జనసేన శాసనసభ పక్ష నేతగా పవన్‌ కల్యాణ్‌

గుంటూరు, సాక్షి: జనసేన పార్టీ శాసన సభ పక్ష నేతగా ఆ పార్టీ అధినేత, పిఠాపురం ఎమ్మెల్యే పవన్‌ కల్యాణ్‌ ఏకగ్రీవంగా ఎన్నికయ్యారు. మంగళవారం ఉదయం మంగళగిరిలోకి పార్టీ కార్యాలయంలో జరిగిన ఎమ్మెల్యేల సమావేశంలో ఈ ఎన్నిక జరిగింది.  

జనసేన సీనియర్‌.. తెనాలి ఎమ్మెల్యే నాదెండ్ల మనోహర్‌, పవన్‌ పేరును ప్రతిపాదించగా.. అందుకు జనసేన ఎమ్మెల్యేలంతా ఏకగ్రీవంగా ఆమోదం తెలిపారు. మరోవైపు చంద్రబాబు కేబినెట్‌లో మం‍త్రి పదవుల కోసమూ ఈ భేటీలో చర్చ జరిగినట్లు తెలుస్తోంది. 

కాసేపట్లో విజయవాడలో జరగబోయే ఎన్డీయే కూటమి ఎమ్మె‍ల్యేల సమావేశానికి పవన్‌తో పాటు జనసేన ఎమ్మెల్యేలంతా హాజరు కానున్నారు.