World Largest And Expensive Whisky Bottle The Intrepid To Be Auctioned Soon In UK - Sakshi
Sakshi News home page

బాప్‌రే.. మనిషి ఎత్తుండే భారీ విస్కీ బాటిల్‌! మంచి పని కోసం వేలానికి..

Published Mon, May 2 2022 8:48 AM | Last Updated on Mon, May 2 2022 1:16 PM

World Largest Whisky Bottle The Intrepid Goes Auction Soon - Sakshi

సగటు మనిషి కంటే ఎత్తున్న విస్కీ బాటిల్‌ ఒకటి.. మంచి పని కోసం వేలానికి సిద్దం అవుతోంది.

రికార్డుల కోసం రకరకాల ప్రయత్నాలు సాగుతుంటాయి. అలాంటిదే ఇది. ప్రపంచంలోనే ఇప్పటి వరకు భారీ విస్కీ బాటిల్‌ను తయారు చేసింది మాకల్లన్‌ కంపెనీ. 32 సంవత్సరాల కింద తయారుచేసిన ఈ బాటిల్‌ సామర్థ్యం 311 లీటర్లు. త్వరలోనే ఈ స్కాచ్‌ విస్కీ బాటిల్‌ వేలానికి రాబోతోంది. 

స్కాట్‌ల్యాండ్‌కు చెందిన మాకల్లన్‌ కంపెనీ ఈ భారీ స్కాచ్‌ విస్కీ బాటిల్‌ను తయారు చేసింది. ది ఇంట్రెపిడ్‌గా గుర్తింపు పొందిన ఈ బాటిల్‌ ఐదు అడుగుల 11 అంగులాల పొడవు ఉంది. అంటే సగటు మనిషి ఎత్తు(5.5 ఫీట్స్‌) కంటే ఎక్కువే!. ఈ కంపెనీ ఇదే పేరుతో తయారు చేసే 444 రెగ్యులర్‌ బాటిల్స్‌ కలిస్తే ఎంతో.. ఈ బాహుబలి విస్కీ బాటిల్‌ అంత సామర్థ్యాన్ని కలిగి ఉంటుంది.

స్కాట్‌ల్యాండ్‌ రాజధాని ఎడిన్‌బర్గ్‌కు చెందిన ప్రముఖ ఆక్షన్‌ హౌజ్‌.. లైఆన్‌ అండ్‌ టర్న్‌బుల్‌ ఈ వేలంపాటను మే 25వ తేదీన నిర్వహించనుంది. ఇప్పటివరకు ప్రపంచంలో ఒక విస్కీబాటిల్‌ అత్యధికంగా 1.9 మిలియన్‌ డాలర్లు (మన కరెన్సీలో దాదాపు పద్నాలుగున్నర కోట్ల రూపాయల పైమాటే) అమ్ముడుపోయింది. ఈ రికార్డును ది ఇంట్రెపిడ్‌ బద్ధలు కొట్టే అవకాశం కనిపిస్తోంది. 

కిందటి ఏడాది గిన్నిస్‌ బుక్‌లో ఇంట్రెపిడ్‌కు చోటు దక్కింది. ఇప్పుడు వేలం ద్వారా మరో రికార్డుకు సిద్ధం అవుతున్నారు. వేలంపాటలో ప్రారంభ ధరనే 1.3 మిలియన్‌ పౌండ్లుగా అనుకుంటున్నారు. ఈ వేలం ద్వారా వచ్చిన ఆదాయం మొత్తంలో.. 25 శాతాన్ని మేరీ క్యూరీ చారిటీకి ఇవ్వాలని భావిస్తున్నారు. నిజానికి ఈ బాటిల్‌ను రికార్డుల కోసం పదిలపర్చాలని సదరు కంపెనీ అనుకుంది. కానీ, ఒక మంచి పనికి ఉపయోగపడుతుందనే ఉద్దేశంతో ఇప్పుడు వేలానికి ముందుకు వచ్చింది.

చదవండి: అక్కడేం లేదు.. అయినా నాలుగు కోట్లు!

No comments yet. Be the first to comment!
Add a comment
Advertisement

Related News By Category

Related News By Tags

Advertisement
 
Advertisement

పోల్

Advertisement