నేటి నుంచి బ్రిడ్జి కోర్సు తరగతులు ప్రారంభం

రాయవరం: పారిశ్రామిక శిక్షణా సంస్థ(ఐటీఐ)లో రెండేళ్ల కోర్సు ఉత్తీర్ణులైన అభ్యర్థులు నేరుగా రెండో సంవత్సరంలో చేరేందుకు నిర్వహించే ప్రవేశ పరీక్షకు సిద్ధం చేయడానికి బ్రిడ్జి కోర్సు తరగతులు నిర్వహిస్తున్నట్టు కాకినాడ, కోనసీమ ప్రభుత్వ ఐటీఐ కళాశాలల ప్రిన్సిపాల్‌ ఎం.వేణుగోపాలవర్మ తెలిపారు. గురువారం నుంచి తరగతులు ప్రారంభమవుతున్నాయని చెప్పారు. ఆసక్తి ఉన్న అభ్యర్థులు పదో తరగతి, ఐటీఐ ఉత్తీర్ణత ధ్రువీకరణ పత్రాల జెరాక్స్‌ కాపీలతో నేరుగా కాకినాడ ప్రభుత్వ పారిశ్రామిక శిక్షణా సంస్థలో సంప్రదించాలని సూచించారు. బ్రిడ్జి కోర్సులో చేరదల్చుకున్న వారు 87907 98431, 94946 88516 నంబర్లలో సంప్రదించవచ్చని తెలిపారు.