పసిడి మోత.. ఒకేసారి భారీగా పెరిగిన బంగారం

Gold Price Today: దేశంలో పసిడి మోత మోగుతోంది. వరుసగా మూడో రోజూ బంగారం ధరలు భగ్గుమన్నాయి. గత రెండు రోజులలో పెరిగిన దానికంటే ఈరోజు (అక్టోబర్‌ 18) భారీగా ధరలు ఎగిశాయి. ఏరోజుకారోజు కొత్త మార్కులను దాటుకుంటూ వెళ్తున్న తులం బంగారం రేట్లు రూ.80 వేలకు చేరువవుతున్నాయి.

వివిధ ప్రాంతాల్లో ధరలిలా..
హైదరాబాద్‌, విశాఖపట్నం, విజయవాడ సహా తెలుగు రాష్ట్రాలోని వివిధ చోట్ల ఈరోజు 22 క్యారెట్ల బంగారం 10 గ్రాముల ధర ఏకంగా రూ.800 పెరిగి రూ.72,400 వద్దకు ఎగిసింది. 24 క్యారెట్ల బంగారమైతే రూ.870 ఎగిసి రూ. 78,980 లను తాకింది. బెంగళూరు, చెన్నై, ముంబై  ప్రాంతాలలోనూ  ఇలాగే భారీగా ధరలు పెరిగాయి.

అదే విధంగా దేశ రాజధాని ఢిల్లిలోనూ నేడు బంగారం ధరలు భారీగా ఎగిశాయి. 22 క్యారెట్ల బంగారం రూ.800 పెరిగి రూ.72,550 వద్దకు, 24 క్యారెట్ల బంగారం రూ.870 పెరిగి ఏకంగా రూ.79,130 వద్దకు చేరాయి.

వెండి కొత్త మార్క్‌కు..
Silver Price Today: దేశంలో వెండి ధరలు కూడా నేడు భారీగా పెరిగాయి. హైదరాబాద్‌లో కేజీ వెండి అత్యధికంగా రూ.2000 ఎగిసి కొత్త మార్క్‌కు చేరుకుంది. ప్రస్తుతం ఇక్కడ కేజీ వెండి రూ.1,05,000 వద్దకు చేరింది.

(Disclaimer: పైన పేర్కొన్న బంగారం, వెండి ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి)