TV
వన్డే ప్రపంచకప్‌-2023లో వరుస విజయాలతో దూసుకుపోతున్న న్యూజిలాండ్‌కు బిగ్‌షాక్‌ తగిలింది. ఆ జట్టు కెప్టెన్‌ కేన్‌ విలియమ్సన్‌ చేతి వేలి గాయం కారణంగా టోర్నీలో మిగిలిన మ్యాచ్‌లకు దూరం కానున్నట్లు తెలుస్తోంది. ఈ మెగా ఈవెంట్‌లో భాగంగా బంగ్లాదేశ్‌తో జరిగిన మ్యాచ్‌లో ఫీల్డర్‌ విసిరిన త్రో.. విలియమ్సన్‌ ఎడమ చేతి వేలికి తాకింది.
దీంతో మైదానంలోనే నొప్పితో కేన్‌మామ విల్లావిల్లాడు. వెంటనే ఫిజియో చికిత్స అందించినప్పటికీ విలియమ్సన్‌కు నొప్పి మాత్రం తగ్గలేదు. దీంతో ఫిజియో సాయంతో విలియమ్సన్‌ మైదానం వీడాడు. ఆ తర్వాత విలియమ్సన్‌ను స్కానింగ్‌కు తరలించారు.
అయితే స్కాన్‌ రిపోర్ట్‌లో అతడి ఎడమచేతి బొటనవేలు విరిగినట్లు తేలింది. బొటనవేలి ఫ్రాక్చర్ నుంచి కోలుకోవడానికి 6 వారాల సమయం పట్టనున్నట్లు సమాచారం. ఈ క్రమంలోనే అతడు మిగిలిన మ్యాచ్‌లకు దూరమయ్యే ఛాన్స్‌ ఉ‍ంది. అయితే విలియమ్సన్‌ ప్రస్తుతం జట్టుతోనే ఉన్నాడు. అతడి ప్రత్యామ్నయంగా టామ్‌ బ్లండల్‌కు న్యూజిలాండ్‌ జట్టు మేనెజ్‌మెంట్‌ పిలుపునిచ్చింది.
కాగా ఐపీఎల్‌-2023 సందర్భంగా గాయపడిన విలియమ్సన్‌.. బంగ్లాదేశ్‌ మ్యాచ్‌తోనే తిరిగి రీ ఎంట్రీ ఇచ్చాడు. పునరాగమనం చేసిన మొదటి మ్యాచ్‌లోనే మళ్లీ గాయపడడం కివీస్‌కు గట్టి ఎదురు దెబ్బ అనే చెప్పాలి. కాగా బంగ్లాదేశ్‌తో జరిగిన మ్యాచ్‌లో 8 వికెట్ల తేడాతో న్యూజిలాండ్‌ ఘనవిజయం సాధించింది. ఇక న్యూజిలాండ్‌ తమ తదుపరి మ్యాచ్‌లో ఆక్టోబర్‌18న ఆఫ్గానిస్తాన్‌తో తలపడనుంది.
చదవండి: CWC 2023: భారత్‌-పాకిస్తాన్‌ మ్యాచ్‌.. తొలి ఓవర్‌లోనే రికార్డులు బద్దలు
Comments
Please login to add a commentAdd a comment