ఎవరినైనా బాధపడితే క్షమించండి: సీజేఐగా చివరి రోజు చంద్రచూడ్‌

న్యూఢిల్లీ: భారత ప్రధాన న్యాయమూర్తిగా డీవై చంద్రచూడ్‌కు నేడు చివరి (నవంబర్‌ 8) పనిదినం. ఈనెల 10న ఆయన సీజేఐగా పదవీ విరమణ చేయనున్నారు. ఈ క్రమంలో శుక్రవారం సుప్రీంకోరర్టు ధర్మాసనం చంద్రచూడ్‌ను ఘనంగా వీడ్కోలు పలికింది. 

ఈ సందర్భంగా న్యాయమూర్తులు, సహోద్యోగులను ఉద్ధేశిస్తూ ఆయన మాట్లాడుతూ.. తన న్యాయ ప్రయాణం ఎంతో కృతజ్ఞత, వినయంతో సాగిందని చెప్పారు. ఈ పదవీ కాలంలో ఎఎవరైనా తన వల్ల బాధపడితే క్షమించాలని కోరారు. రేపటి నుంచి సర్వోన్నత న్యాయస్థానం నుంచి తీర్పులు ఇవ్వలేనన్న మాట వాస్తవమని.. అయినప్పటికీ తాను వృత్తిపరంగా పూర్తి సంతృప్తిగా ఉన్నానని చెప్పారు.

‘గురువారం సాయంత్రం, నా రిజిస్ట్రార్ జ్యుడిషియల్ నన్ను  వేడుక ఎప్పుడు చేయాలలని నన్ను అడిగారు. నేను మధ్యాహ్నం 2 గంటలకు అని చెప్పాను.  అప్పటి వరకు కేసులు వాదించవచ్చని అనుకున్నా. తరువాత అనిపించింది శుక్రవారం మధ్యాహ్నం 2 గంటలకు ఎవరైనా ఈ కోర్టులో ఉంటారా లేదా నన్ను నేను మాత్రమే తెరపై నన్ను చూసుకుంటానా?’(చిరునవ్వుతో) అని అన్నారు

జస్టిస్ చంద్రచూడ్ న్యాయవ్యవస్థ సంప్రదాయం పట్ల తనకున్న అభిమానాన్ని తెలియజేస్తూ.. ‘మేము ఇక్కడ పనిచేసేందుకు ఒక భక్తుడిలా ఉన్నాము. న్యాయవ్యవస్థపై నాకెంతో అభిమానం ఉంది. వాదనలు, తీర్పుల ద్వారా ఎంతో నైపుణ్యాన్ని పొందాను. విలువైన కోర్టు మెళుకువలను నేర్చుకున్నాను. మేము ఇచ్చే తీర్పులు కొన్ని కేసులను గొప్పగా ముగించవచ్చు. లేదా విచ్చిన్నం చేయవచ్చు. ఇక్కడ ఎంతో గొప్ప న్యాయమూర్తులు ఉన్నారు. నేను ఈ కోర్టును విడిచిపెట్టినప్పుడు ఎలాంటి తేడా ఉండదు. ఎందుకంటే జస్టిస్ ఖన్నా వంటి గౌరవమైన వ్యక్తి బాధ్యతలు స్వీకరిస్తారు. తన సారథ్యంలోఎన్నో కేసులకు గొప్ప పరిష్కారాలు లభిస్తాయని ఆశిస్తున్నట్లు తెలిపారు.

ది న్యాయ నిర్ణేత ప్రయాణం. మీ అందరికీ ధన్యవాదాలు. చివరి రోజు డీల్‌ చేసిన 45 కేసుల్లో కూడా చట్టం, జీవితం గురించి ఎంతో నేర్చుకున్నాను. ఈ ప్రయాణంలో నేను ఎవరినైనా బాధపడితే క్షమించండి. ఎవరినీ ఉద్దేశించి బాధపెట్టకపోయినా క్షమించమని కోరుతున్నా’ అని పేర్కొన్నారు.  

కాగా నవంబర్‌ 8  2022న న ప్రధాన న్యాయమూర్తి చంద్రచూడ్ పదవీకాలం ప్రారంభమైంది. ఈ నెల 10తో ముగియనుంది. సుప్రీం కోర్టు తదుపరి ప్రధాన న్యాయమూర్తిగా జస్టిస్‌ సంజీవ్‌ ఖన్నా నియమితులలైన సంగతి తెలిసిందే. నవంబర్‌ 11న జస్టిస్‌ సంజీవ్‌ ఖన్నా ప్రమాణస్వీకారం చేయనున్నారు.. 2025 మే 13 వరకు ఆయన సీజేఐగా కొనసాగనున్నారు.