కనువిందు చేసే పచ్చని చెట్లు... బడలికను పోగొట్టే చల్లగాలి... ఎవరైనా సరే ఆ మార్గంలో ఒకసారి ప్రయాణిస్తే ఫిదా అవ్వాల్సిందే. మళ్లీ మళ్లీ ఆ దారిలో వెళ్లాలనే కోరిక తట్టాల్సిందే. రహదారికి పచ్చటి తోరణం కట్టినట్లుండి.. వాటి కిందకు వెళ్లగానే ఏదో గుహలోకి ప్రవేశించినట్లుగా కలిగే అనుభూతి ప్రయాణికులను కొద్దిసేపు అక్కడ ఆగేలా చేస్తోంది. అనంతపురం జిల్లా గార్లదిన్నె నుంచి మిడ్‌పెన్నార్‌ డ్యాంకు వెళ్లే మార్గంలో రోడ్డుకిరువైపులా చెట్లు ప్రయాణికులను ఎంతగానో ఆకర్షిస్తున్నాయి. – సాక్షి ఫొటోగ్రాఫర్, అనంతపురంగుంటూరు జిల్లా ప్రత్తిపాడు పరిసర ప్రాంతాలు అంటే గుర్తుకువచ్చేది పత్తి, మిర్చి సాగు. దశాబ్దాలుగా ఇవే పంటలు ఈ ప్రాంతంలో సాగుచేస్తుంటారు. కానీ ఇటీవల ప్రత్యామ్నాయ పంటల వైపు దృష్టి సారిస్తున్నారు. అందులో భాగంగానే బంతి పూల తోటలు కూడా సాగుచేశారు. గుంటూరు పర్చూరు పాత మద్రాసు రోడ్డు వెంబడి పుల్లడిగుంట సమీపంలో పండించిన బంతి పూలు పసుపు, ఆరెంజ్‌ రంగుల్లో చూపరులను ఆకర్షిస్తున్నాయి.నిత్యం అలలతో ఎగసి పడే సంద్రం.. వెనక్కు తగ్గింది. ఇప్పటి వరకు అలల మాటున ఉన్న శిలలు అందమైన ఆకృతులతో సరికొత్తగా పరిచయం చేసుకున్నాయి. వాతావరణ మార్పులతో సముద్రం వెనక్కు వెళ్లడంతో విశాఖ బీచ్‌లోని వైఎంసీఏ ప్రాంతంలో నల్లని రాళ్లు కనువిందు చేశాయి. దీంతో సందర్శకులు సెల్ఫీలు, ఫొటోలు తీసుకుంటూ సందడి చేశారు. – సాక్షి ఫొటోగ్రాఫర్, విశాఖపట్నం కాకినాడ జిల్లా తుని పట్టణంలోని ఓ రైతుకు చెందిన నాటుకోడి అతి చిన్న గుడ్డు పెట్టడం పలువురిని ఆశ్చర్యానికి గురి చేసింది. రైతు గండి రమణ నాటు కోళ్లు పెంచుతున్నారు. ఇందులో ఒక పెట్ట ముందు రోజు సాధారణ పరిమాణం కలిగిన గుడ్డు పెట్టగా.. మంగళవారం చిన్న గుడ్డు పెట్టింది. జన్యుపరమైన లోపం వల్ల ఇలా జరుగుతుందని పశు వైద్యుడు శ్రీధర్‌ చెప్పారు.విశాఖ కేంద్ర కారాగారం ఆవరణలో సీజనల్‌ పంటలు పండిస్తున్నారు. ప్రస్తుతం శీతాకాలం కూరగాయల పంటలు ప్రారంభమయ్యాయి. కొన్ని కాపు దశకు వచ్చాయి. జైలులో ఉండే ఓపెన్‌ ఎయిర్‌ ఖైదీలచే రసాయనిక ఎరువుల్లేకుండా అధికారులు ఇక్కడ పంటలు పండిస్తుంటారు. జైలు లోపల మామిడి, కొబ్బరితోపాటు, బయట ఆవరణ సుమారు 20 ఎకరాల్లో సీజనల్‌ పంటలు పండించి వాటిని ఖైదీలకు వినియోగిస్తుంటారు. మిగిలిన వాటిని జైలు గేటు ముందు బీఆర్‌టీఎస్‌ పక్కన సుధార్‌ కేంద్రంలో విక్రయిస్తుంటారు. ప్రస్తుతం వంగ, బీర, క్యాబేజీ, టమాటా, ఆనప (సొర) సాగు చేస్తున్నారు. ఈ పంటలతో జైలు ఆవరణ అన్ని కాలాల్లోను పచ్చదనంతో కళకళలాడుతోంది.