‘అంధాధున్‌’ తర్వాత దర్శకుడు శ్రీరామ్‌ రాఘవన్‌ ఏ సినిమా చేస్తారనే ఆసక్తి ఉంది బాలీవుడ్‌కి. తమిళ నటుడు విజయ్‌ సేతుపతి, కత్రినా కైఫ్‌ హీరోహీరోయిన్లుగా ఓ సినిమా తెరకెక్కించడానికి సన్నాహాలు చేస్తున్నారాయన. ఇదో సస్పెన్స్‌ థ్రిల్లర్‌ అని సమాచారం. ఈ సినిమాను కేవలం 90 నిమిషాల నిడివితో తెరకెక్కించనున్నారట. అలాగే ఈ సినిమాకు ఇంటర్వెల్‌ కూడా ఉండదట. ఏప్రిల్‌ నెలలో ఈ సినిమా చిత్రీకరణ ప్రారంభించనున్నారు. పూణె పరిసర ప్రాంతాల్లో షూటింగ్‌ చేస్తారు. ఒకే షెడ్యూల్‌లో సినిమా మొత్తాన్ని పూర్తి చేయాలనుకుంటున్నారు.

బాలీవుడ్‌ బ్యూటీ కత్రినా కైఫ్, తమిళ స్టార్‌ యాక్టర్‌ విజయ్‌ సేతుపతి జోడీగా ఓ సినిమా చేయబోతున్నారు అనే క్రేజీ వార్త తిరుగుతోంది. ఈ ఇద్దరూ హిందీ డైరెక్టర్‌ శ్రీరామ్‌ రాఘవన్‌ సినిమాలో కలసి నటించబోతున్నారట. ‘అంధా ధున్‌’ తర్వాత శ్రీరామ్‌ రాఘవన్‌ ఓ భారీ పీరియాడికల్‌ చిత్రం ప్రకటించారు. అయితే ఆ ప్రాజెక్ట్‌ను ప్రస్తుతం పక్కన పెట్టారట. తాజాగా విజయ్‌ సేతుపతి హీరోగా ఓ సినిమా ప్లాన్‌ చేస్తున్నారాయన. ఇందులో కత్రినా కైఫ్‌ హీరోయిన్‌గా నటిస్తారట. త్వరలోనే ఈ సినిమా సెట్స్‌ మీదకు వెళ్లనుంది.

‘బద్లాపూర్‌’ వచ్చిన నాలుగేళ్లకు దర్శకుడు శ్రీరామ్‌ రాఘవన్, హీరో వరుణ్‌ ధావన్‌ ఓ సినిమా కోసం కలసి పని చేయనున్నారు. 1971 ఇండియా–పాక్‌ యుద్ధంలో మరణించిన సెకండ్‌ ల్యూటినెంట్‌ అరుణ్‌ కేత్రపాల్‌ జీవితం ఆధారంగా ఈ సినిమా తెరకెక్కనుంది. అరుణ్‌ కేత్రపాల్‌ ధైర్యానికి పరమవీర చక్రను కూడా ప్రభుత్వం ప్రకటించింది. ‘‘సైనికుడి పాత్రలో నటించాలన్నది నా కల. ఈ సినిమాతో అది నెరవేరబోతోంది. ఈ సినిమా నాకు చాలా ముఖ్యమైనది. శ్రీరామ్‌ రాఘవన్‌గారితో మరోసారి పనిచేయడం చాలా సంతోషం’’ అని వరుణ్‌ ధావన్‌ పేర్కొన్నారు.

దర్శకుడు శ్రీరామ్‌ రాఘవన్, హీరో ఆయుష్మాన్‌ ఖురానా కాంబినేషన్‌లో వచ్చిన అంధాధూన్‌’ చిత్రం బ్లాక్‌బస్టర్‌ హిట్‌ అయింది. ఆయుష్మాన్‌కు ఉత్తమ నటుడిగా, ఉత్తమ చిత్రంగా జాతీయ అవార్డులు కూడా పొందింది ఈ సినిమా. శ్రీరామ్, ఆయుష్మాన్‌ కాంబినేషన్‌లో మళ్లీ ఓ సినిమా రానుందట. దానికి సంబంధించిన కథ కూడా తయారు చేశారట శ్రీరామ్‌ రాఘవన్‌. ‘స్క్రిప్ట్‌ రీడింగ్‌ సెషన్స్‌ జరపడానికి కూడా తీరిక లేనంత బిజీగా ఉన్నారు ఆయుష్మాన్‌.  ప్రస్తుతం ఉన్న కమిట్‌మెంట్స్‌ అన్నీ పూర్తయ్యాక మా కాంబినేషన్‌లో సినిమా ఉంటుంది’ అని పేర్కొన్నారు శ్రీరామ్‌ రాఘవన్‌.


