‘ప్రజలకు ఇచ్చిన హామీలు నెరవేరుస్తున్నాం’

‘ప్రజలకు ఇచ్చిన హామీలు నెరవేరుస్తున్నాం’

మంచిర్యాలటౌన్‌: ఎన్నికల సమయంలో ప్రజలకు ఇచ్చిన హామీలు నెరవేరుస్తున్నామని, అవసరమైన అభివృద్ధి పనులు చేస్తున్నామని మంచిర్యాల ఎమ్మెల్యే కొక్కిరాల ప్రేమ్‌సాగర్‌రావు అన్నారు. జిల్లా కేంద్రంలో మహాప్రస్థానం, మాతాశిశు ఆరో గ్య కేంద్రం, సూపర్‌ స్పెషాలిటీ ఆసుపత్రి నిర్మాణా లు, మార్కెట్‌లోని రోడ్ల వెడల్పు పనులు అధికారులతో కలిసి సోమవారం పరిశీలించారు. అనంతరం ఆయన మాట్లాడుతూ తాను ఎమ్మెల్యేగా గెలిచిన తర్వాత నియోజకవర్గాన్ని రాష్ట్రంలోనే నంబర్‌వన్‌గా నిలుపుతాననే హామీ ఇచ్చానని, నిలబట్టుకునేందుకు అభివృద్ధి పనులు చేపడుతున్నానని అన్నారు. మార్కెట్‌లో రోడ్ల వెడల్పుతో వచ్చే 30ఏళ్ల వరకు ఈ ప్రాంత ప్రజలకు ట్రాఫిక్‌ ఇబ్బందులు ఉండవని, రాబోయే తరాలను దృష్టిలో ఉంచుకుని అభివృద్ధి చేపడుతున్నామని అన్నారు. ప్రతిపక్ష పార్టీలు అభివృద్ధిని అడ్డుకునేందుకు యత్నిస్తున్నాయని ఆరో పించారు. ఎవరెన్ని అడ్డంకులను సృష్టించినా ఈ ప్రాంత అభివృద్ధే ధ్యేయంగా పనులు చేపడుతానని స్పష్టం చేశారు.

ఆసుపత్రి పనులు పరిశీలిస్తున్న ఎమ్మెల్యే ప్రేమ్‌సాగర్‌రావు