ఉత్సాహంగా బాక్సింగ్‌ పోటీలు

రాజోలు: స్కూల్‌ గేమ్స్‌ ఫెడరేషన్‌ ఆధ్వర్యంలో ఉమ్మడి తూర్పుగోదావరి జిల్లా స్థాయి బాక్సింగ్‌ అండర్‌–14, 17 పోటీలను బుధవారం రాజోలు ఎమ్మెల్యే రాపాక వరప్రసాదరావు ప్రారంభించారు. చింతలపల్లి ఉన్నత పాఠశాలలో జరిగిన ఈ పోటీల్లో ఉమ్మడి తూర్పు గోదావరి జిల్లాలోని వివిధ పాఠశాలల నుంచి 160 మంది బాక్సింగ్‌ క్రీడాకారులు పాల్గొన్నారు. సర్పంచ్‌ మట్టా ప్రసన్నకుమారి అధ్యక్షతన జరిగిన సమావేశంలో ఎమ్మెల్యే రాపాక వరప్రసాదరావు మాట్లాడుతూ రాష్ట్ర ప్రభుత్వం క్రీడాభివృద్ధికి ప్రాధాన్యం ఇస్తోందన్నారు. ప్రధానోపాధ్యాయుడు దొంగ జానకిరామయ్య, పీఎంసీ చైర్మన్‌ నల్లి నాగబాబు, వ్యాయామ ఉపాధ్యాయుడు చొప్పల చంద్రశేఖర్‌, బాక్సింగ్‌ కోచ్‌లు చిట్టూరి చంద్రశేఖర్‌, బొంతు మధుకుమార్‌ పాల్గొన్నారు.

పొదల్లో మహిళ మృతదేహం

తుని: స్థానిక పాయకరావుపేట నాగరాజుపేట రైల్వేగేటు వద్ద పట్టాల పక్కన పొదల్లో గుర్తు తెలియని మహిళ మృతదేహాన్ని గుర్తించామని తుని జీఆర్పీ ఎస్సై ఎస్‌కే అబ్దుల్‌ మారూఫ్‌ తెలిపారు. బుధవారం అందిన సమాచారం మేరకు ఘటనా స్థలానికి వెళ్లగా... రైల్వేగేటు సమీపంలోని పొదల్లో 35 ఏళ్ల మహిళ మృతదేహం లభించిందన్నారు. మృతురాలి ఒంటిపై తెలుపు, పసుపు రంగులు కల చేతి వర్కు కలిగిన టాప్‌, నలుపు రంగు లెగ్‌ఇన్‌, నాలుగు అడుగుల దూరంలో ఎరుపు రంగు చున్నీ ఉందన్నారు. కేసు నమోదు చేసి దర్యాప్తు చేస్తున్నామని ఎస్సై తెలిపారు.

1/1

బాక్సింగ్‌ పోటీలను ప్రారంభిస్తున్న ఎమ్మెల్యే రాపాక