘నాకు సినిమా నేపథ్యం లేదు. అండర్‌–14 క్రికెట్‌ ఆడాను. ‘టక్కరి దొంగ’ సినిమా చూసి హీరో కావాలనుకున్నాను. సినిమాపై ఆసక్తితో కొన్ని షార్ట్‌ ఫిలింస్‌ చేశాను. ఏదైనా రంగంలో నిలదొక్కుకోవాలనుకున్నప్పుడు కష్టాలు పడాల్సి వస్తుంది.. అందుకే నాకు కూడా సమయం పట్టింది. ‘సెహరి’ కథ నేనే రాశాను. ఒక ఇన్నోసెంట్‌ వ్యక్తి పెళ్లికూతురి అక్కతో ప్రేమలో పడితే ఎలా ఉంటుందన్నదే చిత్రకథ. ‘సెహరి’ అంటే యూరోపియన్‌ భాషలో వేడుక. మా సినిమా ఒక పండగలా ఉంటుంది. ‘నువ్వు నాకు నచ్చావ్‌’లాంటి తరహాలో అన్ని వయసులవారూ ఎంజాయ్‌ చేసేలా మా సినిమా ఉంటుంది. జిష్ణు రెడ్డి ప్యాషనేట్‌ ప్రొడ్యూసర్‌. జ్ఞానసాగర్‌ ఈ చిత్రాన్ని బాగా తీశారు. ప్రశాంత్‌ ఆర్‌.విహారి పాటలు సినిమాకి ప్లస్‌. సంగీత దర్శకుడు కోటి, అభినవ్‌ గోమటం, సిమ్రాన్‌ చౌదరి.. ఇలా అందరి పాత్రలకూ ప్రాధాన్యత ఉంది. ఇవాళ నా సినిమా విడుదలవుతుండటం నెర్వస్‌గా ఉన్నా ఎగ్జైటింగ్‌గానూ ఉంది. బాలకృష్ణగారికి ‘సెహరి’ చూపించాలనుకున్నాను, కానీ కుదరలేదు. రాజశేఖర్‌గారు మా సినిమా చూసి, చాలా బాగుందన్నారు. ప్రస్తుతం నా దగ్గర రెండు కథలు సిద్ధంగా ఉన్నాయి’’ అన్నారు.

‘‘లాక్‌డౌన్‌ సమయంలో మా ‘సెహరి’ పోస్టర్‌ని హీరో బాలకృష్ణగారు విడుదల చేశారు.. దాంతో మా సినిమా స్థాయి పెరిగింది. ఇందుకు ఆయనకు థ్యాంక్స్‌’’ అని హీరో హర్ష్‌ కనుమిల్లి అన్నారు. జ్ఞానసాగర్‌ ద్వారక దర్శకత్వంలో హర్ష్‌ కనుమిల్లి, సిమ్రాన్‌ చౌదరి జంటగా రూపొందిన చిత్రం ‘సెహరి’. వర్గో పిక్చర్స్‌ పతాకంపై అద్వయ జిష్ణు రెడ్డి నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా జరిగిన ప్రీ రిలీజ్‌ వేడుకలో హర్ష్‌ కనుమిల్లి మాట్లాడుతూ– ‘‘నేను కొన్ని షార్ట్‌ ఫిలింస్‌ చేశాను. కొన్ని సినిమాలకు ఆడిషన్స్‌కి వెళ్లినా సెలక్ట్‌ కాలేదు. ‘నిన్ను నువ్వే ప్రూవ్‌ చేసుకోవాలి’’ అని నా స్నేహితులు చెప్పిన మాటలతో కసి పెరిగి, హీరోగా ‘సెహరి’ చేశాను. ఫుల్‌ ఎంటర్‌టైన్‌మెంట్‌ సినిమా ఇది. మళ్లీ మళ్లీ చూడాలనిపించేలా ఉంటుంది’’ అన్నారు. ‘‘సెహరి’లో నేను నటుడిగా కొత్త తరహాలో కనిపిస్తాను. ఇకపైనా మంచి పాత్రలు వస్తే తప్పకుండా నటిస్తాను’’ అన్నారు సంగీత దర్శకుడు కోటి. సెహరి ప్రీరిలీజ్‌ ఈవెంట్‌ సెలబ్రేషన్స్‌ ఫోటోల కోసం ఇక్కడ క్లిక్‌ చేయండి ‘‘నా లైఫ్‌లో ‘సెహరి’ మర్చిపోలేనిది. బ్రదర్‌ అనిల్‌గారి వల్లే ఈ సినిమా చేశాను’’ అన్నారు జ్ఞానసాగర్‌ ద్వారక. ‘‘రెండు లాక్‌డౌన్‌లు తట్టుకుని ఈ స్థాయికి వచ్చాం.. ప్రేక్షకులు మా చిత్రాన్ని ఆదరించాలి’’ అన్నారు అద్వయ జిష్ణు రెడ్డి. కెమెరామేన్‌ అరవింద్‌ విశ్వనాథ్, సంగీత దర్శకుడు ప్రశాంత్‌ విహారి, సిమ్రాన్‌ చౌదరి, ఎడిటర్‌ రవితేజ గిరిజాల, నటీనటులు అక్షిత, అనీష, బాలకృష్ణ మాట్లాడారు.

