Chicken Fry Recipe: పల్లిపలయం చికెన్‌ ఫ్రై టేస్టీటేస్టీగా..

పల్లి పలయం చికెన్‌ ఫ్రై తయారీకి కావాల్సినవి

• చికెన్‌ ముక్కలు – అరకేజీ
• సాంబారు ఉల్లిపాయలు (చిన్నవి) – పది
• వెల్లుల్లి రెబ్బలు – పది
• నూనె – రెండు టేబుల్‌ స్పూన్లు
• ఎండుమిర్చి – 12
• పసుపు – టీస్పూను
• ఉప్పు – రుచికి సరిపడా
• పచ్చి కొబ్బరి ముక్కలు – పావు కప్పు (సన్నగా తరగాలి)
• కరివేపాకు – ఐదు రెమ్మలు
• కొత్తిమీర తరుగు – టేబుల్‌ స్పూను

తయారీ విధానం ఇలా..

• చికెన్‌ ముక్కలను శుభ్రంగా కడిగి పక్కన పెట్టుకోవాలి. ఉల్లిపాయలు, వెల్లుల్లి తొక్కతీసి ముక్కలుగా తరిగి పేస్టుచేసి పక్కనపెట్టుకోవాలి.
• స్టవ్‌ మీద బాణలి పెట్టి నూనె వేయాలి. కాగిన నూనెలో ఎండుమిర్చిని చిన్నముక్కలుగా చేసి వేయాలి.
• మిర్చి వేగాక, ఉల్లి, వెల్లుల్లి పేస్టుని వేసి పచ్చి వాసన పోయేంత వరకు వేయించాలి. ఇప్పుడు చికెన్, పసుపు, కరివేపాకు, రుచికి సరిపడా ఉప్పువేసి తిప్పాలి.
• ఐదు నిమిషాల తరువాత కొబ్బరి ముక్కలు వేసి కలపాలి. మూతపెట్టి సన్నని మంట మీద చికెన్‌లో వచ్చిన నీరంతా ఇగిరి పోయే వరకు ఉడికించాలి.
• దాదాపు అరగంట తరువాత చికెన్‌ ముక్కలు చక్కగా వేడివేడిగా వేగుతాయి. ఇప్పుడు కొత్తిమీర చల్లుకుని దించేస్తే పల్లిపలయం చికెన్‌ ఫ్రై రెడీ.