ఏ భాష తీసుకున్నా సరే హారర్ సినిమాలకు ఉండే క్రేజ్ వేరు. సరిగ్గా తీయాలే గానీ హిట్ కొట్టడం పక్కా. ఈ మధ్య కాలంలో 'మసూద', 'విరూపాక్ష', 'మా ఊరి పొలిమేర' తదితర చిత్రాలు ఇలాంటి కథలతో వచ్చి అందర్ని భయపెట్టాయి. ఇప్పుడు అలాంటి కథతో తీసిన మూవీ 'తంత్ర'. ట్రైలర్‌తోనే అంచనాలు పెంచిన ఈ చిత్రం తాజాగా థియేటర్లలోకి వచ్చింది. అనన్య నాగళ్ల భయపెట్టిందా? హిట్ కొట్టిందా? అనేది ఈ రివ్యూలో చూద్దాం. కథేంటంటే? రేఖ(అనన్య నాగళ్ల)కు దెయ్యాలు కనిపిస్తుంటాయి. చిన్నప్పుడు తల్లి చనిపోవడంతో నాన్న సంరక్షణలో పెరుగుతుంది. చిన్నప్పటి నుంచి తనకు తెలిసిన తేజూ (ధనుష్ రఘుముద్రి)ని ఇష్టపడుతుంది. వీళ్లిద్దరూ ప్రేమించుకుంటూ ఉంటారు. అయితే రేఖపై ఎవరో క్షుద్ర పూజలు చేశారని తేజుకి తెలుస్తుంది. ఆ తర్వాత ఏమైంది? ఈ కథలో విగత ('టెంపర్' వంశీ), రాజేశ్వరి (సలోని) ఎవరు? వీళ్లకు రేఖకు సంబంధం ఏంటనేది సినిమా చూసి తెలుసుకోవాలి. ఎలా ఉందంటే? హారర్ సినిమాల్లో లాజిక్స్ ఉన్నా లేకున్నా పర్వాలేదు. భయపెట్టే, వణుకు పుట్టించే సీన్స్ కచ్చితంగా ఉండాలి. లేదంటే మొదటికే మోసం వచ్చేస్తుంది. 'తంత్ర' విషయంలో అదే జరిగింది. స్టోరీ లైన్ పరంగా చూసుకుంటే మంచి పాయింట్. హారర్ కథకి కావాల్సిన అన్ని ఎలిమెంట్స్ ఉన్నాయి. కానీ దాన్ని సినిమాగా తీసే విషయంలో పూర్తిగా తడబడ్డారు. చూస్తున్నంత సేపు ఒక్క సీన్ కూడా ఇంట్రెస్టింగ్‌గా అనిపించదు. సరికదా బోర్ కొడుతుంది. 'తంత్ర' సినిమాలో రక్త దాహం, పాతాళ కుట్టి, శత్రువు ఆగమనం, ముసుగులో మహంకాళి, వజ్రోలి రతి, చిన్నామస్తా దేవి.. అని ఆరు భాగాలు ఉంటాయి. అయితే వాటివల్ల పెద్దగా ప్లస్ కాలేదు. ఈ పేర్లు లేకుండా కథ చెప్పినా సరే ఇబ్బంది ఏం ఉండేది కాదు. తాంత్రిక విద్యలు, క్షుద్ర పూజలు లాంటి వాటి గురించి ప్రేక్షకులకు చెప్పనక్కర్లేదు. భయపెడితే చాలు. కానీ దర్శకుడు.. వాటి గురించి ఒక్కోటి వివరించుకుంటూ వెళ్లడం సాగదీతగా అనిపించింది. దీంతో 'తంత్ర'.. సీరియల్ కంటే స్లోగా సాగింది. సాధారణంగా హారర్ సినిమాలు అంటే ఇంట్రెస్టింగ్ అనిపించే ఓ సీన్‌తో మొదలవుతాయి. 'తంత్ర'లో అలాంటిదేం లేకుండా చాలా ఫ్లాట్‌గా స్టోరీ వెళ్తుంది. సెకండాఫ్‌లో వచ్చే ఫ్లాష్ బ్యాక్ ఎపిసోడ్ అయితే విసుగు తెప్పిస్తుంది. 