కరోనా కారణంగా వాయిదా పడిన సినిమాలు విడుదలకు సిద్దమవుతున్నాయి. ఇటీవల మరోసారి మహమ్మారి విజృంభించడంతో సంక్రాంతికి చిన్న సినిమాలు మాత్రమే సందడి చేశాయి. అయినప్పటికీ కొన్ని సినిమాలు విడుదల కాలేదు. ఇక ప్రస్తుతం కరోనా పరిస్థితులు సాధారణ స్థితికి వస్తుండటంతో వరసగా సినిమాల విడుదలను ప్రకటిస్తున్నారు మేకర్స్‌. ఈ క్రమంలో ఈ వారం పలు సినిమాలు ఇటూ థియేటర్లో అటూ ఓటీటీలో అలరించబోతున్నాయి. మరి అవేంటో చూడాలంటే ఇక్కడ ఓ లుక్కేయండి.  రవితేజ ‘ఖిలాడి’ ఈ వీకెండ్‌కు మంచి కిక్‌ ఇచ్చేందుకు మాస్‌మాహారాజా రవితేజ సిద్దమవుతున్నాడు. రవితేజ హీరోగా రమేష్‌ వర్మ దర్శకత్వంలో తెరకెక్కిన చిత్రం ఖిలాడి. ఇందులో మీనాక్షి చౌదరి, డింపుల్‌ హయాతిలో కథానాయికలు. కోనేరు సత్యనారాయన నిర్మించిన ఈ సినిమాలో యాంకర్‌ అనసూయ, అర్జున్‌లు కీలక పాత్రలు పోషిస్తున్నారు. అన్ని కార్యక్రమాలు పూర్తి చేసుకున్న ఈ సినిమా ఫిబ్రవరి 11వ తేదీన ప్రేక్షకుల ముందుకు రానుంది.  విష్ణు విశాల్‌ ‘ఎఫ్‌ఐఆర్‌’ విష్ణు విశాల్‌ హీరోగా, నటించి నిర్మించిన చిత్రం ‘ఎఫ్‌ఐఆర్‌’. మను ఆనంద్‌ దర్శకత్వం వహించిన ఈ సినిమాను తెలుగులో హీరో రవితేజ, అభిషేక్‌ నామా విడుదల చేస్తున్నారు. ఈ చిత్రం ఈ నెల 11న తెలుగు, తమిళ భాషల్లో థియేటర్లో విడుదల కానుంది.  సెహరి మూవీ  హర్ష్‌ కనుమిల్లి, సిమ్రాన్‌ చౌదరి జంటగా తెరకెక్కిన చిత్రం సెహరి. ఈ సినిమాకు జ్ఞానసాగర్‌ దర్శకత్వం వహించారు. వర్గో పిక్చర్స్‌పై అద్వయ జిష్ణు రెడ్డి నిర్మించిన ఈ మూవీ ఫిబ్రవరి 11న ప్రేక్షకుల ముందుకు రానుంది. ప్రశాంత్‌ విహారి సంగీతం అందిస్తున్న ఈ చిత్రానికి రవితేజ గిరిజాలా ఎడిటర్‌గా వ్యవహరిస్తున్నారు. డీజే టిల్లు సిద్దు జొన్నలగడ్డ, నేహాశెట్టి జంటగా నటిస్తున్న సినిమా ‘డీజే టిల్లు’.అట్లుంటది మనతోని అనేది ఉపశీర్షిక. విమల్‌ కృష్ణ దర్శకత్వం వహిస్తున్న ఈ చిత్రాన్ని  సితార ఎంటర్ టైన్ మెంట్స్ బ్యానర్ లో పీడీవీ ప్రసాద్ సమర్పణలో సూర్యదేవర నాగవంశీ నిర్మిస్త్నున్నారు యూత్ ఫుల్ లవ్ ఎంటర్ టైనర్ తెరకెక్కిన ఈ చిత్రం ఫిబ్రవరి 12న ప్రేక్షకుల ముందుకు రానుంది.                                                                    