నీతా గత జీవితంలోకి తొంగిచూస్తే ‘బాధలు’ ‘కష్టాలు’ తప్ప ఏమీ కనిపించనంత చీకటి. నీతా చిన్న వయసులో ఉన్నప్పుడే తల్లి చనిపోయింది. తండ్రి తాగుబోతు. ఆయన పెట్టే హింస భరించలేక అమ్మమ్మ వాళ్ల ఇంటికి పారిపోయి అక్కడే ఉంది. 14 సంవత్సరాల వయసులో 22 ఏళ్ల వ్యక్తితో నీతాకు పెళ్లి జరిగింది. పరిస్థితి పెనం నుంచి పొయ్యిలో పడ్డట్టు అయింది. భర్త తాగుబోతు. రకరకాలుగా హింస పెట్టేవాడు. భర్త పెట్టే బాధలు భరించలేక అతడి నుంచి వేరుపడింది. ముగ్గురు పిల్లలు తనతో పాటే ఉన్నారు. చిన్నాచితకా పనులు చేస్తూనే ఆగిపోయిన చదువును కొనసాగించింది. పిల్లలతో పాటు చదువుకుంది. ‘నీకు ఏ పనీ చేతకాదు’ అని భర్త ఎప్పుడూ తిట్టేవాడు. దీన్ని దృష్టిలో పెట్టుకొని స్కూటర్‌ నడపడం నేర్చుకుంది. ఆ తరువాత వ్యాన్, బస్‌ డ్రైవింగ్‌లను నేర్చుకుంది.   ఒక్కొక్క మెట్టు ఎక్కుతూ ఇప్పుడు ముంబయిలో 13 బస్సులకు యజమాని అయింది. ముగ్గురు పిల్లలు బాగా చదువుకుంటున్నారు. కుమారుడు కెనడాలో ఉంటున్నాడు. స్టోరీ టెల్లింగ్‌ ప్లాట్‌ఫామ్‌ ‘హ్యూమన్స్‌ ఆఫ్‌ బాంబే’ నీతా స్టోరీని ఇన్‌స్టాగ్రామ్‌లో పోస్ట్‌ చేసింది. ఆన్‌లైన్‌లో ఈ ఇన్‌స్పైరింగ్‌ స్టోరీ వైరల్‌గా మారింది. ‘నేను ఎన్నోసార్లు నీతా ట్రావెల్‌ బస్సులలో ప్రయాణం చేశాను. ఆమె వెనుక ఇన్ని కష్టాలు ఉన్నాయని తెలియదు. ఎంతోమంది మహిళలకు స్ఫూర్తిని ఇచ్చే స్టోరీ ఇది’ అని ఇన్‌స్టాగ్రామ్‌ యూజర్‌ ఒకరు స్పందించారు.

త్రివేండ్రం: కస్టమర్స్‌ను ఆకర్షించడానికి వచ్చిన ఎలాంటి అవకాశాన్ని వదులుకోవట్లేదు వ్యాపారస్థులు. ఇటీవల రూపాయి పతనాన్ని కూడా తమ బ్రాండ్‌ ప్రచారానికి ఉపయోగించుకుంది డ్యూరెక్స్‌ ఇండియా కండోమ్ కంపెనీ‌. ఈ యాడ్‌ సోషల్‌ మీడియాలో తెగవైరల్‌ అయిన విషయం తెలిసిందే. ఇప్పుడు ఈ తరహాలోనే కేరళకు చెందిన ఓ ట్రావెల్‌ కంపెనీ వినూత్నంగా ఆలోచించి కస్టమర్లను ఆకర్షిస్తోంది.  ఏకంగా బస్సుపై పోర్న్‌స్టార్ల చిత్రాలను పెట్టేసింది. త్రివేండ్రంకు చెందిన చీకూస్‌ టూర్స్‌ అండ్‌ ట్రావెల్స్‌ కంపెనీ.. సంస్థకు చెందిన అన్ని బస్సులపైనా సన్నీ లియోన్, మియా ఖలీఫా, కీరన్ లీ వంటి పోర్న్‌స్టార్ల ఫొటోలను అతికించింది. అంతే, ఒక్కసారిగా వారి బస్సులకు డిమాండ్ పెరిగిపోయింది. పోర్న్ స్టార్ల ఫొటోలతో అందంగా ముస్తాబై రోడ్డుపై వెళ్తున్న బస్సులను చూసేందుకు కూడా జనాలు ఎగబడుతున్నారట. కేరళకే చెందిన ఓ వ్యక్తి ఈ బస్సుల ఫొటోలు తీసి ‘కేరళలోని బస్సులు.. సీరియస్‌గా తీసుకోవద్దు’ అని ట్విటర్‌లో పోస్టు చేయడంతో వైరల్ అయ్యాయి. అయితే ఈ పోస్ట్‌కు పోర్న్‌ స్టార్‌ కీరన్‌ లీ స్పందిస్తూ   ‘ఆకట్టుకునేలా’  ఉందనడం ఇక్కడ విశేషం. Impressive — Keiran Lee (@KeiranLee) 30 June 2018 చదవండి: రూపాయి పతనం.. కండోమ్‌ యాడ్‌ వైరల్‌ 

