TV
ట్రాఫిక్‌ నిబంధనలు పాటించాలి
ఖలీల్‌వాడి: వాహనదారులు ట్రాఫిక్‌ నిబంధనలు పాటించాలని జిల్లా జడ్జి సునీత కుంచాల, రూరల్‌ ఎమ్మెల్యే భూపతిరెడ్డి అన్నారు. జాతీయ రోడ్డు భద్రత మాసోత్సవాల సందర్భంగా బుధవారం రోడ్డు రవాణా సంస్థ, ట్రస్మా ఆధ్వర్యంలో విద్యార్థులతో అవగాహన ర్యాలీ నిర్వహించారు. అనంతరం శ్రీరామగార్డెన్‌లో విద్యార్థులకు ట్రాఫిక్‌ నిబంధనలపై అవగాహన కల్పించారు. వారు మాట్లాడుతూ.. తల్లిదండ్రులు మైనర్లకు వాహనాలు ఇవ్వొదన్నారు. కారులో వెళ్లే వారు సీటు బెల్ట్‌ పెట్టుకోవాలని, ద్విచక్ర వాహనదారులు హెల్మెట్‌ ధరించాలని సూచించారు. ట్రాఫిక్‌ నిబంధనల గురించి విద్యార్థులు తల్లిదండ్రులకు చెప్పాలన్నారు. ఈ కార్యక్రమంలో అడిషనల్‌ కలెక్టర్‌ అంకిత్‌, డీసీపీ బస్వారెడ్డి, డీటీసీ దుర్గాప్రమీల, డీటీవో ఉమామహేశ్వర్‌రావు, ఆర్టీఏ సభ్యులు రాజానరేందర్‌రెడ్డి, ట్రాఫిక్‌ ఏసీపీ నారాయణ, ఎంవీఐలు కిరణ్‌కుమార్‌, వివేకానందరెడ్డి, శ్రీనివాస్‌, రాహుల్‌ తదితరులు పాల్గొన్నారు.
ట్రాఫిక్‌ నిబంధనలు పాటించాలి
Comments
Please login to add a commentAdd a comment