TV
వన్డే ప్రపంచకప్‌-2023లో అఫ్గానిస్తాన్‌ మరో అద్బుత విజయం సాధించింది. లక్నో వేదికగా నెదర్లాండ్స్‌తో జరిగిన మ్యాచ్‌లో 7 వికెట్ల తేడాతో అఫ్గాన్‌ విజయం సాధించింది. 180 పరుగుల లక్ష్యంతో బరిలోకి దిగిన అఫ్గానిస్తాన్‌ 31.3 ఓవర్లలో 3 వికెట్లు కోల్పోయి ఛేదించింది. అఫ్గాన్‌ బ్యాటర్లలో కెప్టెన్‌ షాహిదీ(56నాటౌట్‌) పరుగులతో టాప్‌ స్కోరర్‌గా నిలవగా.. రెహమత్‌ షా(52) పరుగులతో రాణించాడు.
డచ్‌ బౌలర్లలో వాన్‌బీక్‌, జుల్ఫికర్‌, వాండర్‌ మెర్వ్‌ తలా వికెట్‌ సాధించారు. ఈ విజయంతో అఫ్గానిస్తాన్‌.. పాకిస్తాన్‌ వెనక్కి నెట్టి పాయింట్ల పట్టికలో ఐదో స్ధానానికి చేరింది. కాగా ఈ మ్యాచ్‌లో మొదట బ్యాటింగ్‌ చేసిన నెదర్లాండ్స్‌.. 46.3 ఓవర్లలో కేవలం 179 పరుగులకే కుప్పకూలింది.
డచ్‌ బ్యాటర్లలో నలుగురు రనౌట్ల రూపంలో వెనుదిరిగారు. అఫ్గాన్‌ బౌలర్లలో నబీ మూడు వికెట్లు పడగొట్టగా.. నూర్‌ అహ్మద్‌ రెండు, ముజీబ్‌ ఒక్క వికెట్‌ సాధించాడు. నెదర్లాండ్స్‌ బ్యాటర్లలో సిబ్రాండ్ ఎంగెల్‌బ్రెచ్ట్(58) పరుగులతో టాప్‌ స్కోరర్‌గా నిలిచాడు.
Comments
Please login to add a commentAdd a comment