తాగునీటి కోసం మహిళలు రోడ్డెక్కిన ఘటన సీఎం చంద్రబాబు ప్రాతినిధ్యం వహిస్తున్న కుప్పం నియోజకవర్గంలోని రామకుప్పం మండలంలో మంగళవారం చోటుచేసుకుంది. మండలంలోని వీర్నమల ఎస్సీ కాలనీలో మూడు నెలలుగా తాగునీటి సమస్యతో సతమతమవుతున్నామని మహిళలు ఆగ్రహం వ్యక్తం చేస్తూ రోడ్డెక్కారు. ఎస్సీ కాలనీలో ఉన్న బోరులో నీరు ఇంకిపోవడంతో తాగునీటి సమస్య తీవ్రరూపం దాల్చిందని, డబ్బులిచ్చి నీళ్లు కొనుక్కోవాల్సిన ఖర్మ పట్టిందని ఆవేదన వ్యక్తం చేశారు. అధికారులకు ఎన్నిసార్లు చెప్పిన పట్టించుకోకపోవడంతో వారంతా ఖాళీ బిందెలతో ఆంధ్ర–తమిళనాడు సరిహద్దు రోడ్డుపై ఆందోళనకు దిగారు. ఈ కారణంగా వాహన రాకపోకలకు అంతరాయం కలిగింది.చౌక దుకాణాల వద్ద రేషన్‌ కోసం లబ్ధిదారులు గంటల తరబడి క్యూలో నిల్చోవాల్సిన పరిస్థితి మళ్లీ ఎదురైంది. గత వైఎస్సార్‌సీపీ ప్రభుత్వ పాలనలో ఇంటి వద్దకే రేషన్‌ పథకాన్ని అమలు చేసింది. ప్రస్తుతం కూటమి ప్రభుత్వం అధికారంలోకి వచ్చాక జిల్లాల్లో ఈ వ్యవహారాన్ని తూతూ మంత్రంగా నిర్వహిస్తున్నారు. చిత్తూరులోని 27వ వార్డు చామంతిపురం రేషన్‌షాపు వద్ద మంగళవారం ప్రజలు రేషన్‌ కోసం గంటల కొద్దీ పడిగాపులు కాశారు. గంటల కొద్దీ నిలబడలేక తాము తెచ్చుకున్న సంచులను వరుస క్రమంలో పెట్టారు. సమీపంలోని 28వ వార్డులో, మరికొన్ని మండలాల్లో సైతం ఇదే పరిస్థితులు ఉన్నట్లు సమాచారం. దీంతో ప్రజలు గత ప్రభుత్వ పాలనే బాగుందని వ్యాఖ్యానిస్తున్నారు. చ‌ద‌వండి: ఆంధ్రప్రదేశ్‌ తీర రేఖ పొడవు 1,027.58 కిలో మీటర్లు

ఏలూరు జిల్లా ద్వారకా తిరుమల మండలంలోని దేవినేనివారి గూడెంలో షేక్‌ ఇస్మాయిల్‌కు చెందిన ఒక నాటు కోడిపెట్ట మంగళవారం గోళీ అంత సైజులో గుడ్డు పెట్టింది. ఆ గుడ్డు బరువు కేవలం 5 గ్రాములే ఉందని, తన కోడి అంత చిన్న గుడ్డు పెట్టడం ఇదే తొలిసారని ఇస్మాయిల్‌ తెలిపాడు. స్థానికులు ఆ గుడ్డును చూసి ఆశ్చర్యపోతున్నారు. – ద్వారకా తిరుమల  వావ్‌.. మూన్‌  చందమామ వెలుగులు విరజిమ్మాడు. మునుపటి కంటే పెద్దగా.. తేజోవంతంగా దర్శనమిచ్చాడు. ఏరువాక పౌర్ణమి రోజున మంగళవారం చంద్రుడు భూమికి అత్యంత సమీపంలోకి రావడంతో అతి పెద్దగా కనువిందు చేశాడు. ఈ దృశ్యాన్ని ప్రజలు ఆసక్తిగా తిలకించారు. విజయవాడలో కనిపించిన దృశ్యాలను చిత్రంలో చూడొచ్చు.  – సాక్షి ఫొటోగ్రాఫర్, విజయవాడ    ఏరువాక సంబరం ఏరువాక పౌర్ణమిని పురస్కరించుకుని మంగళవారం రైతులు కర్నూలు జిల్లా హొళగుందలో ఎద్దుల పరుగు పందేలు నిర్వహించారు. ఈ కార్యక్రమాన్ని తిలకించేందుకు చుట్టపక్కల గ్రామాల నుంచి ప్రజలు పెద్ద సంఖ్యలో తరలిరావడంతో పండుగ వాతావారణం నెలకొంది.             – హొళగుంద

అనంతపురం,కనగానపల్లి: సాధారణంగా కోడిగుడ్డు చిన్న పిటికెడు సైజు అయినా ఉండాలి. అయితే మండల పరిధిలోని వేపకుంటలోని రైతు దివిటి సూర్యనారాయణ ఇంటిలోని ఒక కోడి గోలీ సైజులోనే గుడ్డు పెట్టింది. తొలిరోజు సాధారణ సైజులోనే గుడ్డు పెట్టినా రెండోరోజు మాత్రం ఇలా చిన్న గుడ్డు పెట్టిందని రైతు తెలిపాడు.

చిన్నారులు... బాలింతలు... గర్భిణులకు పౌష్టికాహారం అందించేందుకు నెలకొల్పిన అంగన్‌వాడీ కేంద్రాల ద్వారా గుడ్లు సరఫరా చేయాలని నిర్ణయించారు. వాటిని కేంద్రాలకు సరఫరా చేసేందుకు ఓ కాంట్రాక్టర్‌కు బాధ్యతలు అప్పగించారు. అయితే సరఫరా అవుతున్న కోడిగుడ్లు మరీ చిన్నవిగా ఉండటంతో అంగన్‌వాడీ కార్యకర్తలు విస్తుపోతున్నారు. రకరకాల సైజుల్లో వస్తున్న కోడిగుడ్లువల్ల ఏం ప్రయోజనమని ప్రశ్నిస్తున్నారు. విజయనగరం ఫోర్ట్‌: అంగన్‌వాడీ కేంద్రం పరిధిలోని గర్బిణులకు ప్రతీ నెల 16 గుడ్లు ఇస్తారు. 7 నెలల నుంచి మూడేళ్లలోపు పిల్లలకు ప్రతీ మంగళ, శుక్ర వారాల్లో 8 ఉడికించిన గుడ్లు ఇస్తారు. 3నుంచి ఆరేళ్లలోపు పిల్లలకు వారానికి నాలుగు రోజులు ఉడికించిన గుడ్లు పెడతారు. అయితే కేంద్రాలకు సరఫరా చేసే గుడ్లు చాలా చిన్నసైజులో ఉంటున్నాయి. వీటి సరఫరా పేరుతో నిధులు గోల్‌మాల్‌ అవుతున్నాయన్న ఆరోపణలు వినిపిస్తున్నాయి. అధికారులు సైతం పట్టించుకోకపోవడంతో కాంట్రాక్టర్‌ తనకు నచ్చిన రీతిలో వాటిని సరఫరా చేస్తున్నారనే విమర్శలు వినిపిస్తున్నాయి.  