టీడీపీని వీడి వైఎస్సార్‌సీపీలో చేరిక

టీడీపీని వీడి వైఎస్సార్‌సీపీలో చేరిక

నెల్లూరు(బారకాసు): నెల్లూరు రూరల్‌ నియోజకవర్గంలో అధికార టీడీపీ నుంచి వైఎస్సార్‌సీపీలోకి భారీగా చేరికలు జరిగాయి. సోమవారం చింతారెడ్డిపాళెంలోని ఆనం విజయకుమార్‌రెడ్డి నివాసంలో 30వ డివిజన్‌ యువ నాయకుడు వీరప్పరెడ్డి ప్రవీణ్‌కుమార్‌రెడ్డి ఆధ్వర్యంలో టీడీపీ నుంచి 200 మంది యువత వైఎస్సార్‌సీపీలో చేరారు. వీరందరికీ ఆనం విజయకుమార్‌రెడ్డి పార్టీ కండువా కప్పి సాదరంగా ఆహ్వానించారు. ఈ కార్యక్రమంలో జెడ్పీ చైర్‌పర్సన్‌ ఆనం అరుణమ్మ, వైఎస్సార్‌సీపీ జిల్లా ఉపాధ్యక్షుడు చెవిరెడ్డి ప్రభాకర్‌రెడ్డి, మాజీ కార్పొరేటర్‌ మదన్‌మోహన్‌రెడ్డి, జిల్లా అధికార ప్రతినిధి రావు శ్రీనివాస్‌రావు(ఆర్‌ఎస్‌ఆర్‌), నారాయణరెడ్డి, నవీన్‌రెడ్డి, ఇక్బాల్‌, మహిళా నాయకురాలు రోజారాణి, వాసంతితో పాటు 30వ డివిజన్‌ నాయకులు తదితరులు పాల్గొన్నారు.