సొంత ఊరికి ఏదో ఒకటి చేయాలనే కాన్సెప్ట్తో టాలీవుడ్ సూపర్ స్టార్ మహేశ్ బాబు నటించి నిర్మించిన శ్రీమంతుడు సినిమా ఎంతో మంది నిజం శ్రీమంతులను కదిలించడం.. తద్వారా ఎన్నో వెనుకబడిన గ్రామాలను దత్తత తీసుకోవడం తెలిసిందే. అయితే తెలుగు శ్రీమంతుడు రాకముందు నుంచే బాలీవుడ్లోనూ ఓ శ్రీమంతుడు ఉన్నాడు. ప్రిన్స్లా వేల కోట్లు లేకున్నా.. కనీస అవసరాలు పోను మిగిలిన సంపాదనంతా సొంత రాష్ట్రాం బాగు కోసం ఖర్చుచేస్తున్నాడు. దేశానికి తనదైన పద్దతిలో చికిత్స చేస్తున్నాడు.. బాలీవుడ్ నటుడు నానా పటేకర్.
 
 రైతు ఆత్మహత్యలను నివారించేందుకు గడిచిన దశాబ్ధికిపైగా పలు కార్యక్రమాల్లో పాలుపంచుకుంటున్న నానా.. తన సంపాదనలో మూడింట రెండో వంతు చనిపోయిన రైతుల కుటుంబాలకు అందిస్తున్నాడు. ఇప్పటివరకు అలా దాదాపు 700 మంది మహిళలకు ఆర్థిక సాయం అందించాడు. నానా కమిట్మెట్కు ముగ్ధులైన ఆయన స్నేహితులు కొందరు మేము సైతం  అంటూ విరాళాలు ఇచ్చేందుకూ ముందుకొస్తున్నారట. మరాఠీ నటుడు మకరంద్ అనాస్పురే పిలుపుతో కదిలిన తాను రైతాంగ పరిరక్షణే ధ్యేయంగా జీవిస్తానంటున్నాడాయన.
 
 'రైతే దేశానికి వెన్నెముక అనే నానుడి నిజమనుకుంటే, ఇప్పుడు దేశం వెన్నెముక వంగిపోయింది. ఇంకా చెప్పాలంటే కృషించింది. కొ్ని ప్రాంతాల్లోనైతే పూర్తిగా చచ్చిపోయింది. అలా రైతాంగం పూర్తిగా చచ్చుబడిపోయిన ప్రాంతాల్లో ఒకటి మా మహారాష్ట్రలోని లాతూర్. దేశంలోనే అత్యధికంగా రైతులు ఆత్హహత్యలకు పాల్పడుతున్న ప్రాంతమిది. కష్టాల నుంచి విముక్తి పొందొచ్చనుకునే రైతు ఆత్మహత్య చేసుకుంటాడు. కానీ అతడి చావుతో కష్టం పోదు కదా రెట్టింపవుతుంది. చిన్నచిన్న పిల్లలతో వితంతువులైన రైతుల భార్యలను చూస్తే మనసు తరక్కుపోతుంది. పరిస్థితి ఇలాగే కొనసాగితే కచ్చితంగా విప్లవం వస్తుంది. తనను తాను చంపుకొనే రైతు ఇతరులను చంపలేడని మనం అనుకోవద్దు' అంటాడు నానా పటేకర్.


 కల్యాణదుర్గం : శ్రీమంతుడు మూవీ రిలీజైన రోజునే చూడాలనుకున్న ఇక్కడి అభిమానులకు నిరాశే ఎదురైంది. అనంతపురం జిల్లా కల్యాణదుర్గంలో శ్రీమంతుడు సినిమా టికెట్ల ధరలు పెంచడంతో అభిమానులు ఆందోళన చేస్తున్నారు. శుక్రవారం విడుదలైన ఈ సినిమా టికెట్టు అన్ని కేటగిరీలకు ధరలను రూ. 100గా నిర్ణయిస్తూ కల్యాణదుర్గంలోని నూర్ ముబారక్ థియేటర్ యాజమాన్యం నిర్ణయం తీసుకుంది. దీంతో అభిమానులు ధర్నాకు దిగి థియేటర్ ఎదుట బైఠాయించారు. థియేటర్ యాజమాన్యానికి వ్యతిరేకంగా శ్రీమంతుడు అభిమానులు నినాదాలు చేశారు.


 ప్రిన్స్ మహేష్ బాబుతో సెల్ఫీ దిగే చాన్స్ రావాలనే కానీ లక్షలాది అభిమానులు క్యూలో ఉంటారు. ఈ అవకాశం వస్తే అభిమానులకు పండగే. మహేష్ బాబుతో కలసి సంగీత దర్శకుడు దేవీశ్రీ ప్రసాద్ సెల్ఫీ దిగారు. ఈ విషయాన్ని దేవీశ్రీ ప్రసాదే వెల్లడించారు.  
 