'మా సినిమాకు పిల్ల బచ్చాలు రావొద్దు' అని.. మూవీ రిలీజ్‌కి కొన్నిరోజుల ముందు హడావుడి చేశారు. కాకపోతే ఒకటి రెండు సీన్లు తప్పితే పెద్దగా హారర్ ఎఫెక్ట్ అనిపించే సినిమా అయితే ఇది కాదు. ఎవరెలా చేశారు? రేఖగా ప్రధాన పాత్ర చేసిన అనన్య నాగళ్ల ఉన్నంతలో పర్వాలేదనిపించింది. అయితే ఈమెకి తగ్గ సీన్స్ పడలేదు. క్లైమాక్స్‌లో కాస్త స్కోప్ దక్కింది. తేజూగా చేసిన ధనుష్ రఘుముద్రి స్క్రీన్ ప్రెజెన్స్ బాగుంది. కాకపోతే ఇంకా ఇంప్రూవ్ కావాలి. రాజేశ్వరిగా ప్రత్యేక పాత్ర చేసిన సలోని.. ప్రేక్షకుల్ని సర్‌ప్రైజ్ చేసింది. ఎమోషనల్ సీన్స్ పడ్డాయి. కానీ ఆ పాత్రని ఇంకాస్త బలంగా రాసుకోవాల్సింది. మిగతా పాత్రధారులు తమ ఫరిది మేరకు నటించారు. దర్శకుడు శ్రీనివాస్ గోపిశెట్టి రాతలో విషయం ఉంది. కాకపోతే పేపర్ మీద రాసుకున్నది స్క్రీన్‌పైకి తీసుకొచ్చేసరికి అనుభవలేమి కనిపించింది. క్షుద్రపూజాల నేపథ్యంలో క్యూరియసిటీ పాయింట్ రాసుకున్నప్పటికీ.. తీసే విషయంలో తడబడ్డారు. సంగీత దర్శకుడు ఆర్ఆర్ ధృవన్.. పాటలు, నేపథ్య సంగీతం పెద్దగా ఎలివేట్ చేయలేకపోయాయి. అలా అని పూర్తి బాగోలేవని కూడా కాదు. నిర్మాణ విలువలు పర్వాలేదు. ఓవరాల్‌గా చెప్పుకొంటే 'తంత్ర'.. ప్రేక్షకుల్ని భయపెట్టలేకపోయింది.

రెండు తెలుగు రాష్ట్రాల ప్రజల్లో ప్రముఖ జ్యోతిష్కుడిగా వేణుస్వామికి ప్రత్యేక గుర్తింపు ఉంది. రాజకీయ, సినీ సెలబ్రిటీల జాతకాలు చెబుతూ ఆయన ఎప్పుడూ వార్తల్లో ఉంటారు. ఆయన చెప్పిన వాటిలో ఎక్కువ శాతం జరుగుతాయని కొందరు అభిప్రాయం. ఈ క్రమంలో తాజాగా టాలీవుడ్‌ హీరోయిన్‌ అనన్య నాగళ్ల కూడా వేణుస్వామి ఆశీర్వాదం తీసుకున్నారు. వకీల్‌ సాబ్‌ చిత్రం ద్వారా మరింత పాపులారిటీని సొంతం చేసుకున్న ఈ బ్యూటీ తంత్ర సినిమాతో ప్రేక్షకుల ముందుకు రానుంది. ఆమె ప్రధాన పాత్రలో నటించిన ‘తంత్ర' అనే హారర్ సినిమా విడుదలకు రెడీగా ఉంది. ఇప్పటికే ఈ సినిమా నుంచి విడుదలైన టీజర్, ట్రైలర్ ప్రేక్షకులను మెప్పించాయి. మార్చి 15న ఈ చిత్రం విడుదల కానుంది. ప్రస్తుతం మూవీ యూనిట్ ప్రమోషన్స్ లో బిజీగా ఉన్నారు.  ఇలాంటి సమయంలో అనన్య కూడా వేణుస్వామిని కలవడం సోషల్‌ మీడియాలో పెద్ద చర్చగా మారింది. ఆయనతో పాటుగా దిగిన ఫోటో ఇప్పుడు నెట్టింట తెగ వైరల్‌ అవుతుంది. గత కొన్నేళ్లుగా వేణు స్వామి ద్వారా పూజలు చేపించుకున్న హీరోయిన్ల లిస్ట్‌ చాలా ఎక్కువగానే ఉంది.  