ఓటీటీలో విడుదలయ్యే చిత్రాలు ఆహాలో ‘భామ కలాపం’ టాలెంటెడ్ హీరోయిన్ ప్రియమణి ప్రధాన పాత్రలో నటించిన తాజా చిత్రం ‘భామ కలాపం’. క్రైమ్ థ్రిల్లర్‏గా తెరకెక్కుతున్న ఈ సినిమా ప్రముఖ ఓటీటీ సంస్థ ఆహాలో విడుదల కానుంది. గృహిణిగా పక్కింట్లో జరిగే విషయాలను తెలుసుకునేందుకు ఆసక్తి చూపే మహిళగా ప్రియమణి కనిపించనుంది. అలాగే యూట్యూబ్ ఛానల్లో వంటచేసే మనిషిగా కనిపిస్తుంది. ఈ సినిమా ఫిబ్రవరి 11న ఆహాలో స్ట్రీమింగ్ కానుంది. విక్రమ్‌ ‘మహాన్‌’ మూవీ విభిన్నమైన కథలతో అటు తమిళ, ఇటు తెలుగు ప్రేక్షకులను అలరించే హీరో చియాన్​ విక్రమ్​. మోస్ట్​ ఛాలెంజింగ్ రోల్స్​ చేస్తూ మంచి గుర్తింపు తెచ్చుకున్నాడు. తాజాగా విక్రమ్​ అతని కుమారుడు ధృవ్ విక్రమ్​తో కలిసి నటిస్తున్న చిత్రం 'మహాన్'​. ఎస్​ఎస్​ లలిత్​ కుమార్ నిర్మించిన ఈ సినిమాకు కార్తీక్ సుబ్బరాజ్​ దర్శకత్వం వహించారు. ఇటీవల ఈ సినిమా నుంచి విడుదలైన ట్రైలర్ ఆకట్టుకుంది. ఈ సినిమా నేరుగా ఓటీటీలో అలరించబోతోంది. ప్రముఖ ఓటీటీ  సంస్థ అమెజాన్ ప్రైమ్ వేదికగా ఫిబ్రవరి 10న మహాన్‌ విడుదలకు చేస్తున్నారు. మళ్లీ ముదలైంది చిత్రం సుమంత్‌ హీరోగా నటించిన చిత్రం ‘మళ్లీ మొదలైంది’. సుమంత్‌ భార్యగా వర్షిణీ సౌందర్‌రాజన్, న్యాయవాది పాత్రలో నైనా గంగూలీ నటించారు. విడాకులు తీసుకున్న ఓ యువకుడు తన న్యాయవాదితో ప్రేమలో పడితే? అనే కథతో రూపొందిన సినిమా ఇది. టీజీ కీర్తికుమార్‌ దర్శకత్వంలో రాజశేఖర్‌ రెడ్డి నిర్మించిన ఈ చిత్రం ఈ నెల 11నుంచి జీ 5 ఓటీటీ ప్లాట్‌ఫామ్‌లో స్ట్రీమింగ్‌ కానుంది.  అశోక్‌ గల్లా హీరో మూవీ యంగ్‌ హీరో గల్లా అశోక్‌, నిధి అగర్వాల్‌ జంటగా నటించిన చిత్రం 'హీరో'. శ్రీరామ్‌ ఆదిత్య దర్శకత్వం వహించిన ఈ చిత్రాన్ని అమరరాజ మీడియా బ్యానర్‌పై గల్లా పద్మావతి నిర్మించారు. సంక్రాంతి కానుకగా జనవరి 15న విడుదలైన ఈ చిత్రం ప్రేక్షకులను ఆశించిన స్థాయిలో ఆకట్టుకోలేకపోయింది.  తాజాగా ఈ చిత్రాన్ని ఓటీటీలో విడుదల చేసేందుకు సిద్దమయ్యారు. ప్రముఖ ఓటీటీ సంస్థ డిస్నీ హాట్‌స్టార్‌లో ఈనెల 11న ఈ సినిమాను విడుదల చేస్తున్నట్లు మేకర్స్‌ ప్రకటించారు. ఇక ఈ చిత్రంలో జగపతిబాబు, సీనియర్ నటుటు నరేశ్, కోట శ్రీనివాసరావులు ప్రధాన పాత్రలో నటించిన సంగతి తెలిసిందే. దీపికా పదుకొనె ‘గెహ్రాయా’ బాలీవుడ్ హీరోయిన్ దీపికా పదుకొణె, సిద్దాంత్ చతుర్వేది జంటగా నటించిన చిత్రం గెహ్రాయా.. ఇందులో అనన్యా పాండే, ధైర్వా కీలకపాత్రలలో నటించారు. ఈ సినిమా అమెజాన్ ప్రైమ్ ఓటీటీలో ఫిబ్రవరి 11న స్ట్రీమింగ్ కానుంది.

