రోగులను నిర్లక్ష్యం చేయొద్దు

రోగులను నిర్లక్ష్యం చేయొద్దు

వర్ని: వైద్యం కోసం వచ్చే రోగులను నిర్ల క్ష్యం చేయొద్దని ప్రభుత్వ ఆస్పత్రి సిబ్బందికి కలెక్టర్‌ రాజీవ్‌గాంధీ హనుమంతు సూచించారు. వర్ని మండల కేంద్రంలోని ప్రభుత్వ ఆస్పత్రితోపాటు పాత వర్నిలోని మహాత్మా జ్యోతిబా పూలే బాలికల హై స్కూల్‌ను కలెక్టర్‌ బుధవారం ఆకస్మికంగా తనిఖీ చేశారు. ఆస్పత్రిలో ఇన్‌, అవుట్‌ పేషెంట్లు, రోగులకు అందిస్తున్న మందులు తదితర వివరాలు అడిగి తెలుసుకున్నారు. బాలికల హైస్కూల్‌లో బియ్యం, కూరగాయలు, పప్పు దిను సులు, స్టోర్‌, వంట రూమ్‌లను కలెక్టర్‌ పరిశీలించారు. విద్యార్థులకు అందించే భోజనంలో నాణ్యత లోపిస్తే కఠిన చర్యలు తప్పవని స్పష్టం చేశారు. కలెక్టర్‌ వెంట తహసీల్దార్‌ సాయిలు, ఎంపీడీవో వెంకటేశ్‌, ఎంఈవో సాయిలు తదితరులు ఉన్నారు.

జాన్కంపేట్‌ అటవీ

ప్రాంతంలో చిరుత

ఎడపల్లి(బోధన్‌): ఎడపల్లి మండలం జాన్కంపేట్‌ అటవీ ప్రాంతంలో చిరుత సంచరిస్తోందని అటవీ అధికారులు నిర్ధారించారు. మంగళవారం సాయంత్రం బ్యాంకు అధికారి బైక్‌ను చిరుత వెంబడించిందని సమాచారం అందడంతో చిరుత ఆనవాళ్లను గుర్తించేందుకు బుధవారం అటవీప్రాంతంలో పర్యటించారు. ఫారెస్ట్‌ సెక్షన్‌ ఆఫీసర్‌ ప్రతాప్‌, బీట్‌ ఆఫీసర్‌ ప్రవీణ్‌రెడ్డి అటవీప్రాంతంలో చిరుత పాదముద్రలను గుర్తించారు. ఠాణాకలాన్‌, జానకంపేట్‌ అడవిలో పది కిలోమీటర్ల ప్రాంతంలో చిరుత సంచరిస్తోందని, గ్రామస్తులు ఒంటరిగా బయట తిరుగొద్దని సూచించారు. సీసీ కెమెరాలు ఏర్పాటు చేయడంతోపాటు చిరుతను బంధించేందుకు బోనులు ఏర్పాటు చేస్తామన్నారు. ఉన్నతాధికారులకు సమాచారం అందించామన్నారు.

ఆస్పత్రి కోసం

స్థల పరిశీలన

సిరికొండ: సిరికొండ మండలంలోని చీమన్‌పల్లిలో ప్రాథమిక ఆరోగ్య కేంద్రం భవన ని ర్మాణం కోసం స్థలాన్ని బుధవారం తహసీల్దార్‌ రవీందర్‌రావు పరిశీలించారు. గ్రామ పంచాయతీ భవనం వెనుక ఉన్న స్థలం అ నువుగా ఉంటుందని గ్రామ పెద్దల సమక్షంలో నిర్ణయించినట్లు ఆయన తెలిపారు. సర్వేయర్‌ స్వామి, గ్రామస్తులు పాల్గొన్నారు.

నేడు బీఆర్‌ఎస్‌

నిరసన కార్యక్రమాలు

నిజామాబాద్‌అర్బన్‌: కాంగ్రెస్‌ ప్రభుత్వం ఎ న్నికల హామీలను అమలు చేయాలని డిమాండ్‌ చేస్తూ గురువారం జిల్లా వ్యాప్తంగా పెద్ద ఎత్తున నిరసన కార్యక్రమాలు చేపడుతామని బీఆర్‌ఎస్‌ జిల్లా అధ్యక్షుడు, మాజీ ఎమ్మెల్యే ఆశన్నగారి జీవన్‌రెడ్డి ఒక ప్రకటనలో తెలిపారు. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఇచ్చిన పిలుపు మేరకు ఈ నిరసన కార్యక్రమాలు చేపడుతున్నట్లు ఆ యన పేర్కొన్నారు. మండల, నియోజకవర్గ, జిల్లాస్థాయిలో గాంధీ విగ్రహాలకు విన తిపత్రాలు ఇచ్చి ఎన్నికల హామీలు అమ లు చేయాలని ప్రభుత్వాన్ని డిమాండ్‌ చేస్తా మని ఆయన తెలిపారు. నిరసన కార్యక్రమాలలో అన్నివర్గాల ప్రజలు, బీఆర్‌ఎస్‌ శ్రేణులు, పెద్ద ఎత్తున పాల్గొనాలన్నారు.

ట్రాఫిక్‌ ఎస్సై బైక్‌ చోరీ

ఖలీల్‌వాడి: వాహనాల తనిఖీ చేపడుతున్న ట్రాిఫిక్‌ ఎస్సై బైక్‌ను ఎత్తుకెళ్లాడో దొంగ. ఈ ఘటన నగరంలోని కంఠేశ్వర్‌ బైపాస్‌లో మంగళవారం చోటు చేసుకుంది. కంఠేశ్వర్‌ బైపాస్‌ వద్ద ట్రాఫిక్‌ ఎస్సై బైక్‌ పార్క్‌ చేసి వాహనాలను తనిఖీ చేశారు. ఎస్సై తన పనిలో బిజీగా ఉండగా దొంగ వచ్చి బైక్‌ ఎత్తుకెళ్లాడు. తనిఖీలు అయ్యాక బైక్‌ వద్దకు వెళ్లే సరికి కనిపించలేదు. దీంతో ఉన్నతాధికారులకు సమాచారం అందించాడు. పోలీసులు సీసీ టీవీ ఫుటేజీ పరిశీలించి దొంగను పట్టుకున్నారు.

1/1

రోగులను నిర్లక్ష్యం చేయొద్దు