వివరణ కోరిన కలెక్టర్‌

వివరణ కోరిన కలెక్టర్‌

ఎచ్చెర్ల క్యాంపస్‌: డాక్టర్‌ బీఆర్‌ అంబేడ్కర్‌ విశ్వవిద్యాలయంలో తొలగించిన 34 మంది ఔట్‌ సోర్సింగ్‌ ఉద్యోగులు జిల్లా కేంద్రంలోని మీకో సం పబ్లిక్‌ గ్రీవెన్స్‌సెల్‌లో ఈ నెల 6న ఫిర్యాదు చేశారు. ఈ మేరకు వర్సిటీ అధికారులను కలెక్టర్‌ వివరణ కోరినట్లు సమాచారం. ఎందుకు తొలగించారు, ఎలాంటి నిబంధనలు పాటించారు, గతంలో ఎలా నియమించారు వంటి అంశాలపై వివరణ ఇవ్వాలని సూచించినట్లు సమాచారం.

ప్రతి కార్యకర్తకు అండగా ఉంటాం

నందిగాం: వైఎస్సార్‌ సీపీ కార్యకర్తలకు ఎల్లప్పుడూ తాము అండగా ఉంటామని వైఎస్సార్‌సీపీ జిల్లా అధ్యక్షుడు ధర్మాన కృష్ణదాస్‌ అన్నా రు. ఇటీవల అక్రమ కేసులో అరెస్టయ్యి విడుదలైన నందిగాంకు చెందిన పార్టీ నాయకుడు జడ్యాడ జయరాంను వైఎస్సార్‌సీపీ టెక్కలి ఇన్‌చార్జి పేరాడ తిలక్‌తో కలిసి ఆయన పరామర్శించారు. కేసు నమోదు చేసిన విధానం, పోలీసులు వ్యవహరించిన తీరును అడిగి తెలుసుకున్నారు. అలాగే మండలంలో కూటమి ప్రభు త్వం వచ్చిన తర్వాత పలువురు చిన్న ఉద్యోగులను తొలగించిన విధానం, అక్రమంగా పెడుతున్న కేసులను తిలక్‌ కృష్ణదాస్‌కు వివరించారు. కూటమి ప్రభుత్వ అసలు రూపాన్ని జనం తెలుసుకుంటున్నారని కృష్ణదాస్‌ అన్నారు. త్వరలో వీరికి బుద్ధి చెప్పే రోజులు వస్తాయన్నారు.

వ్యక్తి అనుమానాస్పద మృతి

రణస్థలం: మండలంలోని వెంకటరావుపేట గ్రామ సమీప తోటల్లో కడగళ్ల త్రినాథరావు(42) అనే వ్యక్తి అనుమానాస్పద స్థితిలో మృతి చెందాడు. జేఆర్‌ పురం పోలీసులు, స్థాని కులు తెలిపిన వివరాలు ప్రకారం మండలంలోని దేరసాం గ్రామానికి చెందిన త్రినాథ రావు గ్రామాల్లోని వివాహ, ఇతర కార్యక్రమాలకు, హోటల్‌లో వంట చే స్తూ జీవనం సాగిస్తున్నాడు. శనివారం ఉద యం ఇంటి నుంచి బయల్దేరిన వ్యక్తి వెంకటరావుపేట గ్రామ కూడలి వద్ద ఉన్న ఒక షాపు వద్ద 9.05 గంటల సమయంలో బైక్‌ నిలిపి ఏదో వస్తువు తీసుకుని సమీప తోటల్లోకి వెళ్లినట్లు సీసీ కెమెరాలో కనిపించింది. అప్పటి నుంచి ఆ ద్విచక్రవాహనం అక్కడే ఉంది. శనివారం రా త్రి ఇంటికి రాకపోవడంతో భార్య శారద, కు టుంబ సభ్యులకు చుట్టుపక్కల వారికి సమా చారం ఇవ్వడంతో ఆదివారం అంతా కలిసి వెతికారు. మధ్యాహ్నం 12గంటల సమయంలో రోడ్డు పక్కన షాపు వద్ద ద్విచక్ర వాహనం గుర్తించారు. సమీప తోటల్లో త్రినాథరావు విగతజీవిగా పడి ఉన్నాడు. పోలీసులు, క్లూస్‌ టీం సభ్యులు సంఘటన స్థలాన్ని పరిశీలించారు. కుటుంబ సభ్యులు ఇచ్చిన ఫిర్యాదు మేరకు జేఆర్‌ పురం ఎస్‌ఐ ఎస్‌.చిరంజీవి అనుమానాస్పద కేసుగా నమోదు చేశారు. మృతునికి భార్య శారద, ఇద్దరు కుమార్తెలు, ఒక కుమారుడు ఉన్నారు.

1/1

వివరణ కోరిన కలెక్టర్‌