‘‘యుక్త వయసులో అబ్బాయి మనస్తత్వం, ప్రేమ, బ్రేకప్‌ వంటి అంశాలపై ‘సెహరి’ తీశాం. రెండున్నర గంటల పాటు ప్రేక్షకులను ఎంటర్‌టైన్‌ చేసేలా మా సినిమా ఉంటుంది. మా చిత్రం చూసిన ప్రేక్షకులు థియేటర్ల నుంచి నవ్వుతూ బయటికొస్తారు’’ అని దర్శకుడు జ్ఞానశేఖర్‌ ద్వారక అన్నారు. హర్ష్‌ కనుమిల్లి, సిమ్రాన్‌ చౌదరి జంటగా నటించిన చిత్రం ‘సెహరి’. అద్వయ జిష్ణు రెడ్డి నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా జ్ఞానశేఖర్‌ ద్వారక మాట్లాడుతూ– ‘‘నాది చిత్తూరు జిల్లా పలమనేరులోని వి.కోట. ఎంఎస్సీ చదివాను. ఆరేళ్లుగా దాదాపు 70కి పైగా యాడ్‌ ఫిల్మ్స్‌ తీశా. డైరెక్టర్‌గా ‘సెహరి’ నా మొదటి చిత్రం. రొమాంటిక్‌ కామెడీ నేపథ్యంలో తెరకెక్కిన ఈ మూవీలో హర్ష్‌ ఈజ్, టైమింగ్‌ బాగుంటుంది.. త్వరలోనే తను పెద్ద స్టార్‌ అవుతాడు. ‘సెహరి’ అంటే సెలబ్రేషన్‌ (వేడుక). హీరో తండ్రి పాత్రకి కోటిగారి పేరును అద్వయగారే సూచించారు. అరవింద్‌ విశ్వనాథ్‌ కొత్తవాడైనా అద్భుతమైన విజువల్స్‌ ఇచ్చారు. ప్రశాంత్‌ విహారి బ్లాక్‌బస్టర్‌ ఆల్బమ్‌ ఇచ్చారు. నేను రచయితను కూడా. పీరియడ్‌ డ్రామా, యాక్షన్‌ డ్రామా కథలు రెడీగా ఉన్నాయి. నా తర్వాతి చిత్రం హర్ష్‌తోనే ఉంటుంది’’ అన్నారు.

Sehari Movie Unit Appriciates Hero Harsh Kanimulli: 'సెహరి సినిమాలో’ హర్ష్‌ తండ్రి పాత్ర చేశాను. హర్ష్‌లో చాలా ఈజ్‌ ఉంది. ‘నువ్వు నాకు నచ్చావ్‌’లో వెంకటేశ్‌ తరహాలో సహజ నటన పండించాడు. ఒక్క మాటలో చెప్పాలంటే పండగలాంటి సినిమా ‘సెహరి' అని సంగీత దర్శకుడు కోటి అన్నారు. హర్ష్​ కనుమిల్లి, సిమ్రాన్‌ చౌదరి జంటగా జ్ఞానసాగర్‌ ద్వారక దర్శకత్వంలో తెరకెక్కిన చిత్రం 'సెహరి'. అద్వయ జిష్ణు రెడ్డి నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా బుధవారం ట్రైలర్‌ విడుదల చేశారు.  దర్శకుడు జ్ఞానసాగర్‌ ద్వారక మాట్లాడుతూ 'వర్క్‌ షాప్‌ సమయంలోనే హర్ష్‌ నటనకి అభిమానిగా మారిపోయాను. అందరి కృషితో సినిమా బాగా వచ్చింది' అన్నారు. ‘'చిన్న పిల్లల నుంచి పెద్దవారి వరకూ చూడదగ్గ సినిమా ఇది’' అని అద్వయ జిష్ణురెడ్డి అన్నారు. ‘'ఆద్యంతం ఎంటర్‌టైన్‌ చేసే సినిమా ‘సెహరి’' అన్నారు హర్ష్‌. ఈ సినిమా నుంచి విడుదలైన పాటలు ఇప్పటికే ప్రేక్షకులను అలరిస్తున్నాయి. బుధవారం రిలీజ్​ చేసిన సినిమా ట్రైలర్​ ఆకట్టుకుంటోంది. 