ర‌ష్మిక మంద‌న్న, నిధి అగ‌ర్వాల్, డింపుల్ హయాతి, అషురెడ్డి  వంటి వారు వేణు స్వామితో పూజలు చేపించారు. ప్రస్తుతం అనన్య నాగళ్ల కూడా ఆయన్ను కలవడంతో ఆమె కూడా ఏమైనా పూజలు చేపించారా అని పలు ప్రశ్నలు వస్తున్నాయి. ఒకవేళ త్వరలో తను నటించిన తంత్ర సినిమా విజయవంతం కావాలని ఆయన ఆశీర్వాదం తీసుకునేందుకు ఏమైనా వెళ్లారా అని నెటిజన్లు ఆరా తీస్తున్నారు. రీసెంట్‌గా హీరోయిన్‌ డింపుల్‌ హయాతితో మరోసారి వేణు స్వామి పూజలు జరిపించారు. మద్యం సీసాలు ఉంచి  పూజలో పాల్గొన్నారు. ఆ ఫోటోలు కూడా భారీగా నెట్టింట వైరల్‌ అయ్యాయి. తాను చేసే వామచార పూజలు, బాగాలమ్మకు,రాజ శ్యామల, తార, చిన్నమస్త.. ఇలా ప్రతి పూజకు లిక్కరే వాడతానని బహిరంగంగా చెప్పినట్లు బయట కథనాలు ఉన్నాయి. View this post on Instagram A post shared by TantraTheMovie (@tantrathemovie)

2019లో విడుదలైన 'మల్లేశం' సినిమాతో ఎంట్రీ ఇచ్చిన ముద్దుగుమ్మ, తెలుగమ్మాయి అనన్య నాగళ్ల. ఆ తర్వాత  పవన్​ కల్యాణ్​ చిత్రం 'వకీల్​ సాబ్'​తో మరింత ఫేమస్​ అయింది. గతేడాది సమంత లీడ్​ రోల్​ పోషించిన శాకుంతల చిత్రంలోనూ అనన్య ఓ పాత్రలో అభిమానులను మెప్పించింది. ప్రస్తుతం అనన్య ప్రధాన పాత్రలో వస్తోన్న హారర్ మూవీ తంత్ర. ఇందులో ధనుశ్ రఘుముద్రి హీరోగా నటిస్తున్నారు. ఈ చిత్రానికి శ్రీనివాస్ గోపిశెట్టి దర్శకత్వం వహిస్తున్నారు. ఇప్పటికే షూటింగ్‌ పూర్తి చేసుకున్న ఈ చిత్రం ఈనెల 15న ప్రేక్షకుల ముందుకు రానుంది. ఈ నేపథ్యంలో మూవీ ప్రమోషన్లతో బిజీగా ఉన్నారు చిత్రయూనిట్. తాజాగా ఓ ఇంటర్వ్యూకు హాజరైన అనన్య తన కెరీర్ పలు ఆసక్తికర విషయాలు పంచుకుంది. తనకు కాబోయేవాడు ఎలా ఉండాలో చెప్పుకొచ్చింది. అంతే కాదు టాలీవుడ్‌ యంగ్ హీరో అంటే క్రష్ అని ఓపెన్ అయింది ముద్దుగుమ్మ. ఆ వివరాలేంటో చూద్దాం.  (ఇది చదవండి: అనన్య నాగళ్ల కొత్త మూవీ.. సాంగ్ రిలీజ్‌ చేసిన మంగళవారం బ్యూటీ!) అనన్య మాట్లాడుతూ.. 'తనకు కాబోయేవాడు నిజాయితీగా ఉంటే చాలు. అలాంటి వాడైతే ఓకే. సరైన వ్యక్తి కోసం వెతుకుతున్నా. ఇండస్ట్రీ వాళ్లయితే కొంచెం కష్టం. ఇద్దరి మధ్య భేదాభిప్రాయాలు రావొచ్చు. సినిమా వాళ్లకు ఎక్కువ ఆప్షన్స్ ఉంటాయి. ఇండస్ట్రీలో నా ఫస్ట్ క్రష్ నాగశౌర్య. నా చిన్నప్పుడు అల్లు అర్జున్, మహేశ్ బాబు, ప్రభాస్‌ను అంటే చాలా ఇష్టం. వాళ్ల సినిమాలు చూస్తూ పెరిగా. నాకు ఇంతవరకు ఎవరు ప్రపోజ్ చేయలేదు. ఇండస్ట్రీ వాళ్లను చూస్తే కమిట్ అయి ఉంటారని అనుకుంటారు. కానీ నేను మాత్రం కమిటేడ్ కాదు. అంతేకాదు నాకు ఇండస్ట్రీలో క్యాస్టింగ్ కౌచ్ అనుభవం ఎదురవ్వలేదు ' అని ‍అన్నారు. 

