గిరిజనాభివృద్ధికి ఐటీడీఏ పెద్దపీట : పీఓ

● గ్రీన్‌ఫీల్డ్‌ స్టేడియంలో ఘనంగా గణతంత్ర దినోత్సవం

సీతంపేట: గిరిజనాభివృద్ధికి ఐటీడీఏ పెద్దపీట వేస్తుందని పీఓ యశ్వంత్‌కుమార్‌ రెడ్డి అన్నారు. స్థానిక గ్రీన్‌ఫీల్డ్‌ స్టేడియంలో రిపబ్లిక్‌ డే ఆదివారం ఘనంగా నిర్వహించారు. ఆశ్రమ పాఠశాలలు, గురుకులాల విద్యార్థులు మార్చ్‌ఫాస్ట్‌ చేశారు. పీఓ గౌరవ వందనం స్వీకరించారు. జీసీసీ, ఉద్యానవన శాఖ, ట్రైబుల్‌ వెల్ఫేర్‌, వెలుగు, ఐసీడీఎస్‌ తదితర శాఖలు ఏర్పాటు చేసిన స్టాల్స్‌ ఎంతోగానో ఆకట్టుకున్నాయి. పీఓ స్టాల్స్‌ సందర్శించారు. ఈ సందర్భంగా ఆయన మాట్లాడుతూ ఐటీడీఏ ద్వారా అనేక అభివృద్ధి పథకాలు ప్రవేశపెట్టడం జరుగుతుందన్నారు. ఆశ్రమ పాఠశాలల్లో త్వరలో నాలుగో తరగతి ఉద్యోగాలను అవుట్‌ సోర్సింగ్‌ పద్ధతిలో భర్తీ చేయనున్నామన్నారు. ముఖ్యంగా గ్రామాల్లో రహదారులు, మంచినీరు, విద్యుత్‌ ఇతర సౌకర్యాలు కల్పించనున్నట్టు వెల్లడించారు. మెరుగైన వైద్యసేవలు అందించనున్నామన్నారు. ఉద్యానవన తోటల పెంపకంలో భాగంగా పైనాపిల్‌ను ప్రోత్సహించడానికి మారిషస్‌ పైనాపిల్‌ను ఈ ప్రాంతంలో పరిచయం చేశామన్నారు. పదో తరగతిలో ఉత్తమ ఫలితాలు సాదించడానికి ప్రణాళికలు రూపొందిస్తున్నట్టు తెలిపారు. కార్యక్రమంలో ఏపీఓ చిన్నబాబు, డీడీ అన్నదొర, ఈఈ రమాదేవి, డిప్యూటీ ఈఓ ప్రసన్నకుమార్‌, ఏటీడబ్ల్యూఓ మంగవేణి, ఏఎంఓ కోటిబాబు, ఏఈ నాగభూషణరావు, హెచ్‌ణో పి.జయశ్రీ తదితరులు పాల్గొన్నారు.