టాలీవుడ్‌ దర్శకుల సంఘం ఎన్నికల ఫలితాలు వచ్చేసాయ్‌..

తెలుగు సినీ దర్శకుల సంఘం ఎన్నికల్లో వీరశంకర్ ప్యానల్ ఘన విజయం సాధించింది. తెలుగు సినీ దర్శకుల సంఘం అధ్యక్షుడిగా డైరెక్టర్ వీర శంకర్ ఎన్నికయ్యారు. వైస్ ప్రెసిడెంట్స్ గా వశిష్ఠ, సాయి రాజేష్.. జనరల్ సెక్రటరీలుగా మద్దినేని రమేష్ , సుబ్బారెడ్డి.. ట్రెజరర్ గా పి.వి. రమణరావు విజయం సాధించారు. 

కాగా ఆదివారం ఉదయం తెలుగు సినీ దర్శకుల సంఘం ఎన్నికలు జరిగాయి. వీర శంకర్‌, సముద్ర ప్యానెల్‌ బరిలోకి దిగాయి. దర్శకుల సంఘంలో 1500 మంది యాక్టివ్‌ మెంబర్స్‌ ఉన్నారు. ఈ రోజు ఉదయం 8 నుంచి సాయంత్రం 4 వరకు పోలింగ్‌ జరగ్గా సాయంత్రం 5 గంటలకే ఫలితాలు వెల్లడించారు. వీర శంకర్‌ విజయం సాధించినట్లు ప్రకటించారు. మొత్తం 1113 ఓట్లు పోలవగా ఇందులో వీరశంకర్‌కు 536 రాగా సముద్రకు 304 వచ్చాయి. 

చదవండి: ఓటీటీలో గుంటూరు కారం.. ఆ విషయంలో మాత్రం ఆడియన్స్‌ డిసప్పాయింట్!