గాంధీ చూపిన బాటలో నడుద్దాం

గాంధీ చూపిన బాటలో నడుద్దాం

అనంతగిరి: మహనీయుల త్యాగమే మనం పొందుతున్న స్వాతంత్య్ర ఫలాలని అదనపు కలెక్టర్‌ సుధీర్‌ అన్నారు. గురువారం కలెక్టరేట్‌ సమావేశ మందిరంలో అమరవీరుల సంస్మరణ దినోత్సవం, మహాత్మా గాంధీ వర్ధంతిని ఘంగా నిర్వహించారు. ఈ సందర్భంగా ఆయన మాట్లాడుతూ.. బ్రిటీష్‌ పాలకుల నుంచి దేశ విముక్తి కోసం ఎంతో మంది ప్రాణత్యాగం చేశారని అలాంటి వారికి స్మరించకోవాలన్నారు. 200 సంవత్సరాలు ఆంగ్లేయులు మన దేశాన్ని పాలించిన క్రమంలో సాయుధ పోరాటంతో పాటు శాంతియుత పోరాటాన్ని జరిపి స్వాతంత్య్రాన్ని పొందామని ఆయన తెలిపారు. అల్లూరి సీతారామరాజు, మొదటి తుపాకి పట్టిన మంగలి పాండే, కొమరం భీమ్‌, దొడ్డి కొమరయ్య లాంటి వారు తమ ప్రాణాలు సహితం అర్పించారని తెలిపారు. నల్లజాతుల ప్రజల హక్కుల కోసం శాంతియుత పోరాటం చేసిన నెల్సన్‌ మండేలాను గుర్తు చేసుకోవాల్సిన అవసరం ఉందన్నారు. కార్యక్రమంలో జిల్లా సాంఘిక సంక్షేమ శాఖ అధికారి మల్లేశం, ఏఓ ఫర్హీన్‌, జిల్లా అధికారులు పాల్గొన్నారు.

అదనపు కలెక్టర్‌ సుధీర్‌