ఓ వైపు వినోదం.. మరోవైపు వైవిధ్యమైన కథాంశాలున్న చిత్రాలతో ప్రేక్షకులను అలరిస్తున్న ‘అల్లరి’ నరేశ్‌ హీరోగా నటిస్తున్న కొత్త సినిమా షురూ అయింది. ఏఆర్‌ మోహన్‌ దర్శకత్వం వహిస్తున్న ఈ చిత్రంలో ఆనంది హీరోయిన్‌గా నటిస్తున్నారు. జీ స్టూడియోస్‌ సమర్పణ, నిర్మాణంలో హాస్య మూవీస్‌ బ్యానర్‌పై రాజేష్‌ దండ నిర్మిస్తున్న ఈ చిత్రం సోమవారం హైదరాబాద్‌లో ప్రారంభమైంది. హీరో హీరోయిన్లపై చిత్రీకరించిన ముహూర్తపు సన్నివేశానికి నిర్మాత అభిషేక్‌ అగర్వాల్‌ కెమెరా స్విచ్చాన్‌ చేయగా, బాలు మున్నంగి క్లాప్‌ ఇచ్చారు. నిర్మాత అనిల్‌ సుంకర గౌరవ దర్శకత్వం వహించారు. ‘‘నరేశ్‌ నటిస్తున్న 59వ చిత్రమిది. ఈ సినిమాకు సంబంధించిన పూర్తి వివరాలను త్వరలోనే తెలియజేస్తాం’’ అని చిత్రబృందం పేర్కొంది. ‘వెన్నెల’ కిశోర్, చమ్మక్‌ చంద్ర ప్రధాన పాత్రల్లో నటిస్తున్న ఈ చిత్రానికి కెమెరా: రామ్‌ రెడ్డి, సంగీతం: శ్రీ చరణ్‌ పాకాల, సహనిర్మాత: బాలాజీ గుత్త.

హర్ష్‌ కనుమిల్లి, సిమ్రాన్‌ చౌదరి జంటగా తెరకెక్కిన చిత్రం సెహరి. ఈ సినిమాకు జ్ఞానసాగర్‌ దర్శకత్వం వహించారు. వర్గో పిక్చర్స్‌పై అద్వయ జిష్ణు రెడ్డి నిర్మించిన ఈ మూవీ నుంచి బుధవారం(ఫిబ్రవరి 2) ట్రైలర్‌ రిలీజైంది. 'సెహరి అంటే ఏంటి భయ్యా? సెహరి అంటే సెలబ్రేషన్స్‌', 'నీ ముఖానికి పెళ్లవడమే ఎక్కువ', 'ఆలియాను చేసుకోమంటే అక్కను తగులుకున్నావేంట్రా' వంటి డైలాగులు బాగున్నాయి. హీరో పార్ట్‌నర్‌ కోసం వెతకడం, ఎంగేజ్‌మెంట్‌ నుంచి పారిపోవడం... వంటి సన్నివేశాలు ఆసక్తికి కలిగిస్తున్నాయి.  యూత్‌ఫుల్‌ రొమాంటిక్‌ ఎంటర్‌టైనర్‌గా రూపొందిన ఈ చిత్రం ఫిబ్రవరి 11న ప్రేక్షకుల ముందుకు రానుంది. ప్రశాంత్‌ విహారి సంగీతం అందిస్తున్న ఈ చిత్రానికి రవితేజ గిరిజాలా ఎడిటర్‌గా వ్యవహరిస్తున్నారు. ఈ సినిమాలో అభినవ్​ గౌతమ్​ కీలక పాత్రల్లో నటిస్తున్నాడు. ఇదిలా ఉంటే అప్పట్లో ఈ సినిమా ఫస్ట్ లుక్​ను నటసింహం నందమూరి బాలకృష్ణ విడుదల చేశారు. ఆ కార్యక్రమంలో హర్ష్​ కనుమిల్లిని వర్జిన్​ స్టార్​ అని బాలకృష్ణ అనడం వైరల్​ కూడా అయింది.

