రేపు గుంటూరు, వైఎస్సార్‌ జిల్లాల్లో వైఎస్‌ జగన్‌ పర్యటన

సాక్షి, అమరావతి: వైఎస్సార్‌సీపీ అధ్యక్షులు, మాజీ సీఎం వైఎస్‌ జగన్‌ ఈ నెల 23న (బుధ­వారం) గుంటూరు, వైఎస్సార్‌ జిల్లాల్లో పర్య­టిం­చనున్నారు. అఘాయిత్యానికి, హత్యాచా­రా­నికి గురైన ఆడపిల్లల కుటుంబాలను పరామర్శించనున్నారు. టీడీపీ కార్యకర్త, రౌడీ షీటర్‌ దుర్మార్గం కారణంగా అపస్మారక స్థితి­లోకి వెళ్లిన తెనాలికి చెందిన యువతిని బుధ­వారం ఉదయం వైఎస్‌ జగన్‌ పరామర్శించనున్నారు.

గుంటూరు జీజీహెచ్‌లో చికిత్స పొందుతున్న ఆ యువతిని, ఆమె కుటుంబాన్ని కలుసుకోనున్నారు. ఆ తర్వాత బద్వే­లులో హత్యాచారానికి గురైన బాలిక కుటుంబాన్ని అదే రోజు మధ్యాహ్నం పరామర్శించనున్నారు. అనంతరం నేరుగా పులివెందు­లకు వెళ్లనున్నట్లు పార్టీ కేంద్ర కార్యాలయం వెల్లడించింది.