సాక్షి, హైదరాబాద్‌: తెలంగాణ రాష్ట్ర వ్యాప్తంగా ప్రైవేటు బస్సులపై ఆర్టీఏ అధికారులు తనిఖీలు చేపట్టారు. ఈ తనిఖీల్లో నిబంధనలకు విరుద్ధంగా తిరుగుతున్న 60 బస్సులపై కేసులు నమోదు చేశారు. గద్వాల జిల్లా అలంపూర్‌ వద్ద జరిపిన తనిఖీల్లో సరైన ప్రమాణాలు పాటించని 30 బస్సులపై, హైదరాబాద్‌ శివార్లలో మరో 30 బస్సులపై అధికారులు కేసులు నమోదయ్యాయి.  


 హైదరాబాద్‌: అనుమతి లేకుండా అక్రమంగా ప్రయాణికులను చేరవేస్తున‍్న ప్రైవేటు బస్సులపై ఆర్టీఏ అధికారులు దాడులు నిర్వహించారు. నిబంధనలు ఉల్లంఘించిన 10 ప్రైవేటు బస్సులను సోమవారం ఉదయం సీజ్‌ చేశారు, మరో పది బస్సులపై కేసులు నమోదుచేశారు. హయాత్‌నగర్‌ వద‍్ద విజయవాడ జాతీయ రహదారిపై అక్రమంగా తిరుగుతున‍్న ప్రైవేట్‌ ట్రావెల్‌స బస్సులపై ఉప‍్పల్‌ ఆర్టీఏ అధికారులు దాడులు నిర‍్వహించారు.
  


 ఎల్బీనగర్: రవాణా శాఖ అధికారులు మరోసారి ప్రైవేటు బస్సులపై కొరడా ఝుళిపించారు. ఎల్బీ నగర్ రింగ్ రోడ్డు సమీపంలో బుధవారం తెల్లవారుజామున తనిఖీలు చేపట్టారు. ఈ సందర్భంగా నిబంధనలకు విరుద్ధంగా తిరుగుతున్న 21 బస్సులను సీజ్ చేసి కేసులు నమోదు చేశారు.


 అమలాపురం టౌన్, న్యూస్‌లైన్ : ఆర్టీఏ అధికారులు రాష్ట్రవ్యాప్తంగా ట్రావెల్స్ బస్సులను విస్తృతంగా తనిఖీ చేసి, నిబంధనలకు విరుద్ధంగా ఉన్న వాటిని సీజ్ చేస్తుండడంతో జిల్లాలో దాదాపు 70 సర్వీసులు నిలిచిపోయినట్టు తెలిసింది. టూరిస్ట్ అనుమతి ముసుగులో స్టేజి క్యారియర్లగా హైదరాబాద్‌కు బస్సులను నడుపుతూ, వాహన చట్టాన్ని అతిక్రమిస్తున్నందున ఆర్టీఏ అధికారులు కేసులు నమోదు చేయడంతో పాటు జరిమానాలు విధిస్తూ.. బస్సులను సీజ్ చేస్తున్న పరిణామాలు వాటి యాజమానులను ఆందోళనకు గురిచేస్తున్నాయి.
 