Sehari Movie Will Release In February: హర్ష్‌ కనుమిల్లి, సిమ్రాన్‌ చౌదరి జంటగా తెరకెక్కిన చిత్రం సెహరి. ఈ సినిమాకు జ్ఞానసాగర్‌ దర్శకత్వం వహించారు. వర్గో పిక్చర్స్‌పై అద్వయ జిష్ణు రెడ్డి నిర్మించిన ఈ మూవీ ఫిబ్రవరి 11న ప్రేక్షకుల ముందుకు రానుంది. ఈ సందర్భంగా దర్శక–నిర్మాతలు మాట్లాడుతూ ‘'యూత్‌ఫుల్‌ రొమాంటిక్‌ ఎంటర్‌టైనర్‌గా రూపొందిన చిత్రమిది. అన్ని రకాల వాణిజ్య అంశాలున్నాయి. హర్ష్​ కనుమిల్లి చక్కని కథ అందించారు. మా సినిమా టైటిల్‌తో పాటు, టీజర్, సాంగ్స్‌కు మంచి స్పందన వచ్చింది. ‘సెహరి..’ టైటిల్‌ సాంగ్‌ యూత్‌ఫుల్‌ ట్రాక్‌గా నిలిచింది. ‘ఇది చాలా బాగుందిలే..’ పాటలో హర్ష్​ తన డ్యాన్స్‌తో, సిమ్రాన్‌ చౌదరి తన లుక్స్‌తో అదుర్స్‌ అనిపించారు' అని తెలిపారు.  ఇదిలా ఉంటే అప్పట్లో ఈ సినిమా ఫస్ట్ లుక్​ను నటసింహం నందమూరి బాలకృష్ణ విడుదల చేశారు. ఆ కార్యక్రమంలో హర్ష్​ కనుమిల్లిని వర్జిన్​ స్టార్​ అని బాలకృష్ణ అనడం వైరల్​ కూడా అయింది. ఈ సినిమాలో అభినవ్​ గౌతమ్​ కీలక పాత్రల్లో నటిస్తున్నాడు. ఈ సినిమాకి అరవింద్​ విశ్వనాథ్​ కెమెరా వర్కింగ్ చేయగా ప్రశాంత్​ ఆర్​. విహారి సంగీతం అందించారు. ఎడిటింగ్​ బాధ్యతలను రవిరాజా గిరిజాల నిర్వర్తించారు.

Shilpa Choudhary Cheating Case: అధిక వడ్డి ఇప్పిస్తానంటూ పలువురు సెలబ్రెటీ వద్ద కోట్ల రూపాయలు వసూలు చేసిన వ్యాపారవేత్త శిల్పా చౌదరి చీటింగ్‌ కేసులో రోజురోజుకు కీలక విషయాలు బయట పడుతున్నాయి. ఆమె చేతిలో మోసపోయిన సెలబ్రిటీలు ఒక్కొక్కరిగా బయటకు వస్తున్నారు. ఇప్పటికే సూపర్‌ స్టార్‌ మహేశ్ బాబు సోదరి, యంగ్‌ హీరో సుధీర్ బాబు భార్య ప్రియదర్శిని శిల్పా చౌదరిపై ఫిర్యాదు చేసిన సంగతి తెలిసిందే. కిట్టి పార్టీల పేరుతో శిల్ప తన దగ్గర సుమారు 3 కోట్ల రూపాయలు తీసుకుని ఇవ్వడం లేదంటూ ఆమె పోలీసులను ఆశ్రయించారు. దీనిపై విచారణ చేపట్టిన పోలీసులు శిల్పను మరోసారి కస్టడిలోకి తీసుకుని ఆరా తీస్తున్నారు. చదవండి: పోలీసులను ఆశ్రయించిన మహేశ్‌ బాబు సోదరి ప్రియదర్శిని ఈ క్రమంలో శిల్ప చేతిలో మోసపోయానంటూ మరో టాలీవుడ్‌ సెలబ్రెటీ బయటకు వచ్చాడు. యంగ్‌ హీరో హర్ష్ కనుమిల్లి శిల్ప మాయమాటలు నమ్మి నట్టేట మునిగాడు. కిట్టి పార్టీ పేరుతో మాయ మాటలు చెప్పి శిల్ప తన దగ్గర రూ. 3 కోట్లు వసూలు చేసిందట. ఆ డబ్బు తిరిగి ఇవ్వకుండా ఇబ్బందులకు గురి చేస్తొందంటూ ఈ యంగ్‌ హీరో పోలీసులను ఆశ్రయించినట్టు తెలుస్తోంది. కాగా ‘సెహరి’ సినిమాతో హర్ష్ కనుమల్లి హీరోగా పరిచయమయ్యాడు. వీరితో పాటు మరో స్టార్‌ హీరో కూడా శిల్ప బాధితుల్లో ఉన్నట్లు సమాచారం. కాగా కిట్టి పార్టిలు, రియల్‌ ఎస్టేట్‌ వ్యాపారం పేరుతో శిల్పా చౌదరి సెలబ్రెట్రీలతో పాటు నగరానికి చెందిన ప్రముఖుల వద్ద దాదాపు రూ. 