సత్రశాలలో కార్తిక పూజలు

సత్రశాలలో కార్తిక పూజలు

సత్రశాల(రెంటచింతల): ప్రముఖ శైవక్రేత్రమైన సత్రశాల శ్రీగంగా భ్రమరాంబిక సమేత మల్లికార్జున స్వామి దేవస్థానానికి కార్తికమాసం సందర్భంగా ఆదివారం వేలాది మంది భక్తులు తరలివచ్చారు. ప్రత్యేక పూజలు, హోమాలు నిర్వహించారు. ప్రధాన అర్చకులు చిట్టేల మల్లికార్జునస్వామి నేతృత్వంలో స్వామివార్లకు ప్రత్యేక పూజలతో పాటు పలురకాల అభిషేకాలను, హోమాలను నిర్వహించారు. మల్లన్నస్వామిని దర్శించుకున్నారు. 2వేల మందికిపైగా భక్తులకు, వివిధ మాలలు స్వీకరించిన మాలధారులకు అన్నదానం చేశారు. భక్తులు తెల్లవారు జాము నుంచి పవిత్ర కృష్ణానదిలో కార్తిక స్నానాలు ఆచరించి స్వామిని దర్శించుకున్నారు. ఓ భక్తుడు కార్తిక దీపాలతో ఏర్పాటు చేసిన శివలింగాకారం విశేషంగా ఆకట్టుకుంది. జెట్టిపాలెం గ్రామానికి చెందిన బాలికలు కోలాటం ప్రదర్శించారు. అనంతరం అన్నదానం చేసిన దాతలను దేవస్థానం ఈవో గాదె రామిరెడ్డి, అన్నదాన కమిటీ సభ్యులు సన్మానించారు.

1/2

సత్రశాలలో కార్తిక పూజలు

2/2

సత్రశాలలో కార్తిక పూజలు