TV
నాగ చైతన్యతో విడిపోయినప్పటీ నుంచి సమంత సోషల్‌ మీడియాలో మరింత యాక్టివ్‌గా ఉంటున్నారు. విడాకుల ప్రకటన అనంతరం తను ఏం చెప్పాలనుకున్నా ఇన్‌స్టాగ్రామ్‌ ద్వారానే మాట్లాడుతున్నారు. ఇక తన బాధను, భావోద్యేగాలను సోషల్‌ మీడియా వేదికగా వ్యక్తం చేస్తున్నారు. దీంతో సమంత ఇన్‌స్టాగ్రామ్‌లో పెట్టిన ప్రతి పోస్ట్‌ చర్చనీయాంశం అవుతుంది. అయితే ఇటీవల సామ్‌ తన స్నేహితురాలు, మోడల్‌ శిల్పారెడ్డితో కలిసి ఛార్‌ధామ్‌ యాత్రకు వెళ్లిన సంగతి తెలిసిందే.
చదవండి: సమంత పోస్ట్‌పై వెంకటేశ్‌ కూతురు అశ్రిత ఆసక్తికర కామెంట్‌
యాత్ర నుంచి తిరిగొచ్చిన సమంత స్టైలిస్ట్‌ ప్రీతమ్‌ జుకల్కర్‌, మేకప్‌ ఆర్టిస్ట్‌ సాధనా సింగ్‌లతో కలిసి దుబాయ్‌ పర్యాటనకు వెళ్లారు. ప్రస్తుతం సామ్‌ దుబాయ్‌లోనే ఉన్నారు. ఈ క్రమంలో సమంత ఓ ఆసక్తికర వీడియోను పంచుకున్నారు. ఈ సందర్భంగా సామ్‌ తనకు సంబంధించిన వ్యక్తిగత విషయాలను కూడా పంచుకున్నారు. అలాగే ఎప్పుడైన మూడ్‌ బాగా లేకపోయినా లేదా డిప్రెషన్‌గా అనిపించినా దాని నుంచి బయట పడేందుకు కబోర్డులోని బట్టలన్నీ తీసి సర్దుకుంటానని చెప్పారు. ఈ సందర్భంగా సామ్‌ మాట్లాడుతూ.. ‘చిందరవందరగా ఉన్న నా డ్రెస్సింగ్‌ రూంను ఎంత నీట్‌గా చేశారో చూడండి’ అంటూ ఓ కంపెనీకి ప్రమోషన్‌ ఇచ్చారు.
చదవండి: నాగచైతన్యతో కలిసి ఉన్న ఫోటోలను డిలీట్‌ చేసిన సమంత
అలాగే తన డ్రెస్సింగ్‌ రూం టూర్‌ నిర్వహించారు. ఈ వీడియోలో సమంతతో పాటు తన స్టైలిస్ట్‌ ప్రీతమ్‌ జూకల్కర్‌, మరో మహిళ కనిపించారు. బెడ్‌పై కుప్పలు కుప్పలుగా పడి ఉన్న బట్టలన్నీ చూపించి ఇవి ఇప్పుడు సర్దుకోవాలి అంటూ చెప్పుకొచ్చారు. ఇక ఈ వీడియోకు సామ్‌ ‘కొన్నిసార్లు సర్దడం. కలపడం కంటే వదిలేయడమే మంచిది’ అంటూ ఆసక్తికర క్యాప్షన్‌ను జత చేశారు ఆమె. ప్రస్తుతం ఈ వీడియో నెట్టింట హల్‌చల్‌ చేస్తోంది. ఇక సమంత క్యాప్షన్‌ చూసి పలువురు ఆలోచనలో పడుతుంటే.. ఈ వీడియోలో ఆమె స్టైలిస్ట్‌ ప్రీతమ్‌ను చూసి అక్కినేని ఫ్యాన్స్‌ మండిపడుతున్నారు.
Comments
Please login to add a commentAdd a comment