మల్లేశం మూవీతో తెలుగు చిత్రపరిశ్రమకు పరిచయమైంది అనన్య నాగళ్ల. ఒక్క సినిమాతోనే పేరు తెచ్చుకున్న ఈ సుందరాంగి వరుస అవకాశాలు అందుకుంది. ప్లే బ్యాక్‌, వకీల్‌ సాబ్‌, మాస్ట్రో, మళ్లీ పెళ్లి.. ఇలా అనేక సినిమాలు చేసింది. అందంతో ఆకట్టుకున్న ఈ బ్యూటీ ఈసారి తంత్ర అనే హారర్‌ మూవీతో భయపెట్టేందుకు రెడీ అయింది. ఈ సినిమాతో పాటు పొట్టేల్‌ అనే మూవీ కూడా పూర్తి చేసింది. ఇది రిలీజ్‌కు రెడీ అవుతోంది. ఇకపోతే బోల్డ్‌ సన్నివేశాలకు తాను దూరమని చెప్పిన అనన్య పొట్టేలు చిత్రంలో మాత్రం హద్దులు చెరిపేసి యాక్ట్‌ చేసింది. సినిమాకు అవసరం, అందుకే.. తంత్ర సినిమా ట్రైలర్‌ లాంచ్‌ ఈవెంట్‌లో అనన్యకు 'పొట్టేల్‌'లోని ముద్దు సన్నివేశం గురించి ప్రశ్న ఎదురైంది. అలాంటి సన్నివేశాలు తంత్రలో కూడా ఉంటాయా? అని ఓ విలేఖరి ప్రశ్నించాడు. ఇందుకు అనన్య స్పందిస్తూ.. 'ముద్దు సన్నివేశమనేది ఆ సినిమాకు చాలా అవసరం. అందుకని చేయాల్సి వచ్చింది. ఈ సినిమాలో గ్లామర్‌, రొమాంటిక్‌ సీన్స్‌, హారర్‌.. అన్నీ ఉన్నాయి. అర్థం చేసుకోవడానికి సమయం పట్టింది ప్రతి ఆరు నెలలకు ఒకసారి మనిషి ఆలోచనల్లో మార్పులు వస్తుంటాయి. ఆ మార్పు లేకపోతే మన ఎదుగుదల ఆగిపోతుంది. ఇండస్ట్రీకి వచ్చిన తొలినాళ్లలో నేను ఎలా ఉన్నా మంచి రోల్స్‌ నా దగ్గరకు వస్తాయనుకున్నాను. పర్ఫామెన్స్‌ చేస్తే చాలనుకున్నాను. కానీ.. పర్ఫామెన్స్‌లో ఈ తరహా రోల్స్‌ కూడా భాగమేనని అర్థం చేసుకోవడానికి కాస్త సమయం పట్టింది' అని చెప్పుకొచ్చింది. అంటే కథ డిమాండ్‌ చేస్తే ఎటువంటి బోల్డ్‌ సీన్స్‌ చేయడానికైనా రెడీ అని చెప్పకనే చెప్పింది అనన్య. చదవండి: 'అవును.. ఊహించిందే జరిగింది'.. ప్రెగ్నెన్సీ ప్రకటించిన దీపికా పదుకొణె!

అనన్య నాగళ్ల లీడ్‌ రోల్‌లో నటించిన తాజా చిత్రం ‘తంత్ర’. ఈ హారర్‌ చిత్రానికి శ్రీనివాస్ గోపిశెట్టి దర్శకత్వం వహిస్తున్నారు. ఫస్ట్‌ కాపీ మూవీస్, బి ద వే ఫిల్మ్స్, వైజాగ్‌ ఫిల్మ్‌ ఫ్యాక్టరీపై నరేష్‌ బాబు పి, రవి చైతన్య నిర్మించారు. తాజాగా ఈ మూవీ ట్రైలర్‌ను మేకర్స్ రిలీజ్ చేశారు. ఈ చిత్రంలో పల్లెటూరి అమ్మాయిగా, క్షుద్రపూజలకి గురైన బాధితురాలిగా అనన్య నాగళ్ల కనిపించనున్నారు. హారర్‌ నేపథ్యంతో రూపొందించిన ఈ చిత్రంపై ప్రేక్షకుల్లో భారీ అంచనాలు నెలకొన్నాయి. తాజాగా రిలీజైన ట్రైలర్ చూస్తే క్షుద్రపూజలు నేపథ్యంలోనే తెరకెక్కించినట్లు తెలుస్తోంది. ఓ యువతిపై క్షుద్రపూజలు ప్రయోగిస్తే ఏమవుతుంది? అనే కోణంలో తంత్రను రూపొందించారు. ట్రైలర్‌ చూస్తే హారర్‌ జానర్‌లో ఓ డిఫరెంట్‌ కాన్సెప్ట్‌ చూపించనున్నట్లు కనిపిస్తోంది. కాగా.. ఇప్పటికే షూటింగ్ పూర్తి చేసుకున్న ఈ చిత్రం మార్చి 15న ప్రేక్షకుల ముందుకు రానుంది. ఈ మూవీలో ధనుష్‌ రఘుముద్రి, సలోని, ‘టెంపర్‌’ వంశీ, మీసాల లక్ష్మణ్, కుశాలిని కీలక పాత్రల్లో నటించారు. ఈ మూవీకి ఆర్‌ఆర్‌ ధృవన్‌ సంగీతమందించారు. 