నెలకు 21 లక్షల వరకూ గుడ్లు సరఫరా జిల్లాలో 17 ఐసీడీఎస్‌ ప్రాజెక్టులున్నాయి. వీటి పరిధిలో 2987 అంగన్‌వాడీ, 742 మినీ అంగన్‌వాడీ కేంద్రాలు ఉన్నాయి. అందులో మూడేళ్లలోపు పిల్లలు 85,331మంది, 3 నుంచి ఆరేళ్ల లోపు పిల్లలు 47,074మంది, గర్భిణులు 22,457మంది, బాలింతలు 21,638 మంది ఉన్నారు. మొత్తం 1,76,500 మంది లబ్ధిదారులకోసం నెలకు 21,41,352 గుడ్లు సరఫరా అవుతున్నాయి. ఇందులో మూడేళ్ల లోపు పిల్లలకు 6,82,648 గుడ్లు, 3ఏళ్ల నుంచి 6 ఏళ్లలోపు వారికి 7,53,184, గర్బిణులు, బాలింతలకు 7,05,520 గుడ్లు సరఫరా అవుతున్నాయి. ఇందుకోసం నెలకు రూ.1,07,06,760 వరకు ఖర్చు చేస్తున్నారు. 35 నుంచి 40 గ్రాములే... అంగన్‌వాడీ కేంద్రాలకు సరఫరా అవుతున్న గుడ్లు చాలావరకూ చిన్నవిగానే ఉంటున్నాయి. సాధారణంగా గుడ్డు బరువు 50 నుంచి 55 గ్రాములుంటుంది. కానీ ఈ కేంద్రాలకు సరఫరా అవుతున్నవి మాత్రం 35 గ్రాముల నుంచి 40 గ్రాములకు మించట్లేదు. పిల్లలకు అందించే గుడ్లు కోసం కోట్లాది రూపాయలు ఖర్చు చేస్తున్నా నాణ్యమైన గుడ్లను సరఫరా చేయడం లేదనే ఆరోపణలు వినిస్తున్నాయి. చిన్న గుడ్లు సరఫరా చేస్తున్నా అధికారులు కనీసం పట్టించుకోవడం లేదన్న ప్రచారం సాగుతోంది. ట్రే మొత్తం తూస్తే సరిపోతుంది గుడ్డు చిన్నసైజులా కనిపిస్తున్నా... ట్రేలో ఉన్న 30 గుడ్లు బరువు తూస్తే సరిపోతుంది. సైజు చిన్నదిగా కనిపిస్తే నేను రెండు, మూడు కేంద్రాలను పరిశీలించి బరువు తూశాను. అప్పుడు నాకు ఈ విషయం స్పష్టమైంది. – ఎం.శ్రీదేవి, సీడీపీఓ, విజయనగరం  


 కొవ్వూరు రూరల్‌ : కొవ్వూరు మండలం నందమూరులో ఓ బుల్లి నాటుకోడి గుడ్డు జనాలను ఆకర్షిస్తోంది. సాధారణ గుడ్డుకన్నా అతి చిన్న పరిమాణంలో ఉన్న ఈ గుడ్డు వింతగొల్పుతోంది. పశివేదలకు చెందిన ఒకరి వద్ద కొన్ని గుడ్డులను కొనుగోలు చేయగా.. అందులో ఈ గుడ్డు ఉందని స్థానికుడు పుసులూరి శ్రీనివాసరావు తెలిపారు. నాటుకోళ్లు తొలిసారిగా గుడ్లు పెట్టే సమయంలో ఈ విధంగా చిన్న గుడ్లు పెట్టే అవకాశం ఉంటుందని పశువైద్యులు చెప్పారు.  
  


 అట్లూరు: ఎక్కడైనా కోడి ఒకే సైజులో గుడ్లను పెట్టడం మామూలే. అయితే వైఎస్సార్ జిల్లా అట్లూరు మండలం వేమలూరు ఎస్సీ కాలనీకి చెందిన పొగడతోటి మునెయ్యకు చెందిన ఒక కోడి శనివారం మామూలు సైజులోనే గుడ్డుపెట్టింది. ఆదివారం మాత్రం ఐదు గ్రాముల బరువు సైజులో అతిచిన్నగుడ్డు పెట్టింది.
 
 శనివారం పెట్టిన గుడ్డును, ఆదివారం పెట్టిన గుడ్డును మునెయ్య కాలనీ వాసులకు చూపించడంతో వారంతా ఆసక్తిగా తిలకించారు. ఒకే కోడి ఒకరోజు రెండు పరిమాణాల్లో గుడ్లు పెట్టడం వారిని ఆశ్చర్యానికి గురిచేసింది.