పీహెచ్‌సీని సందర్శించిన కేంద్ర బృందం

పీహెచ్‌సీని సందర్శించిన కేంద్ర బృందం

మొగుళ్లపల్లి: ప్రాథమిక ఆరోగ్య కేంద్రం, రంగాపూర్‌ ఉప కేంద్రాన్ని బుధవారం కేంద్ర బృందం సభ్యులు శ్రావణకుమార్‌, రాజ్‌కుమార్‌ (పాపులేషన్‌ రీసెర్చ్‌ సెంటర్‌ బృందం) సందర్శించారు. ఈ సందర్భంగా ఆస్పత్రిలో రోగులకు అందిస్తున్న సేవలు, కల్పిస్తున్న వసతులు, గర్భిణులు, బాలింతలకు అందే సేవల గురించి వైద్యాధికారిని డాక్టర్‌ నాగరాణి, రంగాపూర్‌ ఎంఎల్‌హెచ్‌పీ డాక్టర్‌ వాణిని అడిగి తెలుసుకున్నారు. ఈ కార్యక్రమంలో కేంద్ర బృందం పాపులేషన్‌ రీసెర్చ్‌ సెంటర్‌ వైద్యులు డాక్టర్‌ రాజ్‌కుమార్‌, శ్రావణకుమార్‌, జిల్లా వైద్యులు చిరంజీవి, మధుబాబు డాక్టర్‌ నాగరాణి, వాణి, డాక్టర్‌ సంధ్య, సూపర్‌వైజర్‌ సునీ త, జమున, ఆశలు, సిబ్బంది పాల్గొన్నారు.

ఉపాధ్యాయుల సమస్యలు పరిష్కరించాలి

టేకుమట్ల: రాష్ట్ర వ్యాప్తంగా నెలకొన్న ఉపాధ్యాయ రంగ సమస్యలను ప్రభుత్వం పరిష్కరించాలని ఎస్‌టీయూ రాష్ట్ర అధ్యక్షుడు పర్వతరెడ్డి అన్నారు. బుధవారం మండలంలోని అన్ని ప్రాథమిక పాఠశాలల్లో ఉపాధ్యాయ ఎంఎల్‌సీ అభ్యర్థి పూల రవీందర్‌ గెలుపు కోరుతూ ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ పెండింగ్‌ డీఏలను విడుదల చేసి 317 జీఓ ద్వారా ఇతర జిల్లాలకు వెళ్లిన వారిని సొంత జిల్లాకు బదిలీ చేయాలన్నారు. రానున్న ఎమ్మెల్సీ ఎన్నికల్లో పూల రవీందర్‌కు మొదటి ప్రాధాన్యత ఓటు వేసి గెలిపించాలని కోరారు. ఈ కార్యక్రమంలో టీఎంఎస్‌టీఏ రాష్ట్ర అధ్యక్షుడు విఠల్‌, ఎస్‌టీయూ టీఎస్‌ జిల్లా అధ్యక్షుడు కుర్రె ప్రవీన్‌కుమార్‌, రాష్ట్ర అసోసియేట్‌ అధ్యక్షుడు రమేష్‌, అంకూస్‌, గణేష్‌, జలీల్‌, వింధ్యారాణి తదితరులు పాల్గొన్నారు.

తెలంగాణ ఉద్యమకారుల ఫోరం జిల్లా కన్వీనర్‌గా సతీష్‌

కాటారం:తెలంగాణ ఉద్యమకారుల ఫోరం విద్యా విభాగం జిల్లా కన్వీనర్‌గా మండల కేంద్రానికి చెందిన స్వయం కృషి స్వచ్ఛంద సంస్థ వ్యవస్థాపకుడు కొట్టె సతీష్‌ నియమితులయ్యారు. ఫోరం రాష్ట్ర కమిటీ చైర్మన్‌ చీమ శ్రీనివాస్‌ బుధవారం నియామక ఉత్తర్వులు జారీ చేశారు. సతీష్‌ చేస్తున్న సేవలను గుర్తించి ఈ అవకాశం ఇచ్చినట్లు చైర్మన్‌ పేర్కొన్నారు. తన నియామకానికి సహకరించిన ప్రతీఒక్కరికి కృతజ్ఞతలు తెలిపారు.

రుద్రేశ్వరస్వామికి

ప్రత్యేక పూజలు

హన్మకొండ కల్చరల్‌ : వేయిస్తంభాల దేవాలయంలో బుధవారం పుష్యమాసం మౌని అమావాస్యను పురస్కరించుకుని శ్రీరుద్రేశ్వరస్వామి వారికి ప్రత్యేక పూజలు నిర్వహించారు. ప్రధానార్చకులు గంగు ఉపేంద్రశర్మ ఆధ్వర్యంలో ఉదయం నుంచి ప్రభాతసేవ, గణపతిపూజ, రుద్రేశ్వరస్వామి వారికి ఆఘోర పాశుపత రుద్రాభిషేకం జరిపారు. సాయంత్రం జరిగిన ప్రదోషకాల పూజల్లో నగర సీపీ అంబర్‌ కిశోర్‌ ఝా కుటుంబ సమేతంగా దేవాలయాన్ని సందర్శిచారు. స్వామివారికి ప్రత్యేక పూజలు చేశారు.

నేటినుంచి

శైశిర నవరాత్రులు

హన్మకొండ కల్చరల్‌ : నగరంలోని భద్రకాళి దేవాలయంలో గురువారంనుంచి మాఘమాసం పాడ్యమి తిథిని పురస్కరించుకుని మాఘ, శైశిర (గుప్త) నవరాత్రులు ప్రారంభమవుతాయని ఆలయ ప్రధానార్చకులు భద్రకాళి శేషు బుధవారం ఒక ప్రకటలో తెలిపారు. తొమ్మిదిరోజుల పాటు జరిగే నవరాత్రుల్లో అమ్మవారికి భువనేశ్వరీ క్రమంలో ఆరాధన, షోడశీ చండీఆవరాణార్చనలు, అభిషేకాలు, హోమాలు జరుగుతాయని పేర్కొన్నారు.

1/3

పీహెచ్‌సీని సందర్శించిన కేంద్ర బృందం

2/3

పీహెచ్‌సీని సందర్శించిన కేంద్ర బృందం

3/3

పీహెచ్‌సీని సందర్శించిన కేంద్ర బృందం