సాయీ.. సర్వమూ నీవేనోయీ

సాయీ.. సర్వమూ నీవేనోయీ

ప్రశాంతి నిలయం: సత్యసాయిపై కృతజ్ఞతను చాటుతూ విద్యార్థులు నిర్వహించిన సాంస్కృతిక కార్యక్రమాలు భక్తులను అలరించాయి. పుట్టపర్తిలోని సత్యసాయి ఈశ్వరమ్మ ఇంగ్లిష్‌ మీడియం ఉన్నత పాఠశాలకు చెందిన పది, పదకొండు తరగతులు పూర్తి చేసుకున్న విద్యార్థులు బుధవారం సాయంత్రం ప్రశాంతి నిలయంలోని సాయికుల్వంత్‌ సభా మందిరంలో పలు సాంస్కృతిక కార్యక్రమాలు నిర్వహించారు. ఈ సందర్భంగా విద్యార్థులు సత్యసాయి తన మాతృమూర్తి ఈశ్వరమ్మ కోరిక మేరకు పుట్టపర్తిలో విద్య, వైద్య సంస్థలు నెలకొల్పిన విధానాన్ని పాటల రూపంలో వివరించారు. సాయీ..సర్వమూ నీవేనోయి అంటూ సత్యసాయి సేవలను, ప్రేమ తత్వాన్ని చక్కటి పాటలతో వివరించారు. సత్యసాయి సేవలను నృత్య ప్రదర్శన రూపంలో ప్రదర్శించారు. చిన్నారుల చక్కటి స్వరాలు, నృత్య ప్రదర్శన భక్తులను పరవశింపజేసింది. అనంతరం మంచి మార్కులతో పాటు ప్రవర్తనలో మేటిగా నిలిచిన విద్యార్థులకు సత్యసాయి సెంట్రల్‌ ట్రస్ట్‌ మేనేజింగ్‌ ట్రస్టీ ఆర్‌జే రత్నాకర్‌ రాజు, ఆయన సతీమణి హిమ వాహిణి సర్టిఫికెట్లు ప్రదానం చేశారు.

శ్రవణానందభరితంగా సాగిన

సంగీత కచేరీ

1/2

సాయీ.. సర్వమూ నీవేనోయీ

2/2

సాయీ.. సర్వమూ నీవేనోయీ