అతిథులు వీళ్లేనా బాస్‌?

‘లవ్‌స్టోరీ’లో సాయి పల్లవి, నాగచైతన్య

బిగ్‌బాస్‌ సీజన్‌ 4 ప్రయాణం చివరి దశకు వచ్చేసింది. రేపే గ్రాండ్‌ ఫినాలే. విజేత ఎవరో ప్రకటించే రోజు. ప్రతీ సీజన్‌ ఫైనల్‌ ఎపిసోడ్‌కి హోస్ట్‌తో పాటు ఎవరో ఒక సెలబ్రిటీ గెస్ట్‌గా వస్తుంటారు. సీజన్‌ 3 ఫైనల్‌కి నాగార్జునతో కలసి చిరంజీవి సందడి చేశారు.  ఈసారి నాగార్జునతో పాటు ఫైనల్‌లో సందడి చేయడానికి ‘లవ్‌స్టోరీ’ జంట రాబోతున్నారని తెలిసింది. నాగచైతన్య, సాయి పల్లవి ఈ సీజన్‌ ముఖ్య అతిథులుగా ఫైనల్‌ ఎపిసోడ్‌లో పాల్గొంటారట. ‘లవ్‌స్టోరీ’ సినిమాలో ఈ ఇద్దరూ జంటగా నటించిన సంగతి తెలిసిందే. ఈ ఇద్దరే కాకుండా పలువురు హీరోయిన్లు కూడా కనిపిస్తారట. లక్ష్మీ రాయ్, మెహరీన్‌లతో పాటు ఇంకొంతమంది హీరోయిన్ల స్పెషల్‌ డ్యాన్స్‌ పెర్ఫార్మన్స్‌ ఉంటుందని తెలిసింది.
∙