కప్పరాళ్లతిప్ప వద్ద తప్పిన ప్రమాదం

కప్పరాళ్లతిప్ప వద్ద తప్పిన ప్రమాదం

బిట్రగుంట: బోగోలు మండలం కప్పరాళ్లతిప్ప వద్ద ఏషియన్‌ హైవేపై ఆదివారం త్రుటిలో ప్రమాదం తప్పింది. పోలీసులు, స్థానికుల కథనం మేరకు.. హైదరాబాద్‌ నుంచి చైన్నె వైపు వెళ్తున్న ట్రాలీ లారీ తిప్ప వద్ద ఫ్లై ఓవర్‌ దిగే సమయంలో అదుపుతప్పి డివైడర్‌ మీదుగా అవతలి రోడ్డులోకి దూసుకొచ్చింది. అదే సమయంలో అవతలి రోడ్డులో చైన్నె నుంచి విజయవాడ వైపు వెళ్తున్న కంటైనర్‌ లారీని ట్రాలీ లారీ ఢీకొట్టి నిలిచిపోయింది. ఈ ప్రమాదంలో ట్రాలీ లారీ డ్రైవర్‌, క్లీనర్‌ స్వల్పంగా గాయపడ్డారు. ఈ సమయంలో వాహనాల రాకపోకలు పెద్దగా లేకపోవడంతో త్రుటిలో భారీ ప్రమాదం తప్పింది. కాగా రోడ్డు ప్రమాదం కారణంగా ట్రాఫిక్‌ అంతరాయం ఏర్పడటంతో బిట్రగుంట పోలీసులు ఘటనా స్థలానికి చేరుకుని వాహనాల రాకపోకలను క్రమబద్ధీకరించారు. కేసు నమోదు చేసి దర్యాప్తు చేపట్టారు.