అనన్య నాగళ్ల లీడ్‌ రోల్‌లో నటించిన ‘తంత్ర’ చిత్రం విడుదల తేదీ ఖరారు అయింది. మార్చిలో ఈ సినిమాని రిలీజ్‌ చేయనున్నట్లు చిత్రయూనిట్‌ ప్రకటించింది. శ్రీనివాస్‌ గోపిశెట్టి దర్శకత్వం వహించిన ఈ మూవీలో ధనుష్‌ రఘుముద్రి, సలోని, ‘టెంపర్‌’ వంశీ, మీసాల లక్ష్మణ్, కుశాలిని కీలక పాత్రల్లో నటించారు. ఫస్ట్‌ కాపీ మూవీస్, బి ద వే ఫిల్మ్స్, వైజాగ్‌ ఫిల్మ్‌ ఫ్యాక్టరీపై నరేష్‌ బాబు పి, రవి చైతన్య నిర్మించారు. ఈ మూవీని మార్చి 15న విడుదల చేయనున్నట్లు పోస్టర్‌ని రిలీజ్‌ చేశారు మేకర్స్‌. ‘‘హారర్‌ నేపథ్యంతో రూపొందిన ‘తంత్ర’ చిత్రం ప్రేక్షకులను థ్రిల్‌ చేస్తుందనే నమ్మకం ఉంది. పల్లెటూరి అమ్మాయిగా, క్షుద్రపూజలకి గురైన బాధితురాలిగా అనన్య నాగళ్ల చక్కగా నటించారు’’ అన్నారు దర్శక–నిర్మాతలు. ఈ చిత్రానికి సహ నిర్మాత: తేజ్‌ పల్లి, కెమెరా: సాయిరామ్‌ ఉదయ్, విజయ భాస్కర్‌ సద్దాల, సంగీతం: ఆర్‌ఆర్‌ ధృవన్‌.

హీరోయిన్ అన‌న్య నాగ‌ళ్ల ప్ర‌ధాన పాత్ర‌లో న‌టించిన హార‌ర్ మూవీ తంత్ర‌. ఈ సినిమాకు సెన్సార్‌వాళ్లు A సర్టిఫికేట్ ఇవ్వ‌డంతో 'తంత్ర' టీమ్ డిఫరెంట్‌గా రియాక్ట్ అయింది. మా సినిమాకి పిల్ల బచ్చాలు రావద్దని హెచ్చరిస్తూ 'A' ని పెద్దగా హైలైట్ చేస్తూ పోస్టర్ రిలీజ్ చేసిం. నిజానికి ఇదొక  సరికొత్త ప్రమోషనల్ స్ట్రాటజీ. త‌మ సినిమా క‌చ్చితంగా భ‌య‌పెడుతుంద‌న్న న‌మ్మ‌కమున్న మేక‌ర్స్‌ తమ సినిమాకి చిన్నపిల్లలు రావొద్దని వారిస్తున్నారు. ఇప్ప‌టికే విడుద‌లైన టీజ‌ర్‌లో హీరోయిన్ అనన్య నాగళ్ల పల్లెటూరి అమ్మాయిగా, క్షుద్రపూజలకి గురైన బాధితురాలిగా చూపించారు. అనన్య నాగళ్లకి జోడీగా శ్రీహరి ఫ్యామిలీ నుంచి వచ్చిన ధనుష్ రఘుముద్రి న‌టించాడు. మర్యాద రామన్న ఫేం సలోని, టెంపర్ వంశీ, మీసాల లక్ష్మణ్ ముఖ్య‌పాత్ర‌లు పోషించారు. శ్రీకాకుళం జిల్లాలోని మారుమూల గ్రామం నుంచి వచ్చిన ద‌ర్శ‌కుడు శ్రీనివాస్ గోపిశెట్టి.. వాల్ట్‌డిస్నీలో పనిచేసే స్థాయికి ఎదిగి, సినిమా తీయాలన్న తన లక్ష్యాన్ని 'తంత్ర 'తో సాధించాడు. ఈ సినిమా ట్రైలర్‌ను త్వరలోనే విడుదల చేస్తామని నిర్మాతలు నరేష్ బాబు, రవిచైతన్య పేర్కొన్నారు. మనమంతా నిద్రపోయాక స్మశానంలో మరో ప్రపంచం మేల్కొంటుంది! ఆ ప్రపంచాన్ని చూసే ధైర్యం మీకుందా?.. థియేటర్లో కలుద్దాము!🔥#Tantra is coming to scare you all in cinemas from MARCH 15th❤️‍🔥#TANTRAOnMarch15 pic.twitter.com/5Yvz49GGKp — Eluru Sreenu (@IamEluruSreenu) February 20, 2024 చ‌ద‌వండి: ష‌ణ్ముఖ్ అన్న‌ ఆరు రోజుల్లో పెళ్లి పెట్టుకుని ఇంకో అమ్మాయితో..

