‘దిశ’ శిక్షణ సద్వినియోగం చేసుకోవాలె

‘దిశ’ శిక్షణ సద్వినియోగం చేసుకోవాలె

● కలెక్టర్‌ పమేలా సత్పతి

కరీంనగర్‌: జిల్లా వ్యాప్తంగా కస్తూరిబా బాలికల విద్యాలయాల్లో వాయిస్‌ ఫర్‌ గర్‌ల్స్‌ సంస్థ ఆధ్వర్యంలో ఏర్పాటుచేసిన దిశ శిక్షణ తరగతులను సద్వినియోగం చేసుకోవాలని కలెక్టర్‌ పమేలా సత్పతి సూచించారు. కరీంనగర్‌ సప్తగిరికాలనీలోని కస్తూరిబా బాలికల పాఠశాలను మంగళవారం సందర్శించారు. పాఠశాలలో దిశ శిక్షణ కార్యక్రమాన్ని పరిశీలించారు. జిల్లాలోని కస్తూరిబా పాఠశాలల్లో 7, 8, 9 తరగతుకు చదువుతున్న బాలికలకు దిశ శిక్షణ ఇస్తున్నామని తెలిపారు. 46మంది టీం మెంబర్లు శిక్షణ ఇస్తున్నారని అన్నారు. బాలికలకు జీవితంలో ఉపయోగపడే ఎన్నో అంశాలు ఉంటాయని తెలిపారు. జిల్లా బాలికల అభివృద్ధి అధికారి కృపారాణి, ప్రిన్సిపాల్‌ పుష్పారాణి పాల్గొన్నారు.