మున్సిపాలిటీని సందర్శించిన ప్రత్యేకాధికారి

మున్సిపాలిటీని సందర్శించిన ప్రత్యేకాధికారి

కొత్తగూడెంఅర్బన్‌: కొత్తగూడెం మున్సిపాలిటీకి ప్రత్యేకాధికారిగా నియమితులైన స్థానిక సంస్థల అదనపు కలెక్టర్‌ విద్యాచందన తొలిసారిగా మంగళవారం మున్సిపల్‌ కార్యాలయాన్ని సందర్శించారు. ఈ సందర్భంగా కమిషనర్‌ శేషాంజన్‌స్వామి, సిబ్బంది ఆమెకు ఘనంగా స్వాగతం పలికి, సత్కరించారు. అనంతరం విద్యాచందన మాట్లాడుతూ.. జిల్లాలో ఏ గ్రేడ్‌ మున్సిపాలిటీ అయిన కొత్తగూడెం అభివృద్ధికి అందరూ కృషి చేయాలని సూచించారు. ఏదైనా సమస్య ఉంటే తన దృష్టికి తేవాలన్నారు.

ఐటీడీఏ డీడీ విచారణ

బూర్గంపాడు: మండలంలోని ఉప్పుసాక గిరిజన బాలుర ఆశ్రమ పాఠశాలలో ఐటీడీఏ డీడీ మణెమ్మ మంగళవారం విచారణ చేపట్టారు. ఇటీవల తొమ్మిదో తరగతి విద్యార్థికి టీసీ ఇచ్చి పాఠశాల నుంచి పంపించిన అంశంలో క్షేత్రస్థాయిలో సమగ్ర విచారణ చేపట్టారు. పాఠశాల ప్రధానోపాధ్యాయుడితో పాటు సంబంధిత ఉపాధ్యాయులు, విద్యార్థులతో మాట్లాడారు. టీసీ ఇచ్చి పంపిన విద్యార్థిని తిరిగి పాఠశాలలో చేర్చుకోవాలని సూచించారు. ప్రతి ఒక్కరూ నిబంధనలు పాటించాలని తెలిపారు. పదో తరగతి వార్షిక పరీక్షల్లో ఉత్తమ ఫలితాలు సాధించేందుకు సమష్టిగా కృషి చేయాలని ఆదేశించారు. కార్యక్రమంలో ప్రధానోపాధ్యాయుడు భీమా, ఉపాధ్యాయులు పాల్గొన్నారు.