టాలీవుడ్‌లో 2019లో విడుదలైన 'మల్లేశం' సినిమాతో ఎంట్రీ ఇచ్చిన ముద్దుగుమ్మ అనన్య నాగళ్ల. ఆ తర్వాత  పవన్​ కల్యాణ్​ చిత్రం 'వకీల్​ సాబ్'​తో మరింత ఫేమస్​ అయింది. గతేడాది సమంత లీడ్​ రోల్​ పోషించిన శాకుంతల చిత్రంలోనూ అనన్య ఓ పాత్రలో మెరిసింది. తాజాగా అనన్య నాగళ్ల హీరోయిన్‌గా నటిస్తోన్న చిత్రం 'తంత్ర'. ఇందులో ధనుశ్ రఘుముద్రి హీరోగా నటిస్తున్నారు. ఈ చిత్రానికి శ్రీనివాస్ గోపిశెట్టి దర్శకత్వం వహిస్తుండగా..  ఫస్ట్ కాపీ మూవీస్, బి ద వే ఫిల్మ్స్ బ్యానర్లపై నరేష్ బాబు, రవిచైతన్య నిర్మిస్తున్నారు. తాజాగా ఈ చిత్రం నుంచి ధీరే ధీరే అంటూ సాగే ఫస్ట్ లిరికల్ సాంగ్‌ రిలీజ్‌ చేశారు మేకర్స్. మంగళవారం బ్యూటీ పాయల్ రాజ్‌పుత్‌, అనసూయ చేతుల మీదుగా విడుదల చేశారు.   డైరెక్టర్‌ శ్రీనివాస్ గోపిశెట్టి మాట్లాడుతూ.. 'గతంలో మేం రిలీజ్ చేసిన ఫస్ట్ లుక్‌, టీజర్‌కు కూడా అద్భుతమైన రెస్పాన్స్ వచ్చింది. అతి త్వరలో ట్రైలర్ రిలీజ్ చేయబోతున్నాం. ఈ సాంగ్ రిలీజ్ చేసిన పాయల్ రాజ్‌పుత్, అనసూయ ప్రత్యేక కృతజ్ఞతలు' అని అన్నారు. నిర్మాతలు మాట్లాడుతూ.. ఫస్ట్-లుక్, టీజర్‌కి వస్తున్న ఆదరణ మాకు చాలా ఉత్సాహాన్నిచ్చింది. ప్రేక్షకులు ఈ సినిమాను మంచి సక్సెస్ చేయాలని కోరుకుంటున్నాం' అని తెలిపారు. కాగా.. ఈ చిత్రంలో సలోని, టెంపర్ వంశి, మీసాల లక్ష్మణ్, కుషాలిని, మనోజ్ ముత్యం, శరత్ బరిగెల కీలక పాత్రల్లో నటిస్తున్నారు. ఈ సినిమాకు ఆర్ ఆర్ ధృవన్ సంగీతమందిస్తున్నారు.  Happy to launch "Dheere-Dheere" song from @TantraTheMovie making visuals 😊 Very breezy and authentic! Best wishes to the entire team @AnanyaNagalla @srini_gopisetti @rrdhruvan @anuragkulkarni_ @veerapanenisc #DheereDheere #TantraFilm #AnasuyaBharathwajWishes #AnanyaNagalla… pic.twitter.com/BLpkZmdBSQ — Anasuya Bharadwaj (@anusuyakhasba) January 12, 2024

‘కాలగర్భంలో కలిసిపోయిన మన తాంత్రిక శాస్త్రాన్ని తెరిస్తే అందులో ఊహకందని రహస్యాలెన్నో!’ అనే వాయిస్‌ ఓవర్‌తో మొదలవుతుంది ‘తంత్ర’ సినిమా టీజర్‌. శ్రీహరి తమ్ముడి కొడుకు ధనుష్‌ రఘుముద్రి హీరోగా పరిచయం అవుతున్న ఈ సినిమాలో అనన్యా నాగళ్ల, సలోని, ‘టెంపర్‌’ శీను ఇతర ప్రధాన పాత్రధారులు. శ్రీనివాస్‌ గోపిశెట్టి దర్శకత్వంలో నరేశ్‌బాబు. పి, రవి చైతన్య నిర్మిస్తు్తన్న ఈ సినిమా టీజర్‌ విడుదలైంది. ‘‘ఇందులో దుష్టశక్తి బారిన పడిన అమ్మాయి పాత్రలో అనన్య, తాంత్రికుడిగా ‘టెంపర్‌ శీను’, ఓ మిస్టీరియస్‌ పాత్రలో సలోని కనిపిస్తారు’’ అని యూనిట్‌ పేర్కొంది.