  అమలాపురం నుంచి రోజూ హైదరాబాద్‌కు వెళ్లే 25 బస్సులను సోమవారం నిలిపేశారు. ముందే బుక్ చేసుకున్న ప్రయాణికులకు బస్సులను నిలిపివేసిన సమాచారాన్ని ఫోన్లు చేసి చెబుతున్నారు. ఈ రోజు బస్సు అనివార్య కారణాల వల్ల హైదరాబాద్‌కు వెళ్లడం లేదని, ప్రత్యామ్నాయ ఏర్పాట్లు చేసుకోవాలని ప్రయాణికులను అభ్యర్థిస్తున్నారు. దీంతో ప్రయాణికులు చేసేది లేక ప్రత్యామ్నాయ ఏర్పాట్లపై దృష్టి సారిస్తున్నారు. ఆర్టీసీని నష్టాల నుంచి బయటకు తెచ్చేందుకు, పాలెం సంఘటన నేపథ్యంలో ప్రభుత్వం ప్రైవేట్ బస్సులను అదుపు చేసేందుకు కఠినంగా వ్యవహరిస్తుండడం వల్లే ఈ పరిస్థితి తలెత్తిందని ప్రైవేట్ ట్రావెల్స్ సంస్థలు విలవిల్లాడుతున్నాయి.
 
  జిల్లావ్యాప్తంగా నిత్యం హైదరాబాద్‌కు ట్రావెల్స్ బస్సులు దాదాపు 110 ప్రయాణిస్తుంటాయి. ఇవన్నీ టూరిస్ట్ అనుమతితో ఒకచోట నుంచి మరో చోటకు నేరుగా ప్రయాణికులను తీసుకెళ్లే పద ్ధతిలో పన్ను చెల్లిస్తారు. అయితే స్టేజి కేరియర్లుగా నాలుగైదు చోట్ల ప్రయాణికులను ఎక్కించుకుని, ఆర్టీసీలా సొమ్ము చేసుకుంటున్నారు.
 జిల్లా నుంచి ప్రయాణించే వాటిలో సోమవారం దాదాపు 70 బస్సులను నిలిపేశారు. సంక్రాంతి పండగల సీజన్‌తో ప్రైవేట్ హైటెక్ బస్సులన్నీ టికెట్‌కు అధిక ధర వసూలు చేసి, నిబంధలనకు విరుద్ధంగా నడుపుతారని ఆర్టీఏ అధికారులు నిఘా పెట్టడంతో, ఈ సమాచారాన్ని ముందే పసిగట్టిన ట్రావెల్స్ యాజమానులు బస్సులను ఎక్కడికక్కడ నిలిపివేశారు. జిల్లాకు చెందిన మరికొన్ని బస్సులను మార్గమధ్యంలోనే నిలిపివేస్తున్నారు. హైదరాబాద్ నుంచి జిల్లాకు రావాల్సిన కొన్ని బస్సులను కూడా అక్కడే నిలిపేశారు. ఒకటి అరా ట్రావెల్స్ సంస్థలు మాత్రం తమ బస్సులను ధైర్యం చేసి వేరే మార్గాల్లో నడిపేందుకు ఏర్పాట్లు చేసుకున్నాయి.
  


 శంషాబాద్, న్యూస్‌లైన్: ఇటీవల వోల్వో బస్సుల్లో తరచూ ప్రమాదాలు జరుగుతున్న నేపథ్యంలో ఆర్టీఏ అధికారులు తనిఖీలు కొనసాగిస్తున్నారు. శుక్రవారం ఉదయం గగన్‌పహాడ్ చౌరస్తా వద్ద ప్రైవేట్ ట్రావెల్స్ బస్సులను నిలిపి తనిఖీలు చేశారు. మొత్తం పన్నెండు బస్సులను సీజ్ చేసినట్లు అధికారులు వెల్లడించారు. బస్సుల్లో సామర్థ్యానికి మించి ప్రయాణికులను తరలిస్తున్నారని, కొన్ని బస్సుల్లో నిబంధనలకు విరుద్ధంగా ఒకే డ్రైవర్ ఉండడంతో సీజ్ చేశారు. అధికారులు వాహనాలను సీజ్ చేయడంతో బస్సుల్లో ఉన్న కొందరు ప్రయాణికులు వారితో తీవ్ర వాగ్వాదానికి దిగారు. తనిఖీలతో తాము తీవ్ర ఇబ్బందులకు గురవుతున్నామని వారు వాపోయారు.