200 కోట్లు రూపాయ‌లు వ‌సూలు చేశారు.  చదవండి: అన్నయ్యను ఇలా పరిచయం చేస్తాననుకోలేదు: హీరో ఆవేదన ఆమె మాయమాటలకు ప్రముఖ టాలీవుడ్‌ హీరో కుటుంబం కూడా రూ. 12 కోట్లు మోసపోయినట్లు సమాచారం. వారు టాలీవుడ్‌ అగ్రహీరోకు అత్యంత ఆప్తులుగా తెలుస్తోంది. సినిమా ఇండస్ట్రీ, రియల్‌ ఎస్టేట్‌ వ్యాపారంలో పెట్టుబడి కోసం ఒక్కొక్కరి వద్ద రూ. 6 కోట్ల చొప్పున మొత్తం 12 కోట్లు వసూలు చేసినట్లు తెలిసింది. మరో సీనియర్‌ నటుడు కూడా రూ. 2.4 కోట్లు మోసపోయినట్లు సమాచారం. శిల్పా చౌదరి బాగోతాలు వెలుగులోకి రావడంతో బాధితులు బంజారాహిల్స్‌, జూబ్లీహిల్స్‌, పంజాగుట్ట తదితర పోలీస్‌ స్టేషన్‌ల్లో ఫిర్యాదు చేస్తున్నట్లు తెలుస్తోంది. చదవండి: వైరల్‌ అవుతోన్న కమెడియన్‌ రఘు షాకింగ్‌ వీడియో!  కాగా యంగ్‌ హీరో సుధీర్‌బాబు భార్య ప్రియదర్శిని దగ్గర 2 కోట్ల 90 లక్షల రూపాయలు తీసుకుని మూడు నకిలీ చెక్కులు, నకిలీ బంగారాన్ని ష్యూరిటీ కింద ఇచ్చినట్టు బయట పడింది. చెక్కు మార్చేందుకు ఇండియన్‌ బ్యాంక్‌కు వెళ్లిన ప్రియదర్శిని.. మోసపోయినట్టు తెలుసుకుని అవాక్కయింది. దీంతో పోలీసులను ఆశ్రయించింది. శిల్పా చౌదరి 50 కోట్ల రూపాయలు హవాలా ద్వారా దుబాయ్ తరలించినట్లు తెలుస్తోంది. ఈ క్రమంలో శిల్పా చౌదరికి చెందిన 6 బ్యాంక్ అకౌంట్స్‌పై నార్సింగ్‌ పోలీసులు ఆరా తీస్తున్నారు.

హర్ష్‌ కనుమిల్లి, సిమ్రాన్‌ చౌదరి హీరో హీరోయిన్లుగా జ్ఞానసాగర్‌ దర్శకత్వంలో రూపొందుతున్న రొమాంటిక్ ఫ్యామిలీ ఎంటర్‌టైనర్‌ ‘సెహరి’. వర్గో పిక్చర్స్‌ పతాకంపై అద్వయ జిష్ణు రెడ్డి, ఈ సినిమాను నిర్మిస్తున్నారు. ఇప్ప‌టికే విడుద‌లైన  టీజ‌ర్ 60 లక్షల వీక్షణలు పొందగా, పాటలు యూట్యూబ్‌లో రికార్ట్‌ సృష్టించాయి. ముఖ్యంగా ‘ఇది చాలా బాగుందిలే’సాంగ్‌కి 80 లక్షలకు పైగా వ్యూస్‌తో దూసుకుపోతూ..ఈ చిత్రంపై అంచనాలను పెంచింది. ఈ సంద‌ర్భంగా నిర్మాత అద్వయ జిష్ణు రెడ్డి మాట్లాడుతూ - `సెహ‌రి టీజర్ మరియు పాటల‌కు మంచి రెస్పాన్స్ వ‌చ్చింది.  ముఖ్యంగా హీరో హర్ష్ కనుమిల్లి నటన చూపరులను ఎంతగానో ఆకట్టుకుంటున్నది. అంతే కాకుండా ఎక్కడ కూడా మొదటి సారిగా నటించినట్టుగా కాక ఎంతో అనుభవంతో నటిస్తున్నట్టుగా చాలా అధ్బుతమైన ప్రదర్శన కనబరిచాడు. ఉన్నత నిర్మాణ విలువలతో నిర్మించబడిన ‘సెహరి’సినిమా కుటుంబ సమేతంగా వెళ్ళి హాయిగా నవ్వుకుని ఆనందించదగ్గ సినిమా అవుతుంది’అని చిత్ర విజయం పట్ల నిర్మాత ఆద్వయ జిష్ణు రెడ్డి దీమా వ్యక్తం చేశారు.దర్శకుడు జ్ఞానసాగర్ ద్వారక మాట్లాడుతూ -‘ఈ చిత్రంలోని కధ మరియు పాత్రలు అన్నీ యువత మరియు కుటుంబ ప్రేక్షకులను ఆకట్టుకునే విధంగా తీర్చిదిద్దాం’అన్నారు. 