హీరోయిన్‌ సలోని గుర్తుందా..? అదేనండి ‘మర్యాద రామన్న’లో హీరో సునీల్‌ సరసన నటించి, తనదైన అందంతో ఆకట్టుకుంది. ఈ ఒక్క చిత్రంతో సలోనికి తెలుగులో మంచి గుర్తింపు లభించింది. ఆ తర్వాత ‘బాడీగార్డ్‌’చిత్రంతో పాటు పలు సినిమల్లో స్పెషల్‌ సాంగ్స్‌లో నటించి మెప్పించింది. చివరగా రేసుగుర్రం చిత్రంలో అతిథి పాత్రలో మెప్పించిన ఈ బ్యూటీ.. తెలుగు సినిమాలకు కొంత గ్యాప్‌ ఇచ్చింది. చాలా కాలం తర్వాత ‘తంత్ర’ చిత్రంతో మళ్లీ తెలుగులోకి రీఎంట్రీ ఇస్తుంది. ‘మల్లేశం’, ‘వకీల్‌సాబ్‌’ చిత్రాల ఫేం అనన్య నాగళ్ల ప్రధాన పాత్ర పోషిస్తున్న ఈ చిత్రంలో సలోని ఓ కీలక పాత్ర పోషించనున్నారు. ఫస్ట్‌ కాపీ మూవీస్‌, బి ద వే ఫిల్మ్స్‌, వైజాగ్  ఫిల్మ్‌ ఫ్యాక్టరీ సంస్థలు సంయుక్తంగా నిర్మిస్తున్న ఈ చిత్రంతో శ్రీనివాస్‌ గోపిశెట్టి అనే కొత్త దర్శకుడు పరిచయం అవుతున్నారు. హారర్‌ థ్రిల్లర్‌గా రూపొందుతున్న ఈ చిత్రం పోస్టర్‌ను నిర్మాణ సంస్థ విడుదల చేయగా చక్కని స్పందన వచ్చింది. భయంకరమైన క్షుద్రశక్తులు అనన్యని పీడిస్తున్నట్టుగా కనపడుతున్న పోస్టర్‌ ఆసక్తికరంగా ఉంది. ‘మగధీర’లో షేర్‌ఖాన్‌ లాంటి ఎన్నో వైవిధ్యమైన పాత్రలతో మెప్పించిన  దివంగత నటుడు శ్రీహరి తమ్ముడి కొడుకు ధనుష్‌ ఈ చిత్రంతో హీరోగా పరిచయమవుతున్నాడు.  ఈ మేరకు దర్శనిర్మాతలు మాట్లాడుతూ  ‘‘ఫీమేల్‌ ఓరియెంటెడ్‌ లైన్‌తో రూపొందుతున్న హారర్‌ ఎంటర్‌టైనర్‌ ఇది. భారతీయ తాంత్రిక శాస్త్రం, పురాణగాఽథల నేపథ్యంలో ఆద్యంతం ఉత్కంఠగా స?గుతుంది. తంత్ర శాస్ర్తానికి చెందిన విస్తు గొలిపే రహస్యాలను ఈ చిత్రం ద్వారా చెప్పబోతున్నాం. ఇందులో అనన్య నాగళ్లతోపాటు ‘మర్యాదరామన్న’ ఫేం సలోని కీ రోల్‌ పోషిస్తున్నారు. గాళ్‌ నెక్ట్స్‌ డోర్‌ రోల్‌తోపాటు గ్లామర్‌ పాత్రలతోనూ మెప్పించిన సలోని ఇందులో డిఫరెంట్‌గా కనిపిస్తారు. నటనకు ఆస్కారమున్న పాత్ర అది. ఇటీవల అనన్యా, సలోని, హీరోపై కీలక సన్నివేశాలను చిత్రీకరించాం. అవుట్‌పుట్‌బాగా వచ్చింది. ఈ చిత్రం టీమ్‌ అందరికీ మంచి పేరు తీసుకురావడంతోపాటు సలోనికి మంచి కమ్‌బ్యాక్‌ అవుతుంది’’ అని తెలిపారు.  

