గొబ్బురి వంశీయుల ఆధ్వర్యంలో శమీపూజ

గొబ్బురి వంశీయుల ఆధ్వర్యంలో శమీపూజ

మంథని: మంథనిలో క్షత్రియులుగా పిలుస్తున్న గొబ్బురి వంశీయుల ఆధ్వర్యంలో మూడు తరాలుగా దసరా రోజు షమీపూజ నిర్వహిస్తున్నారు. స్థానిక లక్ష్మీనారాయణ స్వామివారి ఉత్సవ విగ్రహానికి శోభాయాత్ర జరుపుతారు. కోర్టు సముదాయాల ఎదుట ఉన్న జమ్మి చెట్టు పూజలు చేస్తారు. ఆ తర్వాత గొబ్బురి వంశానికి చెందినవారు అనాదిగా వినియోగిస్తున్న ఆయుధంతో చెట్టు కొమ్మను నరికి, ఆకును స్వామివారికు సమర్పిస్తారు. ప్రత్యేక పూజల అనంతరం భక్తులు ఆ ఆకులను తీసుకొని, ఒకరినొకరు పంచుకుంటారు. పెద్దల ఆశీర్వాదం పొందుతారు. గొబ్బురి కిష్టంరాజు, సత్యంరాజుల మరణానంతరం ఆ వంశ వారసుడు వంశీరాజు ఆధ్వర్యంలో షమీపూజ నిర్వహిస్తున్నట్లు బ్రాహ్మణులు తెలిపారు.