 మహేష్తో కలసి తాను సెల్ఫీ దిగానని, దీన్ని సూపర్ స్టార్ మహేష్ బాబు క్లిక్ చేశాడని...ఆయనకు ధన్యవాదాలంటూ దేవీశ్రీ ట్విట్ చేశారు. మహేష్ తాజా చిత్రం శ్రీమంతుడుకు దేవీశ్రీ స్వరాలు అందించారు. ఈ చిత్రం ఆడియో శనివారం విడుదలైంది. కొరటాల శివ దర్శకత్వం వహించిన ఈ సినిమా ఆగస్టు 7న విడుదల చేయడానికి సన్నాహాలు చేస్తున్నారు.
  
 
 A selfie wit the Superstar @urstrulyMahesh!! Speciality : Clicked by d Superstar himself !! Thaank U so much sirr!!


 ప్రిన్స్ మహేశ్ బాబు, శ్రుతిహాసన్ తొలిసారి జంటగా నటిస్తున్న 'శ్రీమంతుడు' ఫస్ట్ లుక్ బయటకు వచ్చింది. ఇంతకుముందు 'ఆగడు' సినిమాలో మహేష్ కోసం ఒక ఐటెం సాంగ్ (జంక్షన్లో..) మాత్రం చేసినా.. ఇప్పుడు తొలిసారి ప్రిన్స్ సరసన హీరోయిన్గా చేస్తోంది. సైకిల్ మీద దూసుకొస్తున్న మహేశ్ పోస్టర్ను ఫస్ట్లుక్గా తీసుకొచ్చారు. అయితే.. నిజానికి సూపర్స్టార్ కృష్ణ పుట్టినరోజు సందర్భంగా ఈనెల 31వ తేదీనే ఫస్ట్ లుక్తో పాటు టీజర్ను కూడా  విడుదల చేయాలనుకున్నారు. ఈలోపే ఫస్ట్ లుక్ మాత్రం బయటకు వచ్చింది. దీంతో ఆరోజు టీజర్ను విడుదల చేస్తారని అనుకుంటున్నారు.
 
 ఇక శ్రీమంతుడు సినిమాకు 'మిర్చి' ఫేం కొరటాల శివ దర్శకత్వం వహిస్తున్న సంగతి తెలిసిందే. ఈ సినిమా షూటింగ్ శరవేగంగా జరుగుతోంది. ఈ సినిమాలో ఓ చిన్న పాత్రలో హైదరాబాదీ అమ్మాయి తేజస్వీ మాదివాడ కూడా నటిస్తోంది. ఇప్పటికే ఆమె సీతమ్మ వాకిట్లో సిరిమల్లె చెట్టు చిత్రంలో నటించింది.


 హైదరాబాద్ : ప్రిన్స్ మహేశ్ బాబు నటిస్తున్న శ్రీమంతుడు చిత్రంలో తనకు ఛాన్స్ రావడం పట్ల హైదరాబాదీ అమ్మాయి తేజస్వీ మాదివాడ ఉబ్బితబ్బిబవుతోంది. ఇప్పటికే సీతమ్మ వాకిట్లో సిరిమల్లె చెట్టు చిత్రంలో ఆమె నటించిన సంగతి తెలిసిందే. మహేశ్తో కలసి నటించడం చాలా ఆనందంగా ఉంటుందని తేజస్వి చెప్పింది. నా అదృష్టాన్ని నేనే నమ్మలేకపోతున్నానంటుంది.
 
 సీతమ్మ వాకిట్లో సిరిమల్లే చెట్టులో వలేనే శ్రీమంతుడు చిత్రంలో కూడా చిన్న పాత్రే ... కాకుంటే చాలా ఆసక్తితో కూడిన పాత్ర అని తేజస్వి వెల్లడించింది. ఇంతకీ సీతమ్మవాకిట్లో సిరిమల్లె చెట్టు చిత్రంలో నటించిన తేజస్వీ గుర్తుందా ?  లేదా అయితే... ఆ చిత్రంలో మహేశ్ బాబు విజయవాడ వాళ్ల వివాహానికి వెళ్తాడు... అక్కడ మహేశ్ బాబును భోజనానికి తీసుకు వెళ్తుంది కదా ఆ అమ్మాయే.
 ఇంకా గుర్తు రాలేదా?  నాకు కొంచెం క్యాస్ట్ ఫీలింగ్ ఎక్కువ... ఈ మధ్య సపరేట్ బ్యాచ్ని కూడా మెయింటేన్ చేస్తున్నా అంటూ మహేశ్ బాబుతో చెప్పే అమ్మాయి. ఇప్పుడు గుర్తుకు వచ్చే ఉంటుంది.