TV
ఏషియన్‌ ఛాంపియన్స్‌ ట్రోఫీ హాకీ టోర్నీమెంట్‌లో డిఫెండింగ్‌ ఛాంపియన్‌ భారత్‌ వరుసగా నాలుగో విజయం నమోదు చేసింది. దక్షిణ కొరియాతో ఇవాళ (సెప్టెంబర్‌ 12) జరిగిన మ్యాచ్‌లో భారత్‌ 3-1 గోల్స్‌ తేడాతో గెలుపొందింది. భారత్‌ తరఫున కెప్టెన్‌ హర్మన్‌ప్రీత్‌ సింగ్‌ రెండు, స్ట్రయికర్‌ అరైజీత్‌ సింగ్‌ హుండల్‌ ఓ గోల్‌ చేశారు. కొరియా చేసిన ఏకైక గోల్‌ను జిహున్‌ యంగ్‌ సాధించాడు. భారత్‌ తమ తదుపరి లీగ్‌ మ్యాచ్‌లో దాయాది పాకిస్తాన్‌తో తలపడనుంది.
ఈ మ్యాచ్‌ సెప్టెంబర్‌ 14న జరుగనుంది. భారత్‌ ఈ టోర్నీలో ఇదివరకే సెమీస్‌ బెర్త్‌ ఖరారు చేసుకుంది. టీమిండియా.. తమ తొలి మ్యాచ్‌లో చైనాపై 3-1 గోల్స్‌ తేడాతో.. రెండో మ్యాచ్‌లో జపాన్‌పై 5-1 గోల్స్‌ తేడాతో.. మూడో మ్యాచ్‌లో మలేసియాపై 8-1 గోల్స్‌ తేడాతో విజయం సాధించింది. భారత్‌ ఈ టోర్నీలో జయకేతనం ఎగురవేసి రికార్డు స్థాయిలో వరుసగా ఐదోసారి టైటిల్‌ కైవసం చేసుకోవాలని భావిస్తుంది.
Comments
Please login to add a commentAdd a comment