'మల్లేశం', 'వకీల్‌సాబ్‌' చిత్రాల ఫేం అనన్య నాగళ్ల కీలక పాత్రలో నటిస్తోన్న తాజా చిత్రం ‘తంత్ర’. హారర్‌ థ్రిల్లర్‌గా రూపొందుతున్న ఈ చిత్రం పోస్టర్‌ను మేకర్ రిలీజ్ చేశారు. అతి భయంకరమైన క్షుద్రశక్తులు.. అనన్యని పీడిస్తున్నట్టుగా కనపడుతున్న పోస్టర్‌ ఈ సినిమాపై అంచనాలు మరింత పెంచుతోంది. అనన్య నాగళ్ల పుట్టినరోజు సందర్భంగా చిత్రబృందం పోస్టర్‌ విడుదల చేసింది. టాలీవుడ్ స్టార్‌, దివంగత నటుడు శ్రీహరి తమ్ముడి కొడుకు ధనుష్‌ ఈ చిత్రంతో హీరోగా పరిచయమవుతున్నాడు. మరో కీలక పాత్రలో ‘మర్యాదరామన్న’ ఫేం సలోని ఈ సినిమా ద్వారా రీ ఎంట్రీ ఇస్తోంది.  (ఇది చదవండి: ప్రియుడితో ఎంగేజ్‍మెంట్‌ చేసుకున్న స్టార్ డైరెక్టర్ కూతురు!) మన తంత్ర శాస్త్రానికి చెందిన విస్తు గొలిపే రహస్యాలు ఈ మూవీ ద్వారా చెప్పబోతున్నట్లు చిత్ర బృందం పేర్కొంది. ఫస్ట్‌ కాపీ మూవీస్‌, బి ద వే ఫిల్మ్స్‌, వి ఫిల్మ్‌ ఫ్యాక్టరీ సంస్థలు సంయుక్తంగా నిర్మిస్తున్నారు. కాగా.. ఈ చిత్రంతో శ్రీనివాస్‌ గోపిశెట్టి దర్శకుడిగా పరిచయమవుతున్నాడు. లేడీ ఓరియెంటెడ్ చిత్రంగా రూపొందుతున్న హారర్‌ చిత్రం కావడంతో అభిమానుల్లో ఆసక్తి నెలకొంది.  తాంత్రిక శాస్త్రం, పురాణగాధల నేపథ్యంలో ఆద్యంతం ఉత్కంఠగా సాగుతుందని దర్శకనిర్మాతలు తెలిపారు. ఈ చిత్రంలో టెంపర్‌ వంశీ, మీసాల లక్ష్మణ్ ప్రధాన పాత్రలు పోషిస్తుండగా.. ఆర్‌ఆర్‌ ధృవన్‌ సంగీతమందిస్తున్నారు.  (ఇది చదవండి: నంది అవార్డ్స్ వివాదం.. ఆయన మధ్యలోకి ఎంటర్ కావడంతో!) View this post on Instagram A post shared by FIRSTCOPY MOVIES (@firstcopymovies)


 రంగారెడ్డి జిల్లా: మూఢ విశ్వాసాలు, బాణామతులపై ప్రజల్లో చైతన్యం కల్పించాల్సిన అధికారులకే..వాటిని నమ్మే పరిస్థితి రంగారెడ్డి జిల్లాలో చోటుచేసుకుంది. అందుకు మంచాల తహసీల్ధార్ కార్యాలయమే వేదికైంది. తహశీల్దార్ కార్యాలయానికే ఏదో దిష్టి తగిలిందని అధికారులు, సిబ్బంది భావించారు. దీంతో నర దిష్టి పోవడానికి ఏకంగా కార్యాలయానికే అధికారులు తంత్రం కట్టారు. ఇది చూసిన జనాలు ఏమిటి విచిత్రమని ఆశ్చర్యం వ్యక్తం చేస్తున్నారు.