హర్ష్‌ కనుమిల్లి, సిమ్రాన్‌ చౌదరి జంటగా ప్రముఖ సంగీత దర్శకుడు కోటి కీలక పాత్రలో నటించిన చిత్రం ‘సెహరి’. జ్ఞానసాగర్‌ ద్వారక దర్శకత్వంలో అద్వయ జిష్ణు రెడ్డి, శిల్పా చౌదరి నిర్మించారు. ప్రశాంత్‌ ఆర్‌. విహారి సంగీతం అందించిన ఈ సినిమా టైటిల్‌ సాంగ్‌ను ఆవిష్కరించారు. ‘కచడ కచడ హో గయా... అర్థమైత లేదయా, నేను ఆడాలన్నా పాడాలన్నా జిందగీలో లేదే సెహరి...’ అంటూ ఈ పాట సాగుతుంది. ‘‘యూత్‌ఫుల్‌ రొమాంటిక్‌ ఎంటర్‌టైనర్‌గా ‘సెహరి’ చిత్రం రూపొందుతోంది. టైటిల్‌ సాంగ్‌ని భాస్కరభట్ల రాయగా రామ్‌ మిరియాల పాడారు. యశ్‌ మాస్టర్‌ కొరియోగ్రఫీ చేశారు. ఈ పాటలో హర్ష్‌ డ్యాన్సింగ్‌ స్కిల్స్‌ అదిరిపోయాయి. ప్రస్తుతం పోస్ట్‌ ప్రొడక్షన్‌  వర్క్స్‌ జరుపుకుంటున్న మా చిత్రం త్వరలోనే విడుదల కానుంది’’ అని చిత్రవర్గాలు పేర్కొన్నాయి. అభినవ్‌ గోమఠం, ప్రణీత్‌ రెడ్డి, బాలకృష్ణ తదితరులు నటించిన ఈ చిత్రానికి కెమెరా: అరవింద్‌ విశ్వనాథ్‌.

హర్ష్‌ కనుమిల్లి, సిమ్రాన్‌ చౌదరి జోడీగా నటిస్తున్న చిత్రం 'సెహరి'. శుక్రవారం ఈ సినిమా టీజర్‌ రిలీజైంది. ఇందులో బాలయ్యను బాగా వాడుకున్నట్లు కనిపిస్తోంది. మూవీ ఫస్ట్‌ లుక్‌ రిలీజ్‌ చేసినప్పుడు బాలకృష్ణ మాట్లాడిన వీడియోలో కొంత భాగాన్ని టీజర్‌ ప్రారంభంలో పొందుపరిచారు. "ఇతడు హర్ష్‌.. సినిమా హీరో.. అతడు కూడా వర్జిన్‌.. అదే ఇవాళే పుట్టాడు, ఇతడి పుట్టినరోజు నేడు. ఇతడికి పాపం, పుణ్యం ఏం తెలీదు.." అన్న బాలయ్య  స్పీచ్‌తోనే నవ్వులు పూయించేశారు. బాలయ్య మాటలకు హర్ష్‌ సిగ్గుతో చచ్చిపోవడం వీడియోలో స్పష్టంగా కనిపిస్తోంది. అక్కడున్నవాళ్లు కూడా ముసిముసిగా నవ్వుకున్నారు.  ఇక టీజర్‌ విషయానికి వస్తే... "వరుణ్‌... నాకిద్దరు పిల్లలు కావాలి" అని హీరోను అడుగుతోంది హీరోయిన్‌. ఆ తర్వాత వచ్చే సన్నివేశాల్లోనేమో నువ్వింకా ఎదగాలని చెప్తోంది. అటు హీరో కూడా ఓవైపు ప్రియురాలితో పెళ్లికి ఓకే అంటూనే ఆమె అక్కనూ లైన్‌లో పెడుతున్నాడు. వినోదభరితంగా సాగిన ఈ టీజర్‌లో నటన, డైలాగులు బాగున్నాయి. సంగీత దర్శకుడు కోటి ముఖ్య పాత్ర పోషిస్తున్న ఈ సినిమాకు జ్ఞానసాగర్‌ ద్వారక దర్శకత్వం వహిస్తున్నాడు. వర్గో పిక్చర్స్‌ బ్యానర్‌పై అద్వయ జిష్ణురెడ్డి, శిల్పా చౌదరి సంయుక్తంగా నిర్మిస్తున్నారు.  చదవండి: తమిళ స్టార్‌ హీరో సినిమాలో బేబమ్మకు ఛాన్స్!‌ ఇష్క్‌ ట్రైలర్: ఓ ముద్దిస్తావా?