3న షిర్డీ సాయిబాబా మందిర వార్షికోత్సవం

3న షిర్డీ సాయిబాబా మందిర వార్షికోత్సవం

మంగళగిరి (తాడేపల్లిరూరల్‌): పెదవడ్లపూడిలోని సత్యషిర్డీ సాయిబాబా మందిర వార్షికోత్సవాన్ని ఫిబ్రవరి 3న నిర్వహించనున్నట్లు ఆలయ కమిటీ చైర్మన్‌, బీజేపీ రాష్ట్ర మీడియా ఇన్‌చార్జి పాతూరు నాగభూషణం తెలిపారు. బుధవారం ఏర్పాటు చేసిన విలేకరుల సమావేశంలో ఆయన మాట్లాడారు. ఫిబ్రవరి 3న ఉదయం 5 గంటలకు కాగడ హారతితో కార్యక్రమాలు ప్రారంభమవుతాయని, సుమారు 70 వేల మందికి అన్నదానం నిర్వహించనున్నామని వివరించారు. ఈ వార్షికోత్సవంలో జబర్దస్త్‌ కామెడీ షో కళాకారుల ఆధ్వర్యంలో హాస్యవల్లరి, సినిమా సంగీత గాయకులతో సంగీత విభావరి, డూప్‌ స్టార్‌ మ్యూజిక్‌ షో వంటిసాంస్కృతిక కార్యక్రమాలు ఏర్పాటు చేయనున్నామని, భక్తులు సాయినాథుని దర్శించి బాబా కృపకు పాత్రులు కావాలని ఆయన కోరారు.