నేడు కల్యాణలక్ష్మి చెక్కుల పంపిణీ

నేడు కల్యాణలక్ష్మి చెక్కుల పంపిణీ

తాండూరు రూరల్‌: పట్టణంలోని ఎమ్మెల్యే క్యాంప్‌ కార్యాలయంలో శుక్రవారం లబ్ధిదారులకు కల్యాణలక్ష్మి, షాదీముబారక్‌ చెక్కుల పంపిణీ చేయనున్నట్లు తహసీల్దార్‌ కేతావత్‌ తారాసింగ్‌ గురువారం ఒక ప్రకటనలో తెలిపారు. మధ్యహ్నం 3 గంటలకు 112మంది లబ్ధిదారులకు ఎమ్మెల్యే మనోహర్‌రెడ్డి చెక్కులు అందజేస్తారని తెలిపారు.

డీఆర్‌ యూసీసీ సభ్యుడిగా నరోత్తంరెడ్డి

అనంతగిరి: సికింద్రాబాద్‌ డివిజనల్‌ రైల్వే వినియోగదారుల సంప్రదింపుల కమిటీ సభ్యుడిగా వికారాబాద్‌కు చెందిన బీజేపీ పట్టణ మాజీ అధ్యక్షుడు పట్లోల్ల నరోత్తంరెడ్డిని నియమించారు. ఈ మేరకు సౌత్‌ సెంట్రల్‌ రైల్వే డిప్యూటీ జనరల్‌ మేనేజర్‌ గురువారం ఉత్తర్వులు జారీ చేశారు. నరోత్తంరెడ్డి రెండేళ్లపాటు పదవిలో కొనసాగనున్నారు. ప్రయాణికుల సౌకర్యాలను మెరుగుపరచడానికి, రైల్వే స్టేషన్ల లో మౌలిక సదుపాయాలను కల్పించడానికి, రైల్వే అధికారులతో ఎప్పటికప్పుడు సమన్వ యం చేసుకుంటూ ముందుకు వెళ్తానని నరోత్తంరెడ్డి తెలిపారు. ప్రయాణికుల సమస్యల పరి ష్కారం కోసం ఎంపీ కొండా విశ్వేశ్వర్‌ రెడ్డి సహకారంతో కృషి చేస్తానని పేర్కొన్నారు. తన నియామకానికి కృషి చేసిన బీజేపీ జిల్లా అధ్యక్షుడు మాధవరెడ్డికి కృతజ్ఞతలు తెలిపారు.

రైతు భరోసాకు

దరఖాస్తు చేసుకోండి

ధారూరు: రైతు భరోసా పథకం కింద లబ్ధి పొందడానికి కొత్తగా పట్టాదారు పాసుపుస్తకాలు పొందిన రైతులు శుక్రవారం వరకు దరఖాస్తు చేసుకోవాలని మండల వ్యవసాయ అధికారి సూర్యప్రకాశ్‌ ఒక ప్రకటనలో తెలిపారు. అర్హులైన రైతులు ఆయా క్లస్టర్‌ ఏఈఓలకు తమ దరఖాస్తులు అందజేయాలని సూచించారు. దరఖాస్తు ఫారంతో పాటు ఆధార్‌కార్డు, బ్యాంకు పాసుబుక్‌, పట్టాదారు పాసుబుక్‌ జిరాక్స్‌ కాపీలను జత చేయాలన్నారు.