 నటించమంటే జీవించేస్తున్నట్టున్నాడీ బాలీవుడ్ చిన్నోడు వరుణ్‌ధావన్. శ్రీరామ్ రాఘవన్ తెరకెక్కిస్తున్న బాదల్‌పూర్ షూటింగ్‌లో వరుణ్ పంచ్‌కు... సహనటుడు వినయ్‌పాథక్ బెడ్‌పై పడ్డాడట. రాధిక ఆప్టేతో కలసి ఈ ఇద్దరూ ఓ సన్నివేశంలో నటిస్తున్నారట.
  వినయ్‌ను వరుణ్ బలంగా తోయాల్సిన సీన్ అది. ఇందులో బాగా ఇన్వాల్వ్ అయిన వరుణ్... ఓ పవర్ పంచ్ ఇచ్చాడట.
 
 ఈ దెబ్బకు విలవిల్లాడిన వినయ్... ప్రస్తుతం హాస్పిటల్ బెడ్‌పై రెస్టు తీసుకొంటున్నాడట. ఫైటింగ్ సన్నివేశాల్లో ఇలాంటివి కామనేనని... కాకపోతే, వినయ్ కాస్త ఎక్కువగా గాయపడ్డాడని ఓ పత్రికతో వరుణ్ కామెంట్ చేశాడు.
  


 అంతా తనను సెలబ్రిటీగానే చూస్తున్నారని లిండ్సే లోహన్ వాపోతోంది. ఎవరూ తనను నటిగా గుర్తించడం లేదంటూ తెగ ఫీలైపోతోంది. డేవిడ్ మామెట్ రూపొందిస్తున్న ‘స్పీడ్ ది ప్లో’ చిత్రంలో నటించనున్న లిండ్సే లోహన్, నటిగా తన గత చరిత్రను మీడియా ముందు ఏకరువు పెడుతోంది. మూడేళ్ల వయసులోనే తాను బాలనటిగా తెరంగేట్రం చేసిన విషయాన్ని ఎవరూ అడగకున్నా గుర్తుచేస్తోంది.
  
  సహజత్వం కోసం..
  ఇటీవలే విడుదలైన ‘హంప్టీ శర్మాకీ దుల్హనియా’ చిత్రం షూటింగ్‌లో మందుకొట్టే సన్నివేశాల కోసం హీరో వరుణ్ ధావన్ నిజంగానే పెగ్గు బిగించాడట. వరుణ్ నుంచి తాగుబోతు నటనను సహజంగా రాబట్టేందుకు ‘మెథడ్ యాక్టింగ్’ పేరిట దర్శకుడు శ్రీరామ్ రాఘవన్ అతడి చేత ఈ పని చేయించాడట. మందు అలవాటు లేని వరుణ్ షూటింగ్‌లో బాగా ఇబ్బంది పడ్డాడని, సన్నివేశం ముగిశాక తూలుతున్న స్థితిలో చిత్ర బృందం అతడికి ఆసరా ఇచ్చి బయటకు తేవాల్సి వచ్చిందని సమాచారం.
  


 ఇక్కడో మాట... అక్కడో మాట చెబుతూ యుక్తిగా కెరీర్‌ని నెట్టుకొస్తోంది అందాలభామ యామి గౌతమ్. ఇటీవల ఓ కోలీవుడ్ మీడియా ఇంటర్‌వ్యూలో కథ డిమాండ్ చేస్తే బికినీ వేస్తారా? అని అడిగితే -‘మోతాదు మించిన గ్లామర్‌ని నేను ఒప్పుకోను. అందంగా కనిపించడమే గ్లామర్, అలాగాక శృతి మించి వల్గారిటీ దాకా వెళ్లాల్సివస్తే సినిమానే వదులుకుంటా’ అని బల్లగుద్ది మరీ చెప్పింది యామి. ఇక్కడ్నుంచి బాలీవుడ్ సినిమా చేయడానికి ముంబయ్ వెళ్లింది.. అక్కడ ఓ ఇంటర్‌వ్యూలో పాల్గొంది.  గ్లామర్ గురించి మాట్లాడుతూ -‘కొన్ని కావాలంటే కొన్ని వదులుకోవాలి మరి. కథ డిమాండ్ చేస్తే లిప్‌లాక్‌కు కూడా నేను రెడీ’ అని స్టేట్‌మెంట్ ఇచ్చేసింది. దీన్ని బట్టి యామి... తన కెరీర్‌ని ఎంత లౌక్యంగా లాక్కొస్తుందో అర్థం చేసుకోవచ్చు.
 కథానాయికలందరికీ అంతిమ లక్ష్యం బాలీవుడ్. అందులో భాగంగానే దక్షిణాదిన బెట్టుగా ఉంటూ, బాలీవుడ్‌లో మాత్రం రెచ్చిపోతుంటారు. యామీ సమాధానాలు అందులో భాగమే. ప్రస్తుతం బాలీవుడ్‌లో వరుణ్‌ధావన్‌కు జోడీగా ఓ సినిమాలో నటిస్తోంది తను. శ్రీరామ్ రాఘవన్ దర్శకుడు. కథ రీత్యా ఆ చిత్రానికి లిప్‌లాక్ అవసరం. దాంతో దర్శకుడు లిప్‌లాక్ ప్రపోజల్ ఆమె ముందుంచాడు. అడిగిందే తడవుగా లిప్‌లాక్‌కి ఓకే చెప్పేసిందట. త్వరలోనే వరుణ్, యమీలపై ఈ సన్నివేశాన్ని తెరకెక్కించనున్నారు శ్రీరామ్ రాఘవన్.