కర్బన ఉద్గారాల స్కాంకు పాల్పడి ప్రపంచాన్నే మోసం చేసిన జర్మన్ కార్ల తయారీ దారి ఫోక్స్వాగన్కు స్వదేశంలో భారీ షాక్ తగిలింది. ఫోక్స్వాగన్ ఏజీ పెట్టుబడిదారులు ఆ కంపెనీ నుంచి 9.2 బిలియన్ డాలర్ల(రూ.61,662 కోట్లకు పైగా) నష్టపరిహారం కోరుతూ దావా దాఖలు చేశారు. కంపెనీ ఈ స్కాంను బయటపెట్టడంలో ఫోక్స్వాగన్ జాప్యం చేసినందున్న వారికి తీవ్ర నష్టం వాటిల్లిందని జర్మన్ పెట్టుబడిదారులు ఈ దావాలో ఆరోపించారు. అయితే ఈ ఆరోపణలను ఫోక్స్వాగన్ ఖండిస్తోంది. ఈ దావాతో బ్రౌంస్చ్వేగ్ ప్రాంతీయ కోర్టులో మొత్తం 1,400 దావాలు పెండింగ్లో ఉన్నాయి.  
  
 2015 సెప్టెంబర్ 18న ఈ స్కాం బయటికి పొక్కింది. ఫోక్స్వాగన్ అక్రమ ఇంజన్ నియంత్ర సాప్ట్ వేర్ను ఉద్గారాల టెస్టులకు వాడుతుందని యూఎస్ రెగ్యులేటరీ బయటపెట్టింది. ఈ స్కాం బయపపడిన మొదటి రెండు ట్రేడింగ్ రోజుల్లోనే జర్మనీలో ఫోక్స్వాగన్ షేర్లు, ఆ కంపెనీ విలువలో మూడు వంతుకు పైగా క్షీణించాయి. జర్మనీ పెట్టుబడిదారులకు ఈ స్కాం భారీ షాక్ను ఇచ్చింది. ఈ స్కాం బయటపడి ఏడాది కావొస్తున్నందున్న, ఏడాదిలో ఈ కంపెనీపై దావా నమోదుచేయాలని పెట్టుబడిదారులు నిర్ణయించారు.  ఈ నేపథ్యంలో ఫోక్స్వాగన్పై 9.2 బిలియన్ డాలర్ల దావా వేస్తున్నట్టు జర్మన్ పెట్టుబడిదారులు ప్రకటించారు. 
  
 11మిలియన్ డీజిల్ వాహనాల్లో అక్రమ సాప్ట్వేర్ను ఉపయోగించి ఫోక్స్వాగన్ ఈ స్కాంకు పాల్పడింది. అయితే ఫోక్స్వాగన్ కంపెనీపై దావా వేసే గడువు ఎప్పుడు ముగుస్తుందో తెలియనందున్న ఇంకా చాలా దావాల నమోదు పెండింగ్లో ఉన్నాయి. అన్ని ఫిర్యాదులు నమోదుచేయడానికి కోర్టుకు ఇంకా నాలుగు వారాల సమయం అవసరమవుతుందని తెలుస్తోంది. మరోవైపు ఈ స్కాంను బట్టబయలు చేసిన అమెరికాలో పెట్టుబడిదారులు నష్టపరిహారం కింద 30 మిలియన్ యూరోలు కోరుతూ దావా వేసిన సంగతి తెలిసిందే. 


 కర్బన ఉద్గారాల మోసపూరిత కేసులో ఫోక్స్ వాగన్ పై చర్యలు తీవ్రం అవుతున్నాయి. కంపెనీ చెల్లించాల్సిన జరిమానా నిబంధనల ప్రకారం రెట్టింపు అయింది. మోసపూరిత కేసులో 6.7 బిలియన్ యూరోలుగా ఉన్న జరిమానా, రెండు రెట్లు అధికంగా ప్రస్తుతం 16.2 బిలియన్ యూరోలు ( 18.2 బిలియన్ డాలర్లు) అయిందని యూరప్ అతిపెద్ద కార్ల తయారీ సంస్థ ఫోక్స్ వాగన్ తెలిపింది. ఈ రెట్టింపు చెల్లింపులతో కంపెనీ ఆర్థిక పరిస్థితి పడిపోతోంది. కంపెనీ ఇస్తున్న వార్షిక డివిడెంట్ ను 97 శాతం తగ్గించి, ప్రాధాన్య షేర్లకు 0.17 యూరోలు చెల్లించనున్నట్టు ప్రకటించింది. ఫోక్స్ వాగన్ షేర్లు కూడా 1.3 శాతం తక్కువగా నమోదయ్యాయి. ఈ ఉద్గారాల మోసపూరిత కేసు బయటికి పొక్కక ముందు అక్టోబర్ లో ఫోక్స్ వాగన్ షేర్లు 45 శాతం రైజింగ్ లో నడిచాయి. 2016లో ఫోక్స్ వాగన్ అమ్మకాలు సాధారణంగా ఉంటాయని, రెవెన్యూలు 5 శాతానికి పడిపోయే అవకాశాలున్నట్టు కంపెనీ పేర్కొంది.
 
 ప్రస్తుతం కంపెనీ ఎదుర్కొంటున్న సంక్షోభాన్ని గణాంకాల రూపంలో విడుదల చేసింది. ఇవి ఫోక్స్ వాగన్ ఆర్థిక స్థితిపై తీవ్ర ప్రభావాన్ని చూపుతాయని చీఫ్ ఎగ్జిక్యూటివ్ ఆఫీసర్ మాథ్యూస్ ముల్లెర్ తెలిపారు. అయితే ప్రస్తుతం కంపెనీ తయారుచేస్తున్న కార్లలో వాడే  ఉద్గారాలు నాణ్యమైనవిగా పేర్కొన్నారు. ఈ సమస్య నుంచి బయటపడటానికి ఫోక్స్ వాగన్ అంత ఎక్కువ శ్రద్ధ వహించడం లేదని వెల్లడించారు. ఈ మోసపూరిత కేసు సెప్టెంబరులో బయపడింది. అక్రమ ఇంజన్ నియంత్ర సాప్ట్ వేర్ ను ఉద్గారాల టెస్టులకు వాడుతుందని యూఎస్ పర్యావరణ రక్షిత ఏజెన్సీ వెల్లడించింది. ఈ మోసాల గురించి నివేదికల రూపంలో బహిర్గతమైనప్పటికీ ప్రజల్లోకి రావడానికి ఏడాదిన్నర సమయం పట్టింది. అనంతరం రెండు నెలల వ్యవధిలో యూఎస్ ప్రభుత్వంతో సంప్రదింపులు జరిపి, మార్కెట్లో ఉన్న కార్లను కంపెనీ వెనక్కి రప్పించుకుంది. ఇప్పటికీ ఆ కంపెనీ జరిమానాలు, క్రిమినల్ ఇన్ వెస్టిగేషన్లు ఎదుర్కొంటోంది. ఈ కుంభకోణం బయటపడిన కొన్ని రోజులకే చీఫ్ ఎగ్జిక్యూటివ్ ఆఫీసర్ మార్టిన్ వింటర్ కార్న్ రాజీనామా చేశారు. అప్పటినుంచి ఈ కేసులో ఫోక్స్ వాగన్